Alla Jafkom u Jħobbkom

Waħda mill-akbar veritajiet fil-Bibbja hi li aħna lkoll ”ulied Alla” (Atti 17:29), maħluqa fi xbieha tiegħu. Bħala wlied Alla, intom għandkom potenzjal infinit u valur infinit.

Ġesù Kristu għallem li Alla huwa konxju tagħna. Huwa jaf kull darba għasfur tal-bejt jaqa’ fl-art, u aħna ”aqwa minn ħafna għasafar tal-bejt” għalih (Mattew 10:29–31). Matul kull diffikultà li tiffaċċjaw, intom qatt ma tkunu weħidkom. Alla jafkom perfettament u jaf x’għandkom bżonn biex tgħinkom tibqgħu sodi fl-isfidi tagħkom u tħossu mħabbtu.

Alla Jisma’ bħal Missier li Jħobb

Bħala Missierna fis-Smewwiet, Alla jrid jisma’ mingħandna. Huwa jinsab ħerqan biex jagħtikom il-gwida, u intom tistgħu tkellmu miegħu permezz tat-talb.

Alla Jrid Jitkellem

It-talb huwa aktar minn sempliċiment mod ritwali jew mod kif ngħidu lis-smewwiet x’irridu—hija konverżazzjoni. Tistgħu titkellmu ma’ Alla dwar il-ħwejjeġ li intom grati għalihom, it-tamiet u l-ħolm tagħkom, l-inkwiet tagħkom, u l-ħwejjeġ li għandkom bżonn.

Alla Jisma’ u Jwieġeb

Alla jisma’ u jwieġeb talbna. It-tweġibiet għat-talb dejjem jaslu, anke jekk jieħdu ż-żmien jew mhumiex it-tweġibiet li stennejna jew li ttamajna għalihom. Aħna nistgħu nrattbu qalbna biex naċċettaw ir-rieda tiegħu għalina. It-tweġibiet għat-talb jistgħu jieħdu ħafna forom, inkluż ħsibijiet u sentimenti, l-għemejjel ta’ xi ħadd ta’ madwarkom, jew skrittura li tmissek f’qalbek.

Jekk intom titqabdu ma’ ċerti dubji jew ma’ sentiment ta’ skonnettjar minn Alla, intom tistgħu titgħallmu tagħrfu aħjar il-preżenza tiegħu f’ħajjitkom.

• Iddedikaw ħin kuljum biex tinsew id-distrazzjonijiet u tikkollegaw ruħkom ma’ Alla.
• Itolbu regolarment. Itolbu biex tħossu mħabbtu!
• Studjaw il-kelma ta’ Alla fl-iskrittura.
• Żommu djarju biex tirreġistraw barkiet u suġġerimenti spiritwali.
• Tkellmu ma’ ħbieb u membri tal-familja li tafdaw fihom dwar kif huma jħossu l-imħabba ta’ Alla.
• Ipprattikaw l-imħabba Kristjana permezz tas-servizz u l-maħfra.