Tripela Samting long Holim Long Tingting

Dispela tok holim long tingting em i kamap planti taim insait long Buk Momon. Nephi strongim bel bilong ol brata bilong em long holim long tingting bilong ol long hau God i bin seivim ol tumbuma bilong ol. King Benjamin bin askim ol pipol bilong em long holim long tingting olsem God em i bikpela na impoten moa yet. Na Moroni i tokim ol lain ol i wok long ridim raiting bilong em long holim long tingting olsem Bikpela em save soim bikpela marimari.

Long holim Sevia long tingting bilong yumi em i nambawan samting—yumi mekim kavanen wantaim em tu long holim Em long tingting bilong yumi wanwan taim yumi save kisim sakramen. Presiden Eyring askim yumi long holim ol dispela tripela samting long tingting bilong yumi long taim bilong sakramen:

1. Holim Jisas Krais long tingting bilong yumi: Ridim ol skripsa long hau Sevia sevim na soim lav bilong Em long ol narapela. Yu save pilim lav bilong Em olsem wanem? Hau bai yu inap long sevim na soim lav bilong yu long ol narapela olsem Sevia i bin wokim?

2. Tingim wanem samting yu nid long wokim gut moa: Tingim gut ol samting yu wokim long wik i go pinis wantaim tanim bel pasin long bel bilong yu. Kisim wanpela samting yu inap long senisim, na raitim i go daun hau bai yu mekim dispela samting soim moa gut. Putim dispela gol bilong yu long wanpela hap we yu bai inap long lukim planti taim.

3. Tingim gohet yu wok long mekim kamap: Askim God long halivim yu long lukim dispela gutpela gohet yu wok long mekim kamap. Raitim go daun yu pilim olsem wanem.

Yumi i no nambawan tumas, tasol Sevia i save long dispela. Olsem na Em i askim yumi long holim Em long tingting bilong yumi. Taim yumi holim Em long tingting bilong yumi dispela i givim yumi hop na halivim yumi long kamap gut moa yet. Na tu long ol dispela taim, taim yumi i no holim Em long tingting bilong yumi, Presiden Eyring i tok, “Em bai olgeta taim holim yumi long tingting bilong Em.”