Katak ko jān Mour eo an juon Rūm̧man Ded

Elder Carlos A. Godoy: Kom̧m̧ol kōn ami pād ijin ippām ilo jikin in eaibojooj im elōn̄ ilo bwebwenato. Ej aō utiej bwe imaron̄ pād ijin ippāmi rainin. Kom̧ em̧m̧ool kōn ami kobatok ippam jān kona ko emān ilo laļ in. Kōm̧ij m̧ōņōņō in pād ijin ippāmi rūm̧m̧an ded ro. Ewōr juon ami jerbal eaorōk ilo Kabun̄ in, im kom̧ij mour ilo juon iien epen ilo mour ko ami. Ami kāālet rainin enaaj jelet ilju eo ami. Kōn menin joteenin, kōmij kōjatdikdik n̄an kobaik waj jet men ko renaaj lukkuun jipan̄ elōn̄ katak ko rem̧m̧an em̧ōj ami kar būki ilo nokon ko jet.

Ij m̧ōņōņō bwe imaron̄ in kōmpānien ippān Brother Chad Webb im kōrā eo ippān, Kristi, im Elder Clark Gilbert im kōrā eo ippān, Christine. Kom̧m̧ool kōn ami kobatok ippam rainin.

Ij m̧ōņōņō bwe Mônica ekar kobatok ippa ilo nokon in. Kōm naaj ippān doon n̄an katakin, im ij kōjatdikdik bwe enej em̧m̧an ippāmi.

Āinwōt m̧ōttan ennaan eo am̧ro, kōm naaj kwaļo̧k juon pija ekadu kōm̧m̧an in Kabun̄ in kōn kom̧ro ke kom̧ro kar rūm̧m̧an ded. Kom̧ro Mônica kar iiō kaņe ami.

Ilo pija in, kōmij kōjatdikdik n̄an katakin kom̧ jet pedped in katak ko me remaron̄ ekkar n̄an mour ko ami kiiō. Ej juon pija 5 minit aetokaņ me kwonaaj lo iien ko roktak ilo mour ko am. Jouj lukkuun lale im kajjieon̄ in kalikkar pedped in katak ko me kwoj tōmak rej iookwaj eok. Jenaaj ro̧o̧llik ļo̧k tokālik im kōnono kōn jet iaer. Em̧m̧an ke?

[video]

Ikar jab pukōt gospel in ak kabun̄ n̄an jidik. Ekar 16 aō iiō, im eaar itok juon m̧ōttan ļeo jeiū n̄an m̧weeo im karuwaineneik leddik ro jatum̧ n̄an juon m̧akūtkūt an m̧ōnjar eo kōnke ekar ļōmņak bwe n̄a im ļeo jeiūm kōm̧ij jab armej in kabun̄. Im ke kōmij tōparļo̧k m̧ōn jar eo, rekar ikkure ikkure ko, im raar lukkuun m̧ad ilo ikkure eo im ettōn̄. Im iaar ļōmņak, “Etke rejaam em̧ōņōņō?”

Ruo raan tokālik, ikar ekkatak katak ko ilo m̧ōnjar eo kōnke baam̧le eo aō rekar jab lukkuun itok limoier n̄an ekkatak. Iaar m̧ōņōņō kōn gospel in. Ikar jeļā ke em̧ool, ebwe jon̄an jeļā eo aō n̄an kōņaan peptaij men̄e jinō im jema rejjab peptaij. Ekar lukkuun pen n̄an n̄a.

Ekar ejjeļo̧k m̧ōtta, im ikar make iaaō ilo lik in m̧ōnjar eo—alooj, ron̄jake, innām ro̧o̧l n̄an m̧weo. Kwomaron̄ āindein ilo jidik iien, ak n̄e ejjeļo̧k m̧ōttam̧, men̄e kwojeļā ke em̧ool, epen, eļaptata n̄e ro m̧ōttam̧ me rejjab membōr rej bar kapoiki eok.

Iaar bar ro̧o̧l n̄an m̧ōnjar eo juon Jabōt, āinwōt n̄e ede eo nej kōttan aō jar im em̧ōj, ke ij etal rej kanne pepa. Im iaar ba, “Ta in?”

“Ej juon kweilo̧k an jodikdik ro,” ekar ba. “Kwoj aikuj etal.”

Ikar ba, “Em̧m̧an, ikōņaan kajjieon̄.” Kōn ilo iien kweilo̧k eo an jodikdik ro, aolep jodikdik ro rej ikkure, al, im eeb, innām juon ainikien ilo kein kōnono eo ej ba, “Jen jar m̧okta.”

Aolep armej ro raar ekkeroro, raar bōjrak. Im iaar ba, “Ta? Ta in ewaļo̧k ijin? Elmen an aolep jodikdik rein lukkuun keroro im ļak jidik wōt iien kajju jako keroro kōn wōt jar? Ekwe, wow, roktak. Ikar kōņaan bwe in āinwōt er. N̄an n̄a, Irooj eaar bar jilkintok ennaan in: “Carlos, jab ebbweer. En̄in ijo jikūm̧.”

Raan eo juon, iaar etetal bajjōk im juon leddik ekar kōjan̄jan̄ flute make iaan. Ke ikar loe leddik in, ikar ba, “Wow!” Im ekar jino an lukkuun bam ubō. Im iaar kōņaan kōnnaan ippān. Ekar lukkuun meanwōr im jouj. Im eaar jino kōnnaan tok n̄an eō āinwōt n̄e iaar jeļā kajjien. Im eaar erom juon m̧ōtta, eo ej make wōt. Im kōn e, iaar maron̄ ioon ro jet m̧ōttam.

Ālkin kweilo̧k eo an jodikdik, iaar pepe in etal wōt. Baam̧le eo aō rekar em̧m̧akūt n̄an ijo rājet ilo bukwon eo. Iaar etal n̄an m̧ōnjar eo epaake m̧weo im̧ō, im kwojeļā wōn eo ijo—Mônica! Kar ward eo an eo. Ke ej jem̧ļo̧k kweilo̧k eo, juon sister ej jibadōktok eō im ba, “Kwoj ke juon membōr in Kabun̄ in?”

Emakijkij aō ron̄ kajjitōk in. Iaar ba, “aaet, ij ļōmņak ij, aaet ij.”

Ekar ba, “O, kwoj aikuj pād ilo jemenere.”

Im iaar ļōmņak, kwojeļā, ijo ij itok jān e, jemenere ej n̄an erom juon pris, ak bata.

Innām iaar ba, “Jaab, jaab, kwojeļā, ikōņaan m̧are im en lōn̄ nejū.”

Im eaar ba, “Jaab, jemenere ej n̄an jodikdik ro, kwojeļā, n̄an jeļā kōn gospel in. Ekar jab lukkuun lōn̄ jodikdik ro ilo ward eo am. Kar jilu wōt, aaet: Adriano River, Calos Mancini, im Mônica Brando.

Im ikar ļōmņak, “Wow. Ekwe, ijjab jeļā ta in, ak ikōņaan pād.”

Im aolep jibbon̄ ij bōk naan ko rem̧m̧an kōn Anij. Im eaar letok n̄an eō meļeļe wōn n̄a, kajoor eo n̄an dāpiji im kōjparok oktak eo aō n̄an dāpdep wōt.

Innām kar jitōn̄ eō bwe in kōmpānien ippān būreejtōn eo an Doulul eo an Likao ro n̄an loļo̧k m̧oko. Ak men̄e ijjab lukkuun jeļā kōn gospel in, eaar letok aō jerbal n̄an katakin aolep iien. Ekar lōke eō, ij ļōmņak, eļapļo̧k jān aō lōke eō make.

Im juon men ekabwilōn̄lōn̄—e kar jemān Mônica. Im kwon ba ta, leddik enjeļ in Mônica me iaar kwaļo̧k ke ekar pād ijo n̄an jipan̄ eō—eaar erom̧ kōrā eo pāleeō. Ālkin am̧ro kar mijen, kom̧ro kar m̧are ilo tampeļ, im kiiō ej jinen ajri ro emān nejum̧ro im juon būbū n̄an jiljilimjuon jibūmro, im ej juon enjeļ wōt ilo mour e aō. Elakkar wōt aō enjeļ ilo mour e aō.

N̄e kwonaaj reito-reitak, ejjeļo̧k aō pere ke kwonaaj lo ro rej aikuj jipan̄ ko an enjeļ. Irooj ej aikuji kom̧. N̄e kwonaaj lo eok make ilo kūlaaj eo, jab meļo̧kļo̧k: itulowaam̧ ewōr juon jetōb eaiboojoj me ej juon ļaddik im leddik nejin Jemedwōj Ilan̄ kōn aolep paoktok ko im aorōk ko itulowaam̧.

[Jem̧ļo̧kin video eo]

Elder Godoy: Imissi bar eo. EM̧M̧AN Kiiō jej tin bōklōn̄ ta jet iaan unin kōnono ko. Im ajimakeke ej men eo jinointata.

Sister Mônica Godoy: Ijin, ij tōmak, ej juon iien em̧m̧an n̄an bōjrak im kōnono kōn ta eo eaar waļo̧k. Carlos, ke ej em̧m̧an ded, ekar en̄jake ajimakeke im ebbweer.

Bōlen jet iaami rekar en̄jake ajimakeke im jabwābwe, āinwōt an kar waļo̧k ijin. Ejjab pidodo n̄an en̄jake ke jejjab aorōk im ejjeļo̧k tokjeed. N̄an ejja kain jekjek rot in, jouj im jab kōtļo̧k bwe en̄jake in en anjo̧ ioom̧. Kwojjab make iaam̧. Bōlen ro jet rejjab iiaio̧ ippam̧ ak rejjab atbokwoje eok āinwōt am̧ kōņaan. Ej juon wāween ekabūrom̧ōjm̧ōj. Ak keememej, kwojjab make iaam̧ kōnke aolep iien Rilo̧mo̧o̧r eaar pād ijo n̄an kwe. E ejeļā kajjiem̧, E ejeļā ta eo ej waļo̧k ilo mour eo am̧, Ej iakwe eok, im E ej pād ijo jabdewōt iien eo kwoj aikuj. Jouj, jab ebbweer n̄an dāpdep wōt im en̄jake ke kwoj uwaer. E enaaj jilkintok enjeļ ro n̄an jipan̄ eok.

Elder Godoy: Kiiō, jidik ennaan n̄an kōj aolep ro rej en̄jake eiten ļo̧k en̄jake in ajimakeke im jabwābwe. Jej aikuj in āinwōt enjeļ rein. Jouj reito-reitak im lale ro m̧ōttam̧. Repād ijeņ, reļakkar pād ijeņ, im bōlen kwojan̄in kar kile er. Eļap am̧ boub, ippān ro m̧ōttam̧ im kōmpānion ro am̧ rōm̧m̧an, jon̄an kwojjan̄in ioon ro me rej kōjatdikdik n̄an en̄jake iakwe im ruwainene. Ak repād ijo n̄an kappok m̧ōttaer, kōjatdikdik n̄an en̄jake ke rej uwaer. Bōlen repād ilo likin m̧ōnjar en ak ilo kona ko ilo kūlaaj ruum̧ eo. Enan̄in aolep iien, reban ekkōņak jōōt mouj im tae ak nuknuk ko rōm̧m̧an n̄an raan in Jabōt. Ak rej kajjieon̄ jon̄an wōt aer maron̄ n̄an kobatok. Jouj leļo̧k n̄an er jidik iien. Rej aikuji ettōn̄ dikdik ko ami, ami iak-iakwe, im ami m̧ōttāik er. En̄in ej jidik naan jān Būreejtōn Spencer W. Kimball:

“Anij elukkuun jeļā kajjied, im ej mije kōj. Ak ekkā an waļo̧k jān bar juon armej eo me ej kake aikuj ko ad.”

EM̧M̧AN. Jerā. Kalibobo kōn Iakwe.

Sister Godoy: EM̧M̧AN, en̄in ej bar juon unin kōnono em̧m̧an n̄an kōnono kake: iien eo kwar jino iakwe eō.

Elder Godoy: Ijeļā ke kwon kar kāālet men ņe.

Sister Godoy: Ekwe aeet! Ekar juon iien em̧m̧an, im ewōr juon katak ijin n̄an kwaļo̧ke. Jet iaami enaaj bar wōr en komi nej kōņaan im pidodo n̄an kile ri iakwe ro ami. Kwomaron̄ iakwe ilo jinoin am̧ kalimjōke.

Elder Godoy: Ij ļōmņak karjekjek eo aō in. Lale meja.

Sister Godoy: Ak n̄a eoktak.

Elder Godoy: Ijeļā.

Sister Godoy: Jen jab kōtmāne n̄an pukōt kōmpānion eo ad indeeo āinwōt ro jet. N̄an jet, enaaj alikkar im ekajoor. Ak jet, ebōk iien, kijejeto, im kijenmej. Enaaj juon menin kam̧ool eļap ilo am̧ kappukote wōt jem̧jerā eo am̧. En jab m̧ōkaj am̧ ebbweer kōnke kwojjan̄in bōk juon en̄jake ekajoor. Imminene ej katakin kōj bwe jet m̧are ko rōm̧m̧an rekar jino ilo wāween ko rōm̧m̧an, jidik kōn jidik, date im bar date.

Elder Godoy: Ejim̧we Mônica. N̄an kom̧ro, aaet, ekar āindein. Ekar lukkuun m̧weiir ilo būruwō ilo iien eo iaar lo e. N̄an n̄a, ekar āinwōt iaar lo juon jurōn meram. E, ilo turājet eo juon, ekar jab lukkuun en̄jake jabdewōt. Ebōk jejjo̧ allōn̄ n̄an lukkuun jerbale m̧ae iien eo ekar kile ke n̄a eo im̧m̧an im inej ekkar n̄an e. M̧okta kōm kar m̧ōttā, im ālkin elōn̄ iien date ko, āliktata ekar kile bwe ekar iakwe ļaddik in me “ewulio”. Eļap ak edik.

Jekjek in ej katakin kōj kōn jet pedped: wāween eo jej bōk revelesōn. Wāween eo n̄an pukōt juon eo ej āinļo̧k wōt wāween ebbōk revelesōn.

Em̧m̧an ippa katak eo an Elder Bednar kōn revelesōn. Eaar kōjerbal ruo waanjon̄ak in jekjek ko elōn̄ iaad em̧ōj ad en̄jaki kōn meram n̄an kwaļo̧k kake.

Ekar kwaļo̧k kōn en̄jake eo n̄e “jej deļo̧n̄ ilo juon ruum̧ eo im kōjo̧ tōm̧a eo. … Ilo an juon meram kōmeram aolepen ruum̧ eo im kōm̧m̧an bwe en jako an marok. … Meram eo ej jo̧ ilo ruum̧ eo emarok āinwōt jej bōk juon naan jān Anij … im aolep ilo juon wōt iien.” En̄in kar wāween aō kar en̄jake kōn Mônica.

Jekjek eo juon jekar en̄jake ej ilo “ad lale an bon̄ oktak n̄an jibbon̄ . … Oktak eo ilo ad kōjo̧ juon ļait ilo juon ruum̧ emarok, meram eo ilo an tak aļ ekar jab kajju kōmeramļo̧k. Ijoke, kajoor eo an meram eaar ļapļo̧k jidik kōn jidik, im … āliktata, aļ eaar jino tulo̧k. …

“Meram eo eaar ļapļo̧k jidik kōn jidik jān an aļ tak ej āinwōt n̄e jej bōk juon ennaan jān Anij ļain im bar ļain, kain̄i im bar kain̄i’ (2 Nipai 28:30).” En̄in kar jekjek eo ippān Mônica ke ekar kile ke ij armej eo ikkar n̄an e. Ekar bōk jidik iien.

Elder Bednar eaar kōjem̧ļo̧ke: “Ilo emakijkij, revelesōn ej itok aolep iien ko rekkar im jidik kōn jidik ekkar n̄an kōņaan eo ad, erreeo im pojak.”

Sister Godoy: Jemaron̄ ba ejja menin n̄an bōk jetōb n̄an kalikar im kapen kōm̧pānion ko ad indeeo. Ilo emakijkij, enaaj itok ilo wāween ko reddik ilo ad ioon armej ro im joļo̧k jidik iien ippān doon.

Elder Godoy: Men bwe in bōke. Ilo ami kar alooje pija eo, kobaļo̧k ilo jemenere ekar juon kāālet eo epen n̄an eō. Men̄e unleplep eo n̄an kobaļo̧k ej kōn leddik eo edeeo im ejjab kōn katak ko, ekar jelet oktak eo aō ilo jetōb.

Kōn wōt katak ko an gospel in kajjojo raan, iaar maron̄ in kōkajoorļo̧k naan in kam̧ool eo aō n̄an jum̧ae kapo ko ilo raan ko aō. Ekar jipan̄ eō meļeļe bwe ij juon nejin Anij im bwe E ewōr juon an karōk n̄an eō ilo mour in.

Sister Godoy: Ejja pedped in katak in ej jerbal n̄an institute. Ekar m̧ōttan raan in date ko am̧ro. Ij kōjatdikdik kom̧ij kowōr tokjen kein katak in eļap. Ijo, koban lo wōt m̧ool ko an gospel in ak bar ro m̧ōttam̧ rōm̧m̧an. Lale ta eo Būreejtōn Nelson eaar ba kōn institute:

Bitio: “Ro jeiū im jatū, ij iakwe kom̧. Emakijkij aō ļōmņak im jar kōn kom̧. Komij mour ilo juon tōre eoktak jān ko jet. Komij pād ilo dettan eo me kom̧ij kōm̧m̧ani kāālet ko raorōk—kāālet ko me renaaj jelet aolepān ami mour laļin im indeeo. Kōm̧m̧ani kāālet kein emaron̄ in pen ak apan̄ ilo tōre kein. Ak ebarāinwōt kam̧ōņōņō kōnke jej mour ilo juon tōre em̧m̧an.

“Imaron̄ ke kajjitōk ippāmi n̄an kōm̧m̧ane juon men me enaaj jipan̄ kom̧ ilo juon wāween me jejjo men ko remaron̄? Etal n̄an institute! Kiiō em̧ōj aō lale an ro jibū, ro jibū jibū, im elōn̄ jibū jibū jibū etal n̄an e. Etal n̄an institute ekar ukōt mour ko aer.

“Institute ekar jipan̄ er, im enaaj jipan̄ kom̧, n̄an kam̧willaļo̧k ami oktak n̄an Jisōs Kraist. Etal n̄an institute enaaj jipan̄ kom̧ en̄jake eļapļo̧k iakwe eo eļap an Jemādwōj Ilan̄ n̄an kom̧. Institute enaaj lewaj n̄an kom̧ rikatakin ro reim̧we, ro m̧ōttami retiljek, im juon en̄jake ke kwoj uwaer. Enaaj jipan̄ kom̧ lo etke mour kōn gospel eo ej tōlļo̧k n̄an m̧ōņōņō eo ejjeļo̧k jem̧ļo̧kin. Etal n̄an institute enaaj jipan̄ kom̧ mour kōn gospel eo im en̄jake eļap lan̄lōn̄—kiiō.

• N̄e kom̧ij kōņaan jeļā m̧ool eo kōn wōn lukkuun kom̧, etal n̄an institute.

• N̄e kom̧ij kōņaan jeļā kōn unin mour in, etal n̄an institute.

• N̄e kom̧ij kōņaan pād ilo iaļ in bujen eo, etal n̄an institute.

• N̄e kom̧ij kōņaan katak ekōjkan ad kōtļo̧k an Anij anjo̧ ilo mour eo ami, etal n̄an institute.

• N̄e kom̧ij kōņaan erom juon rikōm̧m̧an aenōm̧m̧an, etal n̄an institute.

“Ij kallim̧uri kom̧ kōn kōjeraam̧m̧an kein im kwaļo̧k aō iakwe n̄an kom̧, ilo āt eo ekwojarjar etan Jisōs Kraist, amen.”

Elder Godoy: Ilo ad pād wōt ilo ejja jetōbin nokon in, in m̧ōk kōnono kōn jekjek eo ikar en̄jake ikkijeen katakin ilo m̧oko.

Ilo ami kar alooje bitio in, kar jitōn̄ eō bwe in jerbal men̄e eaar jabwe jabdewōt ippa n̄an leļo̧k. Jerbal ekar kōm̧m̧an bwe in en̄jake aorōkū. Ekar kōpooj eō n̄an jipan̄ ro jet im, āinwōt juon tōprak, ekar kōkajoorļo̧k naan in kam̧ool eo aō. Juon iaan wāween ko rem̧m̧antata n̄an kōkajoorļo̧k naan in kam̧ool eo an ro jet ej n̄an kwaļo̧ke. Ij kōjatdikdik bwe kom̧ naaj lukkuun bōk koņami ilo jerbal in jipan̄. Emaron̄ in jerbal in karejar, menmenbwij an baam̧le, jerbal ilo tampeļ, ak jabdewōt ijjitōn̄ ko jet an Kabun̄ in ijo kwonaaj kōjekdo̧o̧n eok make im jipan̄ ro jet. Enaaj kōjeraam̧m̧an eok, kōkajoor eok, im kōjparok eok.

Em̧m̧an ippa eoon eo ilo Katak im Bujen Ko me ej kobaiktok pedped in katak in:

“Em̧ool Ij ba, armej reaikuj kanooj m̧ōņōņō in poub kōn tokjān, im kōm̧m̧an elōn̄ men ko kōn wōt anemkwōj in kāālet eo aer, im kwaļo̧k eļap em̧m̧an.”

Im bar juon, āinwōt aō kar ba ilo video eo, ekar lukkuun em̧m̧an ippa kōmpānion eo aō me n̄an loļo̧k m̧oko eo me iaar m̧areik leddik eo nejin. Ekar erom jema kōn kōrā eo ikar m̧areiki. E ej jemān Mônica. Ikar lukkuun niknik ilo ijjitōn̄ ko aō n̄an loļo̧k m̧oko. Aolep allōn̄ ikar pād ijeņ ilo m̧weo m̧ōn n̄an kōm̧m̧an jerbal in loļo̧k ko aō.

Sister Godoy: Juon kōjeraam̧m̧an me ewōr ilo epepen in me ekar ejjeļo̧k am ej tampeļ ko repaak. Sao Paulo ekar make wōt ilo Brazil ilo tōre ko am̧ro, lukkuun ettoļo̧k jen kōm. Ilo tōre eo, rūm̧m̧an ded ro rej etal n̄an tampeļ n̄e rej etal im mijen ak m̧are. Kōn jeraam̧m̧an, Būreejtōn Nelson eaar kiiō kwaļo̧k kōn aorōk eo n̄an būki menin letok kwojarjar ko ami me rejenolo̧k jān mijen ak m̧are. Ej kōn kōppopo eļapļo̧k jān jabdewōt men. Ij kōjatdikdik bwe kwonaaj bōk menin n̄an kōļmenļo̧kjeņ kake.

Emakijkij ilo am̧ etal n̄an m̧weo im̧ōn Irooj ej barāinwōt bōktok kōjeraam̧m̧an ko. Ilo tampeļ, jej būki katak ko n̄an jipan̄ kōj anjo̧ jān laļin. Em̧m̧an ippa ta eo Būreejtōn Nelson ekar ba ilo kweilo̧k eo ļo̧k:

Bitio: “Ejjeļo̧k juon men enaaj jipan̄ eok eļapļo̧k n̄an jirōk likatōttōt n̄an aen in dāpdep eo jān am̧ kabun̄jar ilo tampeļ eo emakijkij n̄e jekjek ko kwoj pād ie rekkar. Ejjeļo̧k men enaaj kōjparok eok eļapļo̧k ilo am̧ ioon tab in marok ko an laļin. Ejjeļo̧k men enaaj kam̧ōjņo̧ik naan in kam̧ool eo am̧ kōn Irooj Jisōs Kraist im Pinmuur eo An ak jipan̄ eok meļeļe karōk eo ekabwilōn̄lōn̄an Anij. Ejjeļo̧k men enaaj kaenōm̧m̧an jetōb eo am̧ eļapļo̧k ilo iien ko reppen. Ejjeļo̧k men enaaj kōpeļļo̧k lan̄ ko eļapļo̧k. Ejjeļo̧k!”

Elder Godoy: Kom̧m̧ol, Būreejtōn Nelson, kōn katak ko am̧ “Eļap am̧ iakwe eok!”. EM̧M̧AN, unin kōnono eo tok juon: etal im mijen.

Sister Godoy: Ekwe, eiien kōnono kōn mijen. Jiljino allōn̄ ālkin an Carlos kar etal im mijen, iaar etal im mijen.

Elder Godoy: Ekar jide.

Sister Godoy: Ekar jab jide. Kom̧ro kar jim̧or kōņaan jerbal n̄an Irooj, im kom̧ro kar kōņaan pād ippān doon. Kōn menin kom̧ro eaar kalimjōk mijen eo am̧ro āinwōt juon wāween eo em̧m̧an n̄an kam̧ōņōņōik Rilo̧mo̧o̧r im ilo ejja iien eo wōt kar kōpooj kom̧ro n̄an mour in m̧are eo am̧ro. Kom̧ro kar jeļā bwe enaaj barāinwōt bōktok kōjeraam̧m̧an ko kar aikuji n̄an mour in pālele eo am̧ro.

Elder Godoy: Ejjeļo̧k pere ke mijen ko am̧ro rekar bōktok kōjeraam̧m̧an ko n̄an mour ko am. Kōn wōt mijen ko am̧ro, naan in kam̧ool ko am̧ro kōn Rilo̧mo̧o̧r ekar kajoorļo̧k, jeļāļo̧kjeņ ko am̧ro kōn gospel in ekar ļapļo̧k, im wāween kōnono im kapeel in tōl rekar jipan̄ kom̧ro ilo jerbal ko am̧ro. Ak ilōn̄in jabdewōt men, kom̧ro kar en̄jake n̄an maron̄ kakūrm̧ool mijen ko Irooj eaar kōtmāne jān kom̧ro.

Sister Godoy: Ewōr juon aō kajjitōk n̄an kwe. Ak ro reban etal ak ban dedeļo̧k mijen eo aer kōn elōn̄ un ko? Emaron̄ ke wōr aer kōjatdikdik kōn juon ilju im jeklaj?

Elder Godoy: Aaet remaron̄! Jemedwōj Ilan̄ eo ej iakwe kōj enaaj pād ippāer aolep iien. Jejjab aikuj ekajete ro eoktak jekjek ko rekar en̄jaki ilo mijen ko aer ak ejjeļo̧k aer en̄jake kōn mijen. Ālkin men otemjeļo̧k, men̄e tal im mijen emaron̄ in juon en̄jake epen ilo mour ko ad im ej juon eddo an priesthood n̄an ļaddik ro, ejjab juon kain̄i an gospel in, ejjeļo̧k juon enaaj bōk kaje ilo aer wōnm̧aanļo̧k ilo mour in ak jerwani kōjeraam̧m̧an ko indeeo kōn wōt menin.

Sister Godoy: Ij m̧ōņōņō bwe ekar wōr aō iien n̄an etal im mijen, im ij rōjan̄ aolep. Ak ilo ad jeļā, jiron̄ ro rej ruwainene im ļap aikuji, ak mijen n̄an er ej aer pepe.

Elder Godoy: Ij bar m̧ōņōņō kōn en̄jake eo aō kōn mijen. Ij tōmak bwe ke iaar ro̧o̧ltok ālkin ruo iiō in mijen, ekar ļapļo̧k aō pojak n̄an mour in. Ippān an lak jejjet m̧wijbar eo aō.

Sister Godoy: Kōnono kōn ro̧o̧ltok jān mijen, ak kōnono kōn m̧are kiiō?

Elder Godoy: Em̧m̧an. Jen lale unin kōnono in.

Sister Godoy: En̄ ņe, ruo mijenede rej kab ro̧o̧ltok kōn eļap iakwe, elōn̄ kōttōpar ko, ak ejjeļo̧k aer jāān.

Elder Godoy: Aaet! Ij keememej.

Sister Godoy: Reilikļo̧k kiiō, ij kile ewi jon̄an an kar em̧m̧an n̄an jino mour in pālele eo am̧ro ilo am̧ro kar kōm̧m̧ane n̄an bōk jeļāļo̧kjeņ ko am̧ro, jerbal, im kōttōpar ko am̧ro ilo mour in ippān doon. Kom̧ro kar jim̧or kōm̧m̧ane, im en̄jake kein im apan̄ ko rekar kōm̧m̧an bwe kom̧ro en epaakeļo̧k wōt doon.

Elder Godoy: I keememej im ij errā. Iiō ko rekar kalōk mour ko am̧ro n̄an būki kōttōpar ko am̧ro bwe ren erom̧ kein kakeememej ko raorōk. Ejjab meļeļein bwe ebōd n̄an jino juon mour in pālele eo me ekar ejaak kōn jāān. Kom̧ro kōņaan kwaļo̧k juon ennaan ippāmi ro rej kōttar n̄an kōttōprak aolep men m̧okta jen jerā m̧ae iien epojak aolep men ko kwoj aikuji. Komij aikuji men ko rekkar, n̄an doon, im bwe Irooj ej pād iturumi—jabdewōt men eo kwomaron̄ būki ippān doon, eo enaaj kōkajoorļo̧k m̧are eo ami. Im ij kappukote jet iaer ijin ilubwiljin jarlepju in.

Sister Godoy: Ukōte wōt pija eo ak jab ukōt unin kōnono eo—bar jidik kakkobaba kōn mour in pālele: n̄e kom̧, ro rūm̧m̧an ded, komij kalimjōk kōm, ripālele ro im baam̧le ko, kwomaron̄ ļōmņak ekar baj āindein wōt, ke aolep men im em̧m̧an, im epidodo aolep men n̄an kōm. Bōlen emaron̄ n̄an ro jet, ak ejjab aolep.

Elder Godoy: Ekar jab n̄an kōm, ilo jinoin.

Sister Godoy: Mour in pālele ej juon iien ekkatak kōjatdikik bwe enaaj em̧m̧an ilo ad wōnm̧aanļo̧k. Iakwe eaar baj pād wōt jen jinoin, ak mour kake kajjojo raan ej ekkal jidik kōn jidik. Jej aikuj kajim̧weik doon, ettōn̄ im jan̄ ijin im ijeņ; ajri ro renaaj bōktok m̧ōņōņō im būrom̧ōj, nan̄inmej enaaj emakijkij an jelet kōj, im jāān emaron̄ in jabwe jet iien, ak kwojeļā ta? Ako kojeļā ta? En̄in ej jekjek in mour.

Elder Godoy: Ak juon men emool. N̄e jenaaj bōktok gospel eo an Jisōs Kraist n̄an kajjitōk in, mour in pālele enaaj em̧m̧anļo̧k im kam̧ōņōņōļo̧k.

Sister Godoy: Ekwe, kajjitōk ruo. Ak ro eban wōr aer iien n̄an m̧are ilo mour in? Ewōr ke am̧ naan n̄an er?

Elder Godoy: Elōn̄. Em̧m̧an ippa kapilōk eo an Būreejtōn Hinckley n̄an sister ro me ij tōmak emaron̄ bar iooktok aolep. Jen lale m̧ōk ta eo ekar ba:

Bitio: “Jet iaami, jerata, reban m̧are ilo mour in. Emaron̄ in waļo̧k jet iien. N̄e enaaj waļo̧k, jab jerwane mour eo am̧ im ļōmņak kake. Laļin eaikuji wōt taļōn ko am̧. Ej aikuj jipan̄ eo am̧. Kabun̄ in eaikuji tōmak eo am̧. Am̧ kajoor, n̄an jipan̄ ro jet. Mour in eban likjab m̧ae jej likjab. Ekanooj lōn̄ ro rej aikuji jipan̄ eo am̧, am̧ ettōn̄dikdik, am̧ jouj. Ij loe elōn̄ ro rekkar, rōm̧m̧an, kōrā ro rōm̧m̧an me rej itok im etal. Ijjab meļeļe, ak ijeļā bwe ilo karōk in m̧ōņōņō eo an eo Ekajoor Bōtata, karōk eo indeeo eo me jej aolep ņa etan karōk in m̧ōņōņō eo an Anij, enaaj wōr iien em̧m̧an im nōbar n̄an aolep ro rej pukot er.”

Elder Godoy: Juon eoon me ej kwaļo̧k ejja kallim̧ur in ej waļo̧k ilo Mosaia 2:41.

“Im eļapļo̧k, ikōņaan bwe kom̧in ļōmņak kōn jekjek eo ejeraam̧m̧an im ekōm̧ōņōņō an ro raar kōjparok kien ko an Anij. Bwe lo, rej jeraam̧m̧an ilo aolep men ko otemjeļo̧k, jim̧or ilo kanniōk im jetōb; im eļan̄n̄e renaaj dāpdep wōt ilo niknik n̄an jem̧ļo̧kin naaj bōk er ilo lan̄, bwe ren maron̄ jokwe ippān Anij ilo wāween m̧ōņōņō eo ejjeļo̧k jem̧ļo̧kin. O keememej, keememej bwe men kein rem̧ool; bwe Irooj Anij eaar kōnono e.”

N̄an kōmeļeļeiki, ennaan in ej, jerbal jen naan ko an Elder Bednar, kwoj aikuj juon leddik eo em̧m̧an ak ļaddik eo em̧m̧an, kōjparok kien ko, im Irooj enaaj kōjparok men otemjeļo̧k. Ilo jemļo̧kin, aolep kōjeraam̧m̧an ko naaj leļo̧k n̄an ro raar tiljek.

Môni, elōn̄ ke am bar jabdewōt kakkobaba?

JSister Godoy: Aaet. Ikōņaan kōjemļo̧ke kōn naan in kam̧ool eo aō.

Ijeļā bwe jej ļaddik im leddik ro nejin Jemedwōj Ilan̄ eo ej iakwe kōj. Ijeļā bwe Jisōs ej Kraist eo im Ej mour. Ijeļā bwe mour in ej iien n̄an m̧aanjabpopo n̄an ioon Anij. Ijeļā bwe Ej tōl kōj im kōpooj iaļ eo. Jejjab make iaad. Ijeļā tampeļ eo ej m̧weo im̧ōn Irooj ioon laļin. Ewōr juon jikin ijo jemaron̄ bōk jeļāļo̧kjeņ im im̧we n̄an mour ko ad. Ijeļā bwe ewōr juon ad rikanaan ilo raan kein, im ej katakin kōj im tōl kōj.

Ilo etan Jisōs Kraist, amen.

Elder Godoy: Kom̧m̧ooltata. Em̧m̧an ippa n̄an katakin kom̧. Im ij iakwe eok.

Ak Gilberts ro? Elōn̄ ke jabdewōt kakkobaba ak naan in kōkapilōklōk n̄an jarlepju in?