Tausiga o i Latou e Manaomia le Fesoasoani: Aotelega o le 2024

O a outou foai na fesoasoani ia i matou e tausia ai i latou o loo manaomia le fesoasoani i le lalolagi atoa.

I le taimi o le galuega a Keriso i le olaga nei, na Ia tuuina mai ai ia i tatou poloaiga sili muamua ma le lua—ia alolofa i le Atua ma o tatou tuaoi (Mataio 22:36–40). Ona Ia “alu atu lea e fai mea lelei” (Galuega 10:38), ma faaali mai ia i tatou le uiga moni o le tausia o i latou o loo manaomia le fesoasoani. E taumafai malosi tagata o Le Ekalesia a Iesu Keriso o le Au Paia o Aso e Gata Ai e mulimuli i le faataitaiga a le Faaola o le alofa ma le auaunaga. O le polokalama aloaia o le uelefea a le Ekalesia, na fofogaina mai i le 1936, na fatuina e tausia ai tagata o loo manaomia le fesoasoani ma faamalosia ai lo latou gafatia e ola tutoatasi. I le 1984, na faalauiloa ai e le Ekalesia lana aapa atu i fesoasoaniga alofa e tuuina atu ai le toomaga i le faitau miliona o tagata i le lalolagi atoa.

O le asō, o loo faaauau pea e le Ekalesia ana taumafaiga filiga e tausia uma tagata o le ekalesia ma isi o loo manaomia le fesoasoani e ala i faama’ite o le uelefea ma le ola tutoatasi, taumafaiga agaalofa i le lalolagi atoa, ma auaunaga volenitia.

Taumafaiga o Galuega Alofa

E ala i le faatupeina ma oloa, e lagolagoina ai e le Ekalesia le faitau afe o galuega faatino o galuega alofa. O nei galuega faatino e manuia ai le faitau miliona o fanau a le Atua i le salafa o le lalolagi, e aunoa ma le manatu i ituaiga, tagatanuu, po o mafutaga faalelotu.

Auaunaga Volenitia

O le auaunaga agaalofa a tagata o le Ekalesia ma uo o se vaega taua lea o le uelefea, ola tutoatasi, ma taumafaiga agaalofa. E fesoasoani foi le auaunaga volenitia ia i latou i o tatou lava nuu o e atonu e manaomia le fesoasoani.

Auaunaga o le Uelefea ma Taumafaiga o le Ola Tutoatasi

O taumafaiga o le uelefea ma le ola tutoatasi e muamua lava ona manuia ai tagata o le Ekalesia ma e aofia ai le lagolago o taulaga anapogi, oka o meaai, polokalama faaleaoaoga, auaunaga mo galuega, lagolago mo le soifua maloloina faalelagona, ma isi mea.

Tagai i le auala na auauna atu ai tagata o le Ekalesia, faifeautalai, ma volenitia o le JustServe i le 2024.

Ua faalotomaualaloina i matou e faasoa atu lenei aotelega o a tatou taumafaiga e faaauau le galuega paia o le tausiga o i latou e manaomia le fesoasoani. I le avea ai ma soo o Iesu Keriso, tatou te manatu o se tiute ma se avanoa fiafia.

Matou te faailoa atu ma le agaga faafetai le auaunaga le manatu faapito ma saofaga o taimi ma mea e maua mai tagata o le Ekalesia, uo, ma isi faalapotopotoga faatuatuaina lea e mafai ai e lenei galuega ona alualu i luma ma faalauteleina.

Faitau le sāvali atoa

Lomiga PDF ma Isi Vaega Sii Mai

O le Aotelega o le Tausiga o i Latou e Manaomia le Fesoasoani o loo maua foi i se mamanu PDF i le tele o gagana. Kiliki i sootaga o i lalo e sii mai ai le aotelega o le tausaga lenei, aotelega ua tuanai, po o se aotelega e tasi le itulau o taumafaiga agaalofa i le 2024.

• Aotelega o le Tausiga o i Latou e Manaomia le Fesoasoani 2024 PDF
• Aotelega o le Tausiga o i Latou e Manaomia le Fesoasoani 2023 PDF
• Aotelega o le Tausiga o i Latou e Manaomia le Fesoasoani 2022
• Aotelega o le Tausiga o i Latou e Manaomia le Fesoasoani 2021
• Aotelega Faapitoa e Tasi le Itulau (English Only)
• PDF i Isi Gagana

E mafai foi ona e aoao atili e uiga i taumafaiga a tagata o la tatou Ekalesia e tausia i latou e le tagolima e ala i le mulimuli i a tatou faitotoa faasalalau faaagafesootai @Caring.ChurchofJesusChrist.