1007
O Le Areto Ua Tofi Mai
1. O le areto ua tofi mai,
Lou tino ua faatusa ai.
Ua manatua o Ou tiga
I luga o Kalevaria.
2. Ua matou inu nei i le vai,
Lou toto sa faamaligi mai.
Le Alii e ia faamamā
O matou loto vaogatā.
3. Ia salamo moni i matou nei
Ma lafoai le māsesei.
Ia faamagalo mai i matou,
E maua ai le loto fou.
4. O Lou suafa le Faaola e,
Ua matou faanaunau i ai.
Auina mai Lou Agaga Sa,
Ia matou maua le ala.
A o faia le Talisuaga Mulimuli a le Faaola, na Ia “tago ai le areto, ua ia faafetai, ona tofitofi ai lea ma fai atu, Ina tago ia, ina aai; o lo’u tino lenei ua tofitofi ma sui o outou, ia outou faia lenei mea ma faamanatuga ia te a’u” (1 Korinito 11:23–24). Sa manu’anu’a le tino o le Faaola a o faasauāina o Ia ma tutu’iina i le satauro. Ae sa taunuu ai le tasi valoaga auā e le’i gauia sona ivi (tagai i le Ioane 19:32–36).
Upu: Stephen A. Reynolds, 2018; Faaliliuga Samoa 2026
Fati: Stephen A. Reynolds, 2018 | WHEELER PARK
© 2024 Intellectual Reserve, Inc.; Faaliliuga Samoa © 2026 Intellectual Reserve, Inc. All rights reserved. O lenei pese e mafai ona kopiina mo le faaaogaina i le Lotu po o le aiga i mea e le faapisinisi. O lenei faasilasilaga e tatau ona tuu i luga o kopi taitasi e faia.
1 Korinito 11:23–26