Ang mga makasaysayang lugar sa Ohio ay nagbibigay ng pagkakataon sa mga bisita na maranasan ang nakaraan at malaman kung paano namuhay at sumamba ang mga naunang miyembro ng Ang Simbahan ni Jesucristo ng mga Banal sa mga Huling Araw. Noong 1831, sa pamamagitan ng paghahayag, ang Kirtland ay naging lugar ng pagtitipon ng mga Banal wala pang isang taon matapos itatag ang Simbahan. Dito inihayag ang mahahalagang doktrina na humubog sa paniniwala ng mga Banal sa loob ng maraming henerasyon, ang unang Bahay ng Panginoon ay naitayo at nailaan, at naipagkaloob sa Propeta ang mahahalagang susi ng priesthood upang maisakatuparan ang misyon ng simbahan sa mga huling araw. Bagama’t sa huli ay kailangang lisanin ng mga Banal ang Kirtland dahil sa banta ng karahasan at magsimula muli sa Missouri, ang pundasyong naitatag dito ay patuloy na nakaimpluwensya sa Simbahan hanggang ngayon. Sa pamamagitan ng ipinanumbalik at muling itinayong mga gusali, naaalala natin ang mga kuwento ng matatapat na indibiduwal na iyon na tumulong sa pagtatayo ng Simbahan sa mga naunang taon na iyon.