Popohl en Tohnpadahk en Sises Krais

Miehier rahn ehu me sohte mwahu ong kumwail? Dahme kumwail wia pwehn perenda? President Uchtdorf wehwehki me “mie en emen emen kitail mohngiong ohla kan, sohpweida kan, oh kansensuwed kan.” Kitail kin kak mwarosala oh ekei ansou duhla nan kahpwal.”

Pwehn kapwungala, dene kitail en momourki “mour en tohnpadahk men”: “kolokol atail pwoson oh wie mwekmwekid kohwei ni pwoson.” Ni atail wie kohkohwei mwowe ki pwoson, kitail pahn kak liki Koht, kapwaiada Sapwellime kosonned akan, oh papah mehteikan—oh ahneki peren nan mepwukat koaros. Ihme Presiden Uchtdorf mahsaniher, “Irail kan me momourki mour en tohnpadahk … iei irail me arail wiewia tikitik kan kin kalap wiahda katep laud.”

Medewe kumwail en ntingiedi wiepehkan me kumwail kak momourki mour en tohnpadahk emen. Karasepe, kumwail kak ntingiedi ehu wiepen papah me duwehte “Sewese pahpa/nohno kaunopada mwengehn soutik” de ehu me pid kolokol kosonned akan me duwehte “Kapakapki ken ahneki kanengamah ohng riomwkan.” Ansou me kumwail pwurehng pwunodada de pwangada, ale ehu me kumwail ntingiedierko oh song doadoahngki!