Hau Bai Yu Holim Sevia Long Tingting bilong Yu long Dispela Wik?

Presiden Eyring i strongim bel bilong yumi long “kisim long laik bilong yumi long holim Sevia long tingting bilong yumi long wei olsem bai i rait tru long pulim lewa na bel bilong yumi i go long Em.”

Hau na yu save “holim Em long tingting bilong yu” long olgeta dei insait long wanpela wik (lukim D&C 20:77, 79)?

Yu gat sampela skripsa we i stori long Sevia we yu i save laikim tumas? Yu ken makim wanpela narakain skripsa long wanwan dei long dispela wik na sherim ol wantaim narapela manmeri.

Yu save singsing wanpela singsing lotu o wanpela singsing we i save litimapim yu long tingting bilong yu taim yu wok long pilim sori long yu yet? Ating makim long laik bilong yu wanpela singsing we i toktok tru long Sevia long dispela wik.

Yu save tingting long bel bilong yu long laip bilong Sevia na sakripais bilong dai bilong Em long taim bilong Sakramen long olgeta wik? Yu ken redim yu yet long sakramen wantaim tingting long ol sois bilong yu long dispela wik long olgeta taim holim Em long tingting bilong yu na tok sori long ol dispela taim we yu painim hat long tingim Em.

Yu save prei long ol sans long sherim gospel olgeta dei? Traim long gat wanpela gospel diskasen dispela wik we i toktok moa long Sevia.Yu ken tokaut long testimoni bilong yu long Sevia long taim bilong femili hom ivining o toktok long wanpela poroman bilong yu long skul long wanpela nupela samting yu lainim long sios.

Mekim wanpela gol long tingim Sevia long wanpela spesol wei long dispela wik. Tokim papa o mama bilong yu, o wanpela brata o susa bilong yu, o wanpela lida long sios o wanpela poroman bilong yu long dispela gol. Long pinis bilong dispela wik, tokim ol long wanem samting i kamap long dispela gol. Yutupela wantaim bai pilim bel isi na hamamas we President Eyring i wok long toktok long en.