Visitin Tising Meseig, Disemba 2015
Ol Holi na Gudpela Pasin bilong Jisas Krais: Sori Pasin na Gutpela Pasin
Prei na ritim gud dispela samting na tingim wei bai yu tokim ol narapela. Hao bai save bilong yu long ol gudpela pasin bilong Sevia mekim feit bilong yu igo bikpela insait long Em na blesim olgeta lain husait yu save lukim long taim bilong visitin tising? Long moa infomesen, go long reliefsociety.lds.org.
Feit, Famili, Rilif
“Insait long skripsa, sori pasin em i min olsem bai yu ‘pilim pen wantaim.’ Em i min olsem tu bai yu soim olsem yu andastendim pen bilong wanpela narapela, soim olsem yu sori, na soim mesi long wanpela narapela.”
Presiden Thomas S. Monson itok, “Jisas i givim yumi planti eksampol long sori pasin.” “Dispela man wantaim lek nogut long raun wara long Bethesda; dispela meri husat oli holim long adaltri; dispela meri long sait long wel bilong Jacob; Pikinini meri bilong Jairus; Lazarus, brada bilong Mary na Martha olgeta yumi lukim olsem ibin kam long lukim Jisas long rot igo long Jericho. Olgeta ibin nidim halivim.
“Long man wantaim lek nogut long Bethesda, Jisas itok, ‘Kirap, kisim bet bilong yu, na wokabaut.’ Long meri igat sin bilong adaltri we ikam long kisim kaunsel, ‘Go, na noken sin gen.’ Long halivim meri husat ikam long kisim wara ‘Em i givim wel bilong wara we ‘ibai kam na givim laip oltaim oltaim.’ Igo long pikinini meri bilong Jairus husat i dai pinis emi tok, Yangpela meri, Mi tok long yu, kirap.’ Long Lazarus we emi stap long matmat pinis, ‘Yu ikam.’
“Olgeta taim Sevia i save soim olsem sori pasin bilong em ibai ino inap pinis. …… Yumi tu imas opim dua long lewa bilong yumi, na Em—husat igat dispela eksampol bilong trupela sori pasin—iken kam insait.”
Sampela narapela skripsa
Psalm 145:8; Zechariah 7:9; 1 Peter 3:8; Mosiah 15:1, 9; 3 Nephi 17:5–7
Long ol Skripsa
“Mi na man bilong mi nil daun long sait bilong bet bilong pikinini meri bilong mipela husat is 17 krismas bilong em na mitupela krai long laip bilong em,” Linda S. Reeves, namba tu kaunsela long Rilif Sosaiti generol presidensi iwok long tok. “Ansa mitupela kisim em nogat, tasol … mipela isave nau … olsem. … Sevia i pilim sori pasin long mipela long taim bilong sori bilong mipela.”
“Wanpela favoret stori bilong mi long laip bilong Sevia em stori bilong Lazarus. Ol skripsa i tokim yumi olsem ‘Jisas i lavim Martha, … na sista bilong em [Mary], na [brada bilong tupela] Lazarus.” Taim Lazarus ibin kamap sik, ol i salim toktok igo long Jisas, tasol taim Em i kamap Lazarus ibin dai pinis. Mary ibin ron igo long Jisas, pundaum igo long lek bilong Em, na karai. Taim Jisas lukim Mary is wok long karai, ‘em i pilim bikpela sori long spirit bilong em, na em i karai” (John 11:33, 35).
Dispela em duti bilong yumi. Yumi mas pilim na luk save na olsem yumi iken halivim ol narapela pikinini bilong Papa God long pilim na luk save tu na save olsem Sevia Em ino karim olgeta sin bilong yumi tasol Em i karim tu olgeta pen na olgeta taim yumi safa na olgeta kain sik bilong yumi, olsem Em iken save wanem yumi wok long pilim na hao bai em iken kamfotim yumi.”
2015 ikam long Intellectual Reserve, Inc. Olgeta toktok hia i bilong sios tasol Printim long USA. Tok orait long Inglis: 6/15. Tok orait long tanim tokples: 6/15.Tanim tok bilong Visiting Teaching Message, December 2015. Tok Pisin. 12588 878
Tingim Dispela
Husat iken kisim blessing long sori pasin bilong yu?