Paano Pinangangalagaan ng Simbahan ang mga Nangangailangan?

Ang Simbahan ni Jesucristo ng mga Banal sa mga Huling Araw at ang mga miyembro nito ay nagsisikap na pangalagaan ang mga nangangailangan tulad ng ginawa ni Cristo noong Kanyang ministeryo sa lupa. Sa pamamagitan ng boluntaryong paglilingkod, pakikipagtulungan sa mga organisasyon, at mga donasyon, ang Simbahan ay nagbibigay ng pandaigdigang tulong at paglilingkod sa lahat ng anak ng Diyos habang umaasa na sila ay magiging self-reliant.

Russell M. Nelson

“Magagabayan tayo ng dalawang dakilang utos: una, mahalin ang Diyos at, pangalawa, mahalin ang ating kapwa. Ipinapakita natin ang ating pagmamahal sa pamamagitan ng paglilingkod.”

— Pangulong Russell M. Nelson, Pangulo ng Ang Simbahan ni Jesucristo ng mga Banal sa mga Huling Araw

Tampok na mga Pagsisikap na Mangalaga

Tuklasin ang mga prayoridad na mga humanitarian effort ng Simbahan gayundin ang mga ginawa ng Simbahan noong nakaraang taon upang tulungan ang mga nangangailangan noong nakaraang taon.

Humanitarian Efforts of the Church

The Church is involved in many efforts that range from employment to mental health to emergency relief. These efforts are intended to provide immediate relief to those in need while building self-reliance so those individuals can serve their communities.

Jesus Christ. Healings. Pool of Bethesda
Russell M. Nelson

“Ang pagbibigay ng tulong sa iba—ang matapat na pagsisikap na pangalagaan ang iba tulad ng o higit pa sa pangangalaga natin sa ating sarili—ang ating kagalakan. Ang pamumuhay ng ikalawang dakilang utos na iyon ang susi sa pagiging tunay na disipulo ni Jesucristo.”

— Pangulong Russell M. Nelson, Pangulo ng Ang Simbahan ni Jesucristo ng mga Banal sa mga Huling Araw

Paano Ko Mapangangalagaan ang Ibang Tao?

Paano ko mapaglilingkuran ang aking komunidad?

Maaari kang maglingkod sa iyong komunidad sa malalaki at maliliit na paraan! Ang sumusunod na mga alituntunin ay makakatulong sa iyo na malaman kung saan magsisimula:

  1. Tukuyin ang isang pangangailangan: Tanungin ang iba sa iyong komunidad tungkol sa mga oportunidad na makapaglingkod at mga nonprofit na organisasyon sa inyong lugar.
  2. Bumuo ng makabuluhang mga relasyon: Hikayatin ang iba na maglingkod kasama mo, at tandaan na ang lahat ng pinaglilingkuran mo ay anak ng Diyos na karapat dapat na tratuhin nang may pang-unawa, pagmamahal, at paggalang.
  3. Gumawa ng plano: Magplano ng mga solusyon na tutugon sa agarang pangangailangan at makatutulong sa iba na maging self-reliant. Itanong sa sarili ang tulad ng “Ano na ang sinubukan kong gawin para matugunan ang pangangailangang ito?” “Ano ang gusto kong subukan?” “Paano, kailan, at saan ko gustong makatanggap ng tulong?”
  4. Ibahagi ang iyong mga karanasan: Magbigay ng inspirasyon sa iba na maglingkod sa pamamagitan ng pagbabahagi sa pang-araw-araw na pag-uusap at sa social media kung paano nakaapekto ang iyong paglilingkod sa iyong sarili at sa iba.

Makakahanap ka rin ng mga proyektong panserbisyo na malapit sa iyo sa JustServe.org. Tingnan kung may JustServe sa inyong lugar.

Ano ang mga opsiyon para sa service mission?

Interesado kang bang maglingkod sa service mission? Ang mga service mission ay magandang oportunidad para sa lahat, bata man o matanda, na nais maglingkod sa mga non-proselytizing mission. May iba’t ibang misyon na maaaring piliin na angkop sa iyong mga pangangailangan, gusto mo mang magboluntaryo mula sa bahay, sa isang lugar na pag-aari ng Simbahan, o sa inyong komunidad.

Halimbawa, maaari kang maglingkod sa mga Employment Services Center, Bishops’ Storehouse, o sa mga cannery at production facility. Maaari ka ring maglingkod sa pamamagitan ng pangangasiwa ng mga Addiction Recovery group, pagtuturo ng mga kurso sa self-reliance, o pagbuo ng mga proyektong pangkawanggawa sa inyong lugar. Tingnan dito ang mga oportunidad na makapaglingkod bilang service missionary tulad nito at marami pang iba.

Paano nauugnay ang pangangalaga sa iba sa aking mga tipan?

Sa kanilang binyag, ang mga miyembro ng Ang Simbahan ni Jesucristo ng mga Banal sa mga Huling Araw ay nangangakong sila ay magiging handang “magpasan ng pasanin ng isa’t isa, … makidalamhati sa mga yaong nagdadalamhati; … at aliwin yaong mga nangangailangan ng aliw,” (Mosias 18:8-9). Ang pagtupad sa pangakong ito—o tipan—ay isang mahalagang paraan para matulungan tayo na maging higit na katulad ni Jesucristo.

Kaya paano mo matutupad ang tipan na ito na pangalagaan ang iba? Bagama’t hindi natin lubos na masusunod ang halimbawa ni Cristo ng di-makasariling paglilingkod, magagawa pa rin natin na maibsan ang pasanin ng iba sa pamamagitan ng pagiging bukas-palad sa pagbabahagi ng ating oras, mga talento, pag-aari, at pagsisikap. Matutularan natin ang halimbawa ng ating Tagapagligtas sa pamamagitan ng pagbibigay ng emosyonal na suporta at pangangalaga, na kinikilala na ang mga nagdurusa ay kadalasang nangangailangan ng taong makikiramay sa kanila pati na rin ang praktikal na tulong. At maaari tayong magbigay ng pangangalaga sa paraang makakatulong sa iba na madama ang pagmamahal ng Diyos at makaranas ng kapayapaan, kahit na sa pinakamatitinding krisis.

Paano ako makapagbibigay ng donasyon para sa humanitarian effort ng Simbahan?

Kung gusto ninyong magbigay ng donasyon sa Simbahan para maisulong ang gawain ng Panginoon sa pangangalaga sa mga nangangailangan, bisitahin ang philanthropies.ChurchofJesusChrist.org.

Hindi mo kailangan ng pera para makagawa ng kaibhan. Ang pagbibigay ng iyong oras at pagsisikap na paglingkuran at pangalagaan ang mga tao sa inyong komunidad ay makapagpapalakas sa iba at makakaakay sa kanila sa landas tungo sa pagiging self-reliant. Maghanap ng mga pagkakataong maglingkod sa inyong komunidad sa JustServe.org.

I-Follow kami sa Social Media

Marami ka ring matututuhan tungkol sa mga pagsisikap ng mga miyembro ng aming simbahan na pangalagaan ang mga nangangailangan sa pamamagitan ng pag-follow sa aming mga social media account @Caring.ChurchofJesusChrist:

Instagram
Facebook