Jaiko ñemovã’ỹme pe jeroviápe

Chegustaiterei pe tupao historia. Ikatu heta peẽicha avei, che jerovia oñemombarete a’aprendévo upe dedicación techapyrãva oguerekova’ekuégui umi ñande ypykue o’aceptava’ekue ko Evangelio ha oiko hikuái ñemovã’ỹme pe jeroviápe.

Ojapo un mes, 12.000 mitãrusu hechapyrãva, Gilbet, Arizona, templo distrito pegua, ocelebra opaha pe itemplo pyahu peteĩ actuación inspiradora rupive, ohechaukávo péicha icompromiso oguerahataha hikuái peteĩ tekove potĩ. Pe icelebración léma ha’ékuri “Jaiko ñemovã’ỹme pe jeroviápe”.

Ojapo haguéicha umi Arizona-gua mitãrusu, opa Santo de los Últimos Días oñecomprometeva’erã “oikotaha ñemovã’ỹme pe jeroviápe”.

Pe purahéi “Firmes creced en la fe” he’i inglés-pe: “Ñemovã’ỹme pe jeroviápe ñande rukuéra omomba’eguasuva’ekuépe” (“True to the Faith”, Hymns Nº 154).

Ha ikatu ñamoĩve: “ Ñemovã’ỹme pe jeroviápe ñande taitakuéra omomba’egusúva’ekue”.

Aporandu chejupe umi Arizona-gua mitãrusu kyre’ỹpa oikuaáne ijistoria tupaogua, oikuaa piko hikuái mba’éichapa ihentekuéragui oiko tupaogua miembro. Iporãiténepa opa Santo de los Últimos Días oikuaáramo ijypykuéra conversión historia.

Taha’e terã ndaha’éi peẽ pionero-kuéra ñemoñare, umi pioneros mormones herencia, sacrificio ha ijerovia rehegua, ha’e pene herencia. Ha’e pe Iglesia de Jesucristo de los Santos de los Últimos Días-gua herencia marangatu.

Peteĩ capítulo hechapyrãvéva pe tupao historia-pe oiko kuri Wildford Woodruff, peteĩ Ñandejára apóstol, ombo’eramoguare hína pe Jesucristo evangelio restaurado Gran Bretaña-pe 1840-pe, 10 áñonte pe tupao oñemoĩ rire upépe.

Wilford Woodruff ha ambue apostol-kuéra omba’apove Liverpool ha Preston, Inglaterra áreape, heta éxito reheve. Elder Woodruff, oikótavagui tupao presidente ramo uperire, oñembo’e meme Tupãme oguia hag̃ua chupe pe tembiapo iñimportantetévape. Iñembo’ekuéra omokyre’ỹ chupe oho hag̃ua ombo’e pe evangelio ambue tendápe

Presidente Monson ñanembo’eva’ekue jarrecibívo pe inspiración celestial jajapo hag̃ua peteĩ mba’e, jajapova’erãha ko’ág̃aite, ndajahejaiva’erã ambue árape g̃uarã. Upeichaite ojapókuri Wilford Woodruf. Oguerekóvo pe Espíritu techauka hesakãva “ohova’erãha sur gotyo”, elder Woodruff oje’ói pya’e peteĩ zona hérava Herefordshire gotyo, peteĩ zona agrícola Inglaterra sur-pe. Upépe ojotopa peteĩ kokuejára hérava John Benbow ndive, ha ojerrecibi chupe “korasõ vy’a ha aguyje reheve” (tojehecha Wilford Woodruff, en Matthias F. Cowley, Wilford Woodruff: History of His Life and Labors as Recorded in His Daily Journals, 1909, pág. 117).

Peteĩ seiscientos yvypóra aty, oñecongregava’ekue Hermanos unidos réra reheve, “oñembo’e meme ojerurévo tesakã ha añetéva” (Wilford Woodruff, en Enseñanzas de los Presidentes de la Iglesia: Wilford Woodruff[, 2004, pág. 93). Ñandejára ombou Wilford Woodruff-pe iñembo’ekuéra ñembohováiramo.

Elder Woodruff mbo’epy pya’e hi’a, ha heta yvypóra oñemongarai. Brigham Young ha Willard Richards ojoaju hendive Herefordshire-pe ha umi mbohapy apostol-kuéra ohupyty peteĩ éxito hechapyrãva.

Sa’i mése rire, o’organiza hikuái 33 ramas umi 542 miembrokuéra ojoajuva’ekue pe tupaópe g̃uarã. Pe tembiapo hechapyrãitéva ocontinua, ha ipahápe, umi Hermanos Unidos miembrokuéra haimete oñemongaraipa Iglesia de Jesucristo de los Santos de los Útimos Días-pe.

Che tatarabuela, Hannah Maria Eagles Harris, ha’e peteĩha umi ohendura’ẽva’ekue Wilford Woodruff-pe. Ha’e he’i iménape, Robert Harris, ta’ýra, ohenduhague pe Tupã ñe’ë ha oñemongaraiseha. Robert-pe ndogustái hembireko he’íva ha he’i chupe ohotaha hendive ambue sermón pe misionero mormón ome’ëtava jave, omoĩ hag̃ua chupe tesakã opa mba’épe.

Oguapývo tenondete pe asamblea-pe ha ojepy’amongeta mbaretévo ndohejamo’äiha oike hese, ha ikaturamo omyangekói hag̃ua pe predicador-pe ovisitaba hina chupekuéra, Robert pya’e oñandu pe Espíritu influencia, ojehu haguéicha hembirekópe. Ha’e oikuaákuri pe Restauración mensaje añeteha, ha ha’e ha hembireko oñemongarai.

Ijerovia ha idevoción historia ojogua heta ambue miles umi yvypóra historia-pe: ohendu vove pe Evangelio mensaje, oikuaa hikuái añeteha!

Escritura-kuéra he’iháicha: “Che ovechakuéra niko ohendu che ñe’ẽ, ha che aikuaa chupekuéra, ha ha’ekuéra ou che rapykuéri” (Juan 10:27).

Ohendu rire hikuái pe Ovecharerekua ñe’ẽ, oikuave’ẽmbaite hikuái hekove ovivi hag̃ua pe Evangelio ha osegui hag̃ua pe Ñandejára proféta ñe’ẽ. Ombohovái hag̃ua pe llamamiento oñecongrega hag̃ua Sión-pe, oheja hikuái hóga Inglaterra-pe, ohasa pe Atlántico ha oñecongrega umi Santo ndive Nauvoo, Illinois-pe.

O’acepta hikuái pe Evangelio opa ikorasõ reheve. Oñeha’ã aja oñemoĩ porã pe ijyvy pyahúpe, oipytyvõ hikuái oñemopu’ã hag̃ua pe Nauvoo templo imba’apo diezmo reheve: cada diez ára, ome’ẽ hikuái peteĩ omba’apo hag̃ua pe templo ñemopu’ãme.

Ikorasõkuéra ojeka oikuaávo ojejukahague pe iproféta ohayhuetéva hikuái, Jose Smith, ha iñermano Hyrum. Ha katu oho hikuái tenonde gotyo!! Opyta ñemova’ỹme jeroviápe.

Umi Santo ojepersegui ha oñemosẽramoguare Nauvoo-gui, Robert ha Maria oñandu ojehovasaha tuichaiterei hikuái orrecibi haguére iñinvestidura templo-pe, ohasa mboyvemi pe río Misisipi oho hag̃ua oeste gotyo. Ndoikuaáiramo jepe mba’épa ojehuta chupekuéra, oĩ mbaretépe ijerovia ha itestimonio-re.

Sei imemby reheve, otyryry pe tujúre ha ohasa hikuái Iowa ohóvo oeste gotyo. Omopu’ã hikuai peteĩ tapyĩ río Misuri rembe’ýpe, pe tenda ojeikuaátavape Winter Quarters ramo.

Ko pionerokuéra aty py’aguasu oha’arõ apostol-kuéra instrucción mba’éicha ha araka’épa ohova’erã hikuái oeste gotyo. Iplankuéra oñecambia, Brigham Young, Presidente Quorum de los Doce pegua, ojerurévo voluntariokuéra umi kuimba’e apytépe, oservi hag̃ua Estados Unidos ejército-pe, pe ojeikuaátavape Batallón Mormón-ramo.

Robert Harris, ta’ýra, ha’e peteĩ umi 500 kuimba’e mormón apytépe ombohovaiva’ekue Brigham Young ñehenói. Ha’e oje’alista oikuaáramo jepe ohejava’erãha hembireko hyeguasúva ha seis ita’yrakuéra michĩva.

Mba’ére piko ojapo upéva ha’e ha umi ambue kuimba’ekuéra?

Pe ñembohovái ikatu oñeme’ẽ che tatarabuelo ñe’ ẽ reheve. Peteĩ carta ha’e ohaiva’ekue hembirekópe Batallón Mormón opyta aja sapy’ami aguĩ Santa Fe-gui, ha’e he’i: “Che jerovia imbareteve araka’evégui [ha apensávo pe Brigham Young he’iva’ekuére oréve], aguerovia upéva, Tupãite voi he’iramoguáicha chéve”.

Ambue ñe’ẽme, ha’e oikuaa ohenduha hína peteĩ Tupã proféta-pe, oikuaaháicha avei umi ambue kuimba’ekuéra. Upévare ojapo hikuái! Oikuaa hikuái odirihiha chupekuéra peteĩ Tupã proféta.

Upe carta-pe avei omombe’u kunu’ũ orekóva hembireko ha ita’yrakuérare, ha omombe’u oñembo’eha tojehovasa hag̃ua ha’e ha imitãnguéra.

Pe carta-pe, tenondeve, ojapo peteĩ momarandu mbarete: “Nañanderesaraiva’erã umi mba’e nde ha che ñahendu ha [jaexperimentava’ekue] Ñandejára templo-pe”.

Itestimonio mboyvegua ndive “jajedirigiha peteĩ Tupã proféta rehe”, ko’ã mokoĩ momarandu marangatu ha’e peteĩ pasaje de Escritura-icha chéve g̃uarã.

Dieciocho mése oje’ói rire pe batallón ndive, Robert Harris ou jey sano ha salvo imborayhu Maria rendápe. Opyta hikuái ñemovã’ỹme pe Evangelio Restaurado jeroviápe opa hekove pukukue aja. 15 ifamilia hikuái, 13 oikove okakuaapa peve. Che jarýi, Fannye Walker, Raymond, Alberta, Canadá pegua, ha’e peteĩva umi 136 iniéto apytépe.

Jarýi Walker oĩ orgullosa itaita oservi haguére pe Batallón Mormón-pe, ha oipota inietokuéra oikuaa upéva. Ko’ág̃a che ha’émaramo taita, antende mba’érepa iñimportateitereiva’ekue. Ha’e ombojerese ta’yrakuéra korasõ̃ ituvakuéra gotyo. Oikuaaukase inietokuérape ijerencia joja, oikuaágui upéva ha’etaha peteĩ jehovasa hekovekuérape g̃uarã.

Ñañeñandu aguĩvéramo ñande ypykuéra hekojojávare, hetave posibilida oĩ jajapotaha decisión-kuéra iñarandu ha ijojáva.

Ha upéicha ha’e. Opavave ñande tuicha jajehovasáta jaikuaáramo umi historia jerovia ha sacrificio rehegua oguerahava’ekue ñande ypykuérape ojoaju hag̃ua pe Ñandejára tupaópe.

Ñepyrũmby guive Robert ha Maria ohendúvo Wilford Woodruff-pe ombo’évo ha otestificávo pe Evangelio restauración-gui, oikuaa hikuái pe Evangelio añeteguaha.

Oikuaa avei hikuái taha’e ha’éva py’ara’ã terã mba’e hasýva o’experimentáva, ojehovasáta opytáramo hikuai ñemovã’ỹme pe jeroviápe. Ojogua ohenduramoguáicha hikuái ñande proféta ko’ag̃agua ñe’ẽ, heiva’ekue: “Ni peteĩ sacrificio tuichaiterei … jarrecibi hag̃ua umi templo jehovasa” (Thomas S. Monson, “El Santo Templo: Un faro para el mundo”, Liahona, mayo de 2011, pág. 92).

Pe Reino Unido moneda mokõi libra-gua oguereko peteĩ inscripcion ijyképe: “Jajupívo gigante ati’y ári”. Apensávo umi ñande ypykue guasu pionerokuérare, añandu opavave ñaimeha umi gigante ati’y ári.

Pe momarandu ourõ jepe pe Robert Harris carta-gui, aguerovia hetaiterei ypykuéra omondoha pe mensajeite avei ita’ýra ha inieto-kuérape: Peteĩha, nañanderesaraiva’erã umi experiencia-gui jarekova’ekue pe templo-pe ha nañanderesaraiva’erã umi promesa ha jehovasa cada uno jarrecibíva templo rupive. Mokõiha, nañanderesaraiva’erã jajedirigiha peteĩ Tupã proféta-re.

Atestifica jajedirigiha peteĩ Tupã profeta-re. Ñandejára orrestaura itupao ko’ã ára pahápe proféta José Smith rupive ha nañanderesaraiva’erã jajedirigihague peteĩ cadena noñeinterrumpíriva Tupã proféta rehegua, José ha Brigham guive, ha péicha peteĩteĩ cada presidente tupaogua, ñande proféta actual peve, Thomas S. Monson. Aikuaa chupe, ahonra ha ahayhu chupe. Atestifica ha’e ha’eha pe Ñandejára proféta ko yvýpe ko’ag̃aite.

Pe che korasõ oipotáva niko ha’e, che ta’ýra ha nieto-kuéra ndive, ñahonra pe legado ohejava’ekue ñande ypykuéra hekojojáva, umi pionero mormones oĩva’ekue dispuesto omoimbávo opa mba’e pe altarpe, sacrificio-ramo ha odefendéva iTupã ha ijerovia. Añembo’e opavave ñande tajaiko ñemovã’ỹme pe jeroviápe ñande ypykuéra omomba’eguasúva’ekue. Pe Jesucristo réra sagrado ha santo-pe. Amén