Reirei man Maiun te Kairake n Ikawai

Unimwaane Carlos A. Godoy: Kam rabwa ibukin raonakira n te bong aei n te tabo ae tamaroa aio. E rine irou raonakimi n te bong aei. Kam rabwa ngkai kam raoniira man koonan te aonaaba ake aua. Ti tatangiria n raoniia kairake aika ikawai. Iai tibwangami ae kakaawaki i nanon te Ekaretia, ao kam maiu n te tai ae moan te kakaawaki i nanon maiumi. Ami babaire n te bong aei e na korakora mwiina iroumi nakon taai aika a na roko. Ngaia are n te tairiki aei, ara kantaninga bwa ti anga ara ibuobuoki are e na reiti rongorongo aika tamaroa aika a mwaiti ake a tia n taekinaki n taian bwabwaro mai mwaina.

I kukurei n raonaki irouia taanga aika te Tari Chad Webb ma kainnabana, Kristi, ao Unimwaane Clark Gilbert ma kainnabana, Christine. Kam rabwa n raonakira n te bong aei.

I kukurei n raonaki iroun Monica n te bootaki n taromauri aei. Ti na kabongana te angareirei n te tiim, ao au kantaninga bwa kam kukurei iai.

Ni mwakoron ara rongorongo, ti na tibwa te witeo ae kimototo are e karaoaki n te Ekaretia ibukin arora ngke ti uarereke. Mônica ao ngai ngke bon rorora ngkami.

N rinanon te witeo aei, ara kantaninga bwa tina reireini ngkami reirei tabeua ake kam kona ni karaoi ni maiumi n te tai aei. Bon ti nimaua minitin te witeo are kam na noori iai taai aika a kaokoro i nanon maiura. Taiaoka kakauongo raoi ao kataia ni kinai reirei akanne ake kam kakoaua bwa a kaineti nakoimi. Ti na manga oki i mwiina ni maroroakini tabeua. E RAOIROI?

[witeo]

I aki kakaea te euangkerio ke te ekaretia. Bon 16 au ririki, ao raoraon tariu ae te ikawai e roko ni mweengau bwa e kaoiia mwanera aika a uarereke nakona ana waaki ni kakukurei te Ekaretia ibukina bwa n ana iango ao ngai ao tariu ti aki nano ni bwain te Ekaretia. Ao ngke tia roko n te tabo ni bootaki, a takakaro n te bwai ae rang bebete, ao a rang baenako n aia takakaro anne ao a ngarengare. Ao I taku inanou, “Bukin tera a rangi ni kukurei?”

Ngaia are uabong i mwiina, I a reirei ma mitinare n te umwantabu ibukina bwa au utu akea nanoia iai. I kukurei n te euangkerio. I ataia bwa e bon koaua, n te aro ae tau bwa N na kukurei ni bwabetitoaki iai e ngae ngke a aki raonai au karo. E matoatoa karekean te boibuako.

Bon akea raraou, ngaia are I mena ikekei n te tai ae uarereke mai buki n te umwantabu—mamataku, ongongora, ao okira au auti. Ko kona ni karaoa aei teutana te tai, ma ngkana akea raoraom, e ngae ngke ko kakoaua bwa e bon koaua, e bon kangaanga, riki ngkana raoraom mai tinaniku a weteiko bwa kona oki.

I nako n taromauri n te Tabati teuana, bwa kanga taeana irou, ao a kanoai beba. Ngaia are I a titiraki, “Tera anne?”

“Aia bwabwaro kairake,” a taku. Ko riai naba n iri.”

I kaeka, “NGAIA, I kan iri n noria.” Ngke ti a roko ikekei, e a waaki te takakaro, te anene, ao te mwaie irouia ataein te roronrikirake, ao e a nako naba te bwana man te tibiika, “Ti a kaukira moa n te tataro.”

E kainabwabu te aba n te tai ae waekoa. Ao irou I taku, “Tera ae riki? Tera ae e a riki ikai?” E kanga n reke ae a bon beroro te kurubu ni kairakei ao a boni mabu nako n te tai ae waekoa ti ibukin te tataro? Ngaia, auee, a rangi n okoro. I kan riki n aroia. Irou, bon ana rongorongo riki te Uea nakoiu, “Carlos, tai bwarannanoia. Aio am tabo.”

Ao n te bong teuana I ririaki ao temanna te ataeinnaine e katanga te flute ikekei n ti ngaia. Ngke I nooria, ao I taku inanou, “Wow!” Ao e bukibuki manawau. I kan kataetaea. Ao e rang rau man rang iraorao. Ao e a waaki ni maroro ma ngai n aron ae bon te aomata ngai. Ao e a riki bwa raoraou, ai tibwa ngaia raraou. Ao mai iroun neiei, I a kona ni kaitibo ma rao riki tabeman.

I mwiin aia maungatabu kairake aei, I a baireia bwa N na teimatoa ni waaki nako. A mwaing au utu nako mwakoron te kaawa teuana. I nakon te umwantabu ae uakaan ma mweengau, ao keetinna bwa antai ae mena ikekeiI —Mônica! Arei ana uoote. Ao ni banen te taromauri, e roko nakoiu te titita ao e taku, “Ngkoe kain te Ekaretia?”

I a taneiai n te titiraki anne. I taku, “Eng, I taku bwa kaaina, bon ngai kaaina.”

E taku, “Eang, ko riai n ira te tieminari.”

Ao I iango, ko ataia, man te tabo ae I nako mai iai, te tieminari bon te tabo ibukiia ibonga, te tama.

Ngaia are I kaeka, “I aki, tiaki, ko ataia, I tangiria bwa N na mare ao N na kariki.”

Ao e taku te aine arei, “Tiaki ngaia anne, te tieminari bon ibukiia kairake, eang, kona reiakina iai taekan te euangkerio. E karako mwaitiia te roronrikirake n ara uoote. Bon tii teniman, ngaiia: Adriana Weber, Carlos Arthur Lencini, and Mônica Brandão.

Ao I iango, “Auee. Eng, I aki ataia bwa tera, ma I kan mena ikekei.”

Ao ni katoa ingabong I karekei ana taeka te Atua aika a raraoi. Ao anne are e a anganai te mataata bwa antai ngai, te korakora bwa N na teimatoa n kakorakoraai ao ni wakina rikiraken rairakiu ni waaki nako.

Ao i mwiina I a katabeaki bwa toan te beretitenti irouia Kairake n Ataeinimwaane n reirei n te mweenga. Ao e ngae ngke e aki tau au atatai n te euangkerio, e aki toki n anganai tibwangau bwa N na angareirei. E onimakinai riki, nakon are onimakinau i bon irou ni boong akekei.

Iai riki teuana te bwai ae kakaongora— teuaei bon taman Mônica. Ao i rarikin anne, te anera n ataeinnaine are Mônica are I taekinna are e bubuokai —rimwi riki e riki bwa buu. I mwiin are ti kaai n nako ni mitinare, ti mareaki n te tembora, ao ngkai e a riki bwa tinaia aman natira, ao tibuia itiman tibura. Bon au anera inanon maiu.

Ngkana kam taratara nako, I aki nanououa bwa kam na nooriia naake a kainnanoa ana ibuobuoki te anera. E kainnanoiko te Uea. Ngaia are ngkana ko tiroiko n te kiraati, tai mwaninga: i nanom iai te tamnei ae baraoi ae natin Tamara are i Karawa te aine ao te mwaane ma anua ni kabane ao konabwai ake i nanom.

[tokin te witeo]

Unimwaane Godoy: e a roko uringan irau. Ngaia. Ti maroro iaon tabeua iango aikai. Te moan bon te maroa.

Titita Mônica Godoy: Ikai, I kakoaua, bwa te tai ae tamaroa n toki ao ni maroroakina te bwai ae e riki. Carlos, teina ae kairake, e namakinan te maroa ao te bwarannano.

Tao tabeman mairoumi kam a tia n namakina naba te maroa ao te mwanuokinaki, n aron are e riki ikai. E aki beebete bwa tina namakina te aki noraki ke te aki boongana. Irouia ake a tia n rinanon ae arona aei, taiaoka n aki kariaia te namakin aei bwa e na tautaekaniko. Ko aki maroaa. Tao tabeman aki rang irekereke ma ngkoe ke aki butimwaeiko n aron are ko tangiria. Bon te aro ae kananokawaki. Ma uringnga, ko aki maroaa, bukina bwa e tauraoi ni buokiko te Tia Kamaiu n tainako E ataiko, E atai bwaai aika a riki i nanon maium, E tangiriko, ao E kona ni buokiko n te tai are ko kainnanoia iai. Taiaoka, tai bwarannano ni kataia bwa ko kakaawaki. E na kanakoia anera bwa a na buokiko.

Unimwaane Godoy: N te tai aei, te rongorongo nakoira ni kabane ake a uakaan ma namakinan te maroaa ke te mwanuokinaki. Ti kantaningaaki bwa ti na riki bwa anera akanne. Taiaoka taratara nako ao taraia naake a tuai n riki bwa raoraomi ke kaain ami mronron. A mena ikekei, a bon maan ikekei, ao tao ko tuai n rang ataia. Ko rang tabetabe ni maium, ma raoraom aika a raraoi ao toam, are ko tuai n nooria ake a kantaningaa namakinan te tangiraki ao te butimwaeaki. Ma a mena ikekei ni kakaeia raraoia, ni kantaninga bwa a na mwaneaki. Tao a mena ibuki n te umwantabu ke ni koonan te umwanreirei. A na bon bae n aki bwainiia n te kabaraaki mainaina ao te neketai ke te bwai n taromauri ae taraaraoi. Ma a kabanea aia tamaroa ni kariniia. Taiaoka n anganiia aia tai. A kainnanoa ami moangare, ami iobai, ao ami iraorao. Aio ana taeka Beretitenti Spencer W. Kimball iaona:

“E nooriira te Atua, ao e tararuaira. Ma bon rinanon temanna te aomata are e tau ibukin kainnanora.

NGAIA. Te Iraorao. Te kareketangira.

Titita Godoy: Ngaia, teuana naba te iango ae raoiroi ni marorokinaki: te bong are ko a tangirai iai.

Unimwaane Godoy: I ataia ae kona rinea anne.

Titita Godoy: Eang! Bon te tai ae moan te tamaroa, ao iai te reirei maiai ae ti na tibwaia. Tabeman mai iroumi kam na namakina te tangira ao ni waekoa ni kina ami tangira ni maiumi. Bon te tangira n te moan itaramata.

Unimwaane Godoy: I taku bwa bon anne te bwai ae riki nakoiu. Tarai matau.

Titita Godoy: Ma irou e kaokoro.

Unimwaane Godoy: Eti anne.

Titita Godoy: Ti riai n aki kantaningaia bwa e na titebo aron reken kainnabara ma aomata. Irouia tabeman, e rang itiaki ao e korakora. Irouia tabeman, e kona ni kainnanoa te tai, mwakuri, ao te taotaonaki n nano. E kona n rang kakoauaki raoi ngkai kam teimatoa ni kakaea i nanon te reitaki. Tai waekoa ni bwarannano ibukina bwa ko aki karekea te namakin ae korakora n te tai naba anne. Te taneiai e reireiniira bwa tabeua maare aika a korakora a waaki man kawai aika uarereke, teutana i mwiin teutana, te bong teuana i mwin teuana.

Unimwaane Godoy: E eti Mônica. Iroura, tao, bon anne arona. E riingaki nanou ni bon n te tai are I moan nooria iai. Irou, Iai aron ae I noora te boua ae ota. Ngaia, n iterana are teuana, e aki namakina te bwai teuana n te moan tai. E anganai tabeua namwakaina bwa N na mwakuri korakora ni karokoa e a ataia bwa I kona n riki bwa te rinerine ae tamaroa. N te moan tai ti riki bwa rao aika itangitangiri, ao i mwiin maroro aika a mwaiti, ao n tokina e a ataia bwa e a tangira ma te ataeinimwaane “ae botonimwaane. Ke tao e a uakaan ma anne.

Te taneiai aei e reireiniira te reirei teuana, aron karekean te kaotioti. Aron karekean temanna bon titebo ma aron karekean te kaotioti.

I tangira ana reirei Unimwaane Bednar i aon te kaotioti. E kabonganai katooto i aon uoua taneiai are angiina mai iroura ti a tia ni karekea n te ota n reirei iaona.

E taekina te taneiai are ngkana “ti rin n te ruu ae roo ao ni kaura te taura. … N te tai naba anne e uota te ota ae otamwaaka ni kaona te ruu ao ni kamauna te rotongitong. … Te taura are e kaotaa te ruu ae roo kaanga ai aron karekean ana rongorongo te Atua n te tai ae tawe … n teuana te tai.” Anne ae riki n au namakin ibukin Mônica.

Te taneiai are teuana are ngke “ti taratara te tairiki ae bitaki nakon te moaningabong. … Ni kaitaraan uran te taura n te ruu ae ro, e aki waekoa ni kaoti te ota man otan taai. [Ma], e karaurau ao e teimatoa korakoran te ota n rikirake, ao … n tokina, taai e oti i aon te oraitan. …

“Te ota are e tabe n rikirake ae kaotaaki man otin taai kaanga ai aron te rongorongo mai roun te Atua teutana i mwin teutana, te reirei teuana i mwin teuana’ (2 Nibwaai 28:30).” Anne ae riki nakon Mônica ngke e a ataia bwa ngai are e katauaki ibukina. E bon maan teutana.

E kaina ana maroro Unimwaane Bednar, “Ae kakaoti riki, kaotioti a roko n aroia aika uarereke ao a rikirake i nanon te tai ao a karekeaki ni kaineti ma kainnanora, arora n tau, ao aron ara katauraoi.”

Titita Godoy: Ai aron naba karekean te kamatoa n tamnei irouia toara ae akea tokina. N angiin te tai, e na roko n rikirake man ae uarereke ngkai ti kaitibo ma aomata ao ni kabanea ara tai n ikoikotaki.

Unimwaane Godoy: N na taetae n anne. N aron are kam nooria n te witeo, iriiran te tieminarii bon te babaire ae tamaroa ibukiu. E ngae ngke oin raoi iriiran te kiraati bwa ibukin te ataeinnaine ae baraoi ao tiaki ibukin te reirei n teuangkerio, e korakora mwiina n rairakiu ao mwanangau n te maiu n tamnei.

Ibukin reirein te euangkerio ni katoabong, I a kona ni kakorakora au kakoaua ao n totokoi kataaki i nanon maiu. E buokai n ataia bwa ngai bon natin te Atua ao iai ana babaire ibukiu n te maiu aei.

Titita Godoy: Ai aron naba te reirei n te intitiute. Bon ngaia naba mwakoron ara bong ni mamarooro. Au kantaninga bwa kam kabongana raoi te bwai n ibuobuoki ae tamaroa aei. Ikekei, ko na kunea tiaki ti koauan te euangkerio, ma bon te rao ni koaua naba. Noora te bwai are e taekinna Beretitenti Nelson iaon te intitiute:

Witeo: “Tariu ao mwaaneu aika kam tangiraki, I tangiri ngkami. I iangoi ngkami I tataro ibukimi n taai nako. Kam maeka n te tai ae akea aekana mai i mwaaina. Kam a roko n te ririki ike kam a karaoi rinerine aika kangaanga—rinerine ake a na roota maiumi ae mamate ao ae akea tokina. Karaoan babaire akanne a kona n rang taotira ke bon taai aika kakamaaku. Ma e bon kakukurei naba bwa ibukina bwa ti maiu n te tai ae ururingaki.

“I kona ni kaoko bwa kona karaoa te bwai ae e na buokiko ae e aki kona n reke ni kawai riki tabeua? Ira te intitute! I a tia ngkai n noriia natiu, tibu, ao tibutoru aika mwaiti ni kaea te intitute. Iriirakin te intitute e a tia n riki bwa te bitaki nakon maiuia.

“E a tia ni buokira te intitute, ao e na buoki ngkami naba, ni kakorakora riki rairakimi nakon Iesu Kristo. Iriirakin te intitute e na buoki ngkami n namakina riki ana tangira ae korakora Tamara are i Karawa ibukimi. Te Intitute e na angani ngkami kaetieti aika a kairaki mai karawa, rao aika a kakaonimaki, ao namakin bwa bon ngkoe kaaina. E na buokiko n nooria bwa bukin tera maiuakinan te euangkerio e kairiko nakon te kukurei ae akea tokina. Iriirakin te intitute e na buokiko ni maiuakina te euangkerio ao n namakina te kukurei ae raka —n te tai aei.

• Ngkana ko kan ata te koaua bwa antai raoi ngkoe, ira te intitute.

• Ngkana ko kan ata te kantaninga n te maiu, ira te intitute.

• Ngkana ko kan tiku iaon kawain te berita, ira te intitute.

• Ngkana ko kan reiakinna ni karimoaa te Atua ni maium, kaea te intitute.

• Ngkana ko kan riki bwa te tia raoi, kaea te intitute.

“I berita nakoimi kakabwaia aikai ao ni kaota au tangira ibukimi n aran Iesu Kristo ae tabu, amen.”

Unimwaane Godoy: Ngkai ti teimatoa i nanon te mwakoro ni kakorakora tameira, N na maroro i aon te bwai are I rinanona n te angareirei n te mweenga.

N aron are kam nooria n te witeo, I katabeaki bwa N na beku e ngae ngke e aki rang n tau ae N na anga. Te beku e karekea au namakin ae I boongana. E katauraoai bwa N na buokiia tabeman ao, n tokina, e kakorakora au koaua. Teuana te kawai ae rang tamaroa ni karaka ana koaua temanna bon tibwauakina. Au kantaninga bwa kam kakamwakuri ni kabaeaki n anga n ibuobuoki. E kona n riki bwa te mwakuri n ibuobuoki n te kateiriki, taromauri n te tembora, ke tibwanga tabeua n te Ekaretia are ko mwaninga taekam iai ao ko buokiia tabeman. E na kakabwaiako, kakorakorako, ao e na kamanoko.

I tatangira te kibu n Reirei ao Berita aika Tabu are e katuruturua te reirei aei:

“E koaua ae I taku, aomata a na riai ni ingainga ni kan karaoa te waki ae e raoiroi, ao ni karaoi bwai aika a mwaiti n oin nanoia, ao ni kakoroa bukin te raoiroi ae e mwaiti.”

Ao irarikin anne, n aron are I taekinna n te witeo, I tatangira toau n angareirei n te mweenga n te aro are I a mare ma natina te aine. E a riki bwa tamau. Bon Taman Monica. I rang kakaonimaki n tibwangau n te kakawari. I roko n ana auti ni katoa namwakaina ibukin au kakawari.

Titita Godoy: Teuana te kakabwaia ae a karekea te roro aei are ti aki karekea bon te tembora ae uakaan. Tii teuana i Brazil n ara tai ni kairake i São Paulo, e rangi n raroanako mai iroura. N te tai anne, kairake ake ikawai a nakon te tembora ngkana a nako ni karaoa aia mwakuri ni mitinare ke ngkana a mare. Te kakabwaia, E a tia Beretitenti Nelson ni katuruturua kakaawakin karekean am entaumente i bon iroum n te mition ke n te mare. E turuturu riki iaon te katauraoi nakon riki bwaai tabeua. Au kantaninga bwa kam iangoa raoi aei.

Kawaran ana auti te Uea n tainako e uoti kakabwaia. I nanon te tembora, ti karekei reirei ake a buokiira n tokanikai i aon ana kariri te aonaaba. E teke nanou n ana maroro Beretitenti Nelson iaon te tembora n te maungatabu ae nako:

Witeo: “Akea te bwai ae na kona ni buokiko riki n taua ni kamatoa te kai te biti irarikin te nebonebo i nanon te tembora ni katoatai nakon are bon am kona. Akea te bwai ae na kamanoko riki n am tai ni kaitibooaki ma taian bubu n nang aika roo man te aonaaba. Akea te bwai ae na kakorakora am kakoaua iroun te Uea Iesu Kristo ao Ana Mwakuri ni Kamaiu ke ni buokiko ni kamataata rikiana babaire te Atua ae tamaroa. Akea te bwai ae na kabebetea riki tamneim i nanon taai ni maraki. Akea te bwai ae na kauka rikikarawa. Bon Akea!”

Unimwaane Godoy: Ko rabwa, Beretitenti Nelson, ibukin am reirei. Ti rang tangiri ngkami. NGAIA, are imwina: te mwakuri ni mitinare

Titita Godoy: OK, te tai ni maroroakina te mitinare. Onoua namwakaina i mwiin nakon Carlos ni mitinare, I nako naba ngai.

Unimwaane Godoy: Ai manennantira.

Titita Godoy: E bon aki manennati. Ti uaia n tangiria ni beku ibukin te Uea, ao ti uaia n tangiria n ikotaki n taai aika a na roko. Ngaia are ti noora ara mition bwa te kawai ae tamaroa ni kakukureia te Tia Kamaiu n te tai naba anne ni katauraoira ibukin mareakira ni maiura. Ti ataia bwa e na uoti kakabwaia ake ti kainnanoi n taai aika ana roko irouia taanga n ataei.

Unimwaane Godoy: N akea te nano kokoraki ara mition e uoti kakabwaia inanon maiura. Ibukin ara mwakuri ni mitinare, ara koaua iroun te Tia Kamaiu e kakorakoraki, ara atatai n te euangkerio e rikirake, ao te reitaki ao te konabwai n aro ni kairiiri ake ti reiakin ikekei e buokiira n tibwangara. Ma ae raka riki, ti namakina te kukurei ngkai ti kona ni kakoroa bukin te mition are e kantaningaia te Uea mai iroura.

Titita Godoy: Ma iai au titiraki nakoim. Tera aroia naake aki kona n nako ke aki bane aia mition ibukina aika a kakaokoro? A kona n teimatoa ni karekea te kantaninga ae tamaroa n taai aika a na roko?

Unimwaane Godoy: Eng a kona! Tamara ae tatangira are i Karawa e na bon tatauraoi n tainako ibukiia. Ti riai n aki motiki taeka nakoia naake a kaokoro aia taneiai ke a bon aki mitinare. Irarikin anne, e ngae ngke te mition e kona n riki bwa te taneiai ae rang kakaawaki inanon maiura ao bon tibwangara n te nakoanibonga ibukiia ataeinmwaane, bon tiaki otenanti n te euangkerio, ngaia are akea ae e na katuaeaki n rikirakeia n te maiu aei ke ae e na kabua kakabwaia n te maiu ae akea tokina mai iai.

Titita Godoy: I kukurei bwa e reke au tai ni beku, ao I kaungaia ni kabane bwa ana karaoia. Ma n aron ae ti ataia, kairake n ataeinnaine a butimwaeaki ao e rang kainnanoaki, ma te beku e bon aki kairoroaki.

Unimwaane Godoy: I kakaitau naba ibukin bwaai ake I rinanona n te mition. I kakoaua bwa okiu man te uoua n ririki akanne e katauraoai riki ibukin te maiu. Ao e kan korean irau.

Titita Godoy: Maroroakinan te oki ni mitinare, tera aron maroroakinan te mare n te tai aei?

Unimwaane Godoy: E tamaroa. Tia nakon te maroro anne.

Titita Godoy: Aikai ngaira, uoman mitinare aika a tibwa oki ma te tangira ae korakora, babaire aika a mwaiti, ao akea te mwane.

Unimwaane Godoy: Ngaia anne! I uringnga.

Titita Godoy: N tanrikaaki n te tai aei, I a ata tamaroan ae ti waakina maiura n taanga n aron are ti karaoia ao ni karekei ara reirei, nakoara, ao ara kouru n te maiu n rabwata n ikotaki. Ti karaoia n ikotaki, ao taneiai akanne ao kakaewenako a uotiira ni kaniira riki.

Unimwaane Godoy: I uringa man kakoaua anne. Ririki akanne ni katean maiura ao kakoroan bukin ara kouru a riki bwa ururing aika kakaawaki iroura. Tiaki nanona bwa e kairua bwa kona waakina am katei utu man te mwane ae taubobonga. Ti tii kan tibwa te rongorongo nakoia ake a tataninga rakan aia reitaki ni karokoa a karekei ni kabane ake a kainnanoi. Ko kainnanoa ae bon riai, bon ngkami, ao te Uea n ami itera—bwaai ni kabane kam kona n uaia ni kakoroi bukiia, akanne ake a na kakorakora ami mare. Ao I ukora anne mairoumi taan ongora.

Titita Godoy: Bitakin te tamnei ma tiaki bitakin te marooro—teuana te maroro n te maiu n taanga, ngkana ngkoe, te kairake n ikawai, kam noriira, taanga aika taubobonga ao utu, kam bae n iangoia bwa anne teina, bwa bwaai ni kabane a bane n tara n nakoraoi, ao e beebete te maiu iroura. Tao anne irouia tabeman, ma tiaki irouia angiina.

Unimwaane Godoy: bon tiaki anne ibukira.

Titita Godoy: Te maiu n taanga bon te taneiai ae reiakinaki are kantaningaaki bwa e na nakoraoi ngkai ti rikirake. E riki te tangira man te moan tai, ma te irekereke ni katoabong e kateaki teutana i mwiin teutana. Ti kainnanoa te bitaki i marenara, te ngare ao te tang ikai ao ikekei, ataei a uota te kimwareirei ao te kamaraki atu, e roko iroura n tainako te aoraki, e bane te mwane n tabetai. Ma ko ataia bwa tera? Aio aron te maiu ae kantaningaaki.

Unimwaane Godoy: Ma teuana te bwai ae koaua. Ngkana ti uota ana uangkerio Iesu Kristo i nanon te koaua aei, te maiu n taanga e na beebete riki ao ni kakukurei riki.

Titita Godoy: Ngaia, te kauoua n titiraki. Tera aroia naake e aki reke aia tai ni mare n te maiu aei? Iai am taeka nakoia?

Unimwaane Godoy: E tamaroa. E teke nanou n ana reirei Beretitenti Hinckley nakoia aine are I tak bwa e manena ibukiia aomata nako. Ti a nora ana taeka:

Witeo: “Tabeman iroumi, te kananokawaki, a na aki mare n te maiu aei. Anne ae ririki n tabetai. Ngkana e riki anne, tai kabanea am tai n nanokawaki iai. E teimatoa te aonabaa ni kainnanoa am tarena. E kainnanoa am tibwatibwa. E kainnanoa am onimaki te Ekaretia. E kainnanoi baim aika korakora, n ibuobuoki. Te maiu tiaki te kabwaka ni karokoa ti aranna bwa te kabwaka. A rang ni mwaiti aika a kainnanoa baim n ibuobuoki, moangarem n tatangira, ami iango n nanoanga. I noori ami konabwai aika a mwaiti, kankanimi, aine aika tamaroa are e a bunginako aia tai ni kareke tangira. I aki ota iai, ma I ataia bwa n ana baire teuare moan te Mwaaka, te baire ae akea tokina are ti aranna bwa ana baire ni kakukurei te Atua, iai aia tai ao kanuanga ibukiia ni kabane ake a ukoukori.”

Unimwaane Godoy: N koroboki aika a tabu are e kaota te berita anne e reke ni Motiaea 2:41.

“Ao ai moaraa riki, I tangiria bwa kam na iangoa te kakabwaia ma te aro ni kukurei irouia ake a kaawakin ana tua te Atua. Bwa taraia, a kakabwaiaki ni bwaai ni kabane, n te maiu n rabwata ao n tamnei; ao ngkana a teimatoa ni kakaonimaki ni karokoa te toki ao a na butimwaeaki mai karawa, ao a na maeka ma te Atua n te aro ni kukurei ae aki totoki. O uringnga, uringnga bwa a koaua bwaai aikai; bwa e a tia n taekin te Uea ae te Atua.”

NI kauarerekeana, te rongorongo bon, kabonganaan ana taeka Unimwaane Bednar, ko riai n riki bwa te ataeinimwaane ao te ataeinnaine ae raoiroi, kawakin tuua, ao te Uea e na karaoi bwai ni kabane. N tokin te tai, kakabwaia ni kabane ana anganaki naake a kakaonimaki.

Môni, iai riki am kabanea n taeka?

Titita Godoy: Eng. I tangiria ni kainna ma au koaua.

I ataia bwa ngaira nati mwaane ao aine iroun Tamara are i Karawa ae tatangira. I ataia bwa Iesu bon te Kristo, ao E maiu. I ataia bwa te maiu aio bon te tai ni katauraoi ni kaitibo ma te Atua. I ataia bwa E kairiira ao e katauraoa te kawai. Ma ti aki tii ngaira. I ataia bwa te tembora bon Ana auti te Uea i aon te aba. Iai te tabo are ti kona ni karekea iai te ataibwai ao kaunganano i nanon maiura. I ataia bwa boni iai te burabeti ni boong aikai, ao e reireinira man kaririira.

N aran Iesu Kristo, amen.

Unimwaane Godoy: Ko bati n rabwa. I kukurei n angareirei nakoimi. Ao I tangiringkami.

Ao ngkami Gilberts? Iai riki ami taeka ke ami maroro nakoia taan ongora aika a tamaroa aikai?