Yisda’iinííłii Nadaah Biniyéh Hast’é’aashdilnééh

Yá’át’ééh Shik’is dóó Shilah, késhmish bich’į́ hoolzishgo k’ad tóó’áhayóí tsełkee nida’nitinígíí doo hooghandi nidaakaiígíí baa nisiskees.

Nanishtini nishłíígo niléii keyah tó biná’aséél Englandi, Niłch’itsoh 1960 yééhdą́ą́’ tsídá ałtsé keshmish ásélį́į́h. Swindon, Englandi nanishtin nt’ę́ę́’.

T’áá aniidigo 90 yiskai yaadą́ą́’ Swindonji na’niitin biniyéh ąą’íílyaah. Damóogo álah aleeh biniyéh hooghan goné biká’niníílyah. T’áá dikwííh diné oodlání ániidígíí ndahaaskai---sodzin bee hahalzhishígíí.

Yiskąągo Késhmishgo Elder Noel Luke dóó shi diné dah bighangóó diit’aash dóó Késhmish baa hané’igíí baah hodiilné dóó ba’ sodidiilzį́į́ł. Nizhónígo tł’ééhgo hoolzish ooljééh nízhónígo adiniłdíín yá’aash nahalingo. Nt’ę́ę́’ diné niłch’í naakidi deiniłį́ dló áhodil’įįnii dóó hat’ááli Harry Secombe binaal naalkid. “Hooghan bikidhojidlí Doo” yeeh hoot’aal. Saad baa hastí’ii yeeh hoot’aal, kóníígo:

Diné kwe’é bikidhojidlíí doo.

Biní niłtǫǫ’ligo iinisin dóó bąąhági át’éii bąąh ní’ih.

Nihikidhojidlíí’ áko

Diyin God, áko niłkééhwíít’íí’ doo.

Nanhiisnąąhgo nihinák’eeshto’ hasłį́į́’. Díí sin diné dah bighaandoo nizhónígo dah diits’ah. Elder Luke dóó Shí t’áá anii Diyin Jesus Christ báneilá’í niidlí diyin bá’áłchíní bit’ahdi báneilnish níídzííh.

Naniishtiní niishłį́į́hgo baa ákóníízį́į́h, t’áá aniiltso nihighan bits’ąądi nahasdzáándi kééhwíít’í t’áá ayiisii éí---yá’aashdi nihighan lah. Diyin Hasda’iinííłii bá nijilniishgo t’éíyá hoogandi hołhózhóó’ łeh lah.

T’áá anii yihá’go nihi sodizindę́ę́’ Yisda’iinííłii bee ádinídíín bee nidahnotin doo, íiyiisii Késhmish nahalzishgo. Nihi sodizindę́ę́’ Nahasdzáán Ádinidíín Anlééh naanishji, áko Yisda’iinííłii baa nisííkees łeh. Díí binahji diné bich’i anidahastí’ígíí diyin nahalingo biká ashdoolwoł.

Naahai yaahdą́ą́’ New York ́city Times Squaredi Nahasdzáán Ádinidíín Anlééh binaash bąąh hané diné binaał naaskid.

Mary dóó Shí ayóó’ antsohgo Jesus bidichłi nihinaal naaskid. Nizhonigo diyingo alah azlį́į́. Díí Times Square Naaskidígíí éí nanlahdi kin nitsaago hadaas’áhígíídi ałdó diné binaal nidoolkił.

New Yorkdi neit’aahgo Nahasdzáán Ádinidííndi Anlééh Álah azlííhdi, baa nidahííniihii bitsézǫ́ goné nidah aashch’áá’go dah nilį́.

Damóogo aseezį́ binaaltsoos goné New York Times baa hané: “Ił Hooneení Tsésǫ́ Goné Nínáájídaahgo Silį́į́h Lah. Nidahíínííhígíí ałdó.” Ałkidą́ą́’ Fifth Avenue New York Citydi tsetsǫ́ nizhónígo nidaach’ąą’yaahdą́ą́’ baa hané. Baa hané dóó áádi niyah yaahdą́ą́’ tsesǫ́ goné doo Késhmish dóó Awéé’ Jesus doo atah bee nidah ashch’ąą’ dah.

Bénaashnííh ániinaashá’haadą́ą́’ Salt Lake Citydi éí baa nidahiinííh goné bitsésǫ́ Yisda’iinííłii bee nidah achąą’go bénaashnííh. Ádo baa hané kintahdi Midwest Malldi Késhmish baa hané ádahdiilnííł, áko lahí nidahíílnííhii nihidookáh. Nitsaahgo dahsit’ah, “Yisda’iinííłii diitł’ééh niyaahgo, háíísh yich’í doogaał?” Biyaahgo dahast’ahígíí diwiishshį́į́h na’aashchąągo tsesǫ́ goné naasnil. T’ahdii bénáhnííh:

• Ałtsé éí asdzaan sani tsekéh yiisitíh dóó azee’ neiikahí ákwe’é baa’áhalyah. Asdzaan sani yéígo bitah honeezgai nahalin.

• Naakii goné éí amá awéé’yázhí dah yoołt’ééł. Bimá bił hózhǫ́.

• T’áá goné éí iłhaajééhdí ałchíní daachą́. Ałchíní bich’íyaan bá’adin, dóó t’áá diwkwííh késhmish sinil.

• Díí’ goné éí iłhaajééh dahátinígíí késhmish ąąhádeiileh.

• Ashdla’ goné éí báhojooba’í iłhaajééh t’óó ahayóí ałchíní t’áá át’é dahat’aał.

Ashdla’ ná’aashchąą’ dóó dahsit’ah, “Yisda’iinííłii diitł’ééh niyaahgo, hááísh yichłí doogaał?, naaki baa nisiskees.

Ałtsé éí Yisdałiinííłii naaki goné nahdaahígíí yookaałígíí dóó oolkiłígíí doo nihił bee dah hozin dah.

Naaki goné éí Naataanii President Russell M. Nelson binahnitin t’áá aniidigo nitsaah álah aslį́į́’ yaadą́ą́’ aní, “Jesus Christ nahasdzáán yikaaji nadaahgo éí Mesáíyah yolyééhgo nidoodaał.” Naataanii President Nelson anhiłní.“Nihéé iina Jesus Christ baa didooaał.” Hazhó’ó saad disit’ahi’gíí éí, “Yisdahiinííłii diitł’ééh niyaahgo, háíshą́ haasht’éh ádoolzingo yidaah doogaał?

T’áá át’é tsetsǫ́ sinilígíí niishíígo nihił hané éí łah bitsiis dah neezgai dóó łah bibéeso adaadin, ndi niłch’íjí éí doo baa hané dah. Łá diné dóó saanii hadaastí dóó łah éi anii nidaakai dóó łah bitah dah honeezgai łah éí yá’ádaat’ééh dóó awéé’. Aadi bahojooba’ii dóó dah átinígíí hólǫ̨́. Ndi, binaahai, bitah yá’ádaat’éii dóó łah bibéeso adaadin ndi álááhgo bóholnííhígíí éí niłch’í’ji iin.

Doctrine dóó Covenants biyidi baa ííniiltágo t’áá háíshį́į́h tó bibee bididoozį́į́łígíí áko Yisda’iinííłii bisodizinji yididoogaał. Kót’áó t’éíyá ajooba’ aashdiilį́į́h dóó “hajéí k’e’eltǫ́’ dóó íisizį́į jooba’go dóó iina łahgo ananééhgo dóó Jesus Christ bá nijił’ágo ahodoolzish.” T’áá biiyé éí Jesus Christ bikéé dashdíígaahdóó naagóó diyin bé’atiinjí joogaał áko haasht’é’aashdinééhgo nahá nina’ídláhígíí bee haaskizdoodli.

Diyin Christ éí t’áá ałtso nihinaał áyíílááh. T’áá Bí aní, “Jó shí éí adinídíín nishłį́; Shí éí nihinááł i’iishłaah.” T’áá nihi nihíísizííhnii házhǫ́ diníílį́į́ł, háálá nihinaał nizhónígo áyíílááh. Iłhózhǫ́ baazh doogaał éí nihinaał áyíílááh, kwe’é hózhǫ́ dóó hool’áágóó iinadi ádó. Késhmish biniłch’í éí iłhózhǫǫnii’ át’é.

John 19:5 yiniiltágo Páílat Jesus diné dah bijoołahígíí yidaahdę́ę́’ nííniloos. Áko Jesus “ch’il hooshahii hach’ah áádóó éé’ tsídídééh nahalingo łichí’ígíí bee joogáałgo áádę́ę́’ ch’ízhníyá. Áko Páílat éí diné áłah silį́’ígíí áyidííniid, Jó, kǫ́ǫ́ diné dzizį́.”

Késhmish nahalzishgo,Kǫ́ǫ́ diné sizį́ hódooníídígíí éí Christ át’í, éí nihilahkéíyahigíí át’í.

Ałtsé éí álilée k’éhjigo bidich’į́.

Nihił bee hozin díí áwéé’ ílį́į́ni baa dah hwíínííh késhmish nahalzishgo éí Diyin God t’ááłá’i biyé’í nilį́. Hool’áágóó iina éí biZhe’é bits’ąą’ doo --- bidziil bee hólǫǫgo hiná. Bimá bits’ąądę́ę́’ éí dah dootsaałgo bá’ałyááh. Ya’aashdí ałkidą́ą́’ binaanish bá’alyááh.

Matthew1:23 Jó’akon, ch’ikę́ę́h t’ah doo diné bee haleehiiawéé’ bee hodooleełgo ashkii yidoołchííł,Éí Imányowel bee yídóojiił,(éí Diyin God nihił hólǫ́ jiníigo óolyé.

Naakii goné éíyá chin bąąh adingo hiná nt’ę́ę́’ dóó yá’át’ééhgo iina nihinaał áyiilááh. Ázha Bí yee ti’hóoszii’ dadiníih dóó ii’honéesgai dóó bi’oolkąąh ałąą’at’éego, t’áá Bí nizhónígo binaanish háídiilááh. Nizhónígo átiin niha áyiilááh áko bikéé yiikáh doo. Bee iina diné bich’į’ anidahazti’ígíí yikáh ánalwo’go, háálá hooláágóó bee náhast’ą́ bikéhgo t’áá Bí t’éíyá haast’é yidooliił.

Táá goné éí daasts’ah, dóó naadiitsah dóó nihanina’idláh.

Niha niná’adlahígíí baa hané Shinánitin Baadah Hołné nizhonígo yaa halné: Yisda’iinííłii niha nina’ídlaígíí éí tíhoos’nííh Gethsemanedi, tsin ałnáozidi dąąsts’ah, dóó daasts’ąągodę́ę́’ náhooníídgo naadiits’ah. Doo nihił bee hózingo yéígo niha tíhoos’ńíh ---áko dił bitsah daaslį́go niha tíhoos’nííh.

Doctrine and Covence 76:41 “Nahasdzáán yikáá’jį’ níyá, éí Jesus, nahasdzáán yá tsin ałnáosdzoh yikáajį’ yá niná’nídlá, dóó nahasdzáán bibąąhági’ át’éii yá tihooznii’, bąąhági’ átéii nahjį’ kóyiilaa, dóó nahasdzáán yidíísįįd;

Jesus Christ niha tí’hoos’nííhígíí éí tsídá álááhdi áhoot’į́į́d diné haslį́į́ł doo woshdę́ę́’ hoolzishgo áhoot’ííd. T’áá ’ałtso diné nida’ayiisííh, Jesus Christ be’iina’ yee niná’idlá’ígíí binákáagone’t’éíy’á bits’ą́ą́dóó hojooba’ shóodiilt’eeł dóó Diyin God bił hiniináadoo.

Díí’ goné éí nihi haast’é ádidiilnííł naaki goné nádahii biniyéh.

Naaltsoos saní biyídę́ę́’, Job aní,“T’áá Bí nahasdzáán bikaagi sizį́ doo.” Naataanii President Russell M. Nelson nizhónígo yeeh naneezt’ąąh, “Christ t’áá Bí bóhonííhgo dóó Jerusalem sanídę́ę́’ dóó Áníídi Jerusalemdę́ę́’ bisodizin yiyoołwoł doo.” K’ad éíyá diishjí haast’é ádahdídiilnííł. Diyin bizaadę́ę́’ aní, “Ayóó’ át’é jį dooleeł Diyin nádzaahgo.”

Tsídá ákéédi bee nihich’į́ haasdzííhígíí éí Diyin God ayóó’íí’nó’ní dóó bánaalnish doo. Diyin kéhji haasht’é ádiilnį́į́hgo dóó Yisda’iiníílii bidahníídaahgo ałtsé éí. “NihiTaa’ Diyin God nijéí bee ayóó’iinłní, dóó nii’sizį́į bee dóó níni’ bee.” Naakii goné éí “nihiighagóókéédahátiníǵíí ayóó’íí’dah’nó’ní t’áá nihi ayóó’óó’gí’ít’áó.

Diyin God dóó diné ayóó’íí’níí’ní’go nihi niłch’í bi bee hózin. Diyin God ayóó’íí’níí’ní’go bi bee haz’áanii bikíhonííł’į́’ doo. Diné ayóó’íí’níí’ní’go dóó báneelnishgo nihi éí Diyin bilá níidlį́į́’ dooleeł láh.

Doctrine dóó Covenantsdę́ę́’, Yisda’iiníííłii díí saad yeeh haadzííh: “Diné bijéí ąą’ádeeshłííł dóó … Shi sodizin ádeeshłííł nihilá bee.”

Díí Késhmish nahazishgo t’áá nihi bee ahééhníídzingo éí bá naalt’éhi nołį́į́’ doo---nahasdzáán bikaagi bilá nołį́į́’ doo.

Díí nizhónígo nihił hoolzishgo, Jesus Christ bidiisch’í baa dahwíínííhgo, Shił bee hózin t’áá Bí Jesus Christ hiná. Nihinaał iiná áyíílááh, NihiTaa nihiZhe’é niha yidaahdę́ę́’ niha yaltí dóó t’áá ałtso binaanish háídíílááh áko Diyin NihiZhéé dóó biYeh bił kéénąąhwíítííh doo. Hónííyąąhgo éí Jesus Christ bikéé yiidaał doo dóó nihikéh yinilá’ígíí nididííyééł.

Tánít’ę́ę́’ niKéshmish Jesus Christ áláádí bąąh nisídaakees doo.

Jesus Christ bízhi’ binahjį’, amen.