Doctor injection immunization Asian cute girl patient in hospital health care vaccine

E Faapefea ona Tausia e le Ekalesia i Latou e Lē Tagolima?

O Le Ekalesia a Iesu Keriso o le Au Paia o Aso e Gata Ai ma ona tagata auai e taumafai e tausia i latou e manaomia le fesoasoani e pei ona sa faia e Keriso i le taimi o Lana auaunaga faaletino. E ala i auaunaga volenitia, galulue faatasi ma faalapotopotoga, ma foai, ua tuuina atu ai e le Ekalesia fesoasoaniga ma auaunaga i le lalolagi atoa i fanau uma a le Atua ma le faamoemoe o le fausiaina o le ola tutoatasi.

Russell M. Nelson

“E mafai e poloaiga sili e lua ona taialaina i tatou: muamua, ia alofa i le Atua ma, lona lua, ia alofa i lo tatou tuaoi. Tatou te faaali atu lo tatou alolofa e ala i le auauna atu.”

—Peresitene Russell M. Nelson, Peresitene o Le Ekalesia a Iesu Keriso o le Au Paia o Aso e Gata Ai

Taumafaiga Tausiga Alofa

Ia iloa taumafaiga fesoasoani alofa o loo faamuamua a le Ekalesia faapea foi ma mea na faia e le Ekalesia i le tausaga ua tea e fesoasoani ai ia i latou na manaomia le fesoasoani i le tausaga ua tea.

Humanitarian Efforts of the Church

The Church is involved in many efforts that range from employment to mental health to emergency relief. These efforts are intended to provide immediate relief to those in need while building self-reliance so those individuals can serve their communities.

Jesus Christ. Healings. Pool of Bethesda
Russell M. Nelson

“O le tuuina atu o le fesoasoani i isi—o le faia o se taumafaiga lotofuatiaifo e popole mo isi e pei, pe sili atu foi nai lo lo tatou popole ia i tatou lava ia—o lo tatou olioli lea. O le ola ai i lena poloaiga sili lona lua o le ki lea i le avea ai ma se soo moni o Iesu Keriso.

— Peresitene Russell M. Nelson, Peresitene o Le Ekalesia a Iesu Keriso o le Au Paia o Aso e Gata Ai

E Faapefea Ona Ou Tausia Isi?

E mafai faapefea ona ou auauna atu i lo’u lava nuu?

E mafai ona e auauna atu i isi i lou nuu i auala tetele ma laiti! O mataupu faavae nei e mafai ona fesoasoani ia te oe e iloa ai le mea e amata ai:

  1. Faailoa mai se manaoga: Fesili atu i isi i lou nuu e uiga i avanoa mo auaunaga ma faalapotopotoga e le maua ai se tupe i la outou eria.
  2. Fausia ni sootaga anoa: Uunaia isi e auauna faatasi ma oe, ma ia manatua o tagata uma e te auauna atu i ai o se atalii o le Atua o e e tatau ona taulimaina ma le malamalama, alofa, ma le faaaloalo.
  3. Fai se fuafuaga: Fuafua ni vaifofo e fetaui ma manaoga vave ma fesoasoani i isi ia ola tutoatasi. Fesili ifo ia te oe lava i fesili e pei o le “O le a se mea ua uma ona ou taumafai e taulima ai lenei manaoga?” “O le a se mea ou te manao e faataitai?” “E faapefea, o afea, ma o fea ou te manao e maua ai le fesoasoani?”
  4. Faasoa atu ou aafiaga: Musuia isi e auauna atu e ala i le faasoaina atu i talanoaga i aso uma ma luga o ala o faasalalauga faaagafesootai pe na faapefea ona aafia oe lava ma isi i lau auaunaga.

E mafai foi ona e maua galuega faatino o auaunaga e latalata ane ia te oe i le JustServe.org. Vaai pe o maua le JustServe i la outou eria.

O a filifiliga o le misiona o auaunaga o loo i ai?

E te fiafia e auauna atu i se misiona o auaunaga? O misiona o auaunaga o se avanoa sili lea mo i latou, talavou pe matutua, o e mananao e auauna atu i misiona e le talai atu. E eseese misiona e filifili mai ai ina ia fetaui ma ou manaoga, pe e te manao e volenitia mai le aiga, i se nofoaga e pulea e le Ekalesia, po o lou nuu.

Mo se faataitaiga, e mafai ona e galue i Nofoaga Autu mo Le Tautua mo Galuega, Faleteuoloa a Epikopo, po o fale e fai ai apa ma fale e gaosi ai mea. E mafai foi ona e auauna atu e ala i le faafaigofieina o vaega o le Toe Faaleleia o Mea ua Fai ma Vaisu, aoaoina o kosi o le ola tutoatasi, po o le atiina a’e o galuega faatino o fesoasoaniga alofa i le lotoifale. Siaki avanoa faafaifeautalai o auaunaga faapenei ma isi mea iinei.

E faapefea ona fesootai le tausiga ma a’u feagaiga?

I le papatisoga, ua osifeagaiga tagata o le Ekalesia e “tauave avega a le tasi, … faanoanoa faatasi ma e e faanoanoa …, ma faamafanafana atu ia te i latou o e e manaomia le faamafanafanaga” (Mosaea 18:8–9). O le tausiaina o lenei folafolaga—po o le feagaiga—o se vaega taua lenei o le fesoasoani ia i tatou ia avea atili e faapei o Iesu Keriso.

E mafai faapefea la ona faatumauina lenei feagaiga o le tausiga? E ui lava o le a mautinoa lava o le a tatou le atoatoa a o tatou mulimuli i le faataitaiga a Keriso o le auaunaga lē manatu faapito, e mafai lava ona tatou faamāmāina le avega a isi e ala i le agalelei i le faasoaina atu o o tatou taimi, taleni, mea e maua, ma taumafaiga. E mafai ona tatou mulimuli i le faataitaiga a lo tatou Faaola e ala i le tuuina atu o le lagolago faalelagona ma le tausiga, iloaina o i latou o loo mafatia e masani ona manaomia se tali atu ma le tiga agaalofa faapea foi ma se fesoasoaniga aoga. Ma e mafai ona tatou tuuina atu le tausiga i se auala e fesoasoani ai i isi ia lagonaina le alofa o le Atua ma maua le filemu, e oo lava i faalavelave e sili ona vevesi.

E faapefea ona ou foai atu i taumafaiga agaalofa a le Ekalesia?

Afai e te manao e foai atu i le Ekalesia e faalautele ai le galuega a le Alii o le tausia o i latou e manaomia le fesoasoani, asiasi i philanthropies.ChurchofJesusChrist.org.

E te le manaomia se tupe e fai ai se eseesega. O le foai atu o lou taimi ma taumafaiga e auauna atu ai ma tausia i latou i lou nuu e mafai ona faamalosia ai isi ma taitai atu ai i latou i le ala i le ola tutoatasi. Saili avanoa e auauna atu ai i lou alalafaga i luga o le JustServe.org.

Mulimuli Mai ia i Matou i Ala o Faasalalauga Faaleagafesootai

E mafai foi ona e aoao atili e uiga i taumafaiga a tagata o la tatou Ekalesia e tausia i latou e le tagolima e ala i le mulimuli i a tatou faitotoa faasalalau faaagafesootai @Caring.ChurchofJesusChrist:

Instagram
Facebook /Apiofoliga