I le amataga o le Taimi o le Meleniuma, o le a toe foi mai ai Keriso i le lalolagi. O lenei taimi o le a faailogaina ai le iʼuga o le olaga faaletino o lenei lalolagi. O le a aveesea tagata amioleaga mai le lalolagi ma o e amiotonu o le a sii aʼe i luga i se ao aʼo faamamaina ai le lalolagi. E ui ina leai se tasi na te iloaina le taimi tonu e afio mai ai Keriso mo le taimi lona lua, ae na ia tuuina mai ia te i tatou faailoga e tulimatai atu i ai e faailoa mai ai ua latalata mai lava le taimi (Mata. 24 ; IS—M 1 ).
O aso amuli e tulai mai ai loʼu Togiola i luga o le eleele, Iopu 19:25 .
E tootuli mai ia te aʼu o tulivae uma, e tauto mai laulaufaiva uma, Isai. 45:23 (MF&F 88:104 ).
Ua afio mai i ao o le lagi lē e pei o le Atalii o le Tagata, Tani. 7:13 (Mata. 26:64 ; Luka 21:25–28 ).
Latou te vaavaai mai ia te aʼu na latou tuʼia, Saka. 12:10 .
E fai mai se tasi, o a ea ia manuʼa i ou lima? Saka. 13:6 (MF&F 45:51 ).
O ai se na te lavā tali le aso o lona afio mai? auā o ia e tusa ma le afi a le tunu auro, Mala. 3:2 (3 Ni. 24:2 ; MF&F 128:24 ).
E afio mai le Atalii o le Tagata i le mamalu o lona Tamā, Mata. 16:27 (Mata. 25:31 ).
O lea aso ma lea itu aso e lē ilo a e se tasi, ua nao loʼu Tamā lava, Mata. 24:36 (MF&F 49:7 ; IS—M 1:38–48 ).
O Iesu lena e faapea ona toe afio mai o ia pei o lona afio atu i le lagi na outou vaavaai i ai, Galu. 1:11 .
E afio ifo mai le lagi Le Alii lava, 1 Tesa. 4:16 .
E sau le aso o le Alii pei o se gaoi i le po, 2 Pete. 3:10 .
E afio mai le Alii ma ana au paia e manomano, Iuta 1:14 .
E afio mai o ia i āo; e iloa atu foi o ia e mata uma, Faaa. 1:7 .
Inā outou saunia ia, inā outou saunia ia, ona ua latalata mai le Alii, MF&F 1:12 .
O le a ʼOu faaali atu aʼu lava mai le lagi i le mana, ma mau i luga o le faogaeleele i le afe o tausaga, MF&F 29:9–12 .
Sii i luga lou leo ma alaga atu le salamo, ia saunia le ala o le Alii mo lona afio mai faalua, MF&F 34:5–12 .
O Aʼu o Iesu Keriso, ma o le a faafuasei ona ʼOu alu atu i loʼu malumalu, MF&F 36:8 (MF&F 133:2 ).
Ua lata ona oo mai o le aso o le a outou vaai mai ai ia te aʼu, ma outou iloa ai ua i ai Aʼu, MF&F 38:8 .
O lē e mataʼu ia te aʼu o le a tulimatai atu mo faailoga o le afio mai o le Atalii o le Tagata, MF&F 45:39 .
O le a afe ese le veli mai fofoga o le Alii, MF&F 88:95 .
Ua lata mai lava le aso tele ma le matautia o le Alii, MF&F 110:16 .
A afio mai le Faaola o le a tatou vaai ia te ia e pei ona i ai o ia, MF&F 130:1 .
O le a tu le Faaola i le lotolotoi o lona nuu ma o le a nofotupu, MF&F 133:25 .
O ai lenei ua sau ilalo mai le Atua i le lagi ma ofu faalanuina, MF&F 133:46 (Isai. 63:1 ).