Wei bilong Sevis long Krismastaim

Presiden Monson i kisim sampela taim long visitim ol lapun lain na ol lain istap insait long ol ke senta, moa yet em i kisim taim long visitim ol long Krismastaim. Em i lukim olsem igat sampela lain husat i hamamas bikos oli igat ol visita tasol sampela oli stap tasol wantaim hop bikos ol visita bilong ol ino save kam.Igat sampela lain husat i wok long wetim long sampela lain—ating long dispela Krismas, yu ken kamap olsem dispela lain long visit.

Lis istap hia em sampela wei we yu iken halivim na mekim kamap olsem bai ino igat man meri i pilim olsem nogat man i wari long ol long dispela Krismas. Yu ken tingting long sampela moa wei long putim han igo aut long komuniti bilong yu long dispela sisen. “Ating igat wanpela man o meri i wok long wetim yu long visitim ol?”

• Mekim ol Krismas kat long salim igo long ol misinari na long ol singol na ol lapun lain insait long wod or brens bilong yu.

• Go voluntia wantaim wanpela lokal komuniti ogeniseisen.

• Givim ol Buk bilong Momon olsem Krismas presen igo long ol pren na neiba bilong yu.

• Visitim ol lapun lain insait long wod o insait long femili bilong yu.

• Mekim sampela naispela kaikai na givim igo long ol neiba bilong yu.