Osetie ho Nhyira

“Wɔamfa Nyankopɔn mmaransɛm amma yɛn sɛ ɛmmɛyɛ yɛn suntidua anaa ɛmmɛyɛ yɛn anigyeɛ ho akwansideɛ.” Deɛ ɛne wei bɔ abira na ɛyɛ nokorɛ. Deɛ ɔbɔɔ yɛn na Ɔdɔ yɛn no nim kwan korɔ a ɛwɔ sɛ yɛfa so bɔ yɛn bra a ɛbɛma yɛnya anigyeɛ a ɛkorɔn pa ara no pefee. Wama yɛn akwankyerɛ a sɛ yɛfa so a, a ɛbɛma yɛafa asetena yi mu kontonkye akwantuo mu ahobanbɔ mu. Yɛkae dwom bi a yɛnim bi mu nsɛm: ‘Di Mmaransɛm no so! Ahobanbɔ wɔ wei yi mu; asomdwoeɛ wɔ wei yi mu’[hwɛ “Di mmaransɛm no so,” Nnwom, a ɛtɔ so. 303].”³

Setie yɛ nkɔmhyɛfoɔ ahyɛnsodeɛ; ama wɔn ahoɔden ne nimdeɛ mmerɛ nyina ara mu. Ɛho hia sɛ yɛn so yɛbɛhunu sɛ yɛn nso yɛwɔ saa ahoɔden ne nimdeɛ farebae yi ho kwan. Ɛwɔ hɔ ma yɛn nyina ara berɛ a yɛredi Onyankopɔn mmaransɛm so. …

Nimdeɛ a yɛrehwehwɛ, mmuaeɛ a yɛrehwehwɛ, ne ahoɔden a yɛrepɛ no nnɛ de asɔ wiase denden a ɛresesa yi bɛtumi ayɛ yɛn dea sɛ yɛde ɔpɛ pa di Awurade mmaransɛm so a.”⁴

“Deɛ Yɛn Berɛsofoɔ Agye Atom ne Ahyɛbɔne. Nwoma ne TV dwumadie da sini mu nnipa, agodie mu akoninini adi sɛ wɔrebu Onyankopɔn mmara animtia na wɔreyɛ nnemmɔne pii, a ɛrekame ayɛ sɛ ɛnni nsunsuanso bɔne biara—wɔn na mmabunu pii pɛ sɛ wɔyɛ te sɛ wɔn—Wonnye nni! Akontabuo berɛ wɔ hɔ—mpo wɔbɛtenetene nneɛma sɛdeɛ ɛsɛ. Owɛmfoɔ biara wɔ ne sum berɛ—sɛ ɛnnyɛ asetena yi mu a, ɛnneɛ deɛ ɛdi akyire no mu. Atemmuo da bɛba ama obiara … Mesrɛ mo sɛ momfa mo pɛ nyɛ setie.”⁵

“Ɛtɔ da a ɛbɛtumi ayɛ wo sɛ wɔn a wɔwɔ wiase no redi dɛ sen wo. Mo mu bi bɛsusu sɛ suban pa ho mmara a yɛdi so wɔ Asɔre no mu no resi yɛn kwan. Nanso, anuanom ne adɔfoɔ, mepae mu ka kyerɛ mo sɛ biribiara nni hɔ a ɛbɛtumi de anigyeɛ pii aba yɛn abrabɔ mu anaa asomdwoeɛ kɛseɛ abrɛ yɛn akra kyɛn Honhom no a ɛbɛtumi aba yɛn kyɛn berɛ a yɛdi Agyenkwa no akyi na yɛdi ne mmaransɛm so no.”⁶

“Medi adanseɛ sɛ nhyira a wɔahyɛ yɛn ho bɔ no nni kabea. Ɛwɔm sɛ mununkum ano bɛboa, nsuo bɛtɔ aboro yɛn deɛ, nanso yɛn nimdeɛ wɔ twerɛsɛm mu ne dɔ a yɛdɔ yɛn Soro Agya ne yɛn Agyenkwa no bɛkyekyere yɛn werɛ na aboa yɛn, abrɛ yɛn akoma mu anigyeɛ berɛ a yɛnante nokware mu na yɛdi mmaransɛm no so. Biribiara nni asaase yi so a ɛbɛtumi adi yɛn so.”⁷

“Hwan ne saa awerɛhoɔ Nipa yi, a ɔyaw ahyɛ no ma yi? Hwan ne animuonyam Hene no, saa asafo Awurade yi? Ɔno ne yɛn Wura. Ɔno ne yɛn Agyenkwa. Ɔno ne Onyankopɔn Ba no. Ɔno ne yɛn Nkwagyeɛ Farebae. Ɔto nsa frɛ yɛn sɛ, ‘Di m’akyi.’ Ɔkyerɛkyerɛ sɛ, ‘Kɔ, na kɔyɛ saa ara.’ Ɔsrɛ sɛ, ‘Di me mmaransɛm no so.’

“Momma yɛnni N’akyi. Momma yɛnni ne nhwɛsoɔ so. Yɛnni N’asɛm so. Sɛ yɛyɛ saa a, yɛma no akyɛdeɛ kronkron a ɛyɛ anisɔ.”⁸