Nofoaga o le Falepuipui o Richmond

O le nofoaga o le Falepuipui o Richmond e tu i nai vaiauala i matu o le Falefaamasino o le Itumalo o Ray i Richmond. Ia Novema 1838, sa molia ai Iosefa Samita ma isi taitai o Le Ekalesia a Iesu Keriso o le Au Paia o Aso e Gata Ai i ni moliaga o le foumalo e fesootai ma feteenaiga ma fitafita o le lotoifale o Misuri. I le va o taimi e tulai ai i le faamasinoga, sa taofia ai e leoleo o le falepuipui ia Iosefa ma isi pagota e toasefulu i le Falepuipui o le Itumalo o Richmond.

O Richmond o le nofoa a le faigamalo o le itumalo i le Itumalo o Ray. O le toatele o taitai fitafita i Misuri na omai mai le Itumalo o Ray, ma o le Taua o le Vaitafe Piopio [Crooked River], o se fetauiga i le va o se vaega toalaiti o le Au Paia ma fitafita, sa faia i le Itumalo o Ray. Ona o nei fesootaiga na avea ai Richmond o se nofoaga talafeagai e faia ai nei taualumaga faaletulafono. Ina ua mavae le toeitiiti atoa le masina, sa faatonuina ai e le faamasinoga ia siitia atu Iosefa Samita ma isi pagota e toalima mai Richmond i le Falepuipui o Liperate e faatalitali ai mo le faamasinoga i le tautotogo. O Pale P. Palate ma isi alii e toafa sa nonofo pea i le Falepuipui o Richmond seia oo ia Iulai 1839.

O Pale P. Palate, o se tasi o alii na faafalepuipuiina ma le perofeta, na manatuaina le tali atu a Iosefa i leoleo na talagugutu e uiga i soligatulafono faatupu vevesi sa latou faia e faasaga i le Au Paia o Aso e Gata Ai i Sisifo Mamao, Misuri. Na toe faamatalaina e Pale le ala na otegia ai e Iosefa ia leoleo ma poloaiina i latou e taofi le faaaogaina o na gagana matautia e uiga i le faatiga i le Au Paia.

Faitau atili e uiga i le Falepuipui o Richmond i le Au Paia, Voluma 1, Mataupu 31.

O Mea e Faamoemoeina

Ua le o toe i ai le Falepuipui o Richmond. Ua tuuina e le Mormon Missouri Frontier Foundation se faailoga ma se pa talatala e faailoa ai le nofoaga o le falepuipui i totonu o le pitonuu o nuu taulalata ane. E tapulaa le paka o le magaala.