Ulat sa Pangangalaga 2025—Mensahe mula sa Unang Panguluhan

Mahal na mga Kaibigan,

Noong nasa lupa si Jesucristo, nagturo Siya ng dalawang dakilang utos: ibigin ang Diyos at “ibigin … ang iyong kapwa na gaya ng iyong sarili” (Mateo 22:39). Ginagabayan tayo ng Kanyang halimbawa. Sa Ang Simbahan ni Jesucristo ng mga Banal sa mga Huling Araw, hangad nating sundan Siya sa pamamagitan ng paglilingkod sa maysakit, pagpapakain sa nagugutom, at pag-alo sa nagdurusa. Ang atin ay isang paglilingkod na naghahatid ng malaking kagalakan sa lahat ng anak ng Diyos.

Ang Ulat sa Pangangalaga sa mga Nangangailangan para sa 2025 ay nagbibigay ng sulyap sa mga kahanga-hangang pagsisikap na nagaganap sa buong mundo ng ating mga miyembro. Ang mga paglilingkod na ito ay pinalalakas ng mga kontribusyon ng panahon at kabuhayan ng mga kaibigan mula sa ibang relihiyon at pinagkakatiwalaang mga organisasyon na nakikiisa sa atin sa pinagpalang gawaing ito. Nabigyang-inspirasyon ng halimbawa ni Jesucristo, sama-sama tayong tumutulong na magpagaan ng mga pasanin, magpagaling ng maysakit, at magpanumbalik ng pag-asa sa mga pamilya at indibidwal sa iba’t iba mga sitwasyon.

Bawat pagkaing ibinahagi, bawat shelter na itinayo, bawat kabaitang ipinakita ay nagiging bahagi ng gawain ng Panginoon. Kapag naglilingkod tayo sa iba, tunay tayong naglilingkod sa Kanya (tingnan sa Mateo 25:40). Sa ganitong paraan, bawat isa sa atin ay tumutugon sa Kanyang panawagan na maging ilaw sa sanlibutan at sundan ang pattern ng pagmamahal ng Tagapagligtas sa ating kapwa.

Pinatototohanan namin na si Jesucristo ang sentro ng dakilang gawaing ito. Nawa’y pagpalain kayo nang sagana ng Diyos para sa inyong kabutihan, at nawa’y madama ninyo ang Kanyang pagmamahal habang patuloy kayong nagmamahal at nagmamalasakit sa Kanyang mga anak.

—Ang Unang Panguluhan