Ħajtek Għandha Għan u Tifsira

Qatt staqsejtu lilkom infuskom għalfejn tinsabu hawn?

Aħna nemmnu li lkoll kemm aħna eżistejna qabel ma ġiet maħluqa d-dinja u li aħna għexna ma’ Alla bħala wliedu fil-forma ta’ spirtu. Missierna fis-Smewwiet bagħat lil kull wieħed u waħda minna hawn ħalli nkunu nistgħu nirċievu ġisem, nitgħallmu, u nikbru biex insiru aktar bħalu. Hekk kif nimxu wara l-pjan ta’ Alla, aħna nistgħu nerġgħu lura biex ngħixu fil-preżenza tiegħu.

Jekk qatt ħassejt li għandek għan akbar minn sempliċiment li teżisti, għandek raġun. Inti tista’ ssib l-għan tiegħek billi ddur lejn Alla.

L-evanġelju ta’ Ġesù Kristu jwiegħed il-paċi, il-qawwa, u l-ferħ lil dawk li jimxu wara l-kmandamenti ta’ Alla u jitgħammdu fil-Knisja ta’ Kristu.

Iżda l-hena kif tista’ tkun l-għan tagħna meta l-ħajja hiija mimlija tant tbatija? It-tweġiba hi Ġesù Kristu.

Permezz ta’ Ġesù Kristu, aħna nistgħu nsibu l-faraġ fin-niket tagħna u nissaħħu permezz tad-diffikultajiet. Aħna nistgħu nħossu l-gratitudni għall-ħafna ħwejjeġ sbieħ li hemm biex ingawdu f’din id-dinja. Aħna nistgħu ntejbu r-relazzjonijiet ma’ dawk li nħobbu billi ngħixu l-prinċipji li Huwa għallem fil-Bibbja: kompassjoni, servizz, maħfra, u mħabba.

Billi pprovdielna Salvatur, Alla ħoloq triq għal uliedu kollha biex isibu l-hena.

Meta tkunu għaddejjin minn żminijiet diffiċli, jaf jgħin li tiftakru li l-pjan ta’ Alla għalikom imur lilhinn mill-ħajja mortali tagħkom. Hekk kif tagħmlu l-almu tagħkom biex timxu warajh, dak kollu li intom tesperjenzaw xi darba se jiġi rranġat permezz ta’ Ġesù Kristu. Il-Bibbja twiegħed li Alla “jixxuttalhom kull demgħa minn għajnejhom; ma jkunx hemm iżjed mewt, anqas biki jew għajat jew tbatija ma jkun hemm iżjed” (Apokalissi 21:4).

Il-ħajja tinkludi esperjenzi diffiċli għaliex fil-pjan ta’ Alla, l-isfidi li niffaċċjaw jistgħu jkunu għall-benefiċċju u t-tkabbir tagħna. Din it-tbatija tista’ tgħinna niksbu kwalitajiet bħal:

• Qawwa. L-istess bħall-eżerċizzju fiżiku jista’ jsaħħaħna fiżikament, ir-reżistenza li niffaċċjaw tul ħajjitna tista’ tqawwina spiritwalment, mentalment, u emozzjonalment. Din il-qawwa tista’ tgħinna nifilħu għall-maltempati tal-ħajja.
• Empatija. Meta intom tgħaddu minn ċerti sfidi, l-empatija tagħkom tikber. U meta tużaw l-esperjenza tagħkom biex tgħinu lil ħaddieħor f’ċirkustanzi simili, intom tkunu qed tgħinu biex titwettaq il-ħidma ta’ Alla fid-dinja.
• Sabar. Meta tant ma jaqax taħt ikontroll tagħna, inkluż l-għemejjel ta’ ħaddieħor, aħna nistgħu “nittamaw fil-Mulej” (Salm 27:14). Aħna nistgħu nemmnu li kull ħaġa li nsofru b’mod inġust ultimament se tiġi rranġata permezz ta’ Ġesù Kristu.

Alla minn dejjem kien jaf li inti tagħmel l-iżbalji u tkun teħtieġ l-għajnuna biex tegħleb in-niket u d-dnub. Bħala parti mill-pjan ta’ Alla, Huwa pprovdielna Salvatur u Feddej, Ġesù Kristu, biex ibati u jmut għalik u għal kull persuna li qatt għexet. Minħabba s-sagrifiċċju ta’ Ġesù Kristu, intom tistgħu ssibu l-maħfra u l-fejqan.

Bl-għajnuna tas-Salvatur, inti tista’ tegħleb id-dnub, id-dgħjufijiet, il-vizzji ħżiena, u l-vizzji li jżommuk lura. Int tista’ ssir aktarbniedem aktar karitevoli milli kont, bniedem li kapaċi taħfer iktar, iktar umli, u iktar paċenzjuż. Hekk kif issir tixbah aktar lil Kristu, int ikollok xewqa akbar li tkompli miexi fit-triq li twassalek biex terġa’ lura tgħix ma’ Alla.