Pruhe nuh ke Mihslac

Pahpah ninac kiyuck ah kwacna wi miting tukun alu ac, ac nga ac liyacacng tamuhlwel fuhsr tolu wiyuck ah ac kahsrwelos oraclah mongo infulwacn lwen lalos—finne elos kwacna sa foloyak ac masrinsrwacl. Inkaiyacn pacl uh fin elos muhtwacwacack acnwuck, nga kuh in sana ahkwoyelah elyah srihsrihk uh. Tuhsruhk kuhtuh pacl uh ac upac in oraclah mihslac ke sie acnwuck ac muhtwacwacack uh ke srihpen kihructructwack luhk.

Sie ekuh ah, tamuhlwel wiyuck ah upac na pwacye nuh selos in tuhkweni. Nga sokwack lah kuhiyuck in oraclah mihslac uh oraclah muhkwena ma uh upaclah ke srihpen nga foloyak ah. Na oruh nga sifacna oraclah lunch se luhk ac tui tilac sramsram. Sahflahiyac, nga ahkkahlwemye, “Nga ac pruhe. Kuh kuht kuh in nuhnak muhnahs mihslac kihtin pacl?” Ke pacl se elos ami ac, nga siyuck ke sie mwe insewowo nuh ke mongo uh. Met liki ngwac kaliyac pruhe uh, nga sang pac, “Ac nuhnak muhnahs kahsrwe kuht in mwet oraclah mihs.”

Met na, oacna elos in tiac lohng ac muhtwacwacack in sifil acnwuck. Nga kasrkuhsrakwack tuhsruhk nga etuh lah nga enenuh in luhngse ac mihs ke kuhiyuck ke srihpen nga tuhfahna pruhe siyuck ke mihs. Tukun minit se, nga puhla na pwacye mihs. Nga mongo tena fahk kuhtwena ma, ac tuhlihk mukul ac sahflahiyac tui tilac acnwuck. Nga akihlen mihs nga puhla ah pa oacna sie top nuh ke sie pruhe fihsrwacsr. Nga pruhe in sie mwet oraclah mihs, ac Pahpah tuhmuhk Inkuhsrao kahsrweyuc in puhla mihs ke srihfeyuck nga in sasa. Nga etuh lah El kuh in use mihs na pwacye nuh sesr.