Kuhlwacnsapuh Mwet Sahyac ke Luhlahlfongi

Prestuhn Uchtdorf el fahk nuh sesr lah luhlahlfongi lasr ke God enenuh in “wi orekma fahsr.” Ke luhlahlfongi lasr “kuhpahsryang nuh ke orekma,” el ahkuhtweyac, el “nwacklah … nguhna uh ke mihslac ac luhngse.” Ke olwelah nuh ke mwe insewowo se inge, kuht kuh in oruh eklac, ac kuht kuh in liye ma se inge ke moul lasr fin kuht sang pacl lasr in oruh kuhlwacnsap lasr-ke luhlahlfongi. Kom kuh in pruhe ke kais sie lututacng in siyuck sin Leum ke kahsruh in kuhlwacnsuhpuh mwet sahyac. Pa nuh ke, siyuck Sel in ahkkahlwemye nuh sum ke pacl tuhlihk wiyom enenuh kahsruh ke ma kunaclos kuh ke pacl sie kawuck el enenuh kahs in ahkkweye. Na, fin kom eis kolyuck, sroacng oruh! Fin kom oruh tuh pruhe ac kuhlwacnsap inge in mwe pahlah se lom, na luhlahlfongi, ac orekma lom ac ahkinsewowoye moul lom ac moul luhn mwet sahyac. Prestuhn Uchtdorf el olwelah muh kom “kuh in ekuhllah kais sie mwet, sucu, muhtuhnfacl, ac facluh.”