Dapit sa Pagbunyag Diha sa Pagpahiuli sa Pagkapari

Niadtong Mayo 15, 1829, ang anghel nagpakita ngadto ni Joseph Smith ug Oliver Cowdery didto sa kakahoyan duol sa panimalay sa Smith. Ang anghel “miingon nga ang iyang ngalan mao si Juan, kadto gihapon nga gitawag og Juan Bautista sa Bag-ong Tugon.” Si Juan migtugyan sa Aaronic nga Pagkapari ngadto ni Joseph ug Oliver, naghatag kanila sa awtoridad sa pagbunyag pinaagi sa pagpaunlod alang sa kapasayloan sa mga sala. Gisugo dayon ni Juan si Joseph ug Oliver sa “ paglakaw ug magpabunyag.” Una nga gibunyagan ni Joseph si Oliver, ug dayon gibunyagan ni Oliver si Joseph (Joseph Smith—Kasaysayan 1:68–72). Si Joseph Smith misulat niini nga kasinatian: “Diha-diha sa among pagkawas gikan sa tubig human kami mabunyagi, kami nakatagamtam og mahinungdanon ug mahimayaon nga mga panalangin gikan sa atong Langitnong Amahan...Kami napuno sa Espiritu Santo, ug nalipay diha sa Dios sa among kaluwasan” (Joseph Smith—Kasaysayan 1:73).

Karon, kini nga seksiyon sa Suba sa Susquehanna naghatag og usa ka hilom nga dapit alang sa mga bisita nga mamalandong sa pagbalik sa pagkapari ug sa ordinansa sa bunyag sa atong panahon.

Basaha ang dugang mahitungod sa pagpahiuli sa pagkapari pinaagi ni Juan Bautista ug sa mga pagbunyag ni Joseph Smith ug Oliver Cowdery sa Mga Santos Volume 1, Kapitulo 7.

Unsa ang Mapaabot

Ang mga bisita pwede ra nga maglibot-libot ug maglingaw-lingaw sa Suba sa Susquehanna ug sa dapit nga gibunyagan.

360° nga Pag-aninaw sa Tibuok Palibot