2013
Rairaki nakon te Uea
Beberuare 2013

Rongorongon te Reirei ni Kaakawari, Beberuare 2013

Rairaki nakon te Uea

Tataro mwaaka ni kamatebwaia te bwai n reirei aei ao, n arona ae riai, maroroakinna ma aine ake ko kawariia. Kabonganai titiraki bwa a na buokiko ni kakorakoraia aine ao ni karaoa te Botaki n Aine bwa iteran maium ae kakawaki. Ibukin rongorongona riki tabeua, nako n reliefsociety.lds.org.

Kamatoaan te Botaki n Aine

Onimaki, Utu, Buoka

Ana titita aika boou te Ekaretia—n ikotaki ma rinia te Botaki n Ataeinaine n te Botaki n Aine, titita ake a okirikaki nakon te mwakuri, ao ake a tibwa rairaki—a kainnanoa te boutoka ao aia iraorao taan tia reirei ni kakawari. “E kakawaki te irekereke ni membwa nakon tauakiia ake a rairaki ao kairakiia membwa ake a aki bati ni kakaonimaki n oki nakon te waki ae tabwanin,” e taku Unimwaane M. Russell Ballard n te Koram n Abotoro n te Tengaun ma Uoman. “Rawea te mi are e na kona iai te Botaki n Aine … n riki bwa [teuana man] te kaubwai n te waki n iraorao ae moan te mwaaka iroura n te Ekaretia. Moantaai ni kawariia naake a tabe n reiakinaki ma ni kamarurungaki, ao tangiriia i nanon te Ekaretia ri nanon am botaki.”1

Ngkai ana membwa ngaira te Botaki n Aine, ti kona ni buokiia membwa aika boou n reirei ana mwakuri te Ekaretia, n aron:

  • Anga te Taetae.

  • Te Kaoti Koaua.

  • Maiuakinan tuan te akimamatam.

  • Kabwakan kabwianibwai ao karea tabeua.

  • Karaoan mwakuri ni kateirikian te utu.

  • Karaoan bwabetito ao kamatoa ibukiia aia bakatibu ake a tia ni mate.

“E nakoiia rao ake a kakaonimaki karaoakiia membwa aika boou bwa a na namakina te mweraoi ao te butimwaeaki n te umwantabu,” e taku Unimwaane Ballard.2 Ngaira ni kabane, riki tia reirei ni kakawari, iai mwiokoakiia aika kakannato ni karekean te waki n iraorao ma membwa aika boou bwa te kawai ni buokiia ni kakorakorai “rairakiia nakon te Uea” (Aramwa 23:6).

Man Koroboki aika Tabu

2 Nibwaai 31:19–20; Moronai 6:4

Man Ara Rongorongo ni Kawai

“Ma aki tokin rikiraken mwaitiia taan rairaki,” e taku Beretitenti Gordon B. Hinckley (1910–2008), “ti riai ni karaoa rikiraken te keiaki ni koaua ni buokiia n te tai are a kunea iai kawaia. Ngaiia n tatabemania a kainnanoi teniua bwai: te rao, te mwioko, ao ni karikirakea ma ‘ana taeka te Atua ae raoiroi’ (Moronai 6:4).”3

Tia reirei ni kakawari a kantaningaki bwa a na buokiia naake a tararuaiia. N angiin te tai e roko moa te iraorao, n aron are karaoaki ibukin te titita temanna n te Botaki n Aine are ngaia ana tia reirei ni kakawari tarina temanna are e ikawai riki nakoina. A waeremwe ni karekean te iraorao ni karokoa are a mwakuri temanna i rarikin are temanna i aon te karikirake ni kaitiaki. A riki bwa rao, ao ngke a maroroakina taekan ana Rongorongo te Kakawari n Reirei, a kaai ni karikirakeaki iai n “ana taeka te Atua ae tamaroa.”

E taku Beretitenti Joseph Fielding Smith (1876–1972) bwa te Botaki n Aine “bon mwakoron abanuean te Atua ae kakawaki I aon te aba ao … e buokiia ana membwa aika kakaonimaki ni karekea te maiu are akea tokina n abanuean Tamara.”4

@2013 iroun Intellectual Reserve, Inc. A bane n tauaki mwiin taian kariaia ibukin katootongana. Boretiaki i USA. Kariaiakaki n te Ingiriti: 6/12. Kariaiakaki rairana: 6/12. Rairan te Visiting Teaching Message, February 2013. Kiribati. 10662 859

Bwai aika ana taraaki

  1. M. Russell Ballard, “Members Are the Key,” Riaona, Tebetembwa 2000, 18.

  2. M. Russell Ballard, Riaona, Tebetembwa 2000, 17.

  3. Gordon B. Hinckley, “Every Convert Is Precious,” Riaona, Beberuare 1999, 9.

  4. Joseph Fielding Smith, n Daughters in My Kingdom: The History and Work of Relief Society (2011), 97.

Tera ae I Kona ni Karaoia?

  1. E koaua bwa I tataro ibukin raou ao ni bubuti bwa e na kairiira te Tamnei ngkai ti reireiia tarira?

  2. N te anga ra ti mwakuri ibukiia titita n tatabemania are ti tararuaia bwa e aonga n ataia are ti tabeakinna ni koaua?