Pas Wantaim Femili Bilong Mi Ol Taim Ol Taim

Taim ol adoptim mi taim mi tripela krismas, meri husait ibin karim mi ibin givim tok olrait long dispela ikamap sapos ol niupela papamama bilong mi tok olrait long mekim ol Sios ordinens bilong mi bihain long mi kamap wanpela ten na tu krismas. Em ibin tingting olsem mi yet imas save long wanem krismas bilong mi, taim mi ken chusim dispela tasol emi hat long weit.

Yes, em ibin hat lo mi lukim ol fren bilong mi kisim baptisim blong ol taim ol kamap eitpela krismas tasol emi hat moa bikos mi no inap kisim siling wantaim ol niupela femili inap mi painim twelpela krismas bilong mi. Mi bin poret olsem samting nogut bai kamap long mi na mi bai ino inap kisim siling wantaim ol.

Taim bondei namba wanpela ten na tu blong mi ikam klostu, mipela istat long plenim baptisim blong mi na siling wantaim femili blong mi. Mama na papa bilong mi ibin larim mi chosim wanem temple we mipela bai kisim siling. Olgeta taim mi bin save laikim tumas temple long San Diego Kalifonia na olgeta femili ibin tok olrait long draiv igo long Kalifonia na kisim siling.

Mi bin ino inap weit long kamap femili ol taim ol taim wantaim mama na papa na ol brada na susa bilong mi Taim mi kisim siling bilong mi, mi bin pilim strongpela Spirit stret na em ihat long toktok. Nau olsem mi kisim siling wantaim femili bilong mi, na ol wari blong mi i pinis na mi hamamas na stap gud bikos mi save olsem nau mi bai stap wantaim femili blong mi ol taim ol taim.