E Mafai Ona Tatou Tali Atu i le Valaau a le Atua e Tausia i Latou e Le Tagolima
“Ma faauta, ua ou ta’u atu nei mea ia te outou ina ia mafai ona outou aoaoina le poto; ina ia mafai ona outou aoaoina, pe a outou auauna atu i o outou uso-a-tagata, ua nao lo outou auauna atu lava lea i lo outou Atua” (Mosaea 2:17).
O Le Tausiaina o i Latou e Le Tagolima: Ua Iinei le Lipoti o le 2025
O lau auaunaga faaKeriso ua faamanuiaina ai olaga o i latou e le tagolima i le lalolagi atoa. Tagai i le aafiaga i le lalolagi atoa sa outou faia faatasi ma le Ekalesia ma le faitau miliona o isi.
O a Tatou Feagaiga e Tausia Isi
I le avea ai ma soo o Iesu Keriso, tatou te tauivi e mulimuli i Lana faataitaiga e ala i le tausia o tagata e manaomia le fesoasoani. E folafola atu tagata o Le Ekalesia a Iesu Keriso o le Au Paia o Aso e Gata Ai, pe osifeagaiga, e auauna atu i o latou tuaoi o loo manaomia le fesoasoani.
E Mafai Faapefea Ona Ou Auauna Atu i Tagata e Manaomia le Fesoasoani?
I le avea ai ma soo o Iesu Keriso, e mafai ona tatou faamamalu a tatou feagaiga e ala i le mulimuli i Ana faataitaiga o le auauna atu i isi i le alofa ma le faamoemoe. O laasaga faigofie nei e fa na musuia e Lana galuega:
O Faapefea Ona Tatou Auauna Faatasi o se Ekalesia?
Kiliki i taumafaiga taitasi o loo i lalo ia iloa ai auala o loo lagolago ai e le Ekalesia mea taitasi e faamuamua ma pe mafai foi faapefea ona e aafia ai.
O Fesili e Fai Soo
O a punaoa e ofoina atu e le Ekalesia e tausia ai i latou e le tagolima?
Ua ofoina atu e le Ekalesia ni auaunaga ma oloa o le uelefea ma le ola tutoatasi e siitia ma tausia ai tagata e le tagolima, e aofia ai:
- Auaunaga mo Galuega: Mo i latou o loo sailia ni galuega
- Kosi o le ola tutoatasi: Mo i latou o e mananao e aoao tomai o le ola tutoatasi
- O Le Polokalama o le Toe Faaleleia o Mea ua Fai ma Vaisu: Mo i latou o e manaomia le fesoasoani e toe faaleleia ai mai vaisu
- Tupe Faaagaga mo Aoga: Mo i latou o e manaomia le fesoasoani i le mauaina o se aoaoga maualuga atu
Mo nisi faamatalaga, tagai i le lisi atoa o Punaoa o le Uelefea ma le Ola Tutoatasi. Talanoa i ou taitai o le Ekalesia i le lotoifale pe afai e te manao e fesootai atu i nei punaoa ma isi punaoa.
E mafai faapefea ona ou fesoasoani i isi i o latou luitau o le olaga?
O le iloaina o tala e fai atu ma le auala e fesoasoani ai i isi i tulaga faigata e mafai ona luitauina, ae e mafai foi ona faia ai se eseesega tele, ma lelei. Suesue le Fesoasoani o le Olaga e aoao ai pe mafai faapefea ona e fesoasoani i isi e ala i luitau, e aofia ai vaisu, sauaga, faavauvau, ma tauiviga i le soifua maloloina faalemafaufau.
O a ituaiga filifiliga o misiona o auaunaga o loo i ai iina?
O fia auauna atu i se misiona o auaunaga? O misiona o auaunaga o se avanoa sili lea mo tagata, talavou pe matutua, o e mananao e auauna atu i ni misiona e le talai. O loo i ai ni misiona eseese e filifili mai ai ina ia fetaui ma ou manaoga, pe e te manao e volenitia mai le fale, i se nofoaga e anaina e le Ekalesia, po o i lou nuu.
Mo se faataitaiga, e mafai ona e auauna atu i Nofoaga Autu o Auaunaga mo Galuega, Faleteuoloa a Epikopo, po o fale e tuuapa ai meaai ma fale gaosi oloa. E mafai foi ona e auauna atu e ala i le lagolagosua i vaega o le Toe Faaleleia o Olaga mai le Tagofia o Mea ua Fai ma Vaisu, aoao atu kosi o le ola tutoatasi, po o le atiina ae o galuega faatino o fesoasoaniga alofa i le lotoifale. Siaki avanoa faafaifeautalai mo auaunaga e pei o nei ma isi iinei.
O faapefea ona faaaoga a'u foai e fesoasoani ai i isi?
Pe a e foai atu i taumafaiga agaalofa a le Ekalesia, e faaaoga au tupe e tausia ai manaoga faaletino o tagata o le Ekalesia ma isi i le salafa o le lalolagi, e aofia ai le aumaia vave o le toomaga ma le faatulagaina o tagata mo le ola tutoatasi mo se taimi umi.
Mo se vaevaega loloto atu, tagai i le ala e taulimaina e le Ekalesia ia foai.
E mafai faapefea ona ou foai atu i taumafaiga fesoasoaniga agaalofa?
Afai e te manao e foai atu i le Ekalesia e faalautele ai le galuega a le Alii o le tausiga o i latou e le tagolima, asiasi i le philanthropies.ChurchofJesusChrist.org. Tau lava ina manatua e te le manaomia se tupe e faia ai se eseesega. O lou taimi ma taumafaiga e auauna atu ai i lou nuu e mafai ona faamalolosia ai isi ma taitai atu ai i latou i luga o le ala o le ola tutoatasi. Saili ni avanoa e auauna atu ai i lou nuu i le JustServe.org.
E faapefea ona galulue le Ekalesia ma isi faalapotopotoga?
E tuuina atu e Le Ekalesia a Iesu Keriso o le Au Paia o Aso e Gata Ai fesoasoaniga alofa i le lalolagi atoa, fesoasoani i tagata o faatuatuaga uma, ituaiga, ma talaaga e faaali atu ai le alofa o le Faaola i tagata uma. Ina ia faia lenei mea, e galulue faatasi ma isi itutino, e pei o le:
- Faalapotopotoga o Toomaga i le Lalolagi Atoa
- Malo
- Nuu i le lotoifale
- Volenitia
O le galulue faatasi ma isi e mafai ai e le Ekalesia ona faia se aafiaga sili atu i manaoga faanatinati ma le ola tutoatasi mo se taimi umi i le lalolagi atoa. Mo nisi faamatalaga, faitau e uiga i le galulue faatasi o le Ekalesia ma isi faalapotopotoga.