Mi Bai Lukim Em Gen

Papa i mekim mipela wanwan pikinini pilim spesol. Em lavim yumi na i ken forgivim isi tasol. Em i mekim best bilong em long mekim save olsem mipela wanwan i mas hammas, na em i mekim klia olsem em i bin laikim best long mipela. Mi lavim em tumas.

Taim mi stap long greid six, papa bilong mi idai insait long kar eksident. Famili bilong mi na Mi yet i kisim bikpela bagarap. Ibin gat bikpela hol insait long famili. Papa em wanpela Mi pas long em, wanpela we Mi save go long em taim Mi gat heve. Insted long painim halivim, Mi larim belhat na pen istap. Mi tingting igo na mi tingim olsem em rong bilong God. Mi stop long ridim skripsa bilong mi na tok ol prea. Mi go long sios bikos long laik bilong Mama bilong mi. Mi traim long stap longwe long Papa bilong mi long Heven.

Behain Mi go long kemp bilong ol Yangpela Meri long nambawan taim. Mi laik long bungim niupela poroman, tasol Mi stil ino ridim skripsa bilong mi. Long laspela nait, mipela ibin gat testimoni miting. Mi pilim sampela samting we mi no pilim longpela taim: Spirit. Mi mangalim ol meri husait i kirap na givim testimoni bilong ol, tasol Mi sindaun yet bikos Mi ting Mi nogat wanpela. Ino longpela taim liklik Mi pilim Mi mas kirap. Mi opim maus bilong mi, na tingim wanem samting bai mi tok. So Mi tok Mi hamamas long kemp bilong ol Yangpela Meri. Behain Mi painim mi yet tok olsem Mi save olsem Jisas Krais i dai long mi na olsem Papa bilong mi Long Heven i lavim mi na olsem sios em i tru.

Mi pulap wantaim bikpela bel isi tru. Tenks long dispela expiriens Mi ken tok olsem Mi save Mi bai lukim papa bilong mi gen bikos long Atonmen na Resareksen bilong Seivia.