Paano Nakikipagtulungan ang Simbahan sa mga Organisasyon sa Pag-aalaga sa mga Nangangailangan
Hinihikayat ng Ang Simbahan ni Jesucristo ng mga Banal sa mga Huling Araw ang mga miyembro nito na sundin ang una at ikalawang dakilang kautusan, na “una, mahalin ang Diyos at, pangalawa, mahalin ang ating kapwa” (Pangulong Russell M. Nelson, Oktubre 2019). Ang mga proyektong pangkawanggawa at paglilingkod ay mahalagang bahagi ng pagsisikap na iyon na mahalin at pangalagaan ang lahat ng anak ng Diyos sa buong mundo, anuman ang lahi, relihiyon, o nasyonalidad. Sa mga lugar na pinagtutuunan, nakikipagtulungan kami sa mga organisasyon gaano man ito kaliit o kalaki para lumikha ng mas malaking pandaigdigang epekto.
Ang Epekto ng mga Pakikipagtulungan
Isinasakatuparan ng Simbahan ang misyon nito sa pamamagitan ng pakikipagtulungan sa iba pang mga organisasyon. Kabilang sa mga pakikipagtulungan sa mga nonprofit at nongovernmental organization ang mga donasyon ng resources o mga boluntaryong miyembro ng Simbahan para sa mga proyektong pangkawanggawa. Sa pamamagitan ng pagtutulungan, mas malaki ang magiging epekto natin sa pagbibigay ng agarang tulong at pagkakaroon ng pag-asa sa sarili para sa lahat ng anak ng Diyos.
– Pangulong Dallin H. Oaks, Unang Tagapayo sa Unang Panguluhan
Ang Aming Pandaigdigang Priyoridad: Kababaihan at mga Bata
Ang isa sa mga paraan na makakagawa kami ng pinakamalaking epekto ay sa pagbibigay ng priyoridad sa kalusugan at kapakanan ng kababaihan at mga bata. Hinahangad naming makipagtulungan sa mga organisasyon na nagbibigay rin ng priyoridad sa pagsisikap na ito. Kabilang sa pandaigdigang priyoridad na ito ang mga proyekto sa pangangalaga sa ina at bagong panganak, pagbabakuna, edukasyon, at nutrisyon ng bata.
Paano Pinipili ng Simbahan ang mga Pakikipagtulungan
Ang Simbahan ni Jesucristo ng mga Banal sa mga Huling Araw ay sumusunod sa mga alituntuning pangkawanggawa na kapareho ng mga humanitarian organization. Kabilang sa mga alituntuning ito ang pagkamakatao, walang kinakampihan, walang kinikilingan, at kalayaan. Hinahangad ng Simbahan na makipagtulungan sa mga organisasyon na ang mga pinahahalagahan ay nakaayon sa amin. Naghahanap din ang Simbahan ng mga organisasyon na ang mga proyektong pangkawanggawa ay:
- Naghahangad na tulungan ang mga taong pinakamahina, anuman ang lahi, relihiyon, o nasyonalidad.
- Tumutulong sa mga agarang pangangailangan habang pinapalakas ang mga benepisyaryo para mas mapangalagaan ang kanilang mga pangangailangan sa hinaharap.
- Dinaragdagan ang pagsuporta sa pamamagitan ng paggamit ng lokal na resources para matugunan ang mga lokal na pangangailangan.
Paano Sinusuportahan ng Simbahan ang Pagboboluntaryo ng Komunidad?
“Ang mga Banal sa mga Huling Araw, katulad ng ibang mga tagasunod ni Jesucristo, ay palaging naghahanap ng mga paraan para tumulong, magpasigla, at magmahal [sa] iba” (Pangulong Russell M. Nelson, Oktubre 2019). Kung naghahanap ka ng mga boluntaryo para sa iyong organisasyon o proyekto sa paglilingkod, isiping i-post ang iyong proyekto sa JustServe.org. Maraming miyembro ng Simbahan at iba pa sa komunidad ang gumagamit ng platform na ito para makahanap ng mga oportunidad na magboluntaryo at nais na tumulong.
Ano ang Sinasabi ng Iba pang mga Organisasyon Tungkol sa Aming Gawain
—Barron Segar, Presidente at CEO ng World Food Programme USA
—Kerri Murray, Presidente ng ShelterBox USA
—Michelle Nunn, Presidente at CEO ng CARE USA
Mga Bagay na Madalas Itanong (FAQ)
Ano ang Pagkakaiba sa Pagitan ng Philanthropies at ng Church Humanitarian Services?
Ang departamentong Philanthropies ng Ang Simbahan ni Jesucristo ng mga Banal sa mga Huling Araw ang responsable sa mga kontribusyong pilantropo sa Simbahan at sa mga kaanib nitong programa at institusyon. Ang departamentong ito ang namamahala sa bahaging mga donasyong pangkawanggawa ng mga pagsisikap na magkawanggawa ng Simbahan, samantalang ang Humanitarian Services ng departamento ng Welfare and Self-Reliance ang namamahala sa mga pagpapatakbo at pagpapatupad ng mga proyektong pangkawanggawa.
Sino ang Kokontakin Ko para Makipagtulungan sa Simbahan?
Sa halip na kumuha ng mga kahilingan sa pagpopondo o pakikipagtulungan, humihingi kami sa mga lugar na pinagtutuunan para lumikha ng mas malaking epekto. Nakikipagtulungan kami sa maraming mapagkakatiwalaang organisasyong pangkawanggawa na nagpapatupad ng mga alituntunin sa pag-asa sa sarili sa kanilang programa at may napatunayang mga track record ng tagumpay.