Hore ba be bongweng

“Jesu o fihleletse kamano e phethahetseng le Ntate ka ho Ikoba, bobedi mmele le moya, thatong ya Ntate,” ke se rutuweng ke Moholo D Todd Christofferson wa Lekhotla la Barumuwa ba Leshome le Metso e Mmedi.

“… annete re keke ra ba bongweng le Modimo le Motlotsuwa wa Hae ho filha re etsa thato ya Bona, le di thahasello tsa Bona eba takatso e kholo ho rona. Boikokobetso bo tjena ha bo fihlellwe ka letsatsi le le leng, empa ka Moya o Halalelang, Morena o tla re ruta ha feela re ratile, e tle e re ha nako e ntse eeya, ka bonnete ho tle hothwe, O ho rona jwalo ka Ntate a le ho Ena.”¹

Linda K. Burton, Mookamedi wa Mokhatlo wa Thekolohelo, o ile a ruta hore naa bongwe bona bo fihlellwa jwang: “Ho etsa le ho boloka dilekane ke ketso-pontsho ya boitlamo hore re tswane le Mmoloki”. Sebatlehang ke ho leka ka mokgwa oo o fumanehang mantssweng a mmalwa a sefela: ke tla ya moo o batlang ke ye teng. … Ke tla bua seo o batlang ke sebue. … Ketla ba seo o batlang ke be sona.’”²

Moholo Christofferson le ena o ile a re hopotsa hore “ha re ntse re leka ka tsatsi le leng le le leng le ka nako tsohle ho latela tsela ya Motlotsuwa, boemo-tiyo ba moya wa rona boya ipolela, ntoa e ka hare ho rona eya kokobela, le diteko di tlohela ho re khathatsa.”³

Neil F. Marriott, Moeletsi wa Bobedi wa Bookamedi ba Kakaretso ba Barwetsana, o beha bopaki ka dihlohonolofatso tseo re ka di fumang ha re leka ka matla ho ipeha thatong ya Modimo: “Ke ne ke lwantshana le ho tebela ditakatso tsa dintho tsa botho tsa hore ntho e nngwe le e nngwe e be ka moo ke ratang, qetellong ka lemoha hore tsela tsaka dia fokola, ha di na nhla, ebile di boemo bo faatshe papisong le tsa Motlotsuwa Jesu. Tsela ya Hae ke tsela e isang thabong bophelong bona, le e isang bophelong bo sa feleng lefatsheng le tlang.”⁴ Ha re leke ka matla le ka boikokobetso ho tshwana le Ntata rona ya Mahodimong le Mora wa Hae Motlotsuwa Jesu.