Falepuipui o Liperate

Mo Iosefa Samita ma isi alii e toalima, o le falepuipui o le itumalo i Liperate, Misuri, o se nofoaga o mafatiaga ogaoga ma le faaaliga mamalu.

I le aso 1 o Novema, 1838, sa pue faapagota ai e le vaegaau o le setete o Misuri ia Iosefa Samita ma isi taitai o le Ekalesia i Sisifo Mamao, Misuri, ma aumaia ai i latou i Richmond i moliaga o le faatupu faalavelave. I le mavae ai o se masina o taualumaga faaletulafono, sa taofia Iosefa Samita, Sini Rikitone, Ailama Samita, Laimani Uaite, Kalepo Pouena, ma Alesana McRae, i le Falepuipui o le Itumalo o Clay e faatali ai lo latou faamasinoga i le tau totogo na sosoo ai. Na tatalaina i tua e se faamasino ia Sini Riokitone i le amataga o Fepuari 1839 ona o se gasegase. Sa taofia ai pea isi e aunoa ma le tatalaina i tua mai le aso 1 o Tesema, 1838 seia aulia le aso 6 Aperila, 1839.

Na fauina e tagata o Liperate, Misuri, le Falepuipui o le Itumalo o Clay i le va o le 1830 ma le 1833. E lua ona potu faatafafa, o le tasi i luga a’e o le isi. Na pau le auala e alu ai i totonu po o fafo, o se avanoa i le potu pito i luga e malupuipuia e ni faitotoa se lua—o le tasi e tatala i totonu a o le isi i fafo—ma papuipui maa mafiafia e fa futu i le va. Sa i ai ni tamai faamalama laiti se lua e i ai pa uamea i le potu pito i lalo e sao atu ai le malamalama ma mafai ai e tagata asiasi ona pasi atu ai tusi i pagota.

Sa onosaia e Iosefa Samita ma ana paaga ia ma’i, malulu, ma le tele o tulaga le lelei faaletino i le falepuipui. Atonu o le tofotofoga aupito faigata o lo latou iloaina lea o tagata o o latou aiga ma uo o loo feagai ma sauaga ma sa leai so latou malosiaga e taofia ai.. I le agai atu i le faaiuga o lo latou taofiga, sa tatalo ai Iosefa i le Atua mo se malamalamaaga ma se laveaiga. O le tali, sa faamafanafanaina e le Alii ia Iosefa ma faaali atu i ai le taitaiga faalelagi ma upumoni e faavavau. Na tusia e Iosefa ia upu a le Faaola i ni tusi se lua i le Ekalesia atoa. O ni vaega o na tusi ua faamaumauina nei i le Mataupu Faavae ma Feagaiga 121

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

Faagasolo Faaleaoga

, 122

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

Faagasolo Faaleaoga

, ma le 123

Leaving Church Domain

You are about to leave our site. The new site has its own terms of use and privacy policy that differ from ChurchofJesusChrist.org

Faagasolo Faaleaoga

.

Faitau atili e uiga i le Falepuipui o Liperate i le Au Paia, voluma 1, mataupu 31–33.

O Mea e Faamoemoe i ai

Ua le o toe i ai le Falepuipui o Liperate na i ai muamua. O se falefaamasino fou na fauina i le 1856 na suia ai le Falepuipui o Liperate, ma i’u ai ina pala ua le mafai ona toe faafou le fale tuai. Sa faatauina e Le Ekalesia a Iesu Keriso o le Au Paia o Aso e Gata Ai le nofoaga i le 1939, ma na faapaiaina e Peresitene Iosefa F. Samita le nofoaga tutotonu fou mo e asiasi mai, i le aso 15 o Setema, 1963. O le tulaga o i ai nei mo asiasiga o loo faaalia ai se ata faataitai atoa o le falepuipui, ma ona fuataga ma le fausaga. O isi vaega o le nofoaga tutotonu mo asiasiga, o loo faaalia ai le tala ia Iosefa Samita ma isi pagota, o o latou aiga, ma faaaliga maoae na maua mai i lenei nofoaga.

O loo i ai foi pakaga ma falelēta’ua.