Engan oacna Mwet Tuhma Lutlut luhn Jisus Kraist

Kuh nuh oasr lwen koluk lom? Meac kom ac oruh in ahkenganye kom? Prestuhn Uchtdorf el etuh lah “oasr mwe ahkngalye insiyacsr, mwe ahktoasr, ac mwe ahsor lasr. Kuht kuh in puhla muhnahslah ac ke pacl kuht toasrlah.”

Srihpac Lal uh pa in moulkihn ma el pahngon “moul luhn mwet tuhma lutlut se”: “sruokyac luhlahlfongi ac kwacfweacng in fahsr nuh met ke luhlahlfongi.” Ke kuht fahsr nuh met ke luhlahlfongi, kuht kuh in luhlahlfongi God, liyacacng masap Lal, ac kuhlwacnsuhpuh mwet sahyac—ac puhla engan ke ma ingacn nohfohn! Ke Prestuhn Uchtdorf el fahk, Elos suc moulkihn moul luhn mwet tuhma lutlut … pa elos suc orekma srihsrihk la fah kuh in oraclah eklac yohk.”

Nuhnkuh in suhmuhslah kuhtuh ohiyac kom kuh in oruh oacna moul luhn mwet tuhma lutlut. Pa nuh ke, kom kuh in suhmuhslah nuhnak in kuhlwacnsap kain nuh ke “Kahsruh ninac ac pahpah in oraclah mongo in ekuh” kuh nuhnak se in liyacacng masap kain nuh ke “Pruhe in oasr muhtweng yohk luhn tuhlihk wiyuck.” Pacl se tok kom ac puhla fohsack ac toasrlah, olwack ma tahk soko kom suhmuhslah an, sulwaclah sie nuhnak ah, ac srihke!