Lipoti o le Tausiga 2025—Savali mai le Au Peresitene Sili

Uo Pele,

A o i ai Iesu Keriso i le lalolagi, sa Ia aoao atu ni poloaiga sili se lua: ia alofa atu i le Atua ma ia “alofa atu i le lua te tuaoi ia pei o oe lava ia te oe” (Mataio 22:39). Ua taialaina i tatou e Lana faataitaiga. O Le Ekalesia a Iesu Keriso o le Au Paia o Aso e Gata Ai, tatou te saili e mulimuli ia te Ia e ala i le auauna atu i e mama’i, fafagaina o e fia aai, ma faamafanafana i e mafatia. O la tatou galuega o se auaunaga o le olioli tele i fanau uma a le Atua.

O le Lipoti o le Tausiga mo i Latou e Le Tagolima i le 2025 ua ofoina mai ai sina vaaiga i taumafaiga ofoofogia na faia e o tatou tagata i le lalolagi atoa. O nei faatinoga o le auauna atu e faamalolosia e ala i saofaga o taimi ma auala mai uo a isi faatuatuaga ma faalapotopotoga faatuatuaina o e galulue faatasi ma i tatou i lenei galuega faamanuiaina. I le musuia ai e ala i le faataitaiga a Iesu Keriso, o loo tatou fesoasoani faatasi e siitia avega, aumaia le faamalologa, ma toefuatai le faamoemoe i aiga ma tagata taitoatasi i tulaga eseese.

O taumafataga uma e fefaasoaai, o malutaga uma e fausia, o agalelei uma e ofoina atu e avea o se vaega o le galuega a le Alii. A o tatou auauna atu i isi, o loo tatou auauna moni atu ia te Ia (tagai Mataio 25:40). O le auala lenei, ua tali mai ai i tatou taitoatasi i Lana valaau ina ia avea ma se malamalama i le lalolagi ma mulimuli i le mamanu a le Faaola o le alofa atu i o tatou tuaoi.

Matou te molimau atu o Iesu Keriso o loo i le totonugalemu o lenei galuega tele. Ia faamanuia tele outou e le Atua mo lo outou lelei, ma ia outou lagonaina Lona alofa a o faaauau pea ona e alofa ma tausia Ana fanau.

-O Le Au Peresitene Sili