Bel isi insait long Dispela Laip

Long yumi olgeta husat i kam insait long laip long dispela graun, Sevia i tok, “Insait long dispela graun yu bai gat traim taim” (John 16:33). Tasol Em i bin givim dispela nambawan promis long ol disaipel bilong Em long taim bilong ministri bilong Em long dispela graun: “Bel isi mi lusim wantaim yupela, Bel isi bilong mi mi givim i go long yupela: i no olsem dispela graun i save givim, mi givim i go long yupela” (John 14:27). Em i wanpela gutpela samting long save olsem dispela promis bilong bel isi bilong wanwan manmeri i stap yet long olgeta disaipel bilong Em tede long kisim.

Sampela bilong yumi i stap insait long ol hap we i naispela and i gat planti bel isi, tasol yumi wok long pilim yet hevi insait long bel bilong yumi. Ol narapela lain i wok long pilim bel isi na stap isi we i stret tru insait long namel long bikpela traim, pen na taim nogut, na traim i wok long kam long ol yet.

Ating yu bin lukim wanpela mirakel bilong bel isi long pes bilong wanpela disaipel bilong Jisas Krais o ating yu bin harim long toktok bilong em. Mi bin lukim planti taim pinis. Sampela taim em i bin long wanpela rum long wanpela haus sik we ol femili i bung raun long wanpela wokman bilong God taim em i stap klostu long dai.

Mi tingim gen taim mi bin visitim wanpela meri long haus sik sampela dei bipo long em i dai long kensa. Mi bin bringim tupela yangpela pikinini meri bilong mi long kam wantaim mi bikos dispela switpela sista i bin wanpela Praimeri tisa bilong tupela.

Ol famili memba bilong em i bung raun long bet bilong em, ol i laik tasol long stap wantaim em long ol laspela taim bilong em long dispela graun. Mi bin saprais taim em i kirap na sindaun long bet bilong em. Em i putim han bilong em i kamaut long tupela pikinini meri bilong mi na tokim ol wanwan femili memba bilong em long tupela, kolim nem bilong wanpela na bihain narapela. Em i toktok long ol tupela pikinini meri bilong mi olsem tupela i pikinini bilong wanpela king na olsem ol i stap insait long hap bilong wanpela kwin. Em i painim wei long tok wanpela samting long hau wanwan manmeri insait long rum i disaipel bilong Sevia. Mi tingim yet strong bilong em, gutpela pasin bilong em, na lav insait long toktok bilong em. Na mi ting bek gen long hau mi bin kirap nogut long smail bilong em i lait maski olsem em i save olsem taim bilong em long dispela laip i bin sot.

Em i bin kisim pinis prishud blesing bilong stap gut, tasol em gen i givim mipela olgeta dispela testimoni i stap laip we i tok olsem dispela promis bilong Bikpela long bel isi em i tru: “Dispela ol samting mi toktok long en i kam long yupela, olsem long mi bai yupela i ken i gat bel isi. Long dispela graun yupela bai i gat traim taim: tasol yupela i mas hamamas; Mi winim pinis dispela graun” (John 16:33).

Dispela sista hia, em i bin kisim pinis invitesen bilong Em, olsem yumi olgeta i ken, maski wanem kain traim na trabel bilong yumi:

“Kam long mi, yupela olgeta husat i wok long wok istap na karim bikpela hevi, na bai mi givim yupela malolo.

“Kisim yok bilong Mi antap long yupela, na lainim long Mi; long wanem Mi man bilong pasin isi na husat bel i stap daunbilo: na yupela i bai painim pinis malolo long sol bilong yupela” (Matthew 11:28–29).

Em insait tasol long pasin bilong bihainim Sevia we yumi wanwan i ken painim bel isi na stap isi long ol traim we bai kam long yumi olgeta.

Ol preya bilong sakramen i bai halivim yumi long save long hau long painim bel isi namel long ol traim taim bilong laip. Taim yumi kisim sakramen, yumi ken save strong tru long stap wantaim feit long ol kavanen long bihainim Em.

Yumi wanwan promis long tingim Sevia. Yu i ken kisim long laik bilong yu yet long tingim Em long wanem kain we em i rait tru long pulim Em i kam insait long lewa na bel bilong yu. Sampela taim long mi yet, em long lukim Em long tingting bilong mi we Em i nildaun long Gaden long Getsemeni o long lukim Em singautim Lazarus i kamaut long matmat. Taim mi wokim dispela, mi pilim wanpela kain klostu long Em na wanpela tok tenk yu we i bringim bel isi i kam insait long lewa na bel bilong mi.

Yu promis tu long holim pas ol komanmen bilong Em. Yu promis long karim nem bilong Em antap long yu na long kamap olsem witnes bilong Em. Em i promis olsem taim yu holim pas ol kavanen bilong yu wantaim Em, bai Holi Spirit bai stap wantaim yu. (Lukim D&C 20:77, 79.)

Dispela bai bringim bel isi stat long tupela wei. Holi Gos save klinim yumi long sin bikos long Atonmen bilong Jisas Krais. Na Holi God i ken givim dispela bel isi we i kam long taim yumi kisim tok olrait i kam long God na dispela hop bilong laip oltaim oltaim.

Aposol Paul i bin toktok long dispela nambawan blesing: “Tasol dispela kaikai bilong Spirit em lav, hamamas tru, bel isi, pasin bilong karim pen long longpela taim, pasin isi, gutpela pasin, feit” (Galatians 5:22).

Taim ol lain bilong heven bilong karim toktok i tokaut long bon bilong Sevia, ol i tokaut i go olsem, “Glori i go long God i antap moa olgeta, na long dispela graun bel isi i go long ol man” (Luke 2:14; tok strong i stap insait). Mi tokaut long testimoni bilong mi olsem witnes bilong Jisas Krais olsem Papa na Pikinini bilong Em we Em i lavim tumas i ken salim Spirit long mekim yumi bai yumi i ken painim bel isi insait long dispela laip, maski wanem kain traim i bai kam long yumi na ol lain bilong yumi we yumi laikim tumas.