Felafolafoaiga Faavaega i le Valaauliaina o le Tuuto o le Tagata Aoao

Elder Clark G. Gilbert: Faafetai lava, Elder ma Sister Meredith. Se savali i na mamana. A tou le iloa Elder Meredith, ou te faamoemoe o tou lagona lona malosiaga ma le talitonuga. Sa ou vaai ia te ia i le malae pikopolo, te iloa o le a toe sui mafaufau o le Mafutaga o Afeleti Kerisiano.

La’u faia se autu tatou te talanoaina iinei. Ou te fia oo i se mea na ta’ua e Elder Meredith: e taua le ala tatou te aoao atu ai. E manino mai, ua tatou iloa uma, o se faiaoga lelei e faia se eseesega tele i olaga o tatou tagata aoga ma le auala latou te aoao ai. Ae taua tele le ala tatou te faia ai. Sa ta’ua e Elder Christofferson anapo; sa toe ta’ua foi e Elder Meredith i le asō.

Na fai atu tou te omai nei ua uma ona faitau ma iloilo le Aoao Atu i le Ala a le Faaola, le vaega “Valaaulia le Aoao ma le Filiga.” E manaomia tele i le [vaega] lena le valaaulia o tagata aoga e vaai lo latou tiute o le aoaoina.

O nisi o outou ua faalogo muamua i lenei tala, faamalie atu ai. Fai mai la’u uo i le kolisi: “Clark, ou te fiafia i au tala. O le faalima pe faaono muamua, ese le manaia.” Te fia faamatala le tala lenei ona sa tele ai so’u aafiaga, o le a ou faasoa atu se measese na ou faia i se taimi a’o avea ma se faiaoga. I le Charles Hotel i Cambridge, Masetuseta, o potu lona tolu uma o le faletalimalo e i ai se atavali sa tautau ai e faaali mai ai se laupapa ma se polofesa o tusia lona lava ata. Fai mai, “E fiafia Doug i ana lava lesona,” pau a lana mea e fai o le tusia faafia o lona ata mo tagata aoga. O nisi taimi ona o lo tatou alolofa moni i o tatou tagata aoga, tatou te fia faasoa atu ai mea e maoae ia i tatou lava, ae o nisi taimi e faasalaveia ai lo latou maua o avanoa e fai ai ma valaaulia lo latou lava aoaoina.

Te manatua le vaitau foi lea sa atoa le fa tausaga o o’u suesueina le autu e tasi, ma ou tusia ai se mataupu suesue lea na avea ma ‘anoliu o se kosi i le Aoga Faapisinisi a Harvard i se kamupani e igoa o le Knight Ridder. O a’u le tusitala o le mataupu suesue, ma i lo’u uluai tausaga faafaiaoga, e valu faiaoga eseese na aoao atua la’u mataupu. I le iuga o le tausaga, na āo ai faamatalaga, pe na ā le mataupu e faatusa i isi mataupu uma. Ma ina ua ou vaai i faamatalaga, ia te a’u lava ia, o se mataupu na lona lua le leaga, a’o a’u o le tusitala. O isi tagata uma, sa i le lima pito i luga.

Le a la le mea na tupu? Aisea ua avea ai le mataupu lea na ou tusia, e fa tausaga na ou suesuea ai, ua lona lua mai le mulimuli i mataupu uma ia te a’u, ae e i le lima muamua i isi? O le a se tou manatu i le mea na tupu? O la’u fesili la, o le a se tou manatu i le mea na tupu? A leai ni faaleotele leo, o le a ou sōsō atu. Rosemary, le a sou manatu? Aisea na maualalo ai la’u lava mataupu na ou aoao atu? Aua te fai mai “Ona o oe o se faiaoga leaga, Clark.”

Sister 2 (Rosemary): Ai ua tele au tala ua lē tele ai ni o latou taimi e mafaufau e uiga i ai.

Elder Clark G. Gilbert: Fai mai Rosemary, “Ua tele au faamatalaga ae itiiti se avanoa latou te mafaufau ai.” O se vaega tonu lena. Nisi manatu? Le a—se mea sese na ou fai ua leaga ai lona faatinoga? Oe. I tua. Lelei. Manaia le faamalositino a Uso Brown.

Sister 3: Pe le’i fetaui i tagata aoga.

Elder Clark G. Gilbert: Ia. Atonu e le’i talafeagai i tagata aoga. Pe o le faafitauli: o mea sa ou faapea e taua moni, e le talafeagai mo tagata aoga. Ae, o le isi semesa, na fai mai sa’u uo, “Clark, o loo faiaoga le mataupu lava ia. Na o ni fesili maoae lava se tolu e te manaomia, ma ua e faafaigataina tele. Tele naua lou iloa i ai, e lē tāēa e tagata aoga.” Ae, sa’u faaaogaina lana fuafuaga faafaiaoga ma si faalēfiafia, ma vave ai ona toe foi le mataupu i le vaega i luga.

E i ai taimi o lo tatou lava atamamai ma le iloa, e faalavelavea ai le valaaulia o tagata aoga e aoao. E le tuua ai la le faaalia o le iloa. A o le a la se auala e fai ai e valaaulia ai le aoaoina ma le filiga? O le a talatalanoa felafoa’i nei ma ni faiaoga e lelei tele i “E faapefea ona valaaulia tagata aoga e tauave le tiute o lo latou aoaoina?” Lea la la’u valaauina latou matou te faatasi i le laulauafono lenei, ma lea la’u faailoa atu i latou.

I o’u autafa o Kaylee Merrill. O le puleaoga seminare i East High i le Aai o Sate Leki, Iuta. O ona autafa o John Hilton, polofesa o tusitusiga paia anamua i le BYU. Sosoo ai ma Jenet Erickson, polofesa o le talafaasolopito ma aoaoga faavae o le Ekalesia i le BYU. Ma Nate Peterson, polofesa faiaoga faalelotu i le BYU–Idaho.

E fia amata tonu la tatou talanoaga i le saunoaga a Elder Christofferson anapo. Sa tatou suesue i le lauga ma iloa le mataupu mo lenei laulauafono, ma tapena ai mo nei, e le’i leva atu ona faia e Elder Meredith se sootaga tuusa’o i le tauave o le tiute mo le aoaoina ma le avea ma soo i le olaga atoa. E le na o se soo, ae o se soo i le olaga atoa.

O le a amata ia Sister Erickson. A o e tilotilo i lena fesili, e faapefea ona fesootai mea e lua? Le a se mea na e maua mai le lauga a Elder Christofferson anapo? E faapefea la ona ta’u mai ai le ala tatou te aoao atu ai?

Sister Jenet Erickson: Faafetai lava, Elder Gilbert. Matagofie lo tatou mafuta ma outou faiaoga musuia. Ina ua ou faatoa faiaoga i le BYU—ae ou te le’i amata—na sau ai Elder Richard G. Scott, se faiaoga maoae, ma fai sana folasaga i le Vaiaso o Aoaoga. Sa ia faasoa mai ai se mea maoae na ou faaaogaina i le potuaoga i lena semesa ou te le’i iloa muamua. Sa ia talanoa i le taua o le olaga, o se malaga e aoao mai e le Alii e ala i Lona Agaga. O le pogai lea ua tatou i ai ii. Na ia fai mai “Soo se taimi e valaau ai e se faiaoga le auai o tagata aoga, ma sii mai le lima o se tasi e tali, e faailoa atu ai le Alii o Iesu Keriso le manao e aoao.” O anapo, a o tatou faalogologo o talanoa Elder Christofferson i le mana o le faitalia, na ou manatua ai se faigalotu i le BYU–Idaho lea na aoao mai ai e lenei faiaoga maoae o loo i ai le mana ia i latou—lea na e faaaogaina, Elder Gilbert. A tatou iloa la le mana o le Atua, le mana o le fili, le mana i totonu o tagata taitasi, o lena mana e faatino ai se naunau e faaavanoa—i le Alii mo o tatou ola.

O le mea lena ou te manao ai e valaaulia le naunau o a’u tagata aoga e tuu i le Alii e faaaoga o tatou olaga aua o Ia le mana e suia ai. O Ia o le mana e ola ai. E faitau miliona auala e tupu ai lea mea. Ua tatou faalogo o fai mai Peresitene Packer e maua le molimau i le faasoa atu. I lena faiga, tatou te iloa ai le mana ia i ai le faanatinatia o Lana galuega i o tatou lava olaga, ma tatou iloa ai Lana tosinaga e suia ma liua ai. I le gagana a Elder Christofferson anapo—e faaoso ai le mana e mafai ai e Keriso ma Lana tosinaga i o tatou olaga.

Lea lava ou te aoao e faia lenei mea. Ou te faafetaia faiaoga e omai i la’u vasega ma fai mai, “Janet, faataitai le mea lea.” I tulaga uma, o mea latou te valaauina au e fai o le faaaoga e tagata aoga lo latou faitalia ia maua, ona latou lagona lea o le Agaga Paia. A latou lagona le Agaga Paia o molimau patino ia i latou i se ala loloto le upumoni latou te moomia i o latou olaga. Ona tuu lea o latou i se ala e galulue ai i le faitalia e avea o ni soo i le olaga atoa.

Elder Clark G. Gilbert: Manaia tele. Ua tou iloa, o le mea o tou taula i ai e i ai se faatinoga patino—le faaaogaina o le faitalia—lea e fesootai i ai. Nisi manatu? Tauave le tiute mo lo tatou aoaoina. Aisea e fatu ai e lena mea le avea o se soo? Le laulauafono?

Brother John Hilton III: Sei ou faasoa se faataoto ou te faaaoga i a’u tagata aoga i nisi taimi. E le se faataoto atoatoa—ae la’u aumaia se fasi vulu ma fai atu, “E tusa o mau nei tatou te talanoaina i le asō.” Faapea la ou te aoao atu lenei lesona maoa’e e faaaoga ai nei malamalamaaga. Ua ou tuuina atu le tele o vulu. E manaia faalogona. Sa e tuuina i luga o lou ulu, ona e savali atu lea i fafo o le faitotoa; e agi mai le matagi, ma o le a pau ese.

O le mea la e fai e le tagata aoga, o le toe tuufaatasi vulu. E tatau ona vili ia avea ma filo, ona mafai lea ona liu ofu vulu, a savali la le tagata aoga i fafo e le lelea ese.

Ou te faamatala la lena tala e faamanatu ia te a’u lava ou te lē o i se pisinisi tufa vulu. Ou te manao i tagata aoga ia oofu, ma e tatau ona faia e i latou lava.

O nisi taimi tatou te tuu ai le taua tele i mea tatou te tautatala ai, ma e faigata aua ou te iloa o ni faiaoga e tele ni mea maoae tatou te tautatala ai. Ae ina ia maua moni e tagata aoga i o latou loto e tatau ona latou galulue. Ia see ifo mai o latou ulu i o latou loto. O le fesoasoani la i tagata aoga e galulue, pau lea o le ala e avea ai ma soo o Iesu Keriso i le olaga atoa.

Elder Clark G. Gilbert: John, e tatau ona e maua se mea atoa nai lo le na o se vulu. Aisea e tatau ai ona latou faaatoaina ae le na o oe?

Brother John Hilton III: Ona o le faagasologa o le galulue, latou te maua ai mo i latou lava. Afai la na o le ta’u atu ma ta’u atu, e na ona tuu lena i o latou luga. E faigofie ia te a’u o se faiaoga ona lagona o loo o’u faia o se galuega lelei tele.

Na ona ou faapipiiina. Faapipii i o latou luga. Ae ina ia [oo] i totonu, e tatau ona e galue. Leai se isi ala. Ia.

Elder Clark G. Gilbert: Nate—

Brother Nate Peterson: Elder Gilbert, e faatatau i le vaega lena, na ave sa’o a e Elder Christofferson i le maualuga lena, e sa’o? O le uiga, o ai na iloa o le faitalia e matuai taua tele? Pei o le tagata i le tifaga i tua atu i le taimi atoa mai lava i le amataga. Faapefea pe afai o le tali o le faitalia, —na i ai i le amataga—ma o lana tala lena. Faitalia. Sa’o. Manaomia le faitalia i le agai i luma, ae moomia e le faitalia le upumoni. E mafai ona ou aoao atu upumoni i se lesona.

Le mea lena na ia fai mai ai. O se tasi na o ala e osofa’ia ai e Satani. Te manatu i nisi taimi e fiafia o ia tatou te aoao atu mea moni. Fai mai Elder Christofferson e tatau ona faatoilalo le osofaiga lona lua, e valaaulia ai latou e faaaoga o latou faitalia. E mafai na ou aoao atu se lesona maoae; E mafai ona ou molimau atu i le upumoni, ae a faaola lena faitalia—ou te tuu atu ia i latou se valaaulia e auai, avea ma se sui ma ia faaaoga lena faitalia na latou maua mai le amataga.

E moomia la e lena agai i luma le faitalia. E moomia e le faitalia le upumoni, e moomia e le upumoni se valaaulia. E toe foi mai ai i le alualu i luma.

Elder Clark G. Gilbert: Manaia tele. Kaylee, se faaopoopo?

Sister Kaylee Merrill: Manaia le sootaga na faia e Elder Christofferson anapo. Na ia faafesoota’ia i feagaiga. Le a le uiga o se soo i le olaga atoa? O se tasi e osia ma tausia feagaiga. Tatou te fai atu i tagata aoga e faatino le faitalia i totonu ma fafo o le potuaoga, a oo la i le taimi, ua latou iloa ona faaaoga le faitalia e osi ai ma tausia feagaiga i o latou olaga.

Elder Clark G. Gilbert: Manaia tele. Te fiafia ina ua ia saunoa o feagaiga e patino. E moomia le faatino, ma o le fuataga laualuga lena a se soo.

E fia fesili atu ia outou uma, faamoemoe sa tou mafaufau i lea fesili e tasi. Na o le tasi a se minute tou te tomanatu ai i lena fesili: O le a le sootaga i le va o le tauaveina o le tiutetauave, ma le fatuina patino o le avea ma soo i le olaga atoa? Aisea e taua tele ai?

Fai mai Elder Christofferson na aoao i matou e le Au Peresitene Sili ma le Korama a leToasefululua i lenei mea i le semina a taitai misiona. Na latou aoao atu i fautua o le autalavou. Ua latou faamamafa mai ia i tatou o faiaoga faalelotu.

O le a lena sootaga? Tiute patino mo le aoaoina ma le avea ma soo i le olaga atoa.

Faaalu sina minute. Tusi i lalo ou manatu po o le a lena sootaga. Se a se mea na e faalogo ai anapo? Se a se mea ua e faalogo ai nei? O a isi ou manatu? Taofi mo se minute ao e tusia ni nai manatu i lenei mea.

Talosaga atu tou te faatulaga mai i ni vaega ta’itoalua pe toatolu. A o e i le fale ma e leai se isi i ou autafa, sue se isi e faasoa i ai.

Faasoa atu i se tasi i ou autafa ou lagona; ae o le a matou faia atu iinei i le laulauafono, ma o le a ou taumafai e aua nei oo atu la’u faaleotele leo ia outou uma. Ae, i le minute e sosoo ai, faasoa atu ou malamalamaaga ma faasoa mai foi le tagata o loo i ou autafa.

[Talanoaga e le lagona mai le aofia]

Toe omai faatasi. Pei a e fiafia le aiga o Gilbert i le faiga fou lea o le tapē o le faaleotele leo a lo latou tamā i le lesona i afiafi faaleaiga.

Se tasi ua uunaia e faasoa mai i lenei autu, tu i luga ma faasoa mai i le vaega? La a faaaoga nisi ii Sii lou lima ma tu i luga. Ia, ii. Faapea a’u na sii mai se lima iina. Cami Anderson, se’i tofi atu oe. Faafetai. I ou tua atu, Uso Brown. Ia lena.

Sister Cami Anderson: Faafetai lava, Elder Gilbert, mo le avanoa.

Sa ma talanoa ma Ivona o le avea ma soo i aso taitasi, lea na talanoa ai Elder Christofferson, i le ala tatou te fesoasoani ai i tagata aoga e galulue pea ma le faatuatua ma le avea ma soo e ui i tofotofoga o le olaga. E le na o le faitauina o tusitusiga paia po o le fai o tatalo i taimi o faigata, ae mafai ona latou faia pe a feagai ma tofotofoga faigata, ma taulai pea i le Faaola. Latou te iloa ai, po o le a lava ae o loo ia te Ia o latou faatuatua, ma e fesoasoani o Ia i o latou luitau uma.

Elder Clark G. Gilbert: Ou te fiafia i lena mea. Ou te fiafia i le manatu o le tofotofoga, o le faavaa. A e fesili ia te oe lava: mata latou te manatua lenei mea pe a souā le olaga? I le manatu o uso Hilton: pe o le a lelea ese ea lenei vulu mai ia i latou? Pe o le a i ai se mea o latou tauaveina ma i latou?

Nisi manatu? Faamolemole, sii mai lou lima ma ofo mai. O oe. Na e i ou autafa.

Brother 9: O se mea lea na ou mafaufau i ai i la’u matātā atoa. Na tuuina mai e Elder Bednar se lauga, “Saili e Aoao e Ala i le Faatuatua,” a o avea au ma se faiaoga talavou o le seminare. Sa fai mai, e masani ona tatou talanoa i le aoao atu e ala i le Agaga, ae e le lava ona tatou talanoa i le uiga o le aoao e ala i le faatuatua. Na ia aoao mai i le 2 Nifae 33 o le Agaga e faaofi atu le upu a le Atua i le loto, ae e faalagolago ia i tatou pe o’o pe leai i totonu o tatou loto. E tatau ona tatou galulue i le faatuatua ina ia ofi ai i o tatou loto. O tatou la o faiaoga ia le na o le tufa atu o i’a. E tatau ona aoao i latou e fagogota. O aoaoga sili i le olaga e pu’e, ae le o le aoao atu.

Talu mai lena taimi, ua avea pea ma savali aoga mo a’u. Ou te faatataua i faiaoga—e le o se tatou galuega le tutu ma faamalositino i luma o le vasega e faaali atu ai a tatou mea siisii. Latou te le malolosi ai. E tatau ona tatou valaaulia i latou e faatino. E tatau ona fai a latou lava faamalositino. E tatau ona galulue i latou lava e maua ai le malosi mai aafiaga e lagolago ai i latou o ni soo i le olaga atoa, ma maua le malosi e feagai ai ma na tofotofoga ma luitau.

Talu mai lena lauga a Elder Bednar, ua ou manatu ai—o lo tatou tiute moni le valaaulia o i latou e galulue i le faatuatua ia maua ai le malosi mai le faamalositino e feagai ai ma luitau.

Elder Clark G. Gilbert: Mafaufau la o le sootaga lea i le avea ma soo i le olaga atoa. O le tomai e faatino ai i lau vasega i le semesa, e faaauau ai pe a e le i ai.

Brother 9: Sa’o lelei.

Elder Clark G. Gilbert: Lelei. Faafetai. Toe tasi se manatu. Ia, Uso Bolingbroke?

Brother Bollingbroke: A o o’u taitai faamaopoopo, sa i ai se faiaoga sa fai ma faiaoga o le tausaga i le aoga faafomai i le Iunivesite o Nevada i Reno, sa ma talanoa i le SAF—sauni, auai, faaaoga.

Sa iu ina fai mai, “Ia, ae i le iuga, Uso Bolingbroke, o le tulilima le mea lea. E mafai ona tatou talanoa ma auai, ae o le tulilima lea, o le tulilima lava. O a’u o se faiaoga o totoga ma itutino. E le mafai ona tatou talanoa ma faasoa atu—” Ae sa ou fesili atu i ai—o le mea lena na fai mai ai Nate—o loo i ai lenei paleni i le va o le aoaoina atu o le upumoni ae o le latou faaaogaina. Sa’u fesili, “E le sili le aoao e au tagata aoga pe a faaminoi o latou tulilima? E iloa le ala e galue ai? O latou iloa atu uaua uma?”

O nisi taimi i aoaoga faalelotu, e i ai auala e mafai ona iloa ai e i latou lava. O le a latou manatua lelei le tulilima pe a afaina, pe faamate , pe latou āno foi i ai. I le avea ai o ni faiaoga, tatou te folafola atu ia i latou, o le faaipoipoga i le va o se alii ma se tamaitai ua faauuina e le Atua, ma o le aiga e totonugalemu i le fuafuaga a le Foafoa mo le taunuuga e faavavau o Ana fanau. Ae tatau ona latou maua lena mea. A na ona tatou aoao atu o upumoni ae le faagaoioia le tulilima, o le a feula ese e le savili.

Elder Clark G. Gilbert: Manaia. Faafetai. Mafaufau pea i lea fesili, ona a o matou talanoa ma faiaoga i nisi taimi, i le taua o le faaauai o tagata aoga, latou te manatu i ai o se mea e tatau ona fai. Latou te le mananao e ta’u o ni failauga ma vave oo ai le talanoaga i se auala ae le taula i le “Aisea tatou te faia ai lea mea? O le a le sootaga i lea ituaiga auai ma le avea o se soo i le olaga atoa?”

Ou te valaaulia outou ia mafaufau pea i ai, tusa pe tatou te se’e atu e talanoa i ni faiga faafaiaoga e fesoasoani ai i tagata aoga. Faamolemole o mai soo i lenei faamoemoega sili ona maualuga—aisea tatou te faia ai lea mea.

O se tasi o auala e valaaulia ai le aoaoina ma le filiga o le fai i tagata aoga e o mai saunia. E talosagaina foi outou. Leai—tatou faia ia. O le sauniuniga lenei mo le sauniga i le asō: faitau le “Valaaulia le Aoao ma le Filiga” mai le Aoao Atu i le Ala a le Faaola; faitau le lauga “O Le Mana o loo Ia i Latou” na ou faia ia Ianuari; auai i le faigalotu a Elder Christofferson ma manatunatu i fesili nei e lua—O a auala na valaaulia ai e le Faaola le aoao ma le filiga ia i latou na Ia aoaoina? E faapefea ona ou fesoasoani lelei i ē ou te aoaoa e tauave le tiute o lo latou aoaoina?

O le tofiga sauniuni lena. E toafia outou na faia ni gaoioiga se lua a o omai iinei? Lelei.

E faapefea ona fai? E faapefea ona valaaulia tagata aoga ia taulamua i se aafiaga o le aoaoina ma saunia i ai? O a ni manatu mai le laulauafono?

Brother Nate Peterson: Pei ua me’i i tua Elder Gilbert. Manaia—e te iloa, sa aoao mai Ioane—manaia pe a latou faitau mo la’u vasega, ona ou avea lea i ai se togi lelei. Ae [e] sili atu pe latou atiae le mausa o le suesue i tusitusiga paia i aso taitasi.

A mafai ona ou fai atu, “Le a le mea ua ou fai atu e tapena i ai?” Aisea ua ou fai atu ai ia saunia?” E pei na aoao mai Elder Meredith—e te vaai atu i lena auala. O le avea ma soo e manaomia ai le lotopulea.

O le mea moni o loo ou fai atu latou te faia, ia le na o le faitau mo la’u vasega ia maua ai se togi lelei, ae ia faitau tusitusiga paia ina ia latou lagona ai le siufofoga o le Alii. Faalogo i le Agaga. E manaia tele pe a latou faitaua mo se masina, se semesa i la’u vasega, ae sili atu le lelei pe a latou amataina se mausa—o le faifai pea, taumafai e faitau sina mea i aso uma, tusa lava pe o le sauniuni mo la’u vasega. O lo’u avanoa lea e valaaulia ai le faaaoga o le faitalia, “Ia Faitau lea, ae ia e faitau e faavavau aua o le afioga a le Atua. E aumaia le malamalama i lou olaga. O le ala lena e te lagona ai le Agaga—faalogo ai i le upu a le Atua,” e fesoasoani ia i latou pe a uma la’u vasega.

Elder Clark G. Gilbert: Uso Peterson, te fiafia ona ua e faafesootaía sauniuniga i le avea ma soo i le olaga atoa. O loo fesoasoani ia i tatou i le vasega o le Aso Lua. Ua e fai mai, “Lea e tau fatu se mamanu o le omai saunia i le olaga atoa o se tagata aoga.” O lesi pogai lea tatou te valaaulia ai le vave saunia mo se aafiaga e aoao ai.

Uso Nate Peterson: O le a latou manaomia i le Aoga Sa. O le manaomia i korama a toeaina ma le Aualofa. E le na ona latou faitau mo vasega faalelotu. Tatou te mananao ia saunia mo sauniga faamanatuga. Faamoemoe latou te o atu saunia i le malumalu. O se mamanu o le saunia, avea ma soo i le olaga atoa.

Elder Clark G. Gilbert: Manaia. Nisi manatu?

Sister Jenet Erickson: Elder Gilbert, sa ou mafaufau—manaia le faalogo atu ia Nate—Ou te matuai mana’o ia latou iloa e naunau Iesu Keriso e fesoasoani ia i latou, o loo tu o Ia i le faitotoa ma tu’ítu’í e fia avea ma vaega o o latou olaga. E moomia ai lo’u saunia o latou e vaai i le taua o mea o loo tatou talanoa ai—aisea e taua ai lea tala ia i latou; aisea e tali moni ai latou fesili i upumoni ia, aisea e tali moni ai i le faagasologa lenei naunauga o latou loto, le mana e suia ma ola ai ma faamaloloina, ma mea uma latou te naunau i ai.

Ae e tatau ona ou talitonu foi i ai e uiga ia te au ma i latou, ona fesoasoani lea ia latou malamalama i le taua mo o latou olaga—e le na ona manao o Iesu Keriso latou te aoaoina se mea. O lona naunauga ia sasaa tonu atu upumoni, fesoasoani, faamalolo ma le mana mo i latou e ala i mea tatou te faia nei i le vasega, ma a latou sauniuniga ma le ala latou te galulue ai pe a uma.

Elder Clark G. Gilbert: I le faalogologo atu ao e talanoa, ou te mafaufau o le a faaaofia le faitauga lea i le vasega. Faitau faamolemole a’o le’i faia le vasega. Ua e fautuaina se mea ou te lei mafaufauina, a mafai ona latou mafaufau i lona taua, o le a sili ona aoga le talanoaga i le vasega Atonu o le a mamanu ai le fesili sa ou fai i ai e mafaufau muamua i ai, po o le faitauga ou te vave avatu i ai, aua ou te manao ia latou malamalama i le pogai o le a taua tele ai la matou talanoaga pe a matou feiloai i le potuaoga.

John, te fia faaopoopo?

Uso John Hilton III: Ou te manatu o se vaega lea, o a’u le faiaoga ua fesuisuiai la’u faataitaiga: e taua tele o se vaega o la’u matafaioi le fesoasoani i tagata aoga e suesue—o le toatele o i tatou e aoao atu tusitusiga paia—o le sauniuniga aupito taua la, o le faitau o tusitusiga paia a o lei oo i le taimi o le vasega.

Na saunoa Peresitene Oaks, “O le mea sili ona taua tatou te faia o ni faiaoga seminare ma le inisitituti, o le faafesootai o tagata aoga i tusitusiga paia ma taunuuga o le suesue o tusitusiga paia i aso uma.”

A tamau lena faataitaiga i lo’u loto, e le na o se mea faaopoopo la e fai. O le ute o a’u mea e fai. E faapefea na ou fesoasoani ia i latou? E faaopoopo atu i lua saunoaga, o se vaega o le fesoasoani i tagata aoga e faitau tusitusiga paia a’o loma le vasega. Tele foi metotia faigofie e fesoasoani ai i tagata e aoao auala eseese e suesue ai mau.

O nisi taimi na ona fesoasoani ia latou malamalama. Sa i ai sau tagata aoga i le semesa ua te’a na tauivi ma le faitautusi. Sa’u faiaoga i se vasega-Tusi Paia, ma natou talanoa i le mea na fai mai ai le Tusitaulima a le Ekalesia, e i ai taimi e aoga ai isi faaliliuga o le Tusi Paia i suesuega patino. Sa matou autilo i se uepisaite o i ai faaliliuga eseese o le Tusi Paia. Na foi mai o ia ma fai mai, “Brother Hilton, na ou tau i se faaliliuga o le Tusi Paia ua tusia e tusa ma le vasega ono, ma ua sui atoa ai lou suesueina o le Tusi Paia. Lea ua ou malamalama nei.”

O le a lava le ala tatou te fesoasoani ai ia malamalama atili tagata aoga mai a latou lava suesuega o mau, o le a latou faia ai. A latou fesootai ma Iesu Keriso, o le a latou fia suesue. E lē o se pusa e tatau ona maka.

Elder Clark G. Gilbert: E te iloa, manaia lena. Ou te manatu tou te lagona uma a vave faitau e se tagata aoga se mea a’o le’i faia le vasega, o le a loloto atu le aafiaga e aoao i le vasega. Pe fetaui lena manatu?

Uso John Hilton III: E mo’i.

Elder Clark G. Gilbert: O se tasi o mea ou te popole ai, e i ai se tatou konekarate faaagafesootai ma tagata aoga. A tatou fai i ai e omai saunia, o le mea moni o le a tauia i latou i lena tapenaga. Ae a lē faaaogaina lena sauniuniga pe utuvai ai pe faaaoga i le vasega, pei ua tatou ta’u i ai, “E le manaomia ona tou saunia e omai i la’u vasega.” “Ua ou tuua i le silapasi, ae e le afaina tele pe tou te saunia.”

E mafai ona autala ai le aganuu.

Na e fai mai ua ou fauina se mausa o le saunia i aso uma. Nate, a leai se avanoa e faaaoga ma manuia ai mai a latou sauniuniga, o le a le uiga o lena mea i lo latou faaosofia e omai saunia i le vasega?

Uso Nate Peterson: Te manatu o iina e fesootai uma ai i le faitalia ma le avea ma soo—o lo’u valaaulia o i latou. Te iloa, e fesootai ai ma isi mea o le a tatou talanoaina i le fai atu ia i latou o fesili ma tuu atu i ai na avanoa.

A ou fai la i ai e avea ma soo—pei na tatou aoaoa o ni faifeautalai, tatou te aoao i le Lotu—e tulitatao. E tulitatao vasega. O latou maua se avanoa e faata’ita’i ai o latou olaga o ni soo ma a latou tupulaga?

O la’u molimau ma lo’u talitonuga: Pe ou te talitonu moni e tatau ona faitau a latou tusitusiga paia? Pei ona ta’ua e John, aisea? Aua ou te talitonu e mafai ona talanoa mai le Atua ia te a’u. Te talitonnu a ou faitaua tusitusiga paia, e matala ai lo’u mafaufau i le Agaga. E tele mea ou te aoaoina nai lo mea o i le itulau.

A ou talitonu la, e tatau ona ou fesoasoani ia latou aoao—ma fai foi, pei na e fai mai, ou te talitonu e atili lelei ai le vasega. A o faitau e tagata aoga tusitusiga paia ma faataitai lo latou avea ma soo ma tausi feagaiga, o le a tele atu le malamalama i la’u vasega. O le a sili atu la’u vasega ona ua atamamai atu, ma e tatau ona tuu latou e faataitai lena avea ma so’o. Faasusulu latou i le vasega.

Elder Clark G. Gilbert: E faape’i lena mea? Ou te iloa ma talitonu a faitau, e tele mea latou te aoaoina. E faapefea ona e faamaonia ma faaaoga lena sauniuniga i lau vasega?

Janet, e te faiaoga i le kosi o aiga faavavau. A faitau e se tagata aoga se vaega mai le Folafolaga ma latou suesue se muai faitauga—atonu o se lauga mai ia Elder Christofferson o le “Why the family”—e faafefea na faaaoga lea sauniuniga i le taimi nei i lau vasega?

Sister Jenet Erickson: O se tasi o mea sa e fautuaina mai i le tausaga ua te’a, Elder Gilbert, ese le mamana, o le tusitusi o tagata aoga i le vasega. Sa tuu i ai pepa ma penitala i le semesa ua te’a atu e faasoa mai o latou lagona. Ma soo se taimi e tatau ai ona latou galulue—pe na o le manatunatu ma tusi a latou molimau i mea na latou oo i ai—o le tomanatu moni i mea sa latou aoaoina, mea na aoao atu e le Agaga i lena faitauga o le saunoaga a Elder Christofferson, mo se faataitaiga. A latou fefaasoaai, pei na tou iloa, o le mea aupito matagofie le molimau atu o le Agaga o le Alii ia i latou a’o latou molimau mai i le vasega, i le aoaoina o i latou i lena upumoni. Ona latou iloa lea,—aua ua latou oo i ai— E finagalo o Ia e faamalamalama lo’u ola, ma o le ala lea e tupu ai, ma ua ou oo i ai ma molimau atu ai i le vasega.

Pe o le fefaasoaai i ni vaega toalaiti—e tusa lava pe o i latou e le mananao e faasoa mai ni mea se tele e mafai ona tusi i lalo. Ou te maua tali sili ona matagofie mai ia i latou a o latou lagona le aoaoina o i latou e le Agaga o le Alii i se tali—tuu mai se tali sa latou manaomia—ona latou molimau atu lea i isi tagata aoga e uiga i ai. E moni le avea ma soo. E moni le o’o i ai i le vasega mai sauniuniga na latou faia.

Elder Clark G. Gilbert: Ou te fiafia i lau tala, ae ina ia paleni, na ou faasoa atu lena mea ia oe. Ae sa ou mataua lo matou fautua o le BYU o faia lena mea i ana vasega, sa ma faiaoga toalua i le tausaga ua te’a, o iina na ou maua mai ai. Ou te lei faia lava lena mea i la’u vasega. Ae e aoga tele, Scott.

Kaylee, se’i ou fesili atu. O le toatolu lea e ese a.

Sister Kaylee Merrill: Ioe

Elder Clark G. Gilbert: Latou te togiina a latou vasega faalelotu. E le faia ni togi o vasega seminare. E faapefea ona faia tagata aoga seminare ia mananao moni e omai saunia, ou te faamoemoe o le a avea ma se faamanuiaga taua i tatou tagata aoga tatou te faia togi?

Ae e tofu i latou ma lenei tulaga le talafeagai i luga ae o outou ma se laau. O le a se metotia e saunia ai? E te iloa, e mafai moni ona e faia se tagata aoga seminare ia usupo mai ua saunia mo le vasega seminare, a’o tele ni mea o tutupu?

Sister Kaylee Merrill: E tele mea e tatau ona tatou suia. Ou te manatu e tatau ona tatou naunau e sui. Afai o le a tatou ausia le mea na aoao mai e Elder Christofferson anapo. e tatau ona i ai se suiga i la tatou aganuu, i o tatou potuaoga. O le mea numera tasi o le mea sa e ta’ua. Tatau na i ai taimi fitoitonu ma taua e tuu i totonu o vasega, e faasoa ai e tagata aoga mea na latou saunia, e faatino ai e tagata aoga se vaega o le aoao atu. E manaomia ona eseese i aso uma. Tatau na i ai lea lagona pe a omai i le vasega, latou te iloa e i ai se tiute e tuu atu ia i latou. A le omai saunia la, latou te lagona le misi i o latou aafiaga.

E tele auala e fai ai lena mea. Ou te manatu o le suiga e tasi e moomia ona fai—na fai mai ai Elder Christofferson anapo, o le faia o lea mea e moomia ai le faiaoga saunia lelei e faaauai ai tagata aoga saunia lelei, ma e tatau ona sui le ala tatou te sauni ai. Afai e saunia au lesona i le aso po o luma mai o le aso e aoao atu ai, e le lava lena taimi e te fesoasoani ai ia saunia au tagata aoga. E tatau ona tatou vave saunia i le lua po o le tolu vasega o muamua, ae tatou te le’i saunia e faasoa ma o tatou tagata aoga mea o le a oo mai ma mea e tatau ona latou faia.

Elder Clark G. Gilbert: Ou te fiafia i le aitia o faiaoga saunia lelei e galulue ma tagata aoga saunia lelei. O le a ou mataua ina ua ta’ua e Elder Christofferson lena mea, sa i ai nisi na taliē. Pe moni lea? Pe tatou te manatu e tupu moni i se tamaitiiti seminare 16 tausaga?

Sister Kaylee Merrill: Ou te talitonu a tatou tuu nei tagata aoga i se tulaga maualuga, latou te tulaí ai foi.

Ou te mafaufau i lau tala i le “Ua I Ai Le Mana ia i Latou” e uiga i faifeautalai. Afai tatou te le o vaai atu i o tatou tagata aoga i se tulaga maualuga, latou te le ola foi ia maua. O le mea lea ua talosagaina ai tatou e le Alii. Tatau ona tatou faatuatua ma talitonu i le Alii ma o tatou tagata aoga. A tatou suia le aganuu ma malolosi ma faifaipea, o le a latou tulai a’e. Ua tatou iloa i le olaga o le a tatau ona latou tulai a’e. Tatau la ona tatou faailoa ia i latou le ala e fai ai i le potuaoga.

O le a lē faigofie. O le a tatou vaai foi i ni faaletonu. Ae a tatou faia pea, ou te manatu e mafai.

Elder Clark G. Gilbert: O faamoemoega maualuluga la e fesoasoani i nisi o masalosaloga o i ai faapea mai e le mafai ona e aumaia ni tagata e o i le vasega a Ioane. Latou te fai mai: “Ioe, o le a ia tuua ni vulu i lo’u ulu. Tau a o lou alu.”

E mafai faapefea ona tatou faia lea mea? O a ni, mai ia outou o loo i ai le tomai. O a ni metotia ua aoga e te uunaia ai le saunia?

Brother John Hilton III: Manaia le tala a Kaylee, e faigata ona e tatau ona tuu se taimi i le vasega e fai ai. A faaaoga la lo’u tomai e muai fai ai i le vasega, “Ou te manao i tagata uma e tusi se parakalafa i se mea na e aoaoina.” I le vasega, e tatau na ou tofia ni tagata aoga se toatolu pe toafa e faasoa mea na latou aoaoina. Ia lē na ona faalogo iai . E tatau ona ou maufetuunai i a’u lesona e fau ai. E tatau ona tuuitiitia lau tautala ae faaavanoa mo tagata aoga e faasoa atili.

Sister Jenet Erickson: Na fai mai anapo se faiaoga lelei lava—Faith Spencer, e faiaoga i Roosevelt, Utah—sa ia faamatala le aoga o le i ai o tagata aoga i aso uma i le seminare lea na fesoasoani ia te ia. Ae na fai mai, ana ia vave iloa i le lua aso mea o le a ia aoao atu, ana ia valaaulia se toalua— na te tuuina atu le valaaulia e saunia pe mafaufau i ai latou uma. Ona ia aapa atu lea i le toalua ma fai atu, “Ou te iloa na i ai ni lua lagona po o aafiaga e uiga i lenei mea. E te lua malilie e omai saunia taeao e faasoa mai ai?”

Fai mai a ia, o le mea na mamana, a o laua molimau mai, na mananao isi tagata aoga ia iai foi. Na latou fia o’o foi i ai. O le isi taimi na i ai foi i latou na vaai i le mana o lena mea i a latou uo ma fia auai foi, ma faasoa mai a latou lava molimau ma aafiaga.

Ese le manaia o nei faiaoga seminare magafagafa i le faaauai o le ta’i 14-, 15-, 16-tausaga i le faagasologa o le aoaoina.

Elder Clark G. Gilbert: Ou te fiafia i le manatu, e i ai nisi tagata aoga e matamumuli, ma e faigata le auai ai. Ma o sina sauniuniga—e le gata o le faailo lea i le isi vaega o le vasega, “Ei, sa mafaufau se tasi i le mea lenei”—e mafai foi ona aumaia ai se tasi e lei iloa pe atonu sa lei naunau e auai.

Sei ou alu i lesi fesili: Auai, aoao atu mea o loo e aoaoina, auai faatasi ma isi i le potuaoga. E faapefea ona e fesoasoani i tagata aoga e aoao mai a latou uo i le potuaoga? O le a lau mea e fai?

Brother John Hilton III: O le a lau mea e fai? Ou te manatu e taua le fesoasoani ia malamalama tamaiti pe aisea ou te fai atu ai e faasoa.

Na e ta’ua e faapea, o nisi taimi i le avea ai ma faiaoga, e toetoe a pei o se pusa e maka faasa’o. Ou te le fia failauga, ia talanoa i tou paga mo le 30 sekone. Ae a manino ona ou faamatala i tagata aoga—e pei lava o loo tufa mai faaaliga ia i tatou—e tufa mai aafiaga patino ia i tatou. Atonu e i ai se tagata aoga e sau ma se fesili i lona loto. Ae leai so’u poto masani e talanoa ai ia te ia. E i ai. A e loto tatalo ma sau i le vasega ae le na ona mafaufau, “O le a se mea o le a tuu mai e Brother Hilton ia a’u?” ae “E faapefea ona fai so’u sao? E mafai ona musuia oe e le Agaga e faasoa le aafiaga na te moomia. A iloa e tagata aoga le aisea—oi, e lē o faia ona e tatau ona fai.

E oo i le uma o le vasega—aua e le nao totonu o le vasega e faasoa ai—atonu ou te faapea atu, vaai, e 40 tagata aoga iinei, a tofu iloa e i tatou ni tagata se toasefulu. O le aofaiga la e 400 tatou te iloa. Atonu e i ai nisi o latou e moomia ona faalogo i mea na tatou talanoa ai nei. Ao e alu ese atu, ia loto tatalo ma mafaufau po o ai o lau vaega e tatau ona o’o i mea na e o’o i ai ananei? Ona tupu lea o lena faasoa i fafo o le potuaoga.

Elder Clark G. Gilbert: Manaia. Nisi manatu?

Sister Kaylee Merrill: O le isi, a o o’u sauni ma suesue, sa ou maua se sootaga—e iai se vaega i le Taitai i le Ala a le Faaola e uiga i le faitalia. E faaaloalogia ma faamamalu e le Faaola la tatou faitalia. E i ai se laina ua mau ia te a’u. “Saunia ni faamoemoega manino, lava aoaoga faamasani, taimi ma le avanoa mo isi e gaoioi ai mo i latou lava.”

E mafai ona seti a tatou vasega i se faiga latou te iloa ai mea e tatau ona latou faia. Pei na e fai mai, latou te iloa le aisea tatou te faia ai, ae tuu i ai le taimi ma le avanoa e faamatala mai ai o latou manatu, lagona, ma mea o latou aoaoina.

Elder Clark G. Gilbert: Ou te fiafia i le aitia o le tuu o le avanoa, o nisi taimi o le ala lena e faatulaga ai lau vasega. I le uma ai o se fesili. O le ala faigofie e taofiofi ai le auai i se talanoaga i le potuaoga o le fai atu o se fesili, le tuua se taimi e tali mai ai, ae toe tali lava e oe.

Tou te iloa, faatoa iloa e tagata aoga uma o le a tali e Brother Gilbert ma e le tau faia se tatou tala. O lena faatalitali umi—o le a na o le faatasi pe lua latou te faia ai, ona fesoasoani atu lea o se tasi. E taua tele lenei mea—e mafai ona fai e tagata aoga.

Ao ou i ai i le BYU–Idaho ma matou faailoa atu le ata faataitai o le aoaoina a le BYU–Idaho. Sa ou i ai i se au peresitene o le siteki, ma sa i ai le peresitene o le Aualofa a le siteki na fai mai, “O le a ou faia le lesona lea i vaiaso taitasi i konafesi a uarota,” pei a, i le itula lona tolu. Sa ou fai atu, “O le a mananao nei tagata aoga”— sa ou matauina o ia i se taimi o taumafai e aoao atu, ma sa manao e lauga mo le limasefulu-lima minute i nei tagata aoga BYU–Idaho.

Ona tupu lea o se mea ofoofogia: Sa amata ona sii lima o tagata, tusa pe sa le’i talia se fesili, aua sa latou i ai i potuaoga o le BYU-Idaho lea ua faafia ona talosagaina i latou ia tofu sao ma auai. Sa le’i fia saofafai ma faalogo atu i lenei lauga mo le 55 minute.

Sa faaauau ona sii lima o tagata aoga, ae na te le’i tofia lava se tasi. Ona sii lea o tagata aoga ma tautatala, ona ia mafaufua lea, “O le a le mea lea ua tupu i nei tagata aoga o lenei iunivesite?” Sa iu ina ou fai atu, “Ua latou masani i le faaauai. E tatau na tuu latou e fai lena mea, e loloto ai lau lesona, ae tatau na tipi nisi anomea ia mafai ai ona latou faia lena mea.” O le mamanu lea o le tuu o le taimi i tagata aoga—ou te fiafia i lau “fai se avanoa” e taua tele.

Vaai la, o nisi o latou—e oo lava i faiaoga lelei, magafagafa, ma alolofa—ua fai mai, “Ua leaga tou ulu. Ua tou fai mai—ia matou faia se, e saoloto tagata uma,” a ea? E pei, “Oi, e tautatala tagata uma. Tou te iloa, o le a fai paga e Elder Gilbert ma toe faasoa tou malamalamaaga maoae. Tatou te le iloa pe o i ai se isi o aoaoina se mea.”

Nate, faapefea na e mautinoa—aua o se mea sese le faaliliu o la’u tala amata e uiga i lau mataupu tusia e suesue, e lei afaina lou talaaga ma lou tomai. Sa ou taofiofia ona ou te le’i faataga tagata aoao e aoao. E tatau ona loloto atili ai. E tatau ona faaaoga le loloto lea e alu ai nai lo le na ona ou fai atu, “Tofu paga uma, na o le pau lea o le mea tatou te faia nei.” E faapefea ona e mautinoa o se potuaoga e taulai i le auai e le felefele, le faatulagaina lelei, ma e na o se, e saoloto-mo-tagata-uma?

Brother Nate Peterson: Pei na e ta’ua, Elder Gilbert, tatou te oo i nisi taimi i mea nei—o lau tala la, “Aua le lauga.” O nisi taimi tatou te faalue i le isi itu, na o le aumai lava o le pepa pinati, tauai atu i ai, ona tuu lea o manuki e taufao. O le mea lena, e o’o i ai le vasega.

O lea e fai mai, tatou tautatala. E faigofie ona faatautatala tagata aoga i nisi taimi, o a mea o i au tala fou, le a le mea o tupu? Te manatu e aumaia faatasi lenei talanoaga pe a o tatou suea le avea ma soo. O taula nei. O loo sue le faitalia.

Fai mai Kaylee, i la’u fuafuaga e manaomia ona ou fuafua ma se faamoemoega. Na e fai mai, e tolu fesili taua pe a ou amata fuafua ma se faamoemoega. Te le manao la i le na ona latou tautatala, pe talanoa i mau, te le manao foi e na ona latou talanoa i upumoni. E manaomia se fuafuaga ma se faamoemoega.

I le “Faamalolosia o Aoaoga Faalelotu” fai mai, tatou te mananao ia latou iloa loloto, ia lagona loloto, ma fai ma ia sili atu. E manaomia ai, pei ona fai mai Kaylee, ni au fuafuaga, pe tolu ni fesili e taula i ai, o le a tatou le talanoa i soo se mea, pei ona e fai mai Jenet, tatou te o i totonu—o le faafitauli lea Atonu e manaomia ona ou faailoa atu—tatou te avatua lena taua e i ai so tatou faafitauli? Pei na fai mai President Nelson tatou te oti uma lava. E faamasinoina tatou uma. Tatou te toetutu uma. E faamauina na anoliu ona o loa lea i mau. O le faiga lena. Ua ou fatua se fesili, “E faapefea ona tatou foia? Auoia, o le a tatou feoti uma.” Tatou o i tusitusiga paia e sue tali. Le vaega lena o le faagasologa.

E mai i lo’u ulu—ua ou iloa ma malamalama—ua ou lagona nei se mea. Ae e tatau ona oo i o latou lima, e amata ai ona faataítaí. O fesili la: O le a la tatou faafitauli? E faapefea ona faaleleia? O le a sau mea o le a fai i ai? A fai sa’u fuafuaga, auivi o fesili ma sue anomea, pe matou te talanoa i tulilima pe o le taina o le piano pe taalo pasiketipolo, e le na ona fai atu o le faiaoga, “Ta faataitai le piano pe matamata mai i a’u togi fua.” Matou te talitonu—BYU–Idaho, o le tatou misiona o le faia, atiae ni soo o Iesu Keriso. O lona uiga ia faataitai.

I la’u vasega la, e tatau ona faataitai aua a oo mai le faatinoga, e mafai ona avea latou ma soo i fafo o le vasega.

Elder Clark G. Gilbert: Te fiafia i lau tala—o leo, talanoaga, le talanoa o tagata, e le tutusa ma le aoaoina loloto.

E i ai foi isi mea na e ta’ua. O fesili tatou te faia, pe o fesili sa’o po o ni fesili e mafaufau loloto ai? Na e faataitaia muamua le ave atu o lena fesili i ni atufola loloto se lua pe tolu? Na e fai mai faafitauli O le tatou faaauivia o se faatulagaga o le vasega i se faafitauli patino. Te iloa e mafai ona faaloloto ai.

Nisi manatu i le faatulagaina ma le faalolotoina o le aoao? E le gata i le faaauai, ae i ai tagata e mafaufau ma faaaoga o latou faitalia e o loloto ai.

Sister Kaylee Merrill: O lau tala na fai mai ia au, sa folo gatā, o le metotia lea o le aoao atu ua le toe talafeagai. O le a manaomia ona tatou tipi ese nisi mea. O le a le maimau ai taimi taua tatou te vaai i ai. Pei na e fai mai, o nisi taimi tatou te fia avea ma le tagata e tautala ma faaaoga lena taimi, ae o le a ositaulagaina mo se mea sili atu: o le aafiaga o le aoaoina loloto. Atonu la e le mataalia tele, ae mautinoa o le a matuai aoga. A mafai ona faase’e i tatou faiai, o le a faigofie ona tatou faia lena fefaatauaiga.

Elder Clark G. Gilbert: O le a ou aveesea ni anomea e fai i le vasega. O le a loloto atu la’u alu, atonu o le a gasu, ae o le a ou faalolotoina o se faiaoga.

Te manatua a o matou fatua aoaoga i luga o le initoneti i le BYU–Idaho E le o Uso Bolingbroke—e le ta’u atua le tagata na fai mai, “President Gilbert, le a le mea e le pue ai lou leo ma lau lauga, ona tuu lea i le initoneti ona latou matamata ai lea?” Sa ou fai atu, “E, le o le faiga lena laa fai ai.”

E malie, afai e pau le mea tatou te faia o le tautala, ia tau la o le pu’e ma matamata i ai. Tatou faia le mea na fai mai ai lea polofesa, pu’e lau lauga, e le tau omai foi i latou i le vasega, aua e leai ni mea e faia ai, na o le faalogologo. E mafai ona tatou tuu mea uma na i anomea e muai faitauina. Sa’o? O isi auala e faaloloto ai le aoaoina i lou potuaoga e fesoasoani ai, ae le na o le magagū.

Sister Jenet Erickson: Elder Gilbert, a o e talanoa, sa ou mafaufau i le mau mamana—tatou te faatauaina i le Mataupu Faavae ma Feagaiga—“ia faamalamalamaina tagata uma.” Ma le aoaoga lea ia avea uma ma faiaoga i le potuaoga.

John, e tatau na tatou omai i lena vaaiga, ma le talitonu pei ona faamanino e Elder Christofferson, e i ai upumoni faavae o tatou taumafai e aoao atu i le vasega i aso uma. E i ai upumoni ou te matuai manao ia latou malamalama atili ai. Ou te iloa foi Ana musumusuga ua oo atu ia i latou, ou te manaomia—tatou te manaomia faatasi lena—upumoni ia faamalamalamaina e le upumoni o loo ou taumafai e faamautu ai le lesona.

Toe foi mai la i fesili, e taiala ai lo latou tomai ia maua faaaliga e faatatau i lena autu patino ma faasoa atu i le vasega. E moomia ai sauniuniga magafagafa i fesili o loo fesiligia ia latou sauniuniga. Ona mafai lea ona latou iloa le uiga o le faamalamalamaina faatasi—lea e le mafai ona ou faia ia te au lava. E le mafai ona ou aoao oe i le mea e tatau ona e iloa i lenei upumoni. Ona ua salalau le upumoni ii e ala i faaaliga ia i tatou uma i lenei manatu mamana.

Ua ou taulaina ai, a o manatunatu i le ala na aoao ai i latou e le Agaga i lena mataupu faavae.

Elder Clark G. Gilbert: E matagofie. Ia tou tomanatu pea i le fesili lenei ma o mai—i le fono a le tou matagaluega po o se fono faafaiaoga—e faapefea ona tatou mautinoa o le aoaoina e faatotonugalemu i le tagata auai o se aoaoga loloto? Faapefea ona ou faia se potuaoga ia aofia ai tagata aoga, ae o loo ou tuleia loloto atu i latou?

Ua tatou faalogo i faataitaiga o fesili ma fesili loloto—o faafitauli e tuu atu i le vasega? O se faataoto o se faataitaiga manaia o lena mea, aua e te faapea atu ai, “O le a le uiga moni?” Ae o le a le mafai ona fai lenei mea i se faatulagaga telē. Faamoemoe o le a faia e outou uma. Ioe, matou te mananao ia tou faaloloto le aoaoina e ala i le tuu o tagata aoga e auai. Ae tatou te le mananao ia felefele lenei mea ma ni tali pupuu.

E valaaulia oe e vaai i auala e mafai ona e faalolotoa ai le aoaoina i le potuaoga e ala i le alu i talaatu o le tali muamua i se potuaoga. John, na e lāgā i le tatou talanoaga se ala na ta’ua e Sister Merrill, tuu ia i latou le avanoa. Tuu atu—fatu—avanoa ia tupu ai lenei mea. Na e fai mai o se tasi ala e fatu ai se avanoa, o le tuu o latou e fai mai ai a latou lava fesili.

Sei faamatala—teisi mai?

Brother John Hilton III: Na tatou talanoa i le saunia o fesili, e manaia tele.

Se aafiaga: I tausaga ua alu, sa avea au ma se faiaoga talavou leai se poto masani, sa aoao atu le tulafono o le ola mama. Ma sa ou manatu sa maoae. Aisea e taua tele ai? E faapefea ona tatou ola i le tulafono o le ola mama? I le faaiuga, ao tuu atu se avanoa mo fesili, sa sii le lima o se tagata aoga ma fai mai, “Brother Hilton, ae faapefea pe a ua soli e se tagata le tulafono o le ola mama? E i ai pea so latou faamoemoe?” Ou te mā e fai atu i le leai o sou poto masani o se faiaoga, ou te lei fuafua e talanoa i lea fesili; ae na manino o se fesili aupito taua e talanoa ai i lea aso.

Ae ona sa fai le avanoa mo lana fesili, sa loloto atu le aoaoina sa maua. E oo mai nei, o se faiaoga poto masani, ou te faatali mo lena mea. E oo lava i le faiaoga sili ona poto masani, e le mafai ona tatalia mea iti ma aafiaga uma e aumai e se tagata aoga i le vasega. E tatau ona tatou taofi i nisi taimi ma fai atu:

Elder Clark G. Gilbert: O fea i latou?

Uso John Hilton III: “Faagasologa mo sina taimi. O a ni tou fesili o i ai?”

Elder Clark G. Gilbert: E faape’i lena mea i lou potuaoga? O a fea e te faia ai lea mea? E aloaia? E faavaitaimi? E tupu soo?

Brother John Hilton III: E tele auala eseese e fai ai. O nisi taimi pe a fia fai se mea malie, matou te tuu le Google Doc i luga o le lau ma se QR. Na o le ta faalilolilo lava o lau fesili. E tele ina faigofie na o le taofi a ae tusitusi tagata aoga.

Aua a ou fai atu, “O a ni tou fesili o i ai?” Lima sekone Leai ni fesili. Lelei, tatou faagasolo Ae a ou fai atu, “30 sekone; e mafaufau i ai. Le a le mea na tatou talanoaina? O a ni au fesili o i ai, mai mau po o le, e faapefea ona faatatau i lou olaga?” Po o nisi taimi, nai lo lo’u talia o fesili, tatou te faapea atu, fesili i lou tuaoi ma tuu latou e tali mai.

Tele auala e fesoasoani tatou te o atu ai i se vaega loloto atu.

Elder Clark G. Gilbert: E ese le mamana. Toe tasi le autu e talanoaina, ona ou faaiuina lea i ni valaaulia ma tulitatao.

O le sau saunia i se aafiaga e aoao ai, ona maua lea o se avanoa e faasoa atu ai mea ua e aoaoina—o avanoa nei e talia ai le tiutetauave mo le aoaoina.

O le ala lona tolu ua talanoaina i le vaega na fai atu tou te faitaua i le Aoao Atu i le Ala a le Faaola, o le tuu i tagata aoga avanoa e faaaoga ai na aoaoga pe a tuua le vasega. O a ni auala tou te faia ai lea mea? E faapefea ona, ao lata ina uma le vasega, e faamoemoe e ave atu mea na aoaoina mai lena lesona i tala atu o le vasega po o le talanoaga o lena aso?

Sister Kaylee Merrill: E mafai ona ou faia se suiga laitiiti i le mea lea? Ao ou mafaufau, na ou faia se mea tai faapena, ae ua ou fiafia e faataitai lenei mea i le tausaga lea.

Na tatou talanoa i sauniuniga, o le tele o mea na ta’ua o le suesue muamua i le poloka mau. Ae faapefea pe afai o le faaaogaina o le sauniuniga lea? Afai sa e iloa i le lua vaiaso o le tou lesona la a fai o le anapogi, ma sa e aveesea minute e lima mai se vasega i vaiaso e lua e talanoaina ai ni mea o loo tiga ai loto o na tagata aoga? Ona e valaaulia lea o latou, “E mafai na tou anapogi i se aso o le vaiaso a sau e uiga i lea mea?

A oo ina e aoao atu i le anapogi, ua i ai ni o latou aafiaga. O le a se tele o le a latou faasoa ai i le vasega? O le a foi se tele o le a latou toe faia ai pe a uma le vasega? Auā na latou vaaia i o latou aafiaga, ma sa faasoa ma molimau atu ai.

Pei na e fai mai, e maua le molimau i le faasoa atu. O le a tele ai foi lo latou faaaogaina pe a uma.

Elder Clark G. Gilbert: Ou te manatu o le faaaogaina o se vaega moni o sauniuniga.

Sister Kaylee Merrill: E le fetaui atoatoa mo mataupu faavae uma, ae e tele mea e mafai ona faaaoga ai.

Elder Clark G. Gilbert: Isi manatu?

Brother John Hilton III: O le isi manatu—sa e ta’ua muamua, Nate—o le toe tulitatao. E manaomia ona faaalu ai sina taimi o le vasega e fai atu ai, “Na tatou talanoa talu ai i lenei valaaulia. Se a se mea na e faatinoa?”

A na o lo’u tu’u atu o valaaulia ae leai se tulitatao, e pei lava o lau tala. A ou tuu atu se fesili ma toe tali ai, e vave ona iloa e tagata aoga, “E le kea lea ia.” Ae a ou tulitatao pea i le amataga o le vasega, “Na tatou talanoa i le anapogi” po o “le mataupu faavae lea” o le a amata iloa e tagata aoga, “Oi e taua la. E taua.”

Uso Nate Peterson: O loo ou tau faavasega pea. Atonu la o se valaaulia. E taga ona tuu iai ni meaaoga e fai i le fale?

Elder Clark G. Gilbert: Faamolemole.

Brother Nate Peterson: Na e fai mai e tuu atu ni valaaulia. Na tupu anapo. Elder Christofferson—Pe faafa pe faalima ea—ona faaaoga le upu ānaia. Na e [Elder Gilbert] faaaogaina le upu ānaia.

Sa ou toe alu ai ma suesue i lea upu. I le “Valaaulia le Aoaoina ma le Filiga,” o loo talanoa mai ai i le taliaina [anaina]. Sa ou tau faavasegaina. O le meaaoga lena: O le a le sootaga i le va o le avea ma soo ma le anaina ma aisea?

Ma atonu, e talanoa i ai Elder Gilbert, i le faaiuga e uiga i lena mea—aisea e sau soo ai lena upu? A ou manao ia i latou e avea ma soo—atonu o tausimea—o le tatou faitalia lena. Na tuu mai e le Atua ia i tatou lea meaalofa. O le avea ma soo o le mea lea ou te faia i lea meaalofa. Ae tatou e fia anaina ni mea. Tatou te fia anaina se taavale. Tatou te anaina se fale. O le anaina e oso mai lava faatasi ma le avea ma soo.

Elder Clark G. Gilbert: E sau sa’o mai le perofeta i le upusii lena—pe na aumai e Elder Christofferson mai “Filifiliga mo le Faavavau.” Fai mai Peresitene Nelson, “ou te aioi atu ia te outou ia pulea lau molimau, galue i ai, ia ā oe, fafaga ia ola.” E sa’o—ua aioi mai ia i tatou ma talavou matutua uma ia fai mo latou a latou molimau.

Brother Nate Peterson: —e mafai na ou faaopoopo atu?

Elder Clark G. Gilbert: Faamolemole.

Brother Nate Peterson: Ou te manatu o le mea lena tatou te mananao latou te faia pe a uma? E omai i le vasega ma faataitai le avea ma soo, ou te manao ia latou ānaina ona ou te le i ai i faatalanoaga o a latou pepa malumalu. Ou te le iai pe a faaosoosoina latou. Ou te le iai pea a latou lelavavā.

Ae afai latou te anaina upumoni, anaina le avea ma soo, ma ānaina o latou faitalia, e i ai se mea—ou te lei faavasegaina, o se mea ou te manao e suesue—afai latou te anaina upumoni pe a tuua la’u vasega—o le mea lena ua e fai mai matou te faia, e tatau ona ou ānaina. E tatau ona ou mauaina.

Elder Clark G. Gilbert: O lea ou te ataata aua o lea ou te faalogo atu i lona faasoa mai: Tatou te le i ai ma i latou i nei filifiliga uma. Ou te manatua la’u autalavou i le nuu o Boston sa tausua uma i se tasi po: “Ioe, o taimi uma ou te fia faia ai se mea leaga, e i ai lava se ata faalemafaufau o Clark o nofo i lo’u tauau, ma fai mai, ‘E le tatau ona e faia lena mea.’” E tatau ona ia faia ona e manao e fai, ae le faapea o i ai se faatusa o lona polofesa, po o le taitai o Alii Talavou e fai atu ia te ia, e aua le faia.

O le a tatou faia se mea e lei fuafuaina, ae na fautua mai e John e tuu avanoa e fai ai fesili. E mautinoa o loo faapea nisi o outou, “Oi sole, e tatau la ona ou sau ma se galuega sauniuni ae le’i faia vasega taitasi? Ona ou faaauai lea o tagata? Tatau na i ai uma nei fesili, e tatau la ona faaloloto le aoaoina i le vasega. Tatau foi ona i ai se faaaogaaga? E mautinoa o loo faapea nisi o outou, “Elder Gilbert, ou te toe faiaoga i le Aso Lulu, ma le vaiaso lea ma lea. E faapefea ona tatou faia lea mea?” Mautinoa e toatele o i ai fesili mo le laulauafono.

E tuu atu nai minute tou te fai atu ai i le laulau ni nai fesili ou te le’i avatua i le talanoaga. A i ai la sau fesili na e mafaufauina a o faagasolo, faamolemole tulai ma fesili i le laulau.

Ou te tau le iloa atu tua. Ta’u mai lou igoa.

Tuafafine 12 (Faith Spencer): Talofa, o lo’u igoa o Faith Spencer. Ou te fia iloa pe faapefea ona eseese le tapenaga o se laulauafono, ma le iloa o le a tatau ona e faasoa.

Sister Kaylee Merrill: Tele taimi.

Pei na ta’ua e Elder Gilbert i le “Ua I Ai le Mana ia i Latou.” A iloa e tagata aoga ua faamoemoe latou te faasoa, o le a latou tauavea le tiute. O le a latou laa i luga e fai le galuega. O ou lagona na, ona na ou iloa sa faamoemoe ou te faasoa.

Na ou talia i le lotomaualalo ia mea e tatau ona ou iloa ia mafai ona ou faasoaina? Sa ou iloa ai o mea na ou te manao ia iloa e a’u tagata aoga. Te manao ia latou lagona, “A ou alu i le vasega, e le na ona saofai ai. Ou te—e i ai le taimi e moomia ai ona ou faasoa, ma ia i ai se mea ou te faasoa atu.”

Elder Dale-G. Renlund: Faafetai. Isi fesili?

Sister Jenet Erickson: E tasi se manatu sa ou mafaufau i ai i lau fesili. Pe faapefea ona ou lagona e manao le Alii ia ou mataalia atili ma atili mafai ona faaosofia ma faaaoga o latou faitalia.

Sa ou mafaufau i se uo e i ai ni tagata aoga a o lei amatā le vasega, i le amataga o le semesa, e faaalu le 30 minute e faalogo ai i le Agaga o taiala i latou i mea latou te manaomia. Ona faatutu lea o ni sini e mafai, e ala i lena vasega, ona galulue ai ma maua ai se malamalamaaga.

O le manatu la i le laulauafono, e pei, e alofa le Alii ia te a’u. E fia fesoasoani ia avea a’u ma faiaoga ta’uaogaina. E finagalo e faamanuia na tagata aoga. Oka se faamanuiaga o le a Ia aumaia ia te au le avanoa e mafaufau ma suesue i lenei mea. O le iuga la, e mafai na ou faatinoa i se isi ala. Ou te manao i au tagata aoga ia maua lena lava aafiaga mamana. O lenei vasega atoa e faatatau i le Alii o faamanuia oe ia mafai ona avea oe ma tagata na mamanu ai oe, o le ala lea na Ia tuu atu ai avanoa e te aoao ai mai ia te Ia.

Elder Dale-G. Renlund: Faafetai. Se isi fesili.

Tuafafine 13: O ola? Faamalie atu Ua faamanuiaina a’u e avea o se vaega o le seminare mo e i ai manaoga faapitoa. O le toatele o a’u tamaiti e gūgū. Faapefea la ona ou faaaogaina lenei mea ia i latou?

Elder Clark G. Gilbert: O le a se mea ua e faia?

Sister 13: Tele—e lolomi ata ma faavaa ma tuu i ai latou te filifilia mea eseese e uiga i le lesona. E faaaofia i latou i mau tauloto i le toe faaaogaina o fasipepa na faavaa. Matou te talanoa i mau tauloto. E tele–ituaiga o gagana faailoga e faia i le potuaoga. O se aafiaga manaia tele.

Brother John Hilton III: A ou taumafai la e tuu atu se tali, e leai so’u poto masani faafaiaoga fetuunai. O lo’u a poto masani o le saunia mo se vasega i le tautoulu nei, ao lei valaaulia o se vaega o lenei laulauafono, pe 99 pasene o au sauniuniga mo vasega lenei o le “O le a se mea e aoao atu?” Ua taulai a i le anotusi. O le avea ma se tasi o le laulau, na sui ai a’u fesili—e faaalu le tele o taimi sauniuni e mafaufau ai “E faapefea na ou fesoasoani i tagata aoga e sauni ao lei oo i le vasega? E faapefea na ou fesoasoani ia latou faatinoa?” Ina ua ou ave atu na fesili i le Tama Faalelagi, na ou maua tali.

E ui ou te le iloa le tali e fitoitonu i lea fesili i le aoaoina fetuunai, ae silafia e le Tama Faalelagi. O la’u molimau a tatou ave na fesili faigata i lugā, o le a tatou maua tali patino e moomia e o tatou tagata aoga.

Sister Jenet Erickson: Le suiga—matagofie lena—mai le faiaoga, tatou te fiafia e faiaoga ma mafaufau i le, “E faapefea ona tatou tauaogaina?” i le “Le a se mea ua iloa e le tagata aoao?” E aumaia faapefea e musika le Agaga ia i latou? E faapefea e le fegalegaleai ma isi ona avatu ai le Agaga ia i latou?

O le taulai i mea latou te oo i ai, ma ou lagonaina foi, John, o lena manao e sui. O a mea ua latou oo i ai i le vasega?

Elder Clark G. Gilbert: Na i ai se mea? Oi. Oi, o le isi Lea sa fai mai o le a tapē la’u maika [mic] pe a lē faaumaina. Sei ou faauma atu. Ua uma lo tatou taimi. Sa tatou omai i lenei fonotaga sa talosagaina outou e omai saunia, mafaufau i le fesili lea, “E faapefea ona lelei atili lo’u fesoasoani i ē ou te faiaoga ai e tauave le tiute o lo latou aoaoina?

Ou te toe tuuina atu le valaaulia na ou avatua muamua. Faaaoga se minute ao e tuua le mea nei, e tusi ai se malamalamaaga na e maua patino i le asō. O le a ou taofi nei. O loo totoe nai minute, o le a taofi mo se minute. Ou te manao ia e tusia se mea e tasi na e aoaoina nei. Atonu e le o se mea na tatou ta’ua. Se mea e tasi na e aoaoina nei o le a fesoasoani e te avea ai ma faiaoga sili atu?

Se minute e tasi e pu’e lena mea ao lei mae’a.

Afai e le’i uma, mafaufau pea i ai. Faamolemole, i vaiaso a sau, o le a ou fai atu tou te faia ni mea se lua i mea na e tusia i lalo: Faasoa atu i se isi tagata ma faatu se sini e faaleleia atili lau lava aoaoga e faavae i le uunaiga na e maua.

Sei ou faaiu atu i le manatu lenei: Muamua, ou te fia faafetai i la’u au laulauafono. O i latou o ni faiaoga maoae, ua tele mea ua ou aoaoina i le asō ma sauniuniga mo lenei aso. Faafetai atu foi ia outou uma. E toatele outou ua ofo atu le anoanoai i tou tiutetauave. Manaia le saunoaga a Elder Christofferson anapo, o loo tou i ai moni i le laina i luma o le lumanai o le Ekalesia.

E faaopoopo atu lau molimau i le Ofisa o Aoga a le Ekalesia, o loo tatou saunia talavou i le Ekalesia atoa ia ola ma avea ma soo i le olaga atoa. E leai se isi mea e sili ona tupu anoa ai aoaoga faalelotu i le salafa o le Ofisa o Aoga a le Ekalesia, i le vasega seminare, i se tasi o a tatou lotoa, i se vasega inisitituti. O oe o se vaega o le fesoasoani ia i latou e tauave le tiute ina avea i latou ma soo o Iesu Keriso i le olaga atoa. Ou te iloa o se tasi o mafuaaga ua teu faaagaga ai e le Ekalesia le tele o mea i mea tatou te faia—ma i latou uma o aofia i lenei galuega—ona ua latou talitonu e taua lenei mea. Ina ua saunoa Peresitene Nelson, “O tou vaai i le mea ua tupu i luma o o tatou mata?” Ou te faamoemoe tou te lagonaina o le lesitala i le seminare ua oo i se matātia i lenei Ekalesia atoa, i le aofaiga atoa o tagata aoga ma pasene o loo auai.

O lesitala i o tatou iunivesite o loo faatutuina pea matātia, e oo a i taimi e le o ai tagata i le kolisi, ua pito i maualuga foi inisitituti i le talafaasolopito o le Ekalesia.

O loo i ai so tatou tiutetauave e fesoasoani i tagata uma o e omai i o tatou potuaoga e tauave le tiute o lo latou aoaoina. I upu a Peresitene Nelson, “O loo tatou sauniaina se nuu o le a saunia le lalolagi mo le toe foi mai o le Faaola.”

Tau ina tatou tauave lena tiute ma le faamaoni, lotomaualalo, ma le mautinoa, a o fesoasoani le Alii ia tatou faia ma le mana malosi o tatou tofiga. Ou te tuu atu ai nei mea i le suafa o Iesu Keriso, amene.