Kalit nga mga Pasulit ug Pag-ampo

Mga litrato pinaagi ni Ebick Ngoma

Bag-ohay lang naugtas ko tungod kay wala nako maangkon ang mga grado nga akong gusto. Naghunahuna ko mahitungod niini ug nakaamgo nga wala ko nag-ampo o nagbasa sa akong mga kasulatan. Mao nga nakahukom ko sa pagbasa sa mga kasulatan ug sa pag-ampo matag buntag. Sa wala madugay, ang akong mga grado misugod sa pagsaka og hinay-hinay. Ang pagbasa sa mga kasulatan ug ang pag-ampo nakatabang gayod kanako.

Sa laing higayon, aduna kami kalit nga pasulit sa eskwelahan. Wala ako makatuon. Walay nakatuon—ang magtutudlo misurpresa kanamo. Ang tanan misugod sa pagpangopya sa pasulit. Dili ako mamakak—gusto gyod kong mangopya. Apan adunay misulti kanako, “Kinahalanglan kang molingkod ug mobuhat sa pinakamaayo sa unsay imong nahibaloan.” Usa kadto ka hinay nga tingog. Naugtas ko, ug ang tingog mihupay sa akong kasingkasing. Mao nga wala ko mitan-aw sa wala, ug wala ko mitan-aw sa tuo. Mitubag ko sa unsay akong nahibaloan. Sa kataposan ako ra gayod ang nakakuha og taas nga puntos. Nalipay ko nga naminaw ko sa Espiritu Santo.