ගුරු සභා රැස්වීම්—දෙමාපියන් සහ කැඳවා ඇති ගුරුවරුන් සඳහා

මෙම රැස්වීම් මෙහෙයවන්නේ කවුද? සාමාන්‍යයෙන් දෙමාපියන් සඳහා ගුරු සභා රැස්වීම් මෙහෙයවන්නේ ඉරිදා පාසල් සභාපතිත්වයේ සාමාජිකයෙකි. කෙසේ වෙතත්, සභානායකත්වයට වෙනත් කොට්ඨාශ සාමාජිකයින්ට යම් අවස්ථාවන්හිදී රැස්වීම් මෙහෙයවීමට පැවරිය හැකිය.

ඉරිදා පාසල් සභාපතිත්වයේ සහාය ඇතිව කොට්ඨාශ සභාව විසින්, මෙම දෙමාපියන් සඳහා ගුරු සභා රැස්වීම් අධීක්ෂණය කරයි. ඔවුන් දෙමාපියන්ගේ සහ පවුල්වල අවශ්‍යතා ගැන එකට එක්ව සාකච්ඡා ක​ර​න අතර, ගැලවුම්කරුවාණන්ගේ ආකාරයට ඉගැන්වීම හි කුමන මූලධර්ම එම අවශ්‍යතා වඩාත් හොඳින් සපුරාලන්නේද යන්න තීරණය කිරීමට ඔවුන් එකට එක්ව කටයුතු කරයි.

සහභාගි විය යුත්තේ කවුද? කොට්ඨාශ සභාව නිශ්චිත දෙමාපියන්ට ආරාධනා කරන්නේද නැතහොත් සහභාගී වීමට කැමති සියල්ලන්ටම පැමිණීම විවෘත කළ යුතුද යන්න තීරණය කරයි.

මෙම රැස්වීම් පැවැත්විය යුත්තේ කවදාද? කොට්ඨාශ සභා රැස්වීම මගින් තීරණය කරනු ලබන පරිදි දෙමාපියන් සඳහා ගුරු සභා රැස්වීම් ඕනෑම ඉරිදා දිනයක පැවැත්විය හැකිය.

මෙම රැස්වීම් මෙහෙයවන්නේ කවුද? සාමාන්‍යයෙන් කැඳවා ඇති ගුරුවරුන් සඳහා ගුරු සභා රැස්වීම් මෙහෙයවන්නේ ඉරිදා පාසල් සභාපතිත්වයේ සාමාජිකයෙකි. කෙසේ වෙතත්, සභානායකත්වයට වෙනත් කොට්ඨාශ සාමාජිකයින්ට යම් අවස්ථාවන්හිදී රැස්වීම් මෙහෙයවීමට පැවරිය හැකිය.

ඉරිදා පාසල් සභාපතිවරයාගේ සහාය ඇතිව කොට්ඨාශ සභාව විසින්, මෙම කැඳවා ඇති ගුරුවරුන් සඳහා ගුරු සභා රැස්වීම් අධීක්ෂණය කරයි. ඔවුන් ගුරුවරුන්ගේ සහ ඉගෙනගන්නන්ගේ අවශ්‍යතා ගැන එකට එක්ව සාකච්​ඡා කර​න අතර, ගැලවුම්කරුවාණන්ගේ ආකාරයට ඉගැන්වීම හි කුමන මූලධර්ම එම අවශ්‍යතා වඩාත් හොඳින් සපුරාලන්නේද යන්න තීරණය කිරීමට ඔවුන් එකට එක්ව කටයුතු කරයි.

සහභාගි විය යුත්තේ කවුද? කොට්ඨාශයේ ගණපූරණයක හෝ පන්තියක උගන්වන සෑම කෙනෙකුම ගුරු සභා රැස්වීම්වලට සහභාගි විය යුතුය. ගණපූරණ සහ සංවිධාන සභාපති සාමාජිකයින්ට ද ආරාධනා කෙරේ.

මෙම රැස්වීම් පැවැත්විය යුත්තේ කවදාද? ගුරුවරුන් ඔවුන්ගේ නියමිත පන්තියට උගන්වන්නේ නැති ඉරිදා දිනක ගුරු සභා රැස්වීම්වලට සහභාගී වේ.

• ප්‍රාදේශීය නායකයින් විසින් තීරණය කරනු ලබන පරිදි, පූජකවර ගණපූරණ, සහන සමිතිය, සහ තරුණ ගැහැණු ළමුන්ගේ ගුරුවරුන්ට පළමු හෝ තුන්වන ඉරිදා සහභාගි විය හැකිය.

• ප්‍රාදේශීය නායකයින් විසින් තීරණය කරනු ලබන පරිදි ඉරිදා පාසල් ගුරුවරුන්ට දෙවන හෝ හතරවන ඉරිදා සහභාගි විය හැකිය.

• කොට්ඨාශයේ ප්‍රාථමික සහ ඉරිදා පාසල් සභාපතිත්වයන් විසින් තීරණය කරනු ලබන පරිදි, ප්‍රාථමික ගුරුවරුන්ට ඕනෑම ඉරිදා දිනක සහභාගී විය හැකිය. අවශ්‍ය නම්, ප්‍රාථමික ගුරුවරුන්ට වෙනත් ගුරුවරුන්ගෙන් වෙන්ව මුණගැසී දරුවන්ට ඉගැන්වීමේ සුවිශේෂී අංගයන් පිළිබඳව සාකච්ඡා කළ හැකිය. මෙය විනාඩි 20ක ගායන කාලය තුළ, සාමාන්‍ය ඉරිදා රැස්වීම් වලට පෙර හෝ පසුව හෝ සතියේ වෙනත් දිනයක සිදුකළ හැකිය. ප්‍රාථමික ගුරුවරුන් සඳහා කාර්තුමය වශයෙන් ගුරු සභා රැස්වීම් එකකට වඩා පැවැත්විය හැකි අතර එමඟින් ඔවුන් සියලුදෙනාටම එකම සතියක් තුළ ප්‍රාථමික පන්ති මගහැරෙන්නේ නැත. (සටහන: අවශ්‍ය පරිදි, ප්‍රාථමික ගුරුවරුන්ට ගුරු සභා රැස්වීම් වලට සහභාගි වීමට අවසර දීම සඳහා, ප්‍රාථමිකයේ සභාපතිත්වය විසින් ආදේශක ගුරුවරුන් පත්කිරීම, පන්ති ඒකාබද්ධ කිරීම, හෝ වෙනත් කටයුතු සැලසුම් කරයි.)

ගුරු සභා රැස්වීම්—දෙමාපියන් සහ කැඳවා ඇති ගුරුවරුන් යන දෙගොල්ලන්ම සඳහා—මෙම ආකෘතිය අනුගමනය කරන්න:

1. බෙදාගන්න සහ එකට එක්ව සාකච්ඡා කරන්න (විනාඩි 20ක් පමණ). දෙමාපියන්ට හෝ ගුරුවරුන්ට නිවසේ හෝ ඔවුන්ගේ පන්තිවල ශුභාරංචිය උගන්වන විට හොඳින් ක්‍රියා කරන දේවල් බෙදා ගැනීමට ආරාධනා කරන්න. ඔවුන් මුහුණදෙන අභියෝග හෝ ඔවුන් දියුණු කර ගැනීමට කැමති දේවල් ගැන බෙදා ගැනීමටද ඔවුන්ට හැකිය.

2. එකට එක්ව ඉගෙන ගන්න (විනාඩි 15ක් පමණ). ගැලවුම්කරුවාණන්ගේ ආකාරයට ඉගැන්වීම හි එක් මූලධර්මයක් දෙමාපියන් හෝ ගුරුවරුන් සමඟ සාකච්ඡා කරන්න. එන්න, මා අනුගමනය කරන්න මෙම සාකච්ඡා සඳහා සම්පතක් ලෙසද භාවිතා කළ හැකිය.

3. සැලසුම් කර ආරාධනා කරන්න (විනාඩි 10ක් පමණ). රැස්වීමේදී ඔවුන් ඉගෙන ගත් දේවල් සහ ඒවා අදාළ කර ගැනීමට සැලසුම් කරන ආකාරය බෙදා ගැනීමට දෙමාපියන්ට හෝ ගුරුවරුන්ට ආරාධනා කරන්න.

6:15