ENNAAN KO AN ELDER IM SISTER GILBERT

Elder Clark G. Gilbert: Kom̧ool, Elder im Sister Godoy. Jinoin week in, ikar ba n̄an kōrā in ippa bwe Elder im Sister Godoy renaaj kooļe kōj bwe kōjro en kōnono jejjo minit. Im ekar ba, “Ekwe, jete armej renej pād ijeņ?” Im ikar ba, “O, emaron̄ jejjo taujin armej ilo Tabernacle en, innem bukwi taujin ipeļaakin laļ in. Ejjab kamijak.”

Lale mok jon̄an am̧ kar bōk eļap katak jotenin. Elder im Sister Godoy, kom̧m̧ol kōn am̧ katakin rūm̧m̧an ded ro barāinwōt. Jej kam̧m̧oolol kōn elōn̄ iien ko rem̧m̧an Christine im n̄an kom̧ro kar ekkatak im bōk koņaamro ippān rūm̧m̧an ded ro ilo aolepān Kabun̄ in. Ron̄jake naan ko an Elder im Sister Godoy jotenin ekanooj in aibojooj. N̄e kom̧ro rūttoļo̧k, kom̧ro nej kōņaan āinwōt Elder im Sister Godoy. Ealikkar bwe rej en̄jake aikuj ko im abōņōņō ko an rūm̧m̧an ded ro im bwe eļap aerro iakwe er.

Men eo ekabwilōn̄lōn̄ ippa ej bwe ennaan ko aerro rekar lukkuun pedped ilo Kraist im jebbar tok jān ko kanaan kaki. Ilo aō kar ron̄jake erro jotenin, ekar āinwōt n̄e ij ron̄jake juon m̧ōran kanaan in ejja ennaan ko im rekāāl tata im kar litok ilo nokon an rūm̧m̧an ded ro ipelaakin laļ in jān Būreejtōn Nelson, Būreejtōn Oaks, im rijillōk ro jet. Jen bōjrak jidik im kōļmenļo̧kjen kake unin tōl ko em̧ōj an Elder im Sister Godoy kwaļo̧k kadkadier n̄an kom̧ jotenin.

1. M̧ōttan Kraist im Bujen ko ad

2. Jerā

3. Kappukot Revelesōn ko an Juon Make.

4. Jon̄ak ko an Jerbal in Jipan̄

   • Tampeļ Eo

   • Mijen ko

5. Wujlepļo̧k ilo Iakwe im M̧arre

6. Aorōkin Pād ilo Institude

Elder im Sister Godoy rekar jab wōt kwaļok kōn mour eo aer ippemi, ak rekkar kwaļok ilo wāween eo elukkuun epaak im aorōk. Ij kōjatdikdik bwe kom̧ naaj loe wāween in āinwōt juon waanjon̄ak in iakwe im aer ļōmņak kōn kom̧. Rekar bar kwaļok ennaan ko aer in wāween ko im rej kapenļo̧k kapilōk ko kanaan kaki im rekar kakeememej kōj wōj bwe jej kōm̧m̧an menin ilo im kōn Rilomo̧o̧r Jisōs Kraist.

Sister Christine Gilbert: Juon iaan pija ko rem̧m̧antata ippa jān jotenin kar pijaan Elder im Sister Godoy ke rekar jet ripālele ro me rekar dik wōt. Mônica elukkuun mejen kōjatdikdik, ak Carlos āinwōt ekūm̧kūm̧!

Kiiō n̄an keidi ippān pijaan aolepān baam̧le eo an Godoy ro.

Ij ļōm̧ņak n̄e Carlos im Mônica rekar dik wōt im maron̄ pijaikļo̧k ajri rein nejieer, ro pāleen ro nejier, im ajri ro jibūier ilo im jekļaj ilo elōn̄ iiō ko remootļo̧k. Rekar ke kar pijaikļo̧k er ilo graduate school, wōr aer jerbal, ijjino im lale juon baam̧le, jerbal ilo Kabun̄ in, mour ipeļaakin laļin, im kiio kūr eo aer āinwōt jet ritōl ro kile er ilo Kabun̄ in? Kemij iakwe Elder im Sister Godoy. Kemij kalimjōk er āinwōt jet ro m̧ōttam im waanjon̄ak ro in ta eo komaron̄ kōm̧m̧ane ilo am̧ kōjparok bujen ko, mour kōn gospel eo, im karuwaineneik Irooj ilo mour eo am̧. Ij jutak āinwōt juon rikam̧ool bwe ilo ad karuwaineneik Irooj, E naaj tōl kōttōpar ko ad im kaļapļo̧k kijejeto ko ad.

Elder Gilbert: Ilo ad kalimjōk mour eo an Godoy ro im an emakijkij aer karuwaineneik Irooj ilo mour ko aer ekar kakeememej eō kōn juon tōre eo im ekitbuuj n̄a im Elder Godoy jiljijno iiō ko remootļo̧k.

Iien eo ikar jerbal āinwōt juon Būreejtōn an BYU–Pathway Worldwide, im Elder Godoy ekar juon Area Būreejtōn an South America Northwest Area, kar pād ilo headquarter eo ilo Lima, Peru.

Peru ej juon jikin aiboojoj an Kabun̄ in im elōn̄ļo̧k jān 40 stake ko im kiiō 2 tampeļ ko ie. Ewōr ad taujin rijikuul ro ilo BYU–Pathway ilo Peru. Bon̄on eo, āinwōt ļo̧k wōt bon̄in in, kōm kar kajjitōk ippān Elder Godoy n̄an kōnono n̄an rūm̧m̧an ded ikkijeen kōttopar eo aer n̄an pukot jeļāļo̧kjen.

Elder Godoy eaar kōpooj juon an ennaan, ak ilo am kar jijōt ippān doon ijo m̧aan im kalimjōk rijikuul ro wōj, eaar jino an ļo̧kjen an kōn ta eo kemij kar kajjitōkļo̧k bwe erro en kōm̧m̧ane. Eaar jino an obrak kōn en̄jake ko ilo an ļōm̧ņak kake rūm̧m̧an ded rein im rej katak kajin English, ebbōk kilaaj ko ilo college, im aoleper rej jerbal full-time ilo ejja iien eo rej ekkatak bar juon kajin. Obrak kōn elōn̄ en̄jake ko, Elder Godoy eaar doorļo̧k kōnono eo eaar kōpooje, eaar jutak, im ilo an peran ekar ba: “Ta eo kemij kajjitōk bwe en kōm̧m̧ane epen—eļaptata ilo am̧ naaj kajjeon̄ in kōm̧m̧ane make iaam̧. Wāween eo de in n̄an kōm̧m̧ane men in ej ilo karuwaineneik Irooj ilo am̧ ekkatak. Kobaikwaj Irooj āinwōt juon m̧ōttam̧, im aolep men ko rem̧m̧an renaaj iwoj n̄an kwe ilo iien eo ekkar.”

Elder Godoy eaar jeļā ilo tōre eo ta eo ekar jab lukkuun meļeļe kake elōn̄ iiō ko remootļo̧k ke ekar juon rūm̧m̧an ded ilo Brazil: wāween eo de eo bwe kwon erom̧ eo kwoj aikuj erom̧ im lo m̧ōņōņō ilo mour eo am̧ ej n̄an karuwaineneik Irooj ilo am̧ ekkatak. Jotenin, kōm kar lo juon rikam̧ool kōn pedped in katak in. Carlos im Mônica Godoy rej jet waanjon̄ak ro remour kōn ta eo emaron̄ waļok n̄an ruo rūm̧m̧an ded ro rej likit aer lōke ilo Irooj im kobaiktok E ilo mour ko aer.

Kōmij iakwe rein ruo im kam̧m̧oolol erro kōn ennaan ko aer jotenin. Christine im n̄a kom̧ro ej kwaļo̧k am̧ro kam̧ool bwe ilo am̧ karuwaineneik Irooj ilo jerbal ko am̧, E enaaj kōm̧m̧an kabwilōn̄lōn̄ ko ilo mour eo am̧. Ij ba men kein ilo etan Jisōs Kraist, amen.