Visiting Tising Mesis, Jun 2015
Ol Gutpela Samting bilong Jisas Krais: Virtus
Prei na ritim gud dispela samting na tingim wei bai yu tokim ol narapela. Hao bai save bilong yu long ol gudpela pasin bilong Seivia mekim feit bilong yu igo bigpela insait long Em na blesim olgeta lain husait yu save lukim long taim bilong visiting tising? Long moa infomesen, go long reliefsociety.lds.org.
Larim virtu istap insait long tingting bilong yumi olgeta taim; bai yumi kisim strong taim yumi save tingim God; na lo bilong prishud bai stap long sol bilong yu olsem ol ren isave pun daun ikam long heven. Holi Gos bai stap wantaim yu olgeta taim” (D&C 121:45–46).
Sampela bilong yumi isave long dispela skripsa tasol virtu emi wanem samting? Virtu emi “stretpela tingting na gutpela pasin.” “Insait long tok Latin tok virtus emi minim olsem igat stron.” Presiden James E. Faust (1920–007) ibin tok olsem: “Virtu long bikpela mining blong em isave karamapin olgeta gutpela pasin we isave mekim yumi wanwan.” Presiden Gordon B. Hinckley (1910–2008) ibin tok olsem: “Laik bilong Papa God emi as bilong olgeta virtu.”
Sista Elaine S Dalton, olpela presiden bilong ol Yangpela Meri insait long sios ibin tok olsem: “God isave tokim olgeta pikinini meri bilong em, yu na mi, long ‘wokabaut insait long rot bilong virtu’(D&C 25:2). Yupela ino meri nating Yupela ol pikinini meri bilong God”
Taim yumi laik kamap olsem Krais husait igat olgeta virtu insait long em – bai yumi wok hat na kisim ol gutpela wei long strongim yumi.
Ol narapela Skripsa
Proverbs 31:10; Luke 8:46; Philippians 4:8; 2 Peter 1:3–5
Ikam long ol Skripsa
“Virtu emi stretpela pasin yumi imas igat long go insait long holi temple bilong God na tu long kisim gidense bilong Spirit,” Sista Dalton ibin tok.
Yumi ken lukim dispela virtu or gutpela pasin isave halvim yumi, taim yumi lukluk igo insait laip bilong Anna, wanpela meri husait man bilong em ibin dai na husait “ino bin lusim temple tasol em ibin kamap wokmeri bilong God wantaim fas na betan olgeta nait na dei” (Luke 2:37). Em bin lukluk igo long kam bilong Krais taim emi bin eitpela-ten na foa krismas, Joseph na Mary “ibin kisim pikini Jisas” ikam long temple, na Simeon ibin tokim Mary, “Lukim, dispela pikinini bai halivim planti manmeri we oli bai pundaun long kamap gen insait long Israel.” Taim Anna ibin lukim dispela, em “wantu tasol givim bigpela tenkyu long God, na tokim olgeta lain long Em, husait isave stap long Jerusalem na laik kisim halivim” (Luke 2:27, 34, 38).
Anna ibin mekim dispela gudpela pasin o virtu. Bikos long bikpela feit bilong em, em ibin luk save long Seivia na emi tok aut long promis olsem bai emi savim ol man, taim Mary na Joseph kisim em ikam long temple.
© 2015 by Intellectual Reserve, Inc. All rights reserved. Printim long USA. Tok orait long Inglis: 6/14. Tok orait long tanim tokples: 6/14. Tainim tok Visiting Teaching Message, June 2015. Tok Pisin. 12586 878
Tingim Dispela Samting
Long wanem rot virtu save givim pawa na strongim yumi?