Veivosaki Vakailawalawa: Sureta na Vakaitavi ni Lewenivuli

Elder Clark G. Gilbert: Vinaka vakalevu, Elder Meredith. Sa qai dua na itukutuku kaukauwa. Ia kevaka mo qai sega ni kilai Elder Meredith, au nuitaka ko na vakila na nona kaukauwa kei na yalodina. Au raici koya talega ena rara ni tavipolo, kau nanuma na Veitokani Vakarisito ni Dauqito ena vakasamataka tale na nodra ilesilesi.

Au na vakarautaka yani oqo e dua na ulutaga eda na veivosakitaka eke wale ga oqo. Kau vinakata meu goleva e dua na ka a kaya o Elder Meredith: ena ivakarau eda veivakavulici kina. E matata na nona vosa, au nanuma nida sa kila taucoko na ka oqo, ni dua na qasenivuli gugumatua ena cakava e dua na veisau ena nodra bula na noda gonevuli vakakina ena sala mera vuli kina. Ia na sala eda na cakava kina oqo sa ka bibi dina. A vakamacalataka o Elder Christofferson ena bogi; ka cavuta tale nikua o Elder Meredith.

Keitou a kerei kemuni mo ni gole mai ki na ituvatuva ni vuli oqo ni ko ni sa wilika oti ka taleva na Veivakavulici ena iVakarau ni iVakabula, na iwasewase e vakatokai na “Sureta na Vuli Vagumatua.” E gadrevi vakalevu kina meda sureti ira na gonevuli mera vakaitavi ena nodra rawata na kila ka.

Eso vei kemuni sa rogoca oti na italanoa oqo, kau kerea na nomuni veivosoti. E kaya na noqu itokani ni rumuvata mai na na koliji: “Clark, au dau taleitaka na nomuni italanoa. Na imatai ni lima se ka ono, e totoka sara.” Ia au gadreva meu wasea na italanoa oqo baleta ni ka rarawa vei au, au na wasea mada e dua na cala au cakava niu veivakavulici tiko. Ia ena Charles Otela mai Cambridge, Massachusetts, na veiyatolu na rumu ni otela e tiko kina e dua na droiniera lili toka ka vakaraitaka toka e dua na vavaloaloa kei na dua na parofesa ena yasani vavaloaloa,e droinitaki koya tiko. E tukuna, “E taleitaka o Doug na nona veivakavulici,” e nona cakacaka ga na droinitaki koya tikoga baleti ira na gonevuli. Ena so na gauna ena noda loloma—ka vakaidina ena noda lomani ira dina na noda gonevuli—eda vinakata meda wasea vei ira na veika eso e sa ka bibi kivei keda yadua, ia eso na gauna e rawa ni vakataotaka na sala mera taura kina na madigi mera cakacakataka ka sureta na nodra vuli.

Au nanuma rawa ena gaunavata oya e va na yabaki ni noqu bula au vulica kina e dua na ulutaga, kau a vola kina e dua na kisi ni vuli ka yaco me ivola ni vuli ena Koronivuli ni Bisinisi e Harvard baleta e dua na kabani e vakatokai na Knight Ridder. Au vola na iulutaga ni vuli oya; ka ena imatai ni yabaki ni veivakavulici, au vakabauta ni walu na daunivuli e vakavulica na noqu kisi. Ia ena icavacava ni yabaki, keimami a taura na itukutuku ena sala era veisematai kina keina kisitale eso. Niu raica na itukutuku, vei au, sa kena ikarua ni kisi ca duadua ena semesita, ka vola na kisi. Vei kemuni kece sara, e tu ena ika lima e cake.

Na cava e yaco tiko? A cava na vuna e yaco kina na kisi au vola, a taura e va na yabaki ni noqu vulica, ikarua-ki-na-iotioti ni kisi ena iwasewase ni vuli taucoko vei au ka ikalima ni veta i cake vei ira na kena vo? Na cava o nanuma ni sa yaco tiko? Ia au na taroga mada na ilawalawa, cava nomu nanuma ni sa yaco tiko? Au sega mada ni kila eda vakagusunivosavosa tiko, au na lako yani vakavoleka. Rosemary, rawa beka meu na kerei iko? Na cava na vuna au sega ni vakavulica vakavinaka kina na noqu kisi? Mo kua ni kaya “Baleta ni ko sa qasenivuli ca sara ga, Clark.”

Sisita 2 (Rosemary): E rairai levu beka na nomu vakamacala ka vakatara me lailai nodra vakasamataka.

Elder Clark G. Gilbert: Io, a kaya o Rosemary, e rairai beka o sa vakamacalataka vakalevu ka laiva mera vakasamataka kina vakalailai. Oya e oka dina kina. Dua tale na vakasama? Cava beka au rawa—cava beka au cakava e cala tiko e yaco me ca sara na kisi oya? Io. Lesu tale eke. Sa donu. Totoka sara na nona cakacaka o Brother Brown.

Sisita 3: E rairai sega beka ni yaga vei ira na gonevuli.

Elder Clark G. Gilbert: Sa donu. E rairai sega beka ni yaga vei ira na gonevuli. Se rairai sa qai veivakaleqai ga vakalevu: na veika au digitaka ka kunea e bibi dina e rairai sega ni yaga vei ira na gonevuli. Ia, na semisita tarava, a kaya e dua na noqu itokani vakacakacaka, “Clark, na kisi oqo e vakavulici koya ga vakai koya. O na gadreva ga kina e tolu na taro cecere ia o na vakadredretaka tiko. E sivia tale na nomu kila na ka oqo ka sa calati ira tale na gonevuli.” Ia, au sa vakayagataka na nona ituvatuva ni veivakavulici ka vakalailai toka na lomaocaoca, e dina, a totolo ga na kena suka mai na kisiki na iwasewase e cake.

Ena so na gauna na noda matai kei na kila-ka, kevaka me na takosova na nodra sureti na gonevuli mera vulica, ena rawa me veivakataotaki. Ka sega ni kena ibalebale ni kilaka e sega ni dodonu me vakalailaitaki. Ia na kena vakalailaitaki sobu ena dua na sala e sureta na vuli gugumatua? Nikua, au gadreva me dua na mataveivosaki vata kei na va na qasenivuli cecere a cakava vinaka oqo “Eda na sureti ira vakacavana gonevuli me sa nodra ilesilesi na nodra vuli?” Kau sa na sureti ira mera gole cake mai ka tomani au ena mataveivosaki oqo, kau na vakatakilai ira vakayadua.

Sa mai dabe cake qo e yasaqu o Kaylee Merrill. E qasenivuli levu tiko ni semineri e East High e Salt Lake City, Utah. E toka tikivi koya o John Hilton, e dua na parofesa ni ivolanikalou ni gauna makawa e BYU. Ka taravi koya o Jenet Erickson, e parofesa tiko ni itukutuku makawa ni Lotu kei na vunau e BYU. E yasana o Nate Peterson, e dua na parofesa ni vuli ni iwasewase e BYU–Idaho.

Kau vinakata meu sa tekivuna na veivosaki nikua ka rai sara yani ki na vosa nei Elder Christofferson ena bogi na noa. Nida vakaraica na nona vosa ka kila sara na ulutaga nida gole tiko mai ki na mataveivosaki oqo, ka da veivosakitaka vakailawalawa ni vakavakarau ki na ka oqo, a cakava kina o koya—kei Elder Meredith a cakava qo ena dua na miniti sa oti—na isema dodonu ni kena tauri na ilesilesi ni vuli kei na bula vakatisaipeli ni bula taucoko. Sega walega ni bula vakatisaipeli, ia na bula vakatisaipeli ni bula taucoko.

Au na tekivu vei Sister Erickson. Nio raica yani na taro o ya, e rau vewekani vakacava na rua na ka oqori? Na cava o taura rawa mai na vosa nei Elder Christofferson ena bogi? Ena veivakasalataki vakacava oqo kina sala meda veivakavulici kina?

Sisita Jenet Erickson: Vinaka vakalevu, Elder Gilbert. E ka totoka na mai tiko kei kemuni taucoko na qasenivuli veivakauqeti oqo. Niu tekivu veivakavulici e BYU—ni bera niu tekivu—a lako mai o Elder Richard G. Scott, na qasenivuli vuku oya, me mai vosa ena Macawa ni Vuli. A wasea kina e dua na ka a lauti au sara ga kau a kauta oqo ki na kalasi ena semisita oya au sega tu ni kila vinaka e liu. A tukuna na kena bibina bula ni vakatataro voli ka me vakavulici maivua na Turaga mai na Yalona. Oqo na vuna eda tiko kina eke. Oti qai kaya, “Na gauna yadua e sureta kina o qasenivulie dua na gonevuli me vakaitavi ka laveliga e dua na gonevuli mera sauma mai, era sa laveliga tiko vua na Turaga o Jisu Karisito nira sa gadreva mera vuli.” Ia ena bogi na noa, nida sa rogoca na vosa nei Elder Christofferson me baleta na kaukauwa ni galala ni digidigi, a votu vei au e dua na lotu a caka e BYU–Idaho a vakavulica kina na qasenivuli qaqa oqo ni kaukauwa sa tu ga vei ira—na vosa o vakayagataka, Elder Gilbert. Kei na gauna eda sa kila kina na kaukauwa ni Kalou, na kaukauwa nei vunica, na kaukauwa sa tu vei ira yadua, ni kaukauwa o ya me sa vakaraitaka na gagadre me rawata—me soli kina vua—na Turaga me baleta na nodra bula.

Oya na ka au vinakatameu sureti ira na noqu gonevuli: me sa yalodra mera laiva vua na Turaga me curuma na nodra bula baleta nio Koya ga na kaukauwa me yaco na veisau. Sai koya na kaukauwa me yaco na tubu. Sa qai yaco oqo ena drau na milioni na sala. Oni rawa ni rogoca na ivakadinadina nei Peresitedi Packer e tiko ena kena wasei yani. Ena ituvatuva o ya, eda vakila kina na kaukauwa me yaco na maqusataki ni Nona cakacaka ena noda dui bula, ka da vakila mai Vua na veisau, na Nona veivakauqeti ni saumaki ka yaco me caudre mai. E cakacaka bula—mai na vosa nei Elder Christofferson ena bogi—e cakacaka bula kina na kaukauwa me vakatara vei Jisu Karisito kei na Nona veivakauqeti kina noda bula.

Ia oqo, au se vulica tikoga na sala meu cakava kina oqo. Au vakavinavinaka vei ira na dauveituberi mera gole mai kina noqu kalasi ka kaya, “Janet, tovolea oqo, tovolea ya.” Ia ena kisi yadua,na ka era sureti au kina meu cakava o ya mera vakayagataka na gonevuli na nodra galala ni digidigi mera kunea, ka ra vakaitavi, ka mera qai vakila na Yalo Tabu. Au sa vakila, ka ra sa vakila na Yalo Tabu ka vakadinadinataka vei ira ena sala titobu baleta na dina era sa gadreva ki na nodra bula. Oti sa qai tuvai ira ena dua na sala mera vakayagataka na galala ni digidigi mera sa bula vakatisaipeli ena bula taucoko.

Elder Clark G. Gilbert: Totoka. Kau nanuma kina, ko na kila, na veika o vakaiyaqataki kina sa tiko kina e dua na ka baleta na cakacaka ni tamata yadua—oya na vakayagataki ni galala ni digidigi—ka semati ki na ka oqo. Dua tale na vakasama? Me noda vakataki keda na noda vuli. Cava na vuna e bulia kina oqo na bula vakatisaipeli ena bula taucoko? Dua ena mataveivosaki?

Baraca John Hilton III: Ke rawa meu wasea mada edua na vosa vakaibalebale au dau vakayagataka ena so na gauna vei ira na noqu gonevuli. E sega sara ni vosa vakaibalebale vinaka sara—ia au na kauta mai e dua na tiki ni vauvau vou kau na kaya kina, “Oqo sa vaka na ivolanikalou eda sa veivosakitaka tiko nikua.” Meda sa qai nanuma beka niu sa vakavulica na lesoni qaqa oqo ena vanua au sa wasea tiko kina na veivakararamataki totoka taucoko oqo. Au sa solia vakalevu vei kemuni na vauvau. E vakilai ni vinaka. Mo tokara e ulumu, oti mo qai taubale yani e katuba; sa liwava na cagi, ka sa na lutu sobu.

Na ka sa qai dodonu me yaco o ya o gonevuli me seruta ka tuva donu na vauvau. Mera sa qai cowiritaka me wa, me sa qai yaco me kotevauvau nira gole yani i tuba na gonevuli, ena sega ni cagina tani.

Au sa wasea tiko vakatikina na vosa vakaibalebale o ya me vakananuma vei au ni sega dina ni noqu bisinisi na solia yani na vauvau vou. Au gadrevi ira na gonevuli mera vaka kote, ia e dodonu mera cakava ga vakai ira.

Ena so na gauna eda sa vakabibitaka sara na veika eda kaya, ka dredre baleta niu kila nida qasenivuli e levu tu na veika cecere me da kaya. Ia vei ira na gonevuli me ra rawata vakaidina e lomadra sa dodonu me ra cakava. Ena dodonu me tosoi mai na nodra vakasama ki yalodra. Ia meda vukei ira na gonevuli mera cakacakataka, sa sala duadua ga era na rawa ni bula vakatisaipeli kina ena bula taucoko.

Elder Clark G. Gilbert: Koya gona, John, e gadrevi mo kauta mai e dua na ka e vinaka cake mai na vauvau vou. A cava na vuna mera na vakasavasavataka kina ka sega ni o iko ga?

Baraca John Hilton III: Sa baleta ga ni yaco me cakacakataki, oya na gauna era na rawata ga kina vakai ira. Koya gone kevaka meu sa tukuna ka tukuna tale ka tukuna tiko, oqori sa na biu tiko ga yani vei ira. Ka sa rawarawa tu ga niu qasenivuli meu vakila niu sa cakava tiko e dua na cakacaka cecere.

Au sa vakabira ga yani. Au sa vakabira tiko vei ira. Ia mo rawata [kina] e loma , e dodonu mo cakacakataka. E sega tale ni dua na sala. DONU.

Elder Clark G. Gilbert: Nate—

Baraca Nate Peterson: Elder Gilbert, ena tikina ga o ya, a laveta cake o Elder Christofferson ki na itagede o ya, donu? Au tukuna tiko, o cei e kila ni galala ni digidigi e dua na ka levu? Sa kena mataqali ivakarau e yaco ena iyaloyalo yavala o raica era tu mai muri ena veigauna mai na ivakatekivu. Io, e vakacava ke sa kena isau na bula galala ni—sa tu ga e kea mai na ivakatekivu—ni a kaya oqo o koya. Galala ni Digidigi. Donu Na toso ki liu ena gadrevi kina na galala ni digidigi, ka sa gadreva na galala ni digidigi na dina. Ka sa rawa meu vakavulica na dina ena dua na lesoni.

Ia oqori na ka a kaya. Oqori sa dua vei ira na sala e ravuta kina o Setani. Au vakabauta ni so na gauna sa DONU vua kevaka meda vakavulica vei ira na dina. Ia e kaya o Elder Christofferson na ikarua ni ravuravu eda na gadreva meda vorata rawa, o ya meda na sureti ira mera na vakayagataka na nodra galala ni digidigi. Me rawa niu vakavulica e dua na lesoni cecere; Au rawa ni vakadinadinataka na dina, ia meu vakabulabulataka na galala ni digidigi oya—sai koya na itagede e tarava au solia kina vei ira e dua na veisureti me ra vakaitavi kina, me ra yaco me dua na itini ka me ra vakayagataka na galala ni digidigi a tu vei ira mai na ivakatekivu.

Koya gona na toso ki liu oqo e gadrevi kina na galala ni digidigi. Na galala ni digidigi e gadrevi kina na dina, kei na dina e gadrevi kina na veisureti. Koya e kauti keda lesu tale ki na noda tosotoso.

Elder Clark G. Gilbert: Totoka. Kaylee, dua tale na ka mo kuria?

Sister Kaylee Merrill: Au taleitaka na veisemati a cakava o Elder Christofferson ena bogi na noa. Me kuria kina, a veimuataki ki na veiyalayalati. Baleta na cava mada na bula vakatisaipeli ena bula taucoko? Sai koya e dua na tamata e cakava ka maroroya na veiyalayalati. Eda sa kerei ira kina na noda gonevuli mera vakayagataka na galala ni digidigi ena loma ni kalasi, e taudaku ni kalasi, ni qai yaco mai na gauna, era na kila na sala mera vakayagataka kina na nodra galala ni digidigi ka cakava qai maroroya na nodra veiyalayalati ena gauna taucoko ni nodra bula sa vo.

Elder Clark G. Gilbert: Totoka. Au taleitaka ena nona kaya ni veiyalayalati sa ka ni tamata yadua. Ena gadrevi mera cakacakataki, ni sai koya qori na ivakarau cecere ni dua na tisaipeli.

Keitou gadreva me tarogi vei kemuni yadua kece, au nuitaka ko ni sa bau vakasamataka tiko na taro vata ga oqo. Au vinakata meu vakayagataka e dua ga na miniti mo vakasamataka tiko kina na taro o ya: Na cava na kedrau isema na taukena na itavi, ka buli vakamatata na bula vakatisaipeli ena bula taucoko? Na cava e rui bibi kina na ka oqo?

E kaya o Elder Christofferson ni Mataveiliutaki Taumada kei na Kuoramu ni Le Tinikarua era sa vakavulici keda tiko ena semina ni iliuliu ni kaulotu. Era sa vakavulica tiko oqo vei ira na daunivakasala ni itabagone. Era sa vakamatatataka tiko oqo vei keda na dauveituberi vakalotu.

Na veisemati cava o ya? Na ilesilesi kina tamata yadua me vuli ka me bula vakatisaipeli ena bula taucoko.

Vakayagataka e dua na miniti. Mo vola na nomu nanuma baleta na veisemati oqo. Na cava o sa rogoca ena bogi? Na cava o sa rogoca tiko ena gauna oqo? Na vakasama cava soti tale e tiko qori vei kemuni? Ia, me cegu mada na mataveivosaki me dua na miniti moni vola mada eso na kena vakasama.

Ia oqo au na kerei kemuni mada vakailawalawa yarua se yatolu, ena vakatau ena nomuni sa tuva toka qori. Kevaka o tiko e vale ka sega ni dua e toka e yasamu, raica mai e dua mo wasea vua na ka oqo.

Ia wasea vua e dua e taravi iko na ka o a vakila; ka keitou na cakava eke ena mataveivosaki, kau na tovolea meu kakua ni vakarogoya yani vei kemuni kece ena noqu gusunivosa. Ia, ena vica ga na miniti e tarava, wasea na nomu rai ka laiva me wasea vei iko na tamata e taravi iko.

[Veitalanoa sega ni matata mai vei ira na tamata]

Meda lesu vata tale mada mai. Au nanuma ni matavuvale na Gilbert e ratou taleitaka na iwalewale vou oqo me rawa ni ratou bokoca na gusunivosa nei tamadratou ena gauna ga sa rawa ena lesoni ni lotu vakamatavuvale.

E dua e uqeti na yalona me wasea e dua na ka ena ulutaga oqo, e rawa mo tucake ka wasea ki na ilawalawa? Eda na taura ga e vica. Laveta ga na ligamu ka tucake mai. Io, eke. Oi, au nanuma au raica e dua e laveliga. Cami Anderson, au na kacivi iko ga yani. Vinaka vakalevu. Io e dakumu qori, Brother Brown. Io qori.

Sisita Cami Anderson: Vinaka vakalevu, Elder Gilbert, me baleta na madigi oqo.

Ia, o au kei Yvonne keirau a veivosakitaka tiko na sala, mo kila, na bula vakatisaipeli ena veisiga, a vakamacalataka tiko o Elder Christofferson, na sala ni da vukei ira kina na noda gonevuli me raici, ni na vukei ira mera toso tikoga ena nodra vakabauta kei na bula vakatisaipeli, ka kila, ena vakatovolei ni bula oqo. Ka levu cake sara mai na nodra wilika tikoga na ivolanikalou se cabo masu tiko ena veigauna dredre, ia sa rawa mera cakava ena gauna e tadravi ira tu kina na vakatovolei dredre sara, ka ra raimatua tikoga vua na iVakabula. Era raica rawa se mani cava ga na nodra ituvaki ni vakabauti Koya, ka na vukei ira o Koya ni ra sotava na vei bolebole cava ga.

Elder Clark G. Gilbert: Au taleitaka qori. Kau taleitaka na vakasama ni vakatovolei sai koya na suitu. Me vaka ke me da tarogi kemuni: era na nanuma beka na ka oqo ena gauna sa dredre kina na nodra bula? Ki na nona vakasama o Baraca Hilton: ena vuka laivi na vauvau mai vei ira? Se ena tiko beka eso na ka era sa kauta vata tiko kei ira?

Dua tale na vakasama? Yalovinaka, e dua me laveliga ka volodia mai. Io, donu. Qori e yasamu.

Baraca 9: Oqo e dua na ka au dau vakasamataka tiko ena noqu gauna taucoko ni cakacaka. A vosa o Elder Bednar, “Vakasaqara na Vuli ena Vakabauta,” niu a se qasenivuli gone ni semineri. A qai kaya o koya, vakawasoma eda veivosakitaka na veivakavulici ena Yalotabu, ia eda sega ni dau veitalanoataka na ibalebale ni vuli ena vakabauta. O koya a qai vakavulici keda mai na 2 Nifai 33 ni Yalo ena rawa ni kauta na vosa ni Kalou ki na yalo, ia ke mani curuma se segana yaloda ena vakatau kivei keda. . Sa dodonu ga meda cakacaka ena vakabauta me yaco oqo ki na yaloda. Ka o keda na qasenivuli e sega walega ni noda bisinisi na solia na ika. E dodonu me da vakavulica vei ira na siwa. Na vuli cecere duadua ni bula e toboki, sega ni vakavulici.

Mai na gauna o ya, sa qai dua nai tukutuku kaukauwa kivei au. Au vakatauvatana kivei keda na qasenivuli—na noda cakacaka e sega ni mai tu e liu ena matani kalasi ka cakacaka e matadra ka vakaraitaka vei ira na ka eda cakava meda laveta na ka bibi. Oqori ena sega ni na vakaukauwataki ira. Meda na sureti ira mera cakacakataka. E dodonu mera na cakava ga na nodra vakaukauwa yago. Mera na cakava ga nodra cakacaka me rawa ni ra kunea na kaukauwa mai na veika era sotava ka na kauti ira yani ki liu mera tisaipeli ena bula taucoko ka rawata na igu mera sotava na vakatovolei oqori kei na ibolebole mera qaqa.

Koya gona, me tekivu mai na vosa nei Elder Bednar, au sa vakasamataka toka—ni sa noda ilesilesi dina meda sureti ira mera cakacaka ena vakabauta me rawa kina na igu mai na cakacaka oya me sotavi kina na vei bolebole.

Elder Clark G. Gilbert: Ka ena nomuni vakasama, sai koya oqori na isema ki na bula vakatisaipeli ena bula taucoko. Sai koya mo rawata me cakacakataki ena nomu kalasi ni gauna ni semisita ka na tomani tiko ni ko sega ni tiko.

Baraca 9: Dina.

Elder Clark G. Gilbert: Sa donu. Vinaka vakalevu. E rawa beka ni dua tale na vakasama. Io, Brother Bollingbroke?

Brother Bollingbroke: Niu se kodineita tiko ena mataka lailai, a dua na noqu qasenivuli e qasenivuli tiko ni yabaki ena koronivuli ni vuli vuniwai ena University e Nevada, Reno, ka keirau a veivosakitaka tiko me baleta na VVC—vakarau vakaitavi cakava.

Sa qai kaya mai okoya, “Io, ni sa cava na siga, Brother Bolingbroke, oqo na duruduru Sa rawa meda veivosaki ka vakaitavi, ia oqo na duruduru ni liga, kei na veigauna kece ena duruduru ni liga tikoga. O au na qasenivuli ni yago. Eda sega ni rawa ni vosa ka veiwasei—“ Ia au a tarogi koya ena taro oqo—sai koya na ka e tukuna o Nate—e tikoga na tautauvata ni dina ni veivakavulici ia mera cakava sara. Au a kaya, “Ia era sega beka ni vuli vinaka cake nira yavalata na nodra ilokiloki? Era kila na sala mera cakava kina?. Sa rawa mera raica na uwa kece sara?”

Kau vakasamataka ena so na gauna ena vuli vakalotu, e tu na sala era rawa ni sotava vakai ira. Era na nanuma vakavinaka sara na duruniliga kevaka era sa vakamavoataka oti, se yaco kina na ramusu, se yaco me ka taleitaki vei ira. Ka vakakina vei keda na qasenivuli, eda sa vakaraitaka ni sa qisia na Kalou me vakawati na tagane kei na yalewa me vaka ni suitu ni nona yavu ni bula oqo na Dauniveibuli ena noda ilakolako ki na bula tawamudu na Luvena vakayadua. Ia ena gadrevi mera raica rawa oqo. Ia kevaka meda sa vakavulica ga na dina ka sega ni cakacakataka na ilokiloki o ya, ena cagina tani mai vei ira.

Elder Clark G. Gilbert: Totoka. Vinaka vakalevu. Au nuitaka oni na vakasamataka tikoga na taro oqo, baleta ni so na gauna niuveivosaki kei ira na qasenivuli me baleta na bibi ni nodra vakaitavi kina na gonevuli, ka raica ni sa nodra ilesilesi. Era sega ni vinakata mera qasenivuli era vakatokai mera qasenivuli, ka toso na veivosaki ki na kena iwalewale ka sega ni yavutaki ena “A cava na vuna eda cakava kina oqo?” Na cava na isema e tiko ena maliwa ni mataqali vakaitavi kei na bula vakatisaipeli ni bula taucoko vakayadua?

Au sa sureti kemuni moni vakasamataka tikoga oya, dina ga nida sa toso oqo me veivosakitaki eso na veicokonaki ni veivakavulici ena vukei ira na noda gonevuli. Yalovinaka mo lesu tale ki na inaki laveti cake oqo—na cava eda cakava tiko kina oqo ena imatai ni gauna.

Ia oqo, e dua na sala eda sureta kina na vuli gumatua o ya mera kerei na gonevuli mera vakavakarau tiko mai. Ka da tarogi kemuni. Au na sega—ia meda sa cakava oqo. Oqo na vakavakarau ki na soqoni nikua: wilika na “Sureta na Vuli Vagumatua” mai na Veivakavulici ena iVakarau ni iVakabula; wilika na “The Power Is in Them” na vosa au a solia ena Janueri; tiko ena lotu nei Elder Christofferson ka vakananuma na rua na taro oqo—Ena sala cava a sureta kina na iVakabula na vuli vagumatua vei ira a vakavulica o Koya? Ena sala cava meu vukea mana kina o ira au vakavulica me nodra na ilesilesi ni nodra vuli?

O ya na ilesilesi ni vakavakarau. E vica vei kemuni a cakava e rua mada ga vei ira na itaviqaravi oya ni lako mai eke? DONU.

Meda cakava vakacava oqo? Meda sureti ira vakacava na gonevuli mera muataki ira cake mai kina dua na gauna ni vuli ka vakarau tiko kina? Na cava o nanuma mai na mataveivosaki oqo?

Baraca Nate Peterson: Au vakabauta ni o Elder Gilbert sa taura na ikalawa lesu o ya. Me vaka e totoka—kila, me vakataki Joni ni veivakavulici tiko—e cecere kevaka era wiliwili me baleta na noqu kalasi, ka sa cecere sara kevaka era wilika kau na qai solia vei ira e dua na maka vinaka. Ia e vinaka cake sara kevaka era tara cake na itovo ni vuli ivolanikalou e veisiga.

Ke rawa meu sa qai suka lesu ka kaya, Na cava au taroga tiko mera vakavakarau kina? Na cava na vuna au kerei ira kina me ra vakavakarau?“ Me vakataki Elder Meredith e vakavulici keda—o na raica sobu na gaunisala oya. Na bula vakatisaipeli e gadreva ga na bula vakaivakarau.

Na ka au kerea dina tiko vei ira mera cakava o ya me sega walega ni wiliwili ena noqu kalasi me ra rawata kina na itagede vinaka, ia au kerei ira tiko mera wilika na ivolanikalou me rawa ni ra rogoca na domo ni Turaga. Rogoca na Yalo. Sa yaco me cecere sara kevaka era wilika ena dua na vula me dua na simesita ena noqu kalasi, ia e vinaka cake kevaka era na tekivuna e dua na itovo—na sasaga oqo, o kila, tovolea tiko mo wilika vakalailai e veisiga, kevaka sara mada ga e vakavakarau tiko ki na noqu kalasi. Oya na madigi mea sureta na vakayagataki ni galala ni digidigi, oya na “Io. Au gadreva mo wiliwili eke, ia au gadreva mo wiliwili me tawamudu baleta ni sa vosa ni Kalou. Ena kauta mai na rarama kina nomu bula. Oqori sara ga na sala o na vakila kina na Yalo—rogoca kina na vosa ni Kalou,” ena vukei ira ni oti na noqu kalasi.

Elder Clark G. Gilbert: Baraca Peterson, Au taleitaka oqo baleta ni ko sa semata tiko na vakavakarau lesu ki na bula vakatisaipeli ni bula taucoko. Ena yaco dina me vukei keda kina kalasi ena Tusiti. Ia o ni sa tukuna tiko, “niu sa saga tiko meu cakava e dua na ivakarau ni vakavakarau ena bula taucoko ni dua na gonevuli.” Sa ikoya qo e dua na vuna eda sureta meda vakavakarau ni bera ni mai na vuli.

Baraca Nate Peterson: Baleta ni ra na gadreva oqori ena Matawilivola ni Sigatabu. Era na gadreva oqo ena kuoramu ni italatala qase kei na iSoqosoqo ni Veivukei. Eda sega walega ni vinakati ira mera wiliwili ena kalasi ni lotu. Eda vinakata mera vakavakarau ki na soqoni ni sakaramede. Eda nuitaka nira na gole ki valetabu ni ra sa vakarau tu. Sa iwalewale ni vakavakarau, na bula vakatisaipeli ni bula taucoko.

Elder Clark G. Gilbert: Totoka. Dua tale na vakasama?

Sister Jenet Erickson: Elder Gildert, au vakasamataka—e totoka na rogoci Nate—au sa vakasamataka na levu ni noqu vinakati ira mera kila ni sa yalona dina o Jisu Karisito me vukei ira, ni o Koya sara ga sa tu ena katuba ka tukituki ka gadreva me tiki ni nodra bula. Ka so vei ira o ya e gadrevi kina meu vakarautaki ira mera raica na kena veiganiti ki na veika eda veivosakitaka tiko—na vuna e bibi kina vei ira na italanoa oqo; na vuna sa mai saumi kina na nodra taro ena dina sa tu oqo; na vuna ni gagadre titobu ni yalodra, na kaukauwa me ia na veisau ka tubu ka vakabulai, kei na veika kece era gadreva, sa saumi tu eke ena ivakarau oqo.

Ia oqori e gadrevi kina vei au na vakabauta me baleti au kei ira, ka qai vukei ira me ra kila na bibi ni nodra bula—ni o Jisu Karisito e sega walega ni baleti ira me ra vulica e dua na ka. Na Nona gagadre sa nona ivakarau dina me sovaraka mai na dina ka veivuke ka veivakabulai kei na kaukauwa e rawa ena veika eda cakava nikua ena kalasi kei na nodra vakavakarau kinakei na ivakarau ni nodra bula ni oti o ya.

Elder Clark G. Gilbert: Mo kila, niu vakarorogo tiko nio vosa, au dau vakasamataka, ia, eda na kovuta na wiliwili oqo ena kalasi. Yalovinaka wilika ni bera na kalasi. O sa vakatura tiko e dua na ka au a sega ni vakasamataka tu, oya kevaka meu na taura rawa me vakasamataki na kena veiganiti ka yaco na veivosaki ena kalasi me veivaqaqacotaki. Ena rawa me vukea na taro au a taroga vei ira me ra vakasamataka tiko mai liu, se na na wiliwili au solia vei ira ni bera na gauna, baleta niu vinakata mera kila vinaka na vuna sa na bibi kina na noda veivosaki ni da mai sota ena kalasi.

John, dua tale na ka mo kuria?

Baraca John Hilton III: Au vakabauta ni tiki ni ka oqo sai au me vaka e dua na qasenivuli a veisautaka na noqu cakava na ka kina: sa ka bibi dina me vaka e dua na tiki ni noqu itavi meu vukei ira na gonevuli mera vulica—au vakabauta ni vuqa vei keda era vakavulica tiko na ivolanikalou—sa ivakarau bibi duadua me na wiliki na ivolanikalou eliu.

Ena vica na yabaki sa oti, a kaya kina o Peresitedi Oaks, “au vakabauta na ka bibi duadua eda rawa ni cakava na qasenivuli ni semineri kei na inisitute oya meda semati ira na gonevuli kei na mana ni vulici na ivolanikalou e veisiga.”

Koya gona ke sa titobu na ituvatuva oya e yaloqu, sa qai sega ni ka au cakava vakatikina. Sa tiki titobu ni veika au sa kitaka. Au na vukei ira beka vakacava? O au, meu na rairai kuria kina veika drau sa tukuna oti, ni tiki ni ka oqo mera vukei na gonevuli mera umanakiira ena ivolanikalou ni bera na kalasi. Ka sa levu na iwalewalee rairai rawarawa mera vukei kina na gonevuli mera vulica na veicokonaki duidui ni kena vulici na ivolanikalou.

Ena so na gauna sai koya ga nodra vukei mera kila vinaka. E dua na noqu gonevuli ena semisita sa oti e dredre sara nona kila na wiliwili. Au a vakavulica tiko e dua na kalasi yavutaki ena iVola Tabu, ka keimami veivosakitaka ena kalasi na sala e tukuna kina nai voladusidusi ni Lotu ni so na gauna na ivakadewa tale eso ni iVola Tabu ena rawa me veivukei ki na nodra vulica na tamata yadua. Ka keimami rai kina mataveilawa e vakaraitaka na duidui vakavakadewa ni iVola Tabu. Ia, a lesu mai o koya ni oti e rua na macawaka kaya, “Brother Hilton, au sa kunea e dua na ivakadewa ni iVola Tabu ka volai tu ena itagede ni wiliwili ni kalasi ono, kei na noqu vulica na iVola Tabu sa veisau vakadua. Au sa qai kila oqo.”

Koya gona, ena sala cava ga eda rawa ni vukei ira kina na gonevuli mera rawa-ka vakalevu mai na nodra vulica vakai ira yadua na ivolanikalou, enayaco mera na via cakava. Kevaka era sa sema tiko vei Jisu Karisito, era na vinakata mera vulica. E sega ni dua na kato me ra na tikitaka.

Elder Clark G. Gilbert: Kila, e totoka dina oqori. Kau sa raitayalotaka nomuni sa vakila kece ni kevaka e wilika e dua na gonevuli e dua na ka ni bera na kalasi ka yaco na vuli ena kalasi ena titobu sara ena vuku ni ka oqo. E dodonu beka na nanuma oqori?

Baraca John Hilton III: E dina.

Elder Clark G. Gilbert: Dua vei ira na ka au lomaleqataka tiko, o ya na veidinadinati raraba kei ira na gonevuli. Kevaka eda na kerei ira mera vakavakarau tiko mai, e dodonu, era na ciqoma na isau ni nodra vakavakarau. Ia kevaka e sega ni vakayagataki na vakavakarau oya se cokonaki se vakayagataki ena kalasi, eda sa qai tukuna vei ira,Ena sega ni gadrevi sara mo vakavakarau mo gole mai ki na kalasi.” Sai koya “Au kila niu sa biuta ena ituvatuva ni vuli, ia e sega ni ka bibisara ke o sa vakavakarau tu mai.”

Ka yaco oqo me tuvai vou na ivakarau ni bula.

O kaya niu sa tara cake tiko e dua na itovo tudei ni vakavakarau ena veisiga. Ia, Nate, kevaka e sega ni dua na madigi mera cakava ka vakayagataka ka rawa-ka mai na nodra vakavakarau, na cava beka mena caka oqo mera vakauqeti mera vakavakarau mai kina kalasi?

Baraca Nate Peterson: Kau nanuma ni oqori na vanua e tiko kece kina na ivau ni galala ni digidigi kei na bula vakatisaipeli—au sureti ira tiko. O kila, ni ivau ni veika tale eso eda na veivosakitaka me baleta na tarogi ni taro ka solia vei ira na madigi oqori.

Au sa kerei ira mera sa tisaipeli—me vaka ga eda vulica ena kaulotu, eda vulica ena loma ni Lotu—e dau vakamuri. Era sa qai talemuri mai na kalasi. Era sa taura beka e dua na madigi mera cakacakataka nodra bula vakatisaipeli vata kei ira nodra itokani?

Sa noqu ivakadinadina kei na noqu vakabauta: Au vakabauta dina li ni ra gadreva me ra wilika na nodra ivolanikalou? Me vaka a kaya o John, a cava na vuna? Baleta niu vakabauta ni Kalou e rawa ni vosa vei au. Au vakabauta ni kevaka au wilika na ivolanikalou, ena dolava na noqu vakasama vua na Yalo. Meu na vulica vakalevu mai kina ni vakatauvatani kei na kena e tiko ena tabana.

Kevaka meu na vakabauta o ya, sa qai gadrevi meu vukei ira mera vulica o ya—ia sa cakava talega o ya, meu na vakataki iko me vaka nomu kaya, Au vakabauta ni na vakavinakata cake na kalasi. Baleta ni kevaka era sa wilika tiko na gonevuli na nodra ivolanikalou ka cakacakataka na nodra bula vakatisaipeli ka maroroya na nodra veiyalayalati, ena yaco me levu na rarama ena noqu kalasi. Ena vinaka cake na noqu kalasi baleta ni ra sa rarama cake, kau gadreva mera na cakacakataka na bula vakatisaipeli. Laiva mera ramase ena kalasi.

Elder Clark G. Gilbert: Ia, na cava beka na irairai ni ka o ya? Au tukuna, niu kila niu sa vakabauta kevaka era sa wilika, era na vulica vakalevu. Ia mo na vakadeitaka vakacava ka cakacakataki na vakavakarau o ya ena nomu kalasi?

Janet, o sa vakavulica na ituvatuva ni vuvale tawamudu. O koya gona, na gonevuli e wilika e dua na iwasewase mai na iVakaro ka ra lako curuma e dua na wiliwili taumada—e rairai vosa beka mai vei Elder Christofferson ena “A cava na vuni matavuvale”—na sala cava ena vakayagataki kina ena nomu kalasi na vakavakarau oya?

Sister Jenet Erickson: E dua vei ira na ka o vakatura vakaidina na yabaki sa oti, Elder Gilbert, sa ka kaukauwa dina sara, o ya mera volavola na gonevuli ena kalasi. Kau tiko vata kei ira ena pepa kei na penikau na iotioti ni simesita oqo meu wasea na nodra nanuma. Kei na gauna cava ga era sa cakava tiko—se me kena vakasama ka volai na nodra ivakadinadina me baleta na veika era sa sotava—ka sa vakaraitaka tiko na veika era sa vulica, na veika sa vakavulica vei ira na Yalotabu ena kena wiliki na vosa nei Elder Christofferson, me ivakaraitaki. Kei na gauna era wasea kina vua e duani sa vakakina, me vaka oni sa kila taucoko tiko, sa ka totoka dina sara me tiko kei kedana Yalo ni Turaga me vakadinadinataka vei ira ni ra sa vakadinadinataka vei keda ena kalasi, ena sala sa vakavulici ira kina na dina. Era sa qai kila—baleta ni ra sa sotava tiko— e vinakata o Koya me vakararamataka na noqu bula, ka sai koya qo na sala sa yaco kina, kau sa sotava oti, kau sa vakadinadinataka eke ena loma ni kalasi.

Ia, se veiwasei tiko vakailawalawa lalai—kevaka sara mada ga o ira era sega ni via wasea e levu na ka e rawa ni ra vola. Au rawata na isaunitaro totoka duadua mai vei ira ni ra vakila na Yalo ni Turaga ni vakavulici ira ena isaunitaro—solia vei ira na isaunitaro era gadreva—ka ra na qai vakadinadinataka vei ira na nodra itokani gonevuli ni veika oya. Sa ka dina sara na bula vakatisaipeli o ya. Na sotava oqo ena kalasi sa ka dina mai na vakavakarau era sa cakava.

Elder Clark G. Gilbert: Ia oqo, au taleitaka na veika o kaya, ia me veiraurau au sa wasea oqori vata kei kemuni. Ia au sa dikeva tiko na noda dini ena BYU ni sa cakava oqo ena nona veikalasi, ka keimami a veivakavulici vakatimi ena yabaki sa oti, ka sa vanua o ya au tomika mai kina. Au se bera mada ni cakava oqori ena noqu kalasi. Ia e mana sara, Scott.

Kaylee, meu taro mada. O ratou na tolu qo e dua na ka sega ni dodonu eratou vinaka kina.

Sister Kaylee Merrill: Io.

Elder Clark G. Gilbert: Era na kalasitaka na nodra kalasi ni lotu. O keda eda sega ni dau kalasitaka na noda kalasi ni semineri. O na rawata vakacava na gonevuli ni semineri me ra vakabibitaka nodra vinakata me ra vakavakarau mai, kau nuitaka ni na yaga vakalevu vei ira na noda gonevuli eda dau kalasitaka?

Ia o ira kece e tiko e dua na ka era vinaka kina mai vei kemuni ena vanua e tiko vei ira e dua na kau. Mo kila, na cava na kareti ni vakavakarau? Kila, ena rawa beka mo kauta mai e dua na gonevuli ni semineri me gole mai vakamataka lailai ni yaco tiko e levu na ka, sa vakarau tu ki na kalasi ni semineri?

Sister Kaylee Merrill: Au vakabauta ni levu sara na ka meda na veisautaka. Au vakabauta ni gadrevi me da vinakata me da veisau. Kevaka me da na rawata na veika a vakatavulica vei keda o Elder Christofferson ena bogi na noa. e dodonu me veisau na noda itovo, ena noda valenivuli. Au nanuma kina na naba dua ni ka oqo oya ko sa tukuna. E dodonu me tiko na gauna donu kei na kena e bibi e tarai cake ena noda kalasi ena nodra wasea kina na gonevuli na veika era sa vakarautaka, era sa vakaitavi kina na gonevuli ena cakacaka ni veivakavulici. Kau nanuma ni gadrevi me duidui ena veisiga kece. Ia e dodonu me tiko na yalo oqo ni ra gole tiko mai ena kalasi nira kila ni sa tiko na nodra ilesilesi. Ia ke ra sega ni vakavakarau tiko mai, era na vakila na luluqa oya nira sotava na veika oqo.

Ka levu tu na sala me na caka kina o ya. Ia au nanuma ni dua na veisau e gadrevi meda cakava, ni kaya o Elder Christofferson—ena bogi ni na gadrevi o ira na qasenivuli sa vakavakarau tu vakavinaka mera vakaitavitaki ira vinaka na gonevuli sa tu vakarau, ka meda na veisautaka na sala eda vakavakarau tiko kina. Kevaka o sa vakarautaka tiko na nomu lesoni ena siga mo vakavulici ira kina ke se bera na siga o ya, qori sa lailai sara na gauna vei iko mo vukei ira kina na gonevuli mera vakavakarau. E dodonu meda sa vakavakarau rawa tu mai me rawa kina vei keda ena kalasi taumada, ena rua se tolu na kalasi, ni bera me da na tu vakarau meda wasea vei ira na noda gonevuli na cava sa roro tiko mai kei na veika e gadrevi mera cakava.

Elder Clark G. Gilbert: Au taleitaka na vakasama oqo ni qasenivuli sa vakavakarau tu vakavinaka mera cakacaka vata kei ira na gonevuli sa vakavakarau tu vakavinaka. Au nanuma ni gauna e kaya kina o Elder Christofferson na veika oya, a yaco eso na sosokiki ena rumu. Ka sa donu tiko beka oqo? Eda rawa beka ni namaka mai vua edua na gonevuli ni semineri yabaki 16?

Sister Kaylee Merrill: Au vakabauta vakaukauwa sara ni kevaka meda tauri ira na gonevuli oqo ki na itagede e cake sara, era na lamata yani kina.

Au vakasamataka kina na italanoa o wasea ni “Sa Tu Vei Ira na Kaukauwa” baleti ira na daukaulotu. Kevaka nida sega tiko ni raici ira na noda gonevuli ena dua na itagede, era na sega ni na bulataka. Ka sai koya oqo na ka e kerea tiko vei keda na Turaga. Ena gadrevi meda vakabauta ka nuitaka tiko na Turaga ka vaka kina o ira na noda gonevuli. Nida sa na veisautaka na itovo, ka da qaqa ka vakaivakarau kina, ka ra na lamata yani ki na ka oqo, baleta ni da kila ena bula oqo e dodonu mera na lamata mai. E gadrevi meda vakaraitaka vei ira na sala mera na cakava oqo ena kalasi.

Ia ena sega tiko ni ka rawarawa. Eda na raica eso na luluqa ena ilakolako oqo. Ia kevaka meda gugumatua tikoga, au nanuma ni na rawa vakaidina.

Elder Clark G. Gilbert: Na veika e namaki cecere e vukea eso na vakatitiqataki ka ra kaya ni sega ni rawa mo kauti ira mai na tamata ki na kalasi nei John. Era na kaya beka: “Io, ena biuta o koya e uluqu eso na vauvau. Au na rawa ga ni lako yani”.

E rawa, eda na cakava vakacava na ka oqo? Na cava sara mada, vei kemuni sa tu vei kemuni na kena kau. Na cava eso na veivakauqeti sa yaga vei iko me vakayaloqaqataki na vakavakarau?

Baraca John Hilton III: Au taleitaka na ka e kaya tiko o Kaylee, ni dredre baleta ni kena ibalebale ni dodonu meu vakarautaka na gauna ena kalasi me caka kina. Kevaka meu na vakayagataka na noqu kau ka kaya sebera na kalasi, “Au vinakati kemuni yadua mo ni vola e dua na parakaravu baleta na veika o sa vulica oti.” Ia, sa kena ibalebale qo ena kalasi, au na gadreva meu kaciva e tolu se va na gonevuli mera na wasea na veika era sa vulica. Ni oqo ena sega ni ka vakatikitiki. Ena gadrevi meu dolava raraba na noqu lesoni me tarai cake kina. Ena gadrevi meu cegu mada ka vosa vakalailai ga ka solia na galalav ei ira na gonevuli mera vosa mai vakalevu.

Sisita Jenet Erickson: Au a rogoca e dua na qasenivuli totoka ena bogi ka kaya vei au, Faith Spencer—e qasenivuli tiko e Roosevelt, Utah— a vakamacalataka na kena vinaka mera tiko na gonevuli ena veisiga yadua. Ia o koya, a kaya ni sa raica kevaka sa kila ni vo tu e rua na siga na veika me na laki vakavulica, kevaka me sureta rawa e vica vei ira— ena veisureti mera na vakavakarau se vakasamataka kivei ira kece. Ia a qai dodoliga yaniki na vica vei ira ka kaya, “Au kila ni so na ka ko ni sa vakila tiko se sotava oti ena ka oqo. Ena rawa beka mo lako mai ena mataka ka vakavakarau mo mai wasea?”

Ia na ka a kaya a kaukauwa sara ka vakadinadinataka kina, kei ira na gonevuli era sa gadreva mera umani talega kina. Era sa gadreva talega mera na sotava talega oqo. Ka sa yaco oqo, ena gauna e tarava, ka tu eso era sa raica na kaukauwa ni ka oqo vei ira na itokani gonevuli ka gadreva mera vakaitavi talega kina, ka cavuta na nodra dui ivakadinadina, tukuna na veika era sa sotava, ka wasea yani.

Sa qai ka totoka o ira na qasenivuli oqo ni semineri era sa dau cakava na ka vou ni nodra vakaitavitaki na yabaki 14-, 15-, 16-ena cakacaka oqoni vuli sa uqeti au sara.

Elder Clark G. Gilbert: Au taleitaka na vakasama oqo, ka so na gonevuli era dau madua, ka dredre kina na nodra vakaitavi. Ka vakavakarau vakalailai—sega walega ni sikinala vei ira na vo ni kalasi, “Ei, na nona vakasamataka tiko e dua na tamata na ka oqo”—ia e rawa talega ni kauta mai e dua ka sega tu ni kila se a sega beka ni gadreva me vakaitavi.

Meu gole mada ki na taro e tarava: Vakaitavi, vakavulica na veika o vulica tiko, ka vakaitavitaki ira na tani ena loma ni rumu ni kalasi. O na vukei ira vakacava na gonevuli mera vuli mai na nodra icaba ena gauna ni kalasi? Na cava mo cakava?

Brother John Hilton III: Na cava o na cakava? E dua na ka au nanuma ni sa rui ka bibi o ya mera vukei na gonevuli mera kila vinakana vuna au kerei ira tiko kina mera dauveiwasei.

O a tukuna e liu ni so na gauna ena rawa sara, vaka-dauveituberi, me dua na kato me tikitaki. Me vaka, au sega ni vinakata meu qasenivuli, mo ni veitalanoa kei na nomu itokani me 30 na sekodi. Ia kevaka meu vakamacalataka dina vei ira na gonevuli—me vaka ga na ivakatakila sa veisoliyaki ena keda maliwa—sa veisoliyaki vei keda na veika eda sotava yadua. Ka rawa ni tiko e dua na gonevuli sa gole vakadodonu mai eke ka tiko e lomana e dua na taro. Ka sega vei au na kila ni veika sotavi ena rawa meu vosa dina vua. Ia o iko o rawa. Ia kevaka mo sa dau masumasu ka gole mai ki na kalasi ka sega walega ni vakasamataka ga, “Na cava beka ena solia vei au o Brother Hilton?”, ia “Meu na veitokoni beka vakacava?” Na Yalo ena rawa me uqeti iko mo wasea na veika sa sotavi ena gadreva tu o koya. Ni gauna era na raica kina na gonevuli na vuna—oi, sa sega ni da cakava tikoga na ka oqo baleta nida cakava ga.

Ena gauna eoti kina na kalasi, baleta niu nanuma ni veiwasei e sega walega ena loma ni kalasi, au na rawa ni kaya ena icavacava ni kalasi, raica, era tu oqo e 40 na gonevuli, ka rawa nida kaya eda dui kila e tini na tamata. Sa kena isoqoni taucoko eda sa kila e 400 na tamata. Eso beka e vica vei ira oqo e gadrevi dina mera rogoca na veika eda sa tukuna tiko nikua. Koya gona nio sa biubiu, ena rawa beka mo daumasumasu ka raica o cei ena nomu ilawalawa ena gadreva me sotava na veika o sa sotava nikua? Ni veiwasei oqo ena rawa me caka ena taudaku ni kalasi.

Elder Clark G. Gilbert: Totoka. Eso tale na vakasama?

Sisita Kaylee Merrill: Au vakasamataka kina e dua na ka, niu sa vakavakarau ka vuli voli, au sa raica e dua na isema ena tadrua ni—dua na wase ena Veiliutaki ena Sala ni iVakabula me baleta na galala ni digidigi. Sa dau doka ka rokova na iVakabula na noda galala ni digidigi. Ka sa tu oqo e dua na malanivosa sa tu ga vakadua vei au. E tukuna, “Na ikuri, e vakarautaka na veika matata sa namaki, na vuli sa veirauti, gauna, kei na galala kivei ira eso mera cakacakataki ira ga yani.”

Au nanuma eda na rawa ni tuva e dua na kalasi ena sala era sa kila kina na veika e dodonu mera na cakava. Me vaka nomuni kaya, era sa kila tikona vuna era sa cakava tiko kina ia ena gauna eda solia kina vei ira na gauna o ya kei na galala me rawa ni ra vakamacalataka vakai ira ga na nodra nanuma, na veika era vakila tiko, kei na veika era sa vulica.

Elder Clark G. Gilbert: Au taleitaka na vakasama oqo ni kena soli na galala, ka so na gauna oqo na sala o tuva kina na nomu kalasi. Sa ka talega ni kena tarogi tiko. Ka mo ni kila, na sala rawarawa duadua me luluqa kina na vakaitavi tiko ena veivosaki ena kalasi oya na kena tarogi e dua na taro, ka sega ni soli na gauna me saumi mai, ka qai sauma ga o iko.

Nio kila, ni gonevuli yadua se qai vulica oqo ni o Brother Gilbert sa na sereki keda ena ka oqo ka sega ni gadrevi meda kaya kina e dua na ka. Kei na gauna balavu ni wawa o ya—era sa na lako curuma oqo vakadua se vakarua, ena qai vukei kemuni kina edua. Sai koya oqo, ni sa ka bibi dina—ka rawa mera cakava oqo na gonevuli.

Au nanuma noqu gauna e BYU–Idaho ka keimami sa vakaraitaka tiko yani na ituvatuva ni vuli e BYU–Idaho. Au a veiqaravi tiko ena mataveiliutaki ni iteki, ka dua tiko na neitou peresitedi ni iSoqosoqo ni Veivukei ena iteki ka kaya mai, “Io, au na cakava na lesoni oqo ena veimacawa ena koniferedi ni tabanalevu,” ena gauna au nanuma kina ni sa ikatolu ni auwa ena gauna oya. Au qai kaya, “Isa, o ira na gonevuli oqo era na vinakata”—kau sarava nona tovolea me veivakavulici, ka vinakata ga me veivakavulici me limasagavulu kalima na miniti vei ira na gonevuli oqo e BYU–Idaho.

Ka mai yaco na ka e vakasakiti sara: Era sa tekivu laveliga na tamata, na gauna mada ga a sega ni saumi e dua na taro, baleta ni ra a tiko taumada ena kalasi e BYU–Idaho na vanua era sa dau kerei tikoga ena veigauna kece me namaka ka vakaitavitaki ira. E sa dredre vei ira mera dabe tikoga e kea me 55 na miniti ka vakarorogo ki na lesoni oqo.

Ka ra laveliga tikoga na gonevuli ia a sega mada ni kaciva e dua okoya. Era sa qai tekivu laveliga na gonevuli ka tekivu mera veivosaki, ka sa kaya o koya, “Na cava sa yaco tiko vei ira na gonevuli ena univesiti oqo?” Au sa qai mani kaya, “Sa matau vei ira mera vakaitavitaki. Ena gadrevi mo ni laiva mera cakava o ya ka na yaco me titobu na nomuni kalasi ia ena gadrevi mo vakalailaitaka sobu nomu vakayagataka na ivolavakarau me rawa ni ra cakava na ka o ya.” Ia na ivakarau vakaoqo ni kena soli na gauna vei ira na gonevuli—kau taleitaka nomu “bulia na vanua” esa rui bibi sara.

Ia raica oqo, eso na tamata era tu e kea—kau kila nira qasenivuli vinaka, vakasama vakatitobu, dauloloma—era sa kaya tiko, “Kemudou sa leqa tiko. Oqo e dua na ka—o sa kerea tiko me soli na galala kina tamata kecega,” se vavei? Ka sa vaka oqo, “Io, era sa vosa kecega. Oni kila tiko, ena muavata mai o Elder Gilbert ka wasea tale na nomuni veivakararamataki. Eda na sega ni kila ke dua e vuli tiko.”

Io Nate, o na vakadeitaka vakacava—baleta ni na cala me vakadewataki na noqu italanoa taumada me baleta na noqu kisi ni vuli au a vola, ni kequ itukutuku taumada kei na kila e sega ni dua na ka. E mai curu koso ena ilakolako baleta niu sega ni laiva mera vuli na gonevuli. Ia e dodonu me ka bibi me kauti keda vakatitobu yani. E dodonu meu vakayagataka talega na kena titobu oya me vakabibitaki mai na kena au rawa ni cakava keu na kaya ga, “Mo ni veisa yarurua, qori ga eda na cakava nikua.” O na vakadeitaka vakacava ni sa yaco tiko na vakaitavi ena kalasi ka sega ni ka wale se veilecayaki, ka sa veitalia vei ira?

Baraca Nate Peterson: Au nanuma, me vaka o kaya, Elder Gilbert, ni so na gauna ena yaco oqo kivei keda—ko sa qai kaya dina tiko, “Kakua ni vunau.” Koya gona ni so na gauna eda mua kina yasana ka dua, iko kila, eda kauta ga mai na taga pinati, ka kaburaka wavoki ena fuloa, ka laiva vei ira na maqe mera maqusataka. O ni kila, sa na vakaoqori na kalasi.

Ia, e tukuna tiko vei keda meda vosa ga. Ka rawarawa tu ga meda laiva vei ira na gonevuli mera vosa ena gauna, iko kila, na cava e tiko ena nomu noke, na cava sa yaco tiko? Ia au nanuma ni kau mai ena veivosaki vata oqo kevaka meda vakasaqara tiko na bula vakatisaipeli. Iko kila, sai ira qo na iyaqa. Eda sa vakasaqara tiko na galala.

Oti, me vaka a kaya o Kaylee sa tiko ena noqu ituvatuva ni gadrevi meu tuvatuva ena inaki. Ka me taura na veika iko tukuna, iko kila e tolu na taro veivakauqeti au nanuma ni kevaka meu tekivu tuvatuva ena inaki. Koya gona au sega ni vinakata mera vosa ga, kau sega ni vinakata mera vosa ga mai na ivolanikalou, kau sega ni vinakata mera vosa ga baleta na dina. E dodonu me tiko e dua na ituvatuva kei na kena inaki.

Koya gona, iko kila, ena “Vaqaqacotakina Vuli Vakalotu” e tukuna tiko, eda vinakata mera kila vakalevu vakatitobu ka vakila vakatitobu ka cakava ka vinaka sara. Koya gona ena taura, me vaka a kaya o Kayley, eso na ituvatuva meu cakava, ka rairai tiko e tolu na noqu taro vakaiyaqa, ka da na sega ni veivosakitaka oqo e dua na ka, me vaka ko a kaya, Jeanette, meda gole yani kina—oqo e dua na leqa. Meu na vakamacalataka beka—eda sa kauta tiko beka mai na kena yaga oqo ni tiko e dua na noda leqa? Me vakataki Peresitedi Nelson ni a kaya, eda na mate kece sara. Eda na lewai taucoko sara. Eda na tucake kece tale. Ia, au sa tuvana oqo ka da gole yani kina ivolanikalou. Oqori na kena cakacakataki. Au sa qai bulia e dua na taro ena gauna oqo, “Eda na walia vakacava na ka oqo? Isa lei, eda na mate taucoko.” Eda na gole kina ivolanikalou me raici na isaunitaro. Iko kila, na kena cakacakataki.

Sa lako tiko mai ena noqu vakasama—kau sa kila tiko ka kila vinaka sara—ia oqo au sa vakila tiko e dua na ka. Ia ena gadrevi me sa na biu ki ligadra, na vanua eda na tekivu cakava kina. Oti, mo qai kila, na taro veivakauqeti: Na cava na noda leqa? Eda na walia vakacava? Kei na cava o na cakava me baleta na ka oqo? Oya kevaka meu tuvana, ko a vakamacalataka, iko kila, volai ni taro ka talevi na veika eso, se da veivosakitaka tiko na ilokiloki se vakatagitaka tiko na piano, se qito basiketepolo, iko kila, na qasenivuli e sega walega ni kaya, “Ia, tovolea mada na piano se saravi au meu viri soli wale.” Eda vakabauta, donu—BYU–Idaho—na noda ilesilesi oya meda tarai ira cake na tisaipeli, vakatorocaketaki ira na tisaipeli i Jisu Karisito. Sa kena ibalebale me vakatovotovotaki.

Koya gona ena noqu kalasi, ena gadrevi me vakatovotovotaki ni gauna me sa caka kina, sa na rawa mera tisaipeli ena taudaku ni kalasi.

Elder Clark G. Gilbert: Au taleitaka na ka o tukuna—na domona, na kosakosa, era vosa tiko na tamata e sega ni veiraurau ki na vuli titobu.

Ko sa kaya oqo e vica na ka. Iko kila, na taro eda taroga, kei ira na kena isau dodonu se era sa taro titobu sara? O sa bau vakatovotovo mada e liu ni bera na gauna ka kauta na taro e rua se tolu na itagede sobu ira? Ko kaya tiko na leqa. Na sala eda tuva kina na iwalewale ni kalasi e kovuta e dua na leqa vakaikoya. Au nanuma ni rawa oqo me vakatitobutaka.

Na vakasama tale eso baleta na kena iwalewale kei na vakatitobutaki ni vuli? Ia sa sega walega ni yaco na vakaitavitaki, ia era sa tiko na tamata era sa vakasama tiko ka bulataka tiko na nodra galala ni digidigi ka bula titobu tiko.

Sisita Kaylee Merrill: E dua na ka o a kaya vei au e vaka na wainimate a dredre meu gunuva na iwalewale oqo ni veivakavulici e sega ni daumaka sara. Ena gadrevi meda sa na musuka laivi eso na ka. Eda na vakayalia na gauna mareqeti eso eda raica. Me vaka o tukuna, ena so na gauna eda vinakatameda sai keda ga me vosa tiko ka vakayagataka na gauna o ya, ia ena gadrevi meda sa na solibula ena vuku ni veika a cecere cake sara: ena kena sotavi na vakatitobutaki ni vuli. Ena rairai sega beka ni vinaka sara, ia sa na rawa ga me na mana cake toka. Au nanuma ke rawa meda vagolea oqo kina noda vakasama, au vakabauta ni na rawarawa cake kivei keda meda cakava na isosomi oqo.

Elder Clark G. Gilbert: Au sa na qai tarova mada eso na lewenivuli e kovuti tiko ena kalasi. Au na gole mada yani vakatitobu, ka na rairai dredre toka, ia au na saga tikoga me vakatitobutaki niu sa qasenivuli.

Kau nanuma sara na gauna eda a tauyavutaka tiko ena onolaini na vuli ena BYU–Idaho. A sega ni o Brother Bolingbroke—au na sega ni tukuna o cei a kaya qo vei au—ia era kaya, “Isa, Peresitedi Gilbert, ke rawa mo katoni au mada niu vosa tiko, ka katona niu veivakavulici tiko, ka na rawa meda biuta qo ena onolaini ka mera na sarava yani?” Au a qai kaya, “Ia, oqori e sega ni sala eda na cakava kina.”

E veivakurabuitaki. kevaka eda na cakava ga meda vosa taudua ga, sa rawa meda qai katona ka sarava. Eda rawa ni cakava na ka a kaya vei au na parofesa o ya, meu katona ga na noqu vosa, ka sa sega tale ni gadrevi mera gole mai ki na kalasi baleta ni sega na ka era cakava tiko ena kalasi ka ra vakarorogo walega. Ka da rawa ni biuta kece oqo ena ivola me wiliki tiko mai. Donu? Kei na so talena sala mo vakatitobutaka na vuli ena nomu kalasi ni veivuke oya sa sega ni veivosaki walega.

Sister Jenet Erickson: Elder Gilbert, au taleitaka na nomu vosa tiko, au a vakasamataka tiko na kaukauwa—eda sa mareqeta ena Vunau kei na Veiyalayalati, “mera na veivakatataki cake vakataki ira.” Kei na ivakasala oqo meda sa qasenivuli kece sara ena dua na vakasama, ena kalasi.

Kau nanuma, John, eda sa na yacova qo mai na kena iwalewale, ka da vakabauta o ya, me vaka sa vakamatatataka o Elder Christofferson, era sa tiko na dina vakayavu eda sa saga tiko meda vakavulica ena kalasi e veisiga. Sa tu na dina au sa vinakata sara mera na kila vinaka. Kau sa kila talega na nona veivakauqeti sa vakatetei yani vei ira, kau sa gadreva—ka da sa gadreva—na dina me veivakatataki cake ena dina o tovolea tiko me vakayavutaki kina na noda lesoni.

Ka da sa lesu tale oqo ki na taro, kau nanuma, ena veivuke o ya me dusimaki na nodra gugumatua mera ciqoma na ivakatakila e volita tiko na ulutaga ka wasea vei ira na kalasi. Ena gadrevi kina na vakavakarau vinaka dina baleta na taro sa tarogi tiko ena nodra vakavakarau o ya. Era sa qai, au nanuma, rawa ni sotava na ibalebale ni vakatatakitaki vata—kau sega ni cakava rawa vakai au ga. Au a sega ni rawa ni vakavulici iko ena ka o gadreva mo kila baleta na dina oqo vakai au ga. Baleta ga na dina sa tete yani eke ena ivakatakila ena keda maliwa e wavolita na vakasama kaukauwa oqo.

Au sa qai vakaiyaqataka ena ka o ya niu saga tiko na sala mera na vakavulici kina ena Yalo baleta na ivakavuvuli.

Elder Clark G. Gilbert: E totoka dina. Au na kerei kemuni kece mo ni dau vakananuma tiko na taro oqo ka lako mai kina—se ena nomuni bose ni tabacakacaka se ena dua na soqoni ni veiqaravi—ia me da vakadeitaka vakacava me titobu cake na vuli e vakaitavi? Meu na tara vakacava e dua na rumu ni kalasi me rawa vei ira na gonevuli mera vakaitavi mai, ia au sa vakatitobutaki ira tiko?

Eda sa qai rogoca eso na ivakaraitaki eke ni taro kei na taro titobu—baleta na leqa era sa laurai tiko ena kalasi. Au nanuma ni vosa vakatautauvata sa dua na kena ivakaraitaki totoka, baleta ni ko sa na yacova rawa mai ka kaya, Sa qai cava beka na kena ibalebale dina? Ia sa na sega ni tiko vei keda na kena gumatuataki meda cakava oqo ena ituvaki levu oqo. Ia au vakabauta ni oqo e dua na ka mo ni cakava oi kemuni taucoko. Baleta ni io, keimami gadreva mo ni vakatitobutaka na vuli ena nodra vakatarai na gonevuli mera vakaitavi. Ia eda sega ni vinakata oqo me malumu ka eso na isaunitaro totolo.

Ka keimami na sureti kemuni mo ni raica na sala e rawa nio vakatitobutaka kina na vuli ena nomuni lako sivita na imatai ni kena isau ena dua na rumu ni kalasi. O John, o kauta cake mai ena noda veivosaki taumada ni dua na sala a kaya o Sister Merrill: me soli vei ira na galala. Solia—bulia—na vanua me yaco kina. Ko a qai kaya ni dua vei ira na sala me buli kina na galala o ya mera dui taroga ga na nodra taro.

E rawa beka mo vosa—vakalailai tale ena ka oqo?

Baraca John Hilton III: Eda sa veivosaki tiko baleta noda vakarautaka tiko ena noda taro, kau nanuma ni cecere.

E dua na ka au sotava: Ena vuqa na yabaki sa oti, au a dua na qasenivuli gone, ka se bera ni levu na noqu veivakavulici me baleta na lawa ni tiko savasava. Kau nanuma ni sa dua na lesoni cecere. Cava na vuna sa rui bibi kina? Eda na bulataka vakacava beka na lawa ni tiko savasava? Ni sa vakarau cava, niu sa solia na galala me caka na taro, a laveliga o gonevuli ka taroga sara, “Io, Brother Hilton, cava ena yaco ni dua sa voroka na lawa ni tiko savasava? Se tiko beka na nodra inuinui?” Au sa madua sara meu tukuna yani na veika au sotava niu qasenivuli, au a sega ni namaka meu na vosa ena vuku ni taro oqo, ia a dua vei ira na taro e bibi sara ka rawa ni keitou veivosakitaki ena siga o ya.

Koya gona, baleta ni keimami a solia na galala ki na nona taro, a yaco e dua na vuli titobu sara. Ena gauna mada ga oqo, niu sa mai qaseta sara na veika ni qasenivuli au sa rawa ni namaka tiko oqo. Ia vei koya na qasenivuli sa sotava oti mai ena sega ni rawa me namaka na veivakataotaki yadua, kei na ka ena yaco ni kauta mai o gonevuli kina kalasi. O koya gona, meda dau cegu ena so na gauna ka kaya:

Elder Clark G. Gilbert: Sa ivei o ira?

Baraca John Hilton III: “Vakasamataka mada vakalailai. Na taro cava e tiko vei iko?”

Elder Clark G. Gilbert: E vakacava beka na kena irairai vei iko ena nomu kalasi? Na gauna cava ona cakava kina? E sa vakayacori me vaka na kena ivakarau? E dau tomani tiko? Ena dau yaco tale beka?

Baraca John Hilton III: Au nanuma ni levu tu na sala duidui me vakayacori kina. Eso na gauna au vinakata meu marau mada vakalailai, ka biu cake e dua na iDola ni Google ena sikirini kei na dua na ivakatakilakila ni QR (Isau Totolo) Mo taipataka ga yani na taro cava ga. Ia e dau wasoma me rawarawa tu ga me cegu mada ka mera volavola mada na gonevuli.

Baleta kevaka au kaya, “Na taro cava e tiko vei iko?” Lima na sekodi. E sega na taro. DONU, meda sa toso sara. Ia kevaka meu na kaya, “Meda taura mada e 30 na sekodi, vakasamataka. Na cava eda sa veivosakitaka tiko? Na taro cava e tiko vei iko, mai na ivolanikalou se caka vakacava qo ena nomu bula?” Ka rairai ena so na gauna, meu kua ni sauma na taro, eda na kaya, taroga vei wekamu e dua na taro vakatara mera qai sauma mai.

E levu tu na sala ni rawa ni veivuke oqo vei keda meda gole kina itagede titobu sara.

Elder Clark G. Gilbert: E kaukauwa dina oqori. Eda na raica tale e dua na iotioti ni ulutaga, oti meu na qai tinia ena veisureti kei na kena talemuri yani.

Na lako mai ena vakavakarau ki na vuli, ka yaco na gauna vinaka mo na wasea kina na veika o vulica tiko—oqo na madigi me tauri kina na itavi ni vuli.

Na ikatolu ni sala a veivosakitaki ena wase o ya keitou a kerea mo ni wilika ena Veivakavulici ena Sala ni iVakabula, oya me vakatarai vei ira na gonevulina madigi mera bulataka na vuli o ya ni ra biuta mai na kalasi. Ka cava eso na sala oni dau cakava vakayadua kina? Ena sala cava, ni ko yacova nai cavacava ni kalasi, ka nuitaki o na kauta yani na vuli mai na lesoni o ya ki na taudaku ni kalasi ni siga o ya

Sisita Kaylee Merrill: E rawa niu moica vakalailai na ka oqo? Niu mai tugana oqo, au sa cakava e dua na ka e tautauvata, ia au sa marau vakalevu ni yabaki tarava oqo meu tovolea kina.

Eda sa veivosakitaka na vakavakarau, ka vuqa na ka eda sa tukuna o ya na vulica taumada tiko mai na lewenivuli. Ia vakacava ke yaco na kena bulataki me sai vakavakarau? Vakacava beka ke o sa kila ena loma ni rua na macawa ni ko na taura e dua na lesoni baleta na lolo, ka o taura e lima na miniti mai na dua na kalasi ni vo tu e vica na macawa me qai veivosakitaki eso na mosi ni yalo ka sa yaco tiko ki vei ira na gonevuli. Ko sa qai sureti ira, “O na taura beka e dua na siga ena macawa tu mai mo lolovaka na ka oqo?”

Ni gauna o lako mai kina mo mai veivakavulici baleta na lolo, era sa na sotava oti mai na ka oqori. Ena qai rairai vakalevu beka na nodra na mai wasea oqo kina kalasi? Ena qai rairai vakalevu beka na nodra na mai cakava tale ni oti na kalasi? Baleta ga ni ra sa raica oti ena nodra a sotava, ia era sa na wasea talega yani ka vakadinadinataka.

Me vaka ga oni a kaya, ena kunei na ivakadinadina ni sa wasei yani. Kau nanuma ena tubu cake na ka oqo ena nodra bula raraba

Elder Clark G. Gilbert: Au nanuma ni kena bulataki ena tiki ni vakavakarau.

Sister Kaylee Merrill: E sega ni daucakacaka vakauasivi ena ivakavuvuli kece, ia au nanuma ena rawa ni bulataki ena vuqa na sala.

Elder Clark G. Gilbert: So tale na vakasama?

Brother John Hilton III: E dua tale na vakasama e sa dodonu—au nanuma nio tukuna taumada, Nate—taleva lesu. Ena yaco kina me musu vakalailai mai na gauna ni kalasi meda kaya mada, “Mai na noda kalasi taumada eda a veivosakitaka na veisureti oqo. Na cava o a cakava mo bulataka rawa kina?

Kevaka au sa dau cakava tiko na veisureti ka sega ni talemuria, sa qai vaka na ka o tukuna. Kevaka meu na taroga e dua na taro ka qai sauma tale, era na kila totolo na gonevuli, “Oi, e sega ni kauwai o koya.” Ia kevaka au na muria tikoga kina kena tekivu na kalasi, “Io, eda sa veivosakitaka na lolo” se “Eda sa veivosakitaka na ivakavuvuli oqo,” era tekivu kila na gonevuli, “Io, sa ka bibi oqo. E ka bibi.”

Baraca Nate Peterson: E dua na ka au se vakasamataka tiko ga. Ka sa rawa ni yaco oqo me dua na veisureti. Sa vakatarai beka meda solia na vuli me caka mai vale.

Elder Clark G. Gilbert: Kerekere.

Baraca Nate Peterson: Ia, o ni kaya ni da na veisureti. A yaco oqo ena bogi. O Elder Christofferson—a vakayagataki vakava se vakalima—na vosa taukena. O a vakayagataka [Elder Gilbert] na vosa taukena.

Au sa mani lesu tale kina vulici ni vosa oqo. Ena “Sureta na Vuli Vagumatua” e tukuni kina na taukena. Qo na ka au saga tiko meu kila. Sa qai tiko kina na ilesilesi: Na cava na isema ni bula vakatisaipeli kei na taukena kei na vuna?

E rawa beka, Elder Gilbert, ni sa oti, e rawa mo veivosakitaka na ka oya—na cava na vuna e lako cake tikoga mai kina na vosa oya? Ni kevaka au vinakata me ra tisaipeli—e rairai ni veiqaravi—oqori na noda galala ni digidigi. Sa solia vei keda na Kalou na isolisoli oqo. Na bula vakatisaipeli sai koya na ka au na cakava ki na isolisoli oqo. Ia eda vinakata meda taukena esona ka. Eda vinakata meda taukena e dua na motoka. Eda vinakata meda taukena e dua na vale. Kei na taukena na ka, ena inaki eso, sa lasika tikoga mai vata kei na bula vakatisaipeli.

Elder Clark G. Gilbert: Ka sa lako sara ga mai vua na parofita ena vosa cavuti oya—se sa mai droinitaka o Elder Christofferson na “Digidigi me tawamudu.” E kaya o Peresitedi Nelson, au sa vakamasuti kemuni moni ivakatawa ni nomuni ivakadinadina, cakacakataka tiko, ka taukena, ka vakabulabulataka me na tubu tikoga. Ia e ka dina—sa vakamasuti keda kei ira kece na noda itabagone qasecake mera taukena na nodra ivakadinadina.

Baraca Nate Peterson: Au nanuma—e rawa beka niu vakuria?

Elder Clark G. Gilbert: Kerekere.

Baraca Nate Peterson: Au vakabauta ni oqori na ka eda vinakata me ra cakava ni oti oya? Era sa qai lako mai ki na kalasi ka vakatovotovotaka na bula vakatisaipeli, ia au sa vinakata mera taukena baleta niu na sega ni tiko ena gauna ni nodra veivakatarogi ni ivolatara ni valetabu. Ena gauna era na temaki kina au na sega ni tiko e kea. Ena gauna era na vakatovolei kina au na sega ni tiko e kea.

Ia kevaka era sa taukena na dina ka taukena na bula vakatisaipeli ka taukena na nodra galala ni digidigi—au nanuma ni tiko e dua na ka kau sega ni vakasamataka rawa, ia oqo e dua na ka au vinakata meu vulica—ni kevaka era taukena na dina kei na gauna era biuta kina na noqu kalasi, au nanuma kina kau nanuma nio ya o vinakata tiko me keimami cakava, sai koya meu na taukena. Au gadreva me noqu.

Elder Clark G. Gilbert: Au dredre tiko baleta niu rogoci koya tiko ni wasea tiko oqo: Eda na sega ni tiko vata kei ira ena digidigi taucoko ni bula oqo. Au nanuma na noqu itabagone e loma ni siti o Boston era a veiwali tiko ena dua na bogi: “Io, ena veigauna kece au vinakata kina meu cakava e dua na ka ca, au dau vakananuma tu ga na itaba oqo nei Clark ka dabe toka e tabaqu, ka kaya, ‘E sega ni dodonu mo cakava oqori.’” Ia, ena, gadreva me na cakava o ya baleta ni vinakata me cakava, sega ni kena ibalebale ni raitayalotaki nona parofesa tiko se iliuliu ni cauravou e tukuna tiko vua me kua ni cakava.

Eda na cakava edua na ka eda a sega ni tuvanaka tiko mai, ia e vakatura o John me soli na galala mera taroga na ka eso. Au kila ni so vei kemuni o ni kaya tiko, “Oilei, meu na vakarautaka mai na ilesilesi ni vakavakarau ni bera ni vakavulici na kalasi yadua? Oti meu qai vakaitavitaki ira na tamata? Mena tiko vei au na taro kece oqo, ka sa gauna oqo me vakatitobutaki na vuli ena kalasi. Oti me na qai tiko na kena bulataki? Au sa vakadeitaka ni so vei kemuni sa na lako, “Elder Gilbert, au na veivakavulici tale ena Vukelulu, kau na veivakavulici ena macawa mai oqo, ka veivakavulici ena macawa mai qo. Meda cakava vakacava oqo? Kau vakadeitaka ni vuqa vei kemuni e tiko na nomuni taro ena mataveivosaki oqo.

Au na via taura e vica na miniti mo ni qai taro mai ki na mataveivosaki koya e sebera ni veivosakitaki. Koya gona ke tiko nomu taro o vakasamataka tiko ni da lako curuma tiko na veika oqo, yalovinaka tucake ka qai taroga mai na mataveivosaki.

Io, au sega rai rawa yani e muri. Mo cavuta ga na yacamu.

Sisita 12 (Faith Spencer): Na yacaqu o Faith Spencer. Au vinakata meu kila o ni dui vakavakarau vakacava vaka mataveivosaki, ka kila ni dou sa namaki tiko kina mo dou wasea.

Sisita Kaylee Merrill: Levu na gauna.

Au nanuma ni a vakamacalataka o Elder Gilbert na ka oqo ena “Sa Tu Vei Ira na Kaukawa.” Kevaka era sa kila tiko na gonevuli ni sa namaki tiko mera na veiwasei, sa nodra ilesilesi oya. Era na tucake mai kina ituvatuva ka cakava na cakacaka. Oya na ka au vakila, baleta au kila niu sa namaki meu mai veiwasei.

Au sa qai ciqoma ena yalo malua ena veika e gadrevi meu na kila meu rawa ni mai wasea? Kau sa qai vulica ni oqo na ka au vinakata vei ira na noqu gonevuli mera na sotava. Au vinakata me na tiko vei ira na yalo oqo: “Niu gole kina kalasi nikua, meu kakua ni laki dabe tu ga. Au na lako—ni sa tiko na gauna e gadrevi vei au meu veiwasei, kau vinakata ni tiko na ka meu wasea.”

Elder Clark G. Gilbert: Vinaka. Taro tale eso?

Sisita Jenet Erickson: E dua ga na nanuma au a vakasamataka tiko na nomu taro. Au sa vakasamataka tiko ena vakacava beka na yaloqu ni vinakata na Turaga meu gugumatua sara vakaqasenivuli, ka rawa me caudreva ka cakacakataki na nodra galala ni digidigi.

Kau sa qai vakasamataka tiko e dua na itokani ka sa dau va gonevuli ni bera na kalasi, ena itekivu ni simesita, me taura e tolusagavulu na miniti ka vakarorogo ki na Yalotabu ena veika era gadreva. Ka qai tuva eso na lalawa e rawa ni ra rawata, mai na kalasi oya, cakacakataka ka veivakararamataki.

Au nanuma niu sa vakasamataka na mataveivosaki oqo, sa vaka, ni sa lomani au na Turaga. E vinakata o Koya me vukei au meu qasenivuli gugumatua cake. O Koya e vinakata me vakalougatataki ira na gonevuli oqo. Sa dua na madigi vinaka ena solia vei au na gauna meu vakasamataka ka vulica na ka oqo. Koya gona ena itinitini, sa rawa meu cakacakataka ena dua tale na sala. Au vinakati ira na noqu gonevuli me nodra talega na kaukauwa sa sotavi oqo. Na kalasi taucoko oqo sa baleta ga na Turaga ni vakalougatataki iko mo rawata rawa mo vakataka na ituvaki o sa lesi kina mo vakataka, ka sa vuna oqo sa solia kina vei ikona madigi mo vuli Vua eke.

Elder Clark G. Gilbert: Vinaka. E dua tale na taro

Sisita 13: Esa cakacaka tiko? Oi, vosota. Au, kalougata meu mai tiki ni semineri e gadreva na veicokonaki. Au na rawa ni kaya kina ni vuqa ke sega o ira taucoko na noqu gonevuli era ega ni dau vosa. Koya gona meu na cakava vakacava oqo vei ira?

Elder Clark G. Gilbert: Na cava o sa cakava oti?

Sister 13: Eda sa cakava e levu na ka—eda na tabaka na iyaloyalo ka leminetitaki ka mera qai digitaka na veika duidui baleta na lesoni. Eda na cokonaki ira kina masitataki na ivolanikalou ena soli tale ni tiki ni pepa sa leminetitaki. Ka da veivosakitaka na masitataki na ivolanikalou Eda cakava e levu na vosa galu–kena ituvaki ena kalasi. Sa qai dua na veika vinaka e sotavi.

Brother John Hilton III: Kevaka meu na saga meu cakava kina e dua na ka, e sega vei au na kila meu vakavulica na vuli veicokonaki. Na veika au sotava vakai au ga o ya niu sa vakavakarau tiko ki na dua na kalasi ena vulai katakata oqo, niu bera ni sureti meu tiki ni mataveivosaki oqo, e voleka ni 99 na pasede na vakavakarau au sa umana ki na kalasi oqo ni “Cava meu na vakavulica?” Sa vakanamata kece sara ki na lewena. Kau sa, tiki tiko ni mataveivosaki oqo, kau sa tekivu meu veisautaka na taro au taroga tiko—ka levu ga na noqu gauna ni vakavakarau ena noqu vakasamataka tiko na “Meu na vukei ira vakacava na gonevuli mera vakavakarau mai ni bera na kalasi? Meu vukei ira vakacava na gonevuli mera cakacakataka?” Niu sa mai kauta yani na taro oqori vei Tamada Vakalomalagi, sa saumi mai vei au.

E dina ga niu sega tu ni kila na kena isau ni taro oqo me baleta na vuli veicokonaki, au kila ni kila tiko na Tamada Vakalomalagi. Ni noqu ivakadinadina o ya ni da na ciqoma talega na taro e veiboleitalega me vakataki ira e cake, ni da na ciqoma na isaunitaro ni tamata yadua era gadreva na noda gonevuli.

Sisita Jenet Erickson: Sai koya na toso—e sa rui totoka—maivei qasenivuli, eda sa taleitaka na kena vakavulici ka vakasamataka “Eda na rawa vakacava meda mana?” ki na “Na cava sa sotava tiko o gonevuli?” Ena kauta vakacava mai na Yalo na ivakatagi kivei ira? Ena rawa vakacava na veimaliwai kei ira eso ena so na sala e kauta mai na Yalo kivei ira?

Sai koya na raimatua oqo ena cava era sa sotava tiko au sa vakila talega, John, na gagadre o ya me toso. Na cava era sa sotava tiko ena kalasi?

Elder Clark G. Gilbert: E tiko beka e dua na ka e tiko vei iko? Isa. Oi, e dua tale. Isa, era sa tukuna tiko vei au era na sogota na noqu gusunivosa ke sega ni tini. Meu sa tinia mada. Eda tiko oqo ena iotioti ni gauna. Keimami lako mai ki na soqoni oqo me kerea vei kemuni mo ni vakavakarau tiko mai ka vakasamataka tiko mai na taro oqo, “Au na cakava vakacava me mana na noqu vukei ira au vakavulica mera taukena na nodra vuli?”

Au na solia tale na veisureti au a solia e liu. Taura e dua na miniti na lako tani ma ike me volai na veivakararamataki e yaco mai vei iko sara ga nikua. Ia meu na cegu mada vakalailai. Au vakabauta ni se vo tiko e vica na miniti, meu sa na cegu mada kina me dua na miniti. Au vinakata mo vola mada edua na ka o vulica nikua. Ka rairai sega ni dua na ka eda kaya. Na cava e dua na ka o sa vulica nikua o nanuma ni na vukei iko mo qasenivuli vinaka cake?

Taura mada ga e dua na miniti ka toboka o ya ni bera ni da tinia.

Ke o se bera ni oti, tomana nomu vakasamataka na ka oqo. Ka yalovinaka, ena macawa mai oqo, au na kerei iko mo cakava e rua na ka o sa vola: Wasea ki vua e dua tale ka tuva e dua tale na lalawa mo vakavinakataka cake kina na nomu veivakavulici ka yavutaki ena veivakauqeti o ciqoma.

Meu tinia mada ena vakasama oqo: iMatai, au vinakata meu vakavinavinakataka na noqu panelists. Era sa qasenivuli cecere, kau sa mai vulica e levu na ka nikua kei na noda vakavakarau ni lako mai nikua. Au sa vakavinavinaka vakakina vei kemuni kece. Au kila ni vuqa vei kemuni sa solia e levu na ka kina nomu ilesilesi. Au taleitaka na ka a kaya o Elder Christofferson ena bogi ni ko sa tu dina enai imatai ni laini ni siga ni mataka ni Lotu oqo.

Nida sa mai tinia tiko, meu kuria ga ena noqu ivakadinadinani ena Church Educational System, eda sa vakarautaki ira tiko kina na noda itabagone ena Lotu raraba me ia na tubu ka yaco me tisaipeli ena bula taucoko. Ka sega ni dua tale na vanua e yaco kina oqoe vakaibalebale vakalevu cake ni vuli vakalotu e yaco raraba tiko ena Church Educational System, ena kalasi ni semineri ena duana keba, ni noda itikotiko ni vuli, ena dua na kalasi ni inisitute. Sai iko e dua na tiki ni veivuke vei ira mera taura na nodra ilesilesi me rawa kina nira tisaipeli ena bula taucoko i Jisu Karisito. Au kila ni dua vei ira na inaki levu sa vakatubu iyau kina na Lotu ena veika eda cakava—kei ira yadua era sa vakaitavi ena cakacaka oqo—sa baleta ni ra vakabauta ni sa ka bibi sara. Ni gauna sa kaya kina o Peresitedi Nelson, “O sa raica beka na veika sa yaco tiko e matada?” Au nuitaka ni ko ni kila ni volayaca ni semineri e tiko ena dua na itagede icake ena loma ni Lotu, na iwiliwili taucoko ni gonevuli kei na pasede era vakaitavi tiko kina.

Na kerecuru ena noda veiunivesitisa tomani tiko ena iwiliwili e cake sara, ena gauna mada ga e levu na tamataera sega ni a gole kina koliji, kei na inisitute sa tubu cake sara na kena iwiliwili ena itukutuku taucoko ni Lotu.

Sa tiko na noda ilesilesi meda vukei ira na tamata yadua era gole mai ki na noda kalasi me ra taura na nodra ilesilesi ni nodra vuli. Ka ena vosa nei Peresitedi Nelson, “Eda sa vakarautaki ira tiko na tamata era na vakarautaka na vuravura me baleta na lesu mai ni iVakabula.”

Meda sa qai taura na itutu ni ivakatawa ena lomavinaka, yalomalua, kei na nuidei, ni sa vukei keda na Turaga meda cakava oqo ena kaukauwa kei na qaqaco ena noda ilesilesi. Au solia vei kemuni ena yaca i Jisu Karisito, emeni.