Iwaclah luhn Kraist Pa Ma Sikyak ke Luhngse luhn God

In kahlwem lah Pahpah tuhmasr Inkuhsrao El use Wen Kuloh Sefanna tuh kuht in eis moul kawihl ac kuh nuh ke moul ma pahtpaht ac kahsrwe kuht puhla luhngse wacngihn sahflahiyac ac koflah motkweyuck nuh sesr. Mwet Lahngo lasr El luhngse kuht pac.

“Na su ku in srikutla liki lungse lun Christ? …

“Tuh nga etu na pwaye lah wangin ma ku in srikutla liki lungse lal: tia misa ku moul, tia lipufan ku kutena ku inkusrao, tia ma oasr inge ku ma ac fah tuku,

“Tia ma oan lucng liki faclu, ku ma oan ten liki faclu–wangin sin orekla nukewa su ac fah ku in srikutla liki lungse lun God, su ma lasr ke Christ Jesus Leum lasr” (Rome 8:35, 38–39).

Ke Iwaclah luhn Jisus Kraist, Elder D. Todd Christofferson ke U luhn Mwet Singucul Luo ah fahk: “Kweok luhn Mwet Lahngo Gethsemane ac ngal Lal fin sahksin moli kuhtlac liki ma koluk ke ahkfalye sap ma nuhnuhnkuh fihliyac facsr uh. El tahfwelah pahkomuhta ac nuhnak muhnahs nuh sin mwet suc auliyak uh. Iwaclah luhn Jisus Kraist oacyacpac ahkfalyelah molin nuhnuhnkuh nuh sesr ke onwelah ac moli kuhtlac liki kuhtwena kweok kuht kampare in muhtwacnglah uh. ‘Tuh liye, El kweokkihn kweok luhn mwet nuhkwewa, ahok, mwe kweok luhn ma moul nuhkwewa, kwewana mukul, muhtwacn, ac tuhlihk, suc ma ke sucu lal Adam’ (2 Nephi 9:21; liye pac Alma 7:11–12).”¹

Kraist El “simusla ine [lasr] uh lun pahol” (Isaiah 49:16). Linda K. Burton, Prestuhn Luhlahp luhn Rilif Sosaiti, el fahk, “Mukwikwi yohk ke luhngse enenuh in suhpwaclah kais sie sesr ke intwesr in puhsisacl in pruhe in kuloh nuh sin Pahpah tuhmwacsr Lucng ke el luhngse kuht fal in oruh El suhpwacma Wen Kuloh ac suwohs Sefanna Nahtuhl in kweok ke ma koluk lasr, kweok luhn insiyacsr, ac ma nuh kwewa ma oacna in tiac fal ke moul lasr sifacna uh.”²