Isamaeli, le Atalii o Aperaamo Tagai foi ia Aperaamo; Akara I le Feagaiga Tuai, o se atalii o Aperaamo ma Akara, o le auauna tamaitai Aikupito a Sara (Kene. 16:11–16). Na folafola mai e le Alii ia Aperaamo ma Akara o le ʼa avea Isamaeli o le tamā o se atunuu tele (Kene. 21:8–21). Na oʼo mai le feagaiga e ala ia Isaako ae le o Isamaeli, Kene. 17:19–21 (Kala. 4:22–5:1). Na faamanuia e le Atua ia Isamaeli o le ʼa uluola o ia, Kene. 17:20. Na fesoasoani Isamaeli i le tanuina o Aperaamo, Kene. 25:8–9. Ua taʼu mai igoa o atalii e toʼasefululua o Isamaeli, Kene. 25:12–16. Ua oti Isamaeli, Kene. 25:17–18. Ua ave e Esau le afafine o Isamaeli, o Maʼalata, e fai ma ana avā, Kene. 28:9.