Visiting Tising Toktok, EprOl 2012
Lav, Lukautim, na Strongim
Prea bipo long sadim dispela infomesen na, sapos em i gutpela, diskasim wantaim ol sistas yu visitim. Usim ol askim long halivim yu long strongim ol sista bilong yu na tu long mekim Rilif Sosaiti i kamap strongpela pat long laip bilong yu.
Bilip, Famili, Rilif
Olsem Seivia, ol visiting tisa i save minista wan bai wan (lukim 3 Nifai 11:15). Yumi save yumi saksesful insait long ministarin olsem ol visiting tisa taim ol sistas bilong yumi iken tok: (1) visiting tisa bilong mi isave halivim mi grou insait long spirit; (2) Mi save visiting tisa bilong mi isave lukautim mi na famili bilong mi; na (3) sapos Mi gat wari, Mi save visiting tisa bilong mi i save mekim eksen na ino inap long wetim askim bilong mi.1
Hao bai yumi olsem visiting tisa i lavim, lukautim, na strongim wanpela sista? Foloing em nainpela aidia yu ken painim insait long sapta 7 bilong Ol Pikinini meri insait long Kingdom bilong Mi: Histori na Wok bilong Rilif Sosaiti long halivim ol visiting tisa long minista igo long ol sista bilong ol:
-
Prea olgeta dei long em na famili bilong em.
-
Painim insparesen long save long em na famili bilong em.
-
Visitim em olgeta taim long lainim hao em istap na long kamfotim na strongim em.
-
Stap kontek wantaim em klostu klostu long ol visits, ol fon kol, ol pas, e-mail, teks meseig, na isi eks bilong gutpela pasin.
-
Gritim em long olgeta ol Sios miting.
-
Halivim em taim em igat bigpela hevi, sik, o ol narapela nid we i mas kamap hariap.
-
Lainim em long gospol long skripsa na ol Visiting Tising Toktok.
-
Kirapim tingting bilong em taim yu setim gutpela eksampol.
-
Ripot igo long Rilif Sosaiti lida long sevis bilong ol na pasin spirit bilong sista na sindaun bilong em long nau.
Ikam long ol Skripsa
Luk 10:38–39;3 Nifai 11:23–26; 27:21
Ikam long Histori bilong Yumi
“Visiting tising i kamap olsem kar bilong ol Las de Seint meri long olgeta kauntri long lavim, lukautim gut, na sev—long ‘ekt long ol marimari we God i planim insait long lewa bilong [yumi],’ wankain olsem Josep Smit i tisim.”2
Susa husait i bin kamap wido nau tasol i tok long ol visiting tisa bilong em: “Ol i harim. Ol i kamfotim mi. Ol i karai wantaim mi. Na ol i hagim mi. … [Ol] i halivim mi ikam aut long bikpela hope mi lusim na sore na wari long dispela fest sampela mun bilong stap wan yet.”3
Halivim wantaim wok bilong nau em wankain olsem long minista. Long Oktoba 1856 jeneral konfrens, Presiden Brigham Young tokaut olsem hankat painiar ol ino bin gat halivim na stak insait long bikpela snow 270–370 mael (435–595 km) long we. Em singaut long olgeta Las-de Seints insait long Solt Leik Siti long seivim ol na “lukluk strong long ol samting we yumi kolim temporol.”4
Lucy Meserve Smit rekodim olsem ol meri i rausim wom sket bilong ol na ol stokin insait long tabanakel na bugim ol insait long ol wagon long salim igo long ol painiar istap long kol. Behain ol i bungim ol beding na ol kolos bilong husait bai ikam wantaim liklik samting bilong ol. Taim ol hankat kampani i kamap, wanpela haus insait long taun i “pulap wantaim planti samting bilong halivim ol.”5
© 2012 bai Intalektual Risep, Inc. Olgeta rait i risep. Printim lo USA. Tok orite long Inglis: 6/11. Tok orite long tanim tokples: 6/11. Tanim tokples bilong Visiting Teaching Message, April 2012. Tok Pisin. 10364 878