Gilbert Whitney & Co. Faleoloa

O le fanua o le Faleoloa o Gilbert ma Whitney e lata i le faatafafa o le taulaga ma sa avea o se vaega o uluai laueleele na faatauina atu o Initipene i le 1827. Na faatau mai e Sidney Gilbert ma Newel K. Whitney le fanua ma sa amata fauina ai le faleoloa i le 1832. O le fale piliki lanumumu e lua fogafale na avea o se faleoloa ma se nofoaga tutotonu e faapotopoto ai le Au Paia. Na avea foi ma faleteuoloa o le epikopo--o se nofoaga faapaiaina na faaaoga e saunia ai mea e faaaoga mo le Au Paia.

I Ohaio, sa avea ai Gilbert o se faatauoloa ma se paaga faipisinisi a Whitney. Na auauna atu foi o ia o se sui o le epikopo (Mataupu Faavae ma Feagaiga 53). Sa malaga Sini ma Iosefa Samita ma isi taitai o le Ekalesia mai Katelani, Ohaio, i Initipene, Misuri, i le taumafanafana o le 1831. I lena malaga, sa faatonuina ai e le Alii ia Sini e nofo i Misuri, lea na ia faia ai le galuega o le faagaoioia o le faleteuoloa a le epikopo i Initipene.

I le Tautotogo o le 1832, sa avatu ai e le Alii le faamalamalamaga e uiga i moomiaga faapisinis i Ohaio ma Misuri. O le a tuufaatasia e le Ekalesia e avea ma kamupani e tasi, po o le faatulagaga soofaatasi, mo le uelefea o e matitiva i le Ekalesia atoa (Mataupu Faavae ma Feagaiga 78, 82). O lea valaau ia saunia e le tasi mea mo le isi na faataatia ai le faavae mo mea ma tupe a le Ekalesia. E ui ina ua le toe faaaogaina e le Ekalesia faaupuga ia e tasi, ae o faama’ite o le uelefea ma le ola tutoatasi i le lalolagi atoa i le taimi nei, o loo faaauau pea ona faataunuu ai nei uluai faaaliga.

Ia Iulai 1833, sa sagole ai e se vaega faatupufaalavelave le faleoloa o Gilbert, ma i’u ai ina leiloloa meatotino taua a le Ekalesia.

Mea e Faamoemoeina

O le taimi nei, ua faaaogaina le fale e fai ma faleoloa o oloa masani. E talileleia tagata asiasi e vailiili fafo o fale ma pue ata ai pe ulufale ai foi i le fale i le taimi masani o galuega.