Momourki Mour Sarawi ehu

“Pwehn kasarawiala iei en katohrehla de kasarawiala mehkot sarawi ong pwukoah sarawi kan,” Elder D. Todd Christofferson en Pwihn en Wahnparon Ehk-riemeno mahsani. “Kitail kin pweida ma kitail katohrehla atail mour kan—ni mehlel, atail ansou oh pilipil kan—ong sapwellimen Koht doadoahk kan.”¹

Elder Neal A. Maxwell (1926–2004) en Pwihn en Wahnparon Ehk-riemeno mahsani, “Kitail kin medewe me kasarawi kin wiawi ongete katorohrlahn, atail dipwisou kan, ansou me ngehno kin tih pohtail. Ahpw meirong unseko iei en katohrehla ahi mour unseko ong Koht.”²

Ni atail kin katohrehla atail mour kan ong doadoahk en Koht, atail pwoson Sises Krais oh Sapwellime Tomwo kin kehlailla. Ni atail kin momourki mour katohrohrla ehu, kitail kak mwakelekella pwehki mwekid pwuko.

Carole M. Stephens, Sounsawas Keieu nan Presidensi en Pwihn en Sawas en Lih, nda me: “Elder Robert D Hales padahngki me, ‘Ni atail kin wiahda oh kolokol inou kan, kitail kin pidohisang nan sampah oh pidelong nan wehin Koht.’

“Kitail wekilahr. Mwoamwatail oh atail wiewia kin wekila. Dahme kitail kin rong oh wadek oh nda kin wekila, oh dahme kitail likauwih kin wekila pwehki kitail wialahr sapwellimen Koht oh patehngla Ih sang ni inou.”³

Katohrohrla iei inou kapw me Koht wiahiong “mehn Israel pahn duwe met: I pahn kihdi ei kosonned nan kapehdirail kan oh ntingihediong nan mohngiongirail kan. I pahn wiahla ar Koht, oh re pahn wiahla nei aramas” (Seremeia 31:33). Momourki mour katohrohrla ehu kin utung koasondi en Koht ong kitail.