Auala e Galulue Faatasi ai le Ekalesia ma Faalapotopotoga e Tausia i Latou e lē Tagolima
Ua uunaia e Le Ekalesia a Iesu Keriso o le Au Paia o Aso e Gata Ai ona tagata ina ia mulimuli i poloaiga sili muamua ma le lua, lea e faapea mai “muamua, ia alolofa i le Atua ma, lona lua, ia alolofa i o tatou tuaoi” (Peresitene Russell M. Nelson, Oketopa 2019). O galuega faatino o fesoasoaniga alofa ma auaunaga o se vaega taua o lena taumafaiga e alofa ma tausia fanau uma a le Atua i le lalolagi atoa, e tusa lava po o le a le ituaiga, tapuaiga, po o le atunuu. I vaega o taulaiga, matou te galulue faatasi ma faalapotopotoga o soo se lapopoa e fatu ai se aafiaga sili atu i le lalolagi atoa.
O Le Aafiaga o le Galulue Faatasi
E faataunuu e le Ekalesia lana misiona i fesoasoani alofa e ala i le galulue faatasi ma isi faalapotopotoga. O le galulue faatasi ma faalapotopotoga e le maua ai se tupe ma faalapotopotoga e le faalemalo, e aofia ai foai o punaoa po o volenitia a tagata o le Ekalesia mo galuega faatino o fesoasoaniga alofa. O le galulue faatasi, e mafai ai ona tatou faia se aafiaga sili atu i le tuuina atu o le fesoasoani vave ma le fausiaina o le ola tutoatasi mo fanau uma a le Atua.
– Peresitene Dallin H. Oaks, Fesoasoani Muamua i le Au Peresitene Sili
O La Tatou Faamuamua i le Lalolagi Atoa: Tamaitai ma Tamaiti
O se tasi o auala e mafai ona tatou faia ai se aafiaga sili o le faamuamua lea o le soifua maloloina ma le soifua manuia o tamaitai ma tamaiti. Matou te saili e galulue faatasi ma faalapotopotoga e faamuamua foi lenei taumafaiga. O lenei faamuamua i le lalolagi atoa e aofia ai galuega faatino i le tausiga o tina ma pepe fou, tui puipui, aoaoga, ma meaai paleni a tamaiti.
O Le Auala e Filifilia ai e le Ekalesia ia Galulue Faatasi
E mulimuli Le Ekalesia a Iesu Keriso o le Au Paia o Aso e Gata Ai i mataupu faavae o fesoasoaniga alofa lea o loo faaaoga ma faasoaina e faalapotopotoga o fesoasoaniga alofa. O nei mataupu faavae e aofia ai tagata soifua, le auai i se vaega, le faaituau, ma tutoatasi. E saili le Ekalesia e galulue ma faalapotopotoga e ōgatasi o latou tulaga faatauaina ma o tatou tulaga faatauaina. E vaavaai foi le Ekalesia mo faalapotopotoga o a latou galuega faatino o fesoasoaniga alofa:
- E saili e fesoasoani ia i latou o e sili ona vaivai, e aunoa ma le manatu i ituaiga, tapuaiga, po o atunuu.
- E taulimaina manaoga vave a o faamalolosia tagata e faamanuiaina ina ia tausia lelei o latou manaoga i le lumanai.
- E faateleina le tulaga faaauau pea e ala i le faaaogaina o punaoa i le lotoifale e taulima ai manaoga i le lotoifale.
E Faapefea Ona Lagolagoina e le Ekalesia le FaaVolenitia a le Nuu?
“O Au Paia o Aso e Gata Ai, e pei foi o isi soo o Iesu Keriso, e vaavaai pea mo auala e fesoasoani atu ai, siitia, ma alolofa i isi.” (Peresitene Russell M.Nelson, Oketopa 2019). Afai o loo e sailia ni volenitia mo lau faalapotopotoga po o le galuega faatino o auaunaga, mafaufau e tuu i luga lau galuega faatino i le JustServe.org. E toatele tagata o le Ekalesia ma isi i le nuu e faaaogaina lenei tulaga e saili ai ni avanoa volenitia ma o le a fiafia i latou e fesoasoani atu.
O Mea o Fai Mai ai Isi Faalapotopotoga e Uiga i La Tatou Galuega
—Barron Segar, Peresitene ma le Ofisa Sili o Pulega o le Polokalama o Taumafa a le Lalolagi ISA
—Kerri Murray, Peresitene o le ShelterBox USA
—Michelle Nei, Peresitene ma Ofisa Sili o Pulega o le CARE ISA
O Fesili e Fesiligia Soo
O le a le eseesega i le va o Agaalofa ma Auaunaga o Fesoasoaniga Alofa a le Ekalesia?
O le matagaluega o Foai Alofa a Le Ekalesia a Iesu Keriso o le Au Paia o Aso e Gata Ai e nafa ma foai agaalofa i le Ekalesia ma ana polokalama ma faalapotopotoga e fesootai ai. O lenei matagaluega e taulimaina le itu o foai alofa o taumafaiga agaalofa a le Ekalesia, ae o Auaunaga o Fesoasoaniga Alofa a le Matagaluega o le Uelefea ma le Ola Tutoatasi e taulimaina le faagaoioiga ma le faatinoina o galuega faatino o fesoasoaniga alofa.
O Ai Ou te Faafesootaia e Galulue faatasi ai ma le Ekalesia?
Nai lo le taliaina o talosaga mo tupe po o le galulue faatasi, matou te talosagaina ni vaega e taulai atu i ai ina ia fatuina ai se aafiaga sili atu. Matou te galulue faatasi ma le tele o faalapotopotoga o fesoasoaniga alofa faaaitalafu o e faatinoina mataupu faavae o le ola tutoatasi i a latou polokalama ma ua faamaonia faamaumauga o le faamanuiaina o a latou taumafaiga.