Mekim Taim Bilong Sevia

Narapela Krismas sisen i kam nau long yumi na wantaim em bai niupela yia i kamap. Emi lukluk olsem aste tasol yumi wok long selebreitim bon dei bilong Sevia na mekim ol disisen long senisim sampela samting insait long laip bilong yumi wanwan.

Insait long ol senis long laip bilong yumi wanwan long dispela yia,yumi tingting tu long bai yumi mekim taim bilong Sevia insait long laip bilong yumi na mekim rum bilong Sevia insait long lewa bilong yumi? Maski yumi winim ol dispela senis ikam inap nau, mi save olsem bai yumi laik mekim gut moa yet. Dispela Krismas sisen emi nambawan taim long yumi lukluk gut na traim gen long wokim.

Insait long ol bisi laip bilong yumi wanwan, wantaim planti samting wok long pulim yumi igo ikam, em i impoten olsem yumi imas mekim klia, strongpela disisen long bringim Krais ikam insait long laip bilong yumi na insait long ol hom bilong yumi. Na emi impoten olsem yumi, olsem ol Wais Man long Baibel, imas putim tingting bilong yumi long star bilong Em na “kam na lotu long em.”

Long ol genereisen bipo ikam inap nau, meseig kam long Jisas emi wankain yet. Long Peter na Andrew long nambis bilong Galilee, Em itok, “Bihainim mi.” Long Philip toktok ikam, “Bihainim mi.” Long ol Levite husat i sindaun long kisim ol kastom toktok ikam, “Bihainim mi.” Na ikam long yu na mi, sapos yumi harim gud, wankain signol wantaim wankain invitesen i wok long kam: “Bihainim mi.”

Taim yumi wok long bihainim lekmak bilong Em tede na taim yumi wok long soim eksampol bilong Em, yumi bai gat opotuniti long blessim laip bilong ol narapela lain. Jisas invaitim yumi long givim yumi yet: “Lukim, Lod i nidim lewa wantaim tingting bilong ilaik wok tasol.”

Igat wanpela man o meri we yu tingim olsem you iken givim sevis igo long ol long dispela Krismas? Ating igat wanpela istap husat i wetim yu long visitim ol?

Sampela yia igo pinis long Krismas mi bin igo long haus bilong wanpela lapun wido. Taim mi bin stap long hap, wanpela man ibin begim dua bel bilong em. Taim mi go long dua mi lukim wanpela dokta husat emi wanpela bisi na nambawan dokta stret i sanap istap. Nogat man ibin tokim em long kam tasol emi tok olsem em ibin pilim olsem tasol olsem igat wanpela sikman istap em yet na nidim halivim.

Long dispela sisen, ol lewa bilong ol dispela lain istap insait long hausik or ol lapun istap ol yet bai salim tingting na laikim ol lain long visitim ol long Krismas taim. Wanpela Krismas taim mi wok long visit long wanpela ke senta, mi sindaun na toktok wantaim faivpela lapun meri,dispela we emi lapun moa yet krismas bilong em 101. Em i ai pas, tasol em i harim save long nek bilong mi.

Emi tok, “Bisop, yu ikam leit liklik long dispela yia!” Mi ting olsem bai yu inonap kam.”

Mipela ibin gat naispela taim wantaim. Tasol wanpela sikmeri, iwok long lukluk igo aut long windo tasol istap wantaim sori, na itok, “mi save olsem boy bilong mi ibai kam na lukim me tede.” Mi wok long tingting sapos boy bilong em bai ikam or nogat, bikos ibin gat ol narapela Krismas we em ino bin save kam.

Tasol igat taim yet long dispela yia long surukim han bilong yu igo, wantaim lav long lewa bilong yu, na wantaim tu gudpela spirit—olsem long bihainim eksampol Sevia yet ibin mekim long sevis wok na dispela em ilaik bai yumi wokim. Taim yumi wok long sevim Em, yumi bai no inap lusim opotuniti, olsem dispela man lukautim haus bilong silip taim Maria na Joseph wok long panim rum bilong silip long taim bipo. Yumi iken mekim rum isait long laip bilong yumi we Sevia iken istap na tu rum insait long lewa bilong yumi.

Bai yumi inap andastendim dispela bikpela promis istap insait long meseig ol angelo ibin givim long ol man i was long sipsip istap o nogat: “Mi bringim ikam long yu gudpela ripot we igat bikpela hamamas. … Em nau ibai bon ikam long dispela dei … wanpela Sevia, husat em Krais em Lod”?

Taim yumi wok long givim igo ikam ol presen long Krismas, gutpela long yumi traim long tingim, aprisiatim, na kisim dispela bikpela presen—moa long ol narapela presen em presen hia em Sevia na Ridima bilong yumi, olsem bai yumi iken gat laip oltaim oltaim.

“Olsem hao bai man inap long kisim gudpela bilong wanpela presen sapos dispela presen istap long em long kisim, tasol em ino kisim dispela presen? Lukim, em bai ino inap long kisim hamamas long dispela presen, na tu em bai ino inap long hamamas long husat i givim dispela presen.”

I gutpela long yumi bihainim Em, sevim Em, honarim Em, na kisim ikam insait long ol laip bilong yumi ol presen bilong yumi ikam long Em, olsem na bai, long usim toktok bilong Papa Lehi, emi ken raunim yumi insait long han bilong em wantaim lav bilong em.”