Pangangalaga sa mga Taong Nangangailangan: Buod noong 2024

Ang iyong mga kontribusyon ay nakatulong sa amin na pangalagaan ang mga nangangailangan sa buong mundo.

Sa panahon ng ministeryo ni Cristo sa lupa, ibinigay Niya sa atin ang una at pangalawang dakilang utos—ang ibigin ang Diyos at ang ating kapwa (Mateo 22:36–40). Pagkatapos ay “naglibot siya na gumagawa ng mabuti” (Mga Gawa 10:38), na ipinapakita sa atin kung ano ang tunay na kahulugan ng pangangalaga sa mga taong nangangailangan. Ang mga miyembro ng Ang Simbahan ni Jesucristo ng mga Banal sa mga Huling Araw ay nagsisikap na tularan ang halimbawa ng pagmamahal at paglilingkod ng Tagapagligtas. Ang pormal na welfare program ng Simbahan, na ibinalita noong 1936, ay nilikha upang pangalagaan ang mga miyembrong nangangailangan at upang palakasin ang kanilang kakayahan na maging self-reliant. Noong 1984, inilunsad ng Simbahan ang tulong-pantao nito para magpaabot ng tulong sa milyun-milyong tao sa buong mundo.

Ngayon, ang Simbahan ay patuloy sa masigasig na pagsisikap nito na pangalagaan kapwa ang mga miyembro at iba pang mga nangangailangan sa pamamagitan ng mga welfare at self-reliance initiative, pandaigdigang mga gawaing pangkawanggawa, at boluntaryong paglilingkod.

Mga Pagsisikap na Magkawanggawa

Sa pamamagitan ng pagpopondo at mga kalakal, sinusuportahan ng Simbahan ang libu-libong proyektong pangkawanggawa. Ang mga proyektong ito ay pinakikinabangan ng milyun-milyong mga anak ng Diyos sa buong mundo, anuman ang lahi, nasyonalidad, o relihiyong kinabibilangan.

Boluntaryong Paglilingkod

Ang mahabaging paglilingkod ng mga miyembro at kaibigan ng Simbahan ay mahalagang bahagi ng mga pagsisikap sa welfare, self-reliance, at pagkakawanggawa. Tinutulungan din ng boluntaryong paglilingkod ang mga tao sa sarili nating komunidad na maaaring nangangailangan.

Mga Welfare at Self-Reliance Effort

Ang mga welfare at self-reliance effort ay pinakikinabangan una sa lahat ng mga miyembro ng Simbahan at kinabibilangan ng suporta mula sa fast offering, mga pag-order ng pagkain, mga programang pang-edukasyon, mga serbisyo sa paghahanap ng trabaho, emosyonal na suportang pangkalusugan, at iba pa.

Tingnan kung paano naglingkod ang mga miyembro ng Simbahan, mga missionary, at mga boluntaryo ng JustServe noong 2024.

Mapagpakumbaba naming ibinabahagi ang buod na ito ng aming mga pagsisikap na ipagpatuloy ang sagradong gawaing pangalagaan ang mga nangangailangan. Bilang mga tagasunod ni Jesucristo, itinuturing namin ito na kapwa isang tungkulin at masayang pribilehiyo.

Pinasasalamatan namin ang di-makasariling paglilingkod at pag-aambag ng oras at ari-arian mula sa mga miyembro ng Simbahan, mga kaibigan, at iba pang pinagkakatiwalaang mga organisasyon na tumutulong para umusad at lumawak ang gawaing ito.

Basahin ang Buong Mensahe

PDF Version at Iba pang mga Download

Ang Buod ng Pangangalaga sa mga Nangangailangan ay makukuha rin sa isang PDF format sa maraming wika. Mag-klik sa mga link sa ibaba upang i-download ang buod para sa taon na ito, mga nakaraang buod, o isang pahinang buod ng mga gawaing pangkawanggawa noong 2024.

• Buod ng Pangangalaga sa mga Nangangailangan noong 2024 PDF
• Buod ng Pangangalaga sa mga Nangangailangan noong 2023 PDF
• Pangangalaga sa mga Nangangailangan Taunang Ulat para sa 2022 PDF
• Pangangalaga sa mga Nangangailangan Taunang Ulat para sa 2021 PDF
• Isang Pahinang Executive Summary (English Only)
• PDF sa Iba pang mga Wika

Marami ka ring matututuhan tungkol sa mga pagsisikap ng mga miyembro ng aming Simbahan na pangalagaan ang mga nangangailangan sa pamamagitan ng pag-follow sa aming mga social media account @Caring.ChurchofJesusChrist.