Heber and Vilate Kimball Home

Sa kanilang tahanan, ipinakita nina Heber at Vilate Kimball ang pananampalatayang kailangan para masunod si Propetang Joseph Smith. Sina Heber at Vilate ay kumilos ayon sa paghahayag at nagtulungan sa pagtatayo ng kaharian ng Diyos, kahit na nangailangan ito ng malalaking sakripisyo mula sa kanila at sa kanilang pamilya.

Ang tahanan ng mga Kimball ay natapos noong Nobyembre 12, 1845, pagkatapos ng mga anim na buwan ng konstruksiyon. Ang malaking tahanang ito na yari sa ladrilyo ang pumalit sa bahay na yari sa troso na tinitirhan ng pamilya mula pa noong 1841. Gayunpaman, ang mga Kimball ay hindi nagawang manirahan nang matagal sa kanilang bagong tahanan. Pagkaraan lamang ng tatlong buwan, noong Pebrero 1846, umalis sila sa Nauvoo kasama ang marami pang Banal na patungong kanluran.

Si Heber C. Kimball ay miyembro ng orihinal na Korum ng Labindalawang Apostol ng ipinanumbalik na Simbahan, na inorden sa Kirtland, Ohio, noong 1835 ni Propetang Joseph Smith. Si Kimball ay matatag na miyembro ng Simbahan at tagasunod ng propeta. Ang kanyang asawang si Vilate ay isa ring tapat na Banal sa mga Huling Araw na nanatiling matatag sa kabila ng mga pagsubok. Siya ay sumali sa Female Relief Society of Nauvoo isang linggo matapos ang organisasyon nito at isa sa mga unang babaeng nagsagawa ng mga ordenansa sa Nauvoo Temple. Nang umalis si Heber sa tahanan para maglingkod bilang missionary ng Simbahan, inalagaan ni Vilate ang kanilang pamilya.

Basahin ang tungkol sa sakripisyong ginawa nina Heber at Vilate nang umalis siya para magmisyon sa England sa Mga Banal, Tomo 1, Kabanata 34.

Ano ang Aasahan

Ang Heber at Vilate Kimball Home ay bahagi ng paglilibot sa Homes of the Apostles, na nagsisimula sa Orson and Marinda Hyde Home at nagtatapos sa Wilford and Phebe Woodruff Home. Ang bahay na ito ay may tatlong silid na malilibot nang may gabay na kinabibilangan ng sala, library, at silid-kainan. Ang mga itaas na palapag ay kasalukuyang sarado sa publiko.

360° Walkthrough