2016
Hamamas tru bilong Femili yu ken painim long Gutpela Pasin
December 2016

Visitin Tising Toktok, Disemba 2016

Hamamas tru bilong Femili yu ken painim long Gutpela Pasin

Wantaim preya stadim dispela ol samting na lukluk long save wanem samting bai yu sherim. Hau bai save bilong yu long “Femili: Tokaut i go long Dispela Graun” bai litimapim feit bilong yupela long God na blesim ol dispela lain yu save was long ol thru long visitin tising? Long moa infomesen, go long reliefsociety.lds.org.

Feit, Femili, Rilif

God “kamapim ol femili long bringim i kam long yumi hamamas, long halivim yumi long lainim ol stretpela strongpela skul insait long ples wantaim planti lav, na redim yumi long laip oltaim oltaim.”1 Long “bikpela plen bilong hamamas” bilong God (Alma 42:8), Presiden Russell M. Nelson, Presiden bilong Kwarom bilong ol Twelpela Aposol, i tok: Plen bilong Em i tokaut i go olsem man na meri em ‘olsem ol i mas gat hamamas moa yet’ [2 Nephi 2:25]. Dispela hamamas moa yet i bai kam taim ol i kisim long laik bilong ol long stap wanbel wantaim plen bilong God bilong laip oltaim oltaim.”2

Dispela hom we Krais i stap namel i save givim bikpela opotuniti stret long win. Elder Richard G. Scott (1928–2015) bilong Kwarom bilong ol Twelpela Aposol i tok piksa olsem em i wanpela ples “we yumi i ken tisim dispela gospel, we yumi holim pas ol kavanen, na we lav i bai gro gut moa yet,” we ol femili ken stap insait long “laip bilong harim tok” na kamap “gro strong tru insait long dispela gospel bilong Jisas Krais.”3

Presiden Henry B.Eyring, Nambawan Kaunsela insait long Nambawan Presidensi, i tok: “Yumi ken wokim desisen olsem yumi bai wokim olgeta samting yumi ken wokim long bringim kam daun ol pawa bilong heven i kam insait long femili bilong [yumi].” Na em i tru olsem yumi ken strongim lav, sevis, pasin bilong harim tok, na hamamas insait long ol hom bilong yumi taim “[ol pikinini bilong yumi] harim toktok bilong God na bihain traim wantaim feit bilong ol. Sapos ol i wokim dispela, ol pasin bilong ol bai senis long wei we bai wokim kamap dispela hamamas pasin we ol i wok long painim.”4

Hom we Krais i Stap Namel

Yumi i gat ol eksampol bilong ol dispela hom we Krais i stap namel insait long ol skripsa. Bihain long papa bilong em, Lihai, i bin dai, Nifai i bin kisim femili bilong em na ol narapela husat i bilip long ol tok lukaut and ol revelesen bilong God na husat i harim ol toktok bilong Nifai na lusim hap bilong ol lain Lemenait. Long dispela nupela ples, ol lain Nifai bin nap long holim ol jasmen, lo, na ol komanmen bilong God long olgeta samting, na bihainim lo bilong Moses (lukim 2 Nephi 5:6–10). Tasol tu namel long ol lain Nifai, bihain taim sampela i no bin harim tok.

Na taim ol femili memba bilong yumi sampela taim ol i ken drip i go long we long gutpela pasin olsem ol lain Nifai i bin wokim, Elder Scott i tok olsem dispela hom we Krais i stap namel em i ken “givim yet dispela bikpela moa yet promis bilong bel isi na ples bilong sindaun gut insait long ol hom bilong yumi.” Em i save olsem “bai i gat yet planti traim na bel pen, tasol tu insait long namel bilong hevi, yumi ken kisim wantaim hamamas bel isi insait long yumi na bikpela hamamas”.5

Sampela narapela skripsa

3 John 1:4; 1 Nephi 8:12; 2 Nephi 5:27

© 2016 ikam long Intellectual Reserve, Inc. Olgeta toktok hia i bilong sios tasol. Printim long USA. Tok orait long Inglis: 6/16. Tok orait long tanim tok: 6/16. Tanim tok bilong Visiting Teaching Message, December 2016. Tok Pisin. 12872 878

Ol nout

  1. Hanbuk 2: Wei bilong Ronim Sios (2010), 20.3.10.

  2. Russell M.Nelson, “Celestial Marriage,” Liahona, Nov. 2008, 92.

  3. Richard G. Scott, “For Peace at Home,” Liahona, May 2013, 30, 31.

  4. Henry B. Eyring, “The Teachings of ‘The Family: A Proclamation to the World,’” New Era, Sept. 2015, 5, 6.

  5. Richard G. Scott, “For Peace at Home,” 31.

Tingim Dispela

Bai yumi ken wokim wanem samting long stap wantaim gutpela pasin moa insait long ol femili bilong yumi?