Ngaahi Feituʻu Fakahisitōliá

Feituʻu Fakahisitōlia ko Nāvū ʻIlinoisí mo e Fale Fakapōpula Kātesí

Ko e Feituʻu Fakahisitōlia ko Nāvuú mo e Fale Fakapōpula Kātesí ko e -feituʻu ia ne hoko ai ha ngaahi meʻa mahuʻinga ʻi he kamataʻanga ʻo e hisitōlia ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. Ako lahi ange ki he ngaahi fakavaʻe ʻo e Siasí mo hono kāingalotu faivelengá ʻa ia naʻa nau fakataha mai ʻo langa hake ʻa e kolo ko Nāvuú.

ʻIloʻi ʻa Nāvū mo Kātesi

ʻOku ʻomi ʻe he Feituʻu Fakahisitōlia ko Nāvuú mo e Fale Fakapōpula Kātesí ha ngaahi faingamālie lahi ke ako mo maʻu ha ueʻi fakalaumālie. Tatau ai pē pe ʻokú ke ʻaʻahi tonu pe ʻi he ʻinitanetí, ʻoku mau fakaafeʻi koe ke ke vakaiʻi ha ngaahi fale fakahisitōlia, ʻilo ha ngaahi talanoa foʻou, pea fehokotaki mo e kuohilí.

Vakai Fakahisitōlia Fakalūkufua
Ako ki he hisitōlia ʻo e Kāingalotu ʻi Nāvū mo Kātesí ʻi heʻenau langa hake ha kolo fuakavá.
Temipale Nāvuú
ʻIloʻi ʻa e founga ne tokoniʻi ai ʻe he Temipale Nāvuú e Kāingalotú ke nau ʻiloʻi ʻa e ngaahi tāpuaki ne talaʻofa mai ʻe he ʻEikí.
Ko Siosefa mo ʻEma Sāmita ʻi Nāvū
Laukonga lahi ange fekauʻaki mo e moʻui ʻa Siosefa mo ʻEma ‘i Nāvuú.

Fekauʻaki mo e Feituʻu Fakahisitōlia ko Nāvuú

View of a small town with red brick buildings and a white granite temple on the hill in the background.

ʻOku ʻomi ʻe he Feituʻu Fakahisitōlia ko Nāvuú ha faingamālie ki he kau ʻaʻahí ke nau aʻusia ʻa e kuohilí mo ako ki he founga naʻe moʻui mo lotu ai ʻa e fuofua kāingalotu ʻo e Siasi ʻo Sīsū Kalaisi ʻo e Kau Māʻoniʻoni ʻi he Ngaahi ʻAho Kimui Ní. ʻI he ngaahi taʻu ʻo e 1840 tupú, naʻe hoko ai ʻa Nāvū ko ha kolo longomoʻui ne ʻi ai ha temipale maka fakaʻofoʻofa, ko ha fakaʻilonga ʻo e tuí, kītaki, mo e faivelenga ʻa e Kāingalotú. Neongo naʻe pau ke mavahe ʻa e Kāingalotú mei Nāvū ʻo toe kamata ʻi ʻIutā, ka ʻoku kei hokohoko atu pē hono tākiekina ʻa e Siasí ʻi he ʻahó ni ʻe he ngaahi fakavaʻe naʻe fakatoka hení. ʻOku tau manatuʻi ʻa e ngaahi talanoa ʻo e niʻihi fakafoʻituitui faivelenga ko ia naʻa nau tokoni ki hono langa ʻo e kolo fuakavá ni, ʻo fakafou ʻi he ngaahi fale kuo toe fakaleleiʻi mo toe langá.