Pweng ke Forfor Luti, Ohkohs 2017
Moulkihn Moul Ahkmuhtahlyeyucklac se
Pruhe in lutlutkihn kuhfa se inge ac suk kolyuck in etuh ma in akacsruhi kac. Kahlwem ke srihpac luhn Rilif Sosaiti ac ahkoelah fuhkah tuhlihk muhtwacn nuhtin God nuh ke mwe insewowo ke moul ma pahtpaht uh?
Luhlahlfongi Sucu Kahsruh
“In ahkmuhtahlye pa in ahkinsewowoyelah kuh in kihsackuhnlah sie ma sacohk muhtahl, olwelah nuh ke srihpac muhtahl,” fahk Elder D. Todd Christofferson ke U luhn Mwet Sap Singucul Luo. “Kuhtanglah pwacye ke moul uh tuhkuh ke kuht ahkmuhtahlye moul—oasr pa nuh ke, pacl lasr ac sulwaclah—lasr nuh ke srihpac luhn God.”1
Elder Neal A. Maxwell (1926–2004) ke U luhn Mwet Sap Singucul Luo fahk, “Kuht oacna in nuhnkuh muh ke kuht fuhlweack ma sacohklacna lasr muhkwena, oacna ke sapkihnyuck, pa mwe ahkinsewowo muhtahl se uh. Tuhsruhk mwet se in eisaclacng nuh sin God pa mwe ahkinsewowo muhtahl se yohk emet uh.”2
Ke kuht ahkmuhtahlye kuht sifacna nuh ke srihpac luhn God, luhlahlfongi lasr kacl Jisus Kraist ac ke Iwaclah Lal fah yohkwelihk. Ke kuht moulkihn moul ahkinsewowoyeyuck, kuht kuh in oreklac in muhtahl fal nuh ke ohiyacsr.
Carole M. Stephens, Mwet Kahsruh Se Met ke Prestuhnsi luhn Rilif Sosaiti, fahk: “Elder Robert D. Hales el luti, ‘Ke kuht oraclah ac liyacacng olwelah, kuht tuhkuh liki facluh ac ilyak nuh ke tohkohsrahi luhn God.’
“Kuht eklac. Siena atacsr, ac kuht mukwikwi siena. Ma kuht lohng ac riti ac fahk uh siena, ac ma kuht nukum uh siena mweyen kuht ekihn tuhlihk muhtwacn nuhtin God kuhpahsryang nuh Sel ke olwelah.”3
Ahkmuhtahlye pa wuhlweacng se God el oraclah “yurin mwet Israel fah ouinge: Nga fah likiya ma sap luk in elos, ac simusla insialos. Nga fah God lalos, ac elos fah mwet luk” (Jeremiah 31:33). Moulkihn moul ahkinsewowoyeyuck uh kuhpahsryang nuh ke plwacn luhn God nuh sesr.
Ma Suhmuhslah Ituckyang Sahyac
Sie Thessalonica 1:3; Doctrine and Covenants 105:5;
© 2017 sel Intellectual Reserve, Inc. Kuh ac suwohs nuh kwewa fihliyucki. Sihmlac fin acn USA. Ahkkweyeyucklac ke kahs English: 6/17. Ahkkweyeyucklac ke lweng: 6/17. Lwenglah luhn Visiting Teaching Message, August 2017. Kosraean. 97928 868